ساعة فطار من 4 لـ(70)

إذا كنت من ذوي الأسر الصغيرة المحدودة التي لا يزيد عدد أفرادها بأي حال عن 4 أو 5 أفراد في الحالة الطبيعية و13 فردا في العزومات، فحتما ستدهشك ساعة فطار عائلي يصل عدد أفراده 70 بني آدم، ليس هذا في إحدى موائد الرحمن ولكنهم أقرباء جدة زوجي فقط!

ما شاهدته يوم الفطار الجماعي ـ كما أطلقت عليه ـ يعد من تلك الأشياء المبهرة الجديدة في حياتي التي لم تعتد على مثل هذا الزحام، فمعظم افطاراتي السابقة قبل زواجي كانت رباعية(أمي وأختي وأخي).. فكان السؤال في ذهني.. كيف لهذا العدد من البشر الالتقاء في منزل؟ وكيف – رغم الزحام- لم تفارق الابتسامة وجوههم طوال وقت الطعام الذي امتد طبعا لحين التأكد من حصول كل منهم على نصيبه من محشي الكرنب وورق العنب الذي تتفنن حماتي في صنعه..

قبل الفطار

وصلت متأخرة فكانت الساعة قد اقتربت من الخامسة وهو ما أثار حنق حماتي، فمن المفترض إنني زوجة ابنها الكبير والمفروض تكون إيدي بإديها في المطبخ، لكن ما لم تعرفه هي أن ابنها كان يحتاج مساعدتي في عمله وأنه هو سبب التأخير..

عموما وصلت، لأجد في المطبخ غرفة عمليات تتكون من حماتي واثنتين من سلايفها (زوجة أخ الزوج) وحماتها (جدة زوجي) وأخت زوجي وابنتي عمه، والهدف من وجودهم جميعا هو السيطرة على طواجن المكرونة بالباشمل، والجلاش باللحمة المفرومة، وصاجات الفراخ المشوية، وأخيرا حلل المحشي الذي تنوع بين الكوسة، ورق العنب، الكرنب، الفلفل، وشوربة لسان العصفور..

بسرعة البرق بحثت عن المهام التي لم تنجز بعد، فكان من نصيبي صنع السلاطة للصائمين وهي مهمة صعبة ليس فقط لأن سلطة رمضان لها طبيعة خاصة، ولكن لأنها لابد أن تكفي 70 شخصا.. والحمد لله نجحت التجربة.

المهمة الثانية هي إعداد أطباق صغيرة بها بلح وتوزيعه على السفرة وهي مهمة بسيطة، وبعدها مباشرة توزيع الأطباق والملاعق والشوك انتظارا لمدفع الإفطار..

كل هذه الأشياء كانت تسير في اتجاهها الصحيح، لكن الساعة قاربت على السادسة إلا ثلث ولم يأت فرد واحد من السبعين، ليقف حمايا في البلكونة وحالة القلق تخيم عليه ويستخدم موبايله ليعرف سبب هذا التأخير غير المتوقع..

أخيرا ظهرت السيارات والكلاكسات، وبدأت الأفواج تتوالى مع آذان المغرب لتسود حالة من الهرج والزحمة، أما أنا فكنت الشخص الوحيد غير المستوعب للموقف والدهشة تصاحبني وحدي..

تم إخلاء غرفتين لصلاة المغرب واحدة للرجال والأخرى للنساء.. بعد صلاة المغرب التي لم أحظ بها قبل الإفطار لانشغالي بنقل الأصناف السابقة إلى السفرة، بدأت أشعر ببعض الفهم للموقف وإنها ساعة فطار مختلفة تماما..

تم بحمد الله

مراسم الإفطار بدأت بعد الصلاة مباشرة والبعض حصل على كرسي فجلس واستراح والبعض الآخر لم يحصل على كرسي ولا حتى وجبة الإفطار ومنهم أنا وباقي نساء العائلة (حماتي وسلايفها وبناتهم)، طبعا لأننا أصحاب البيت.

تم ملء الأطباق التي فرغت مرات عديدة، ولكن الحمد لله انتهى الفطار على خير وحصل كل منهم على وجبته كاملة وجلسنا نحن بعدها لنفطر بعد يوم صيام طويل ومرهق وغريب..

بعد الفطار ومع هذا العدد طبعا كمية الأطباق المتسخة تفوق تلك التي يستخدمونها في إعلان عن جودة مواد تنظيف الأطباق، ولكن بنات العائلة المعزومين قاموا بالواجب وزيادة، فتم تقسيم المهام بين إخلاء السفرة من الأطباق الفارغة، وغسيل الأطباق، وصنع أكواب كثيرة من الشاي، لنحصل جميعا على فطار مختلف أعقبه نصف ساعة من الحديث حول آخر أخبار كل شخص وأهم المستجدات التي حدثت خلال الفترة الأخيرة..

أذنت العشاء، ونزل الرجال للصلاة بينما خلد بعض النساء للراحة.. راحتي اختلفت عنهم كثيرا، فلفرط تعبي دخلت غرفة للراحة بضع دقائق لأغرق في نوم عميق انتهي في تمام الساعة العاشرة، لأجد البيت خالي تماما إلا من العائلة المكونة من 10 أفراد تقريبا.. وكل رمضان وعائلتي الجديدة طيبة.

ــــــــــــــــــــ

ملحوظة الصور هي صور حقيقية للإفطار

867a

ربنا يكتر

أرسل هذا التعليق بواسطة : الطحاوي

ومع ذلك لسه يتحلمي بضيوف ..

يييييع

أرسل هذا التعليق بواسطة : مءروف

يييييييييع بضميييييييييييييير كتابتك بتستفذني موت وكل موضوع أكتر م الي قبلو

رد على ييييييع مءروف

أرسل هذا التعليق بواسطة : فهمك كويس

والنبي تتلهي على عينك وعين اهلك

انا فهمك كويس وعارف انت بتعمل كده ليه

وانت شغلك زي الزفت والنيله

موضوع جميل بس متفبرك

الموضوع جميل وفكرته حلوه بس طبعا 100% متفبرك

ربنا يزيد و يبارك

اولا ازيك يه دعاء و كنت بعت تهنئه متاخره برمضان لكل العشريناتيه فى استفتاء المسلسلات بس دى فرصه اقوللك بنفسى رمضان كريم و ليكى و للبراء

اللى بتوصفيه ف موضوعك ده بيحصل فى اى افطار او حتى تجمع عادى لعيلتنا

و الله كانك بتتكلمى بلسانى

هنقول ايه

هى دى العيله المصريه

انت فين

أرسل هذا التعليق بواسطة : احمد كمال

هى دى مصر يا دعاء

بنحب اللمة ونحب الونس ونحب ريحة الريحة من قرايبنا

وفى رمضان يا دعاء والعيد لنا تقاليد

بنروح المقابر بعد صلاة العيد

وبنرجع من هناك على بيت اللى مات لة قريب ونعيد على اهلة ونواسيهم ونحسسهم ان لهم اهل

بنعلم اطفالنا زى اجدادنا ما علمونا انهم من غيرنا يروحوا بنفسهم يعيدوا على اعمامهم وعماتهم وخالهم وخالتهم

العيلة لها معنى عندنا

وفى صوان الميتم بتلاقى كل العيلة واقفين بياخدوا العزاء

وبتلا قى الستات مع بعض

بنحب التجمع فى المناسبات السعيدة

انا فى احد المرات قطعت الف كيلوا متر علشان امى قالت لى عايز اشوفك وقعدت معاهاساعتين بس

دى عادتنا ودى تقاليدنا

احنا مش خواجات

مطلوب نعلم اطفالنا اللمة ويعرفوا واجب العيلة الكبيرة

بكدة تبقى الحياة لها طعم ومعنى

شكرا ياست دعاء على موضوعك اللطيف

ماهو انت برضة ست من مصر

انا ونفين نيفي نوفا

يا سلام با بت يا نفين لو نتجوز انا وانتي ويتقفل علينا باب ونبقى لوحدينا كده

آآآآآآآآآآآآآآآآآه يا بت

helw awey

أرسل هذا التعليق بواسطة : salma

ya nhar abyad de hagat zay eley bte7sal me3aya belzabt bas bsaraha e7na kona 30 bany adam bas allah ykon fe 3onek 3ala fekra dah awel ramadan leya ma3 ahl gozy ana kamak....enty btekteby helw awey

الى احمد كمال معاك و لكن

اولا الاخ اللى طالب يتجوزنى معلش انا انكتب كتابى للاسف

لو كنت جيت بدرى شويه

ما علينا

بالنسبه لكلام استاذ احمد كمال كلامك جميل جدا و زياره المقابر اكيد عظه و تذكره بالموت و فعلا بتريح النفس لانها بتفكرنا _و ان بكينا_باحبابنا بس انا بدعوك و بدعو كل الشباب اننا ف العيد و العيد بالذات نزور دور الايتام و دور المسنين لان صدقنى الناس دى سواء الاطفال الايتام او المسنين بيبقو فعلا مفتقدين احساس اللمه و العيله

و يا رب محدش ينحرم من الاحساس ده ابدا

عارفه يا بت يا نوفا

أرسل هذا التعليق بواسطة : هوووووووووبه

دا تالت رمضان يعدي عليا بره مصر مش عايزه اقولك احساسي ايه

كل الللي حواليا فاطرين ومفيش احساس برمضان خالص مالص

وكل ما انيجي نعرف الادان نجري علي النتيجه لا في اذان ولا ديولو دا غير اللمه وماما واخواتي اااااااااه يا بت

يلا انا شاء الله رمضان اللي جاي نزله ومبروك كتب الكتاب يا نوفا

ضحيك هنايا فداه وحعيش على ذكراه

أرسل هذا التعليق بواسطة : عاشق نفين

معلش يا نفين

يا هناه يا سعده اللي حيتجوزك

امه دعياله في ليلة القدر

انه اتجوز واحدة بالرئة والجمال بتوع حضرتك

وما عنديش حاجه اقولها خير اني اتمنى اني اشوفك سعيدة

وضحيت هنايا فداه وحعيش على ذكراه

وما اتحرمش من اني اقرأ تعليقاتك ابدا

يوم جميل

أرسل هذا التعليق بواسطة : اسكندراني اوي

انا حضرت افطار عيله فيه لحد 13 واحد وواحده

اما 70 فربنا يكون في عون الناس اللي حضرت واللي كلت

كل سنه والجميع بخير

تحياتي

70؟؟؟؟

أرسل هذا التعليق بواسطة : ريما

كل عامو انتو بخير

ومش كتير يا دعاء 70؟ الله يكون عون حماتك

مبروك يا نوفا...و عقبال ما نفرح بالنونو الصغير...اخبار الماستر ايه؟

حبايبى يا غاليين

و الله حبايبى يا غاليين على راى فريد

لما اقول غاليين يبقى هوبه..اولا الله يبارك فيكى يا هوبه و لما هنتقابل هحكيللك كل حاجه علشان الموضوع كبير

وصلتنى ال offline

يا هوبه و زى ما تفقنا بعد العيد

متنسيش يا بت

و ريما ميرسى يا رورو و انتى بالمناسبه وحشانى

فينك بقى

بالنسبه للمجستير يبقى التعد

يل فى البلا للمره المليون على ما هو عليه و على المتضرر اللى هو حضرتى انى اخبط راسى ف اجمد حيطه

لسه متعطله و الله يا ريما ادعيلى

انا فعلا محتاجه دعوات الناس اللى بيحبونى ف الموقع

انت الي وحشاني يا نوفا

أرسل هذا التعليق بواسطة : ريما

ان شاء الله خير يا نوفا و بكرة تاخدي و رينا يفرحك

انا عقبال عندك انشغلت بالبابي... صار عندي بنوتة زي القمر...طبعا ا انا امها شو رح اقول يعني؟...هههه

و انزلت على عمان و ارجعت من شهر... بس هالعصفورة ماخدة كل وقتي... بكرة تجربي ان شاء الله