رمضان الجامعة.. بادي ومكياج ومعاكسة

رمضان في الجامعة.. والجامعة في رمضان.. جملتان محصلتهما واحدة، حيث تصوران لنا التناقضات العديدة لطلاب الجامعة في الشهر الكريم، سواء في الملبس أو التصرفات أو السلوكيات..

فبمجرد دخول الجامعة نجد كرنفالا لأزياء الطالبات ولا مانع من وضع رتوش مكياجية، وعلى حد تعبير أحد الطلاب: "البنات من غير ماكياج ما تتشفش"!.

أما المعاكسة فمستمرة، لكن استبدلت طقوسها بنظرة ثم تليها جملة "اللهم إني صائم"، فهي جملة لا تكف عن التردد في أنحاء الجامعة على لسان الطلاب.

وعن السلوكيات فحدث ولا حرج.. الفتاه التي ترتدي النقاب تجلس مع عدد من الشباب تضحك ولا مانع من "شيك هاند" بسيط، أما الفتاة التي ترتدي الجينز فجالسة مع صديقتها في حديقة الجامعة يتحدثون في أمور الدين ولا مانع من التطرق إلي الحديث في أمورهن الشخصية.

عن هذه التناقضات كانت جولتنا في جامعة القاهرة لنرصد لكم أول يوم دراسة في رمضان..

حجاب بالجينز

في البداية تقول "لبني" وهي فتاه محجبة لكنها تضع ماكياجا كثيفا على وجهها: "أنا رمضان عندي زي كل الشهور، وبصراحة أكرة التناقضات التي يعيشها الشعب المصري، يعنى إيه ارتدي حجاب بالنهار وأخلعه بالليل؟ ده قمة التناقض وأنا لي أصحاب كتير بهذا الشكل، لذا أصر على أن أعيش حياتي بشكل طبيعي في هذا الشهر".

تخالفها في الرأي صديقتها "منه الله"، التي ترتدي الجينز وعلى رأسها نصف حجاب، قائلة: "لا طبعا كلام لبنى غلط.. فرمضان فرصة لإكثار الحسنات فيه، وأشبه بالاوكازيون الذي لابد من استغلاله، لذا فاحتراما له وضعت الحجاب على رأسي لعل وعسى أرتبط بالحجاب فأقرر أن ارتديه بصفه نهائية، فحكم الله علينا أرحم كثيرا من حكم البشر".

بعد حديثي مع لبنى ومنه وجدت عضوات فريق الكشافة يحتللن جانبا من الجامعة، فرمضان لم يمنعهن من مزاولة نشاطهن الكشفي بشكل عادي وارتداء الجينزات والباديهات ومساحيق لا تشاهد وجوههم من كثرتها!

بدون ماكياج

أما "سها السروجي"، فتاه بدون حجاب لكنها بدون ماكياج، فتقول: "بصراحة الحجاب سوف ارتديه حينما تكتمل قناعتي به، لأنه ليس مجرد غطاء للرأس والسلام بل له وقاره واحترامه، وحينما أقرر أن ارتديه فسأتخلى عن أشياء كثيرة في حياتي مثل الجينزات والباديهات، فقط أحاول ألا أضع ماكياج حتى لا ألفت النظر وصيامي يكون مقبولا".

وبينما كنت أتحدث مع بعض الفتيات لمحت شاب يعاكس فتاه قائلا لها: "اللهم إني صائم".. اقتربت منه لأسأله: هل أنت صائم؟ قال: الحمد لله صائم، ولا تعتقدي إني بعاكس أنا عارف أن المعاكسة حرام في رمضان، لكن مناظر البنات بصراحة تستفزني، يعنى المفروض إنهم يراعوا أن في ناس صايمة والنظر إليهن حرام لهن ولنا، فلماذا إذن التبرج في هذا الشهر اللي بنقول فيه يا رب حسنة، فأنا أحاول بجملة "اللهم إني صائم" أن أجعلهم يخجلون من ملابسهم فقط وهذا هو قصدي".

يتدخل عمر، طالب بسياسة واقتصاد، قائلا: "النظر إلى الفتيات في رمضان وغير رمضان حرام لكن نحاول أن نغض أبصارنا بأي طريقة حتى لا نرتكب إثما في هذا الشهر ونندم عليه، لكننا في حاجه إلي تشجيع من الفتيات بأن يحتشموا بقدر الإمكان في رمضان، فالإسلام يوصي بالزي المحترم، وإذا كان علّي سوف أجعل زوجتي في المستقبل ترتدي المَلس"!.

نميمة وتناقضات

أما علي الشامي، آداب اجتماع، فيقول بمنتهى الجرأة: "يا جماعة ربنا اللي في رمضان هو ربنا اللي في كل الشهور.. وعن نفسي فأنا مندهش من الفتاه التي أرتبط بها، فهي تقول لي المفروض ما نتكلمش قبل الإفطار!، بصراحة شيء غريب ومستفز، يعني كده هي مقتنعة أن علاقتنا غلط، فلماذا إذن تتحدث معي بعد الإفطار وتخرج معي؟".

داليا العزيزي، آداب لغات شرقية، تقول: "أنا بصراحة أرى أننا في رمضان بنتعامل مع بعض بشكل غريب، بمعنى أن هناك واحده من صديقاتي طلبت مني ألا أحدثها قبل الإفطار لأننا على حد قولها نمامين، ورغم كده بعد الإفطار نخرج للخيم الرمضانية ونتحدث مع بعضنا وننم براحتنا على الناس، ولما سألت صديقتي عن تصرفاتها الغريبة قالت لي: (يا ستي أهو شهر ويعدي.. استحملي)!".

وأنت.. احكي لنا عن رمضان في جامعتك؟

c2b3

الفتاه التي ترتدي النقاب تجلس مع عدد من الشباب تضحك ولا مانع من "شيك هاند" بسيط،

اكيد الفتاة دي مخبر ومخلص شغل

الاسرة هى الااساس

البنت تمثل الاسرة التى تخرج منها

الرجل المحترم والسيدة المحترمة تكون بنتهم محترمة وحشمة وعارفة يعنى اية رمضان ويعنى اية صوم

امااللى بيروحوا الجامعة وكانهم رايحيين كبارية او حفلة زواج ووشهم ملطخ بكيلو بوهية من كل الالوان فهؤلاء من اسر غير محترمة او اصحاب ديانة اخرى يغيظون المسلمون فى شهر الصيام

وكل اناء بما فية ينضح

لكل ساقطة فى الحى لاقطة ان الطيور على اشكالها تقع

ربنا يهدى

أرسل هذا التعليق بواسطة : ayat alla

رمضان فى الجامعة ليس بهذه الصورة الفظيعة فكما يوجد السىء يوجد ايضا المحسن

وبالنسبة للمنتقبة اللى جالسة مع الشباب ومافيش مانع شيك هاند اقول انها ليست منتقبة والله يسامحها على افعالها لانها تسيىء للمنتقبات فهى ترتدى النقاب شكلا وموضة وليست ترتديه عبادة لله عز وجل

لكن جملة اللهم انى صائم تتردد كثيرا بلا شك لان فى بنات لا تعرف ان رمضان هل هلاله ولسه عايشين حياتهم بطبيعة غريبة ربنا يهدينا ويهديهم جميعا

الفتاه التي ترتدي النقاب تجلس مع عدد من الشباب تضحك ولا مانع من "شيك هاند" بسيط،

أرسل هذا التعليق بواسطة : واحد صايم

يعنى يا استاذة يا محترمة يا مسلمة وشاية نفسك بتنقلى تناقضات داخل الجمعة مفكرتيش للحظة ان التعميم والتخبيط فى المنقبات ملوش لازمة؟؟؟ وعلى العموم انتى تافهة واللهم انى صائم

مركزي

أنا شايف إن الحتة بتاعة المنقبة دي ملهاش لازمة من كاتبة الموضوع .. لأنها مش موجودة ولو موجودة يبقى دي مش منقبة صح .. لإن المنقبة بيبقى عندها من الديانة ما يمنعها من إنها تختلط أصلا ..

وعلى فكرة الحديث بيقول "إني صائم" مش "اللهم إني صائم" لأن اللهم تدل على الدعاء والمقام مقام تقرير وليس دعاء، يعني تقرير أنك صائم فتذكر نفسك بهذه الكلمة

أقل حاجة أقدر أقولهالك إنك مش صحفية أصلا...ولا عمرك حتكوني...

لو انت عندك أقل معرفة بالصحافة..أقولك بلاش...لو عندك أقل معرفة بأدب الإسلام وأخلاق الحوار مكنتيش هذا الكم من التفاهة والتدخل في شؤون الناس والحكم عليهم ولا كأنك ربنا...

قبل ماتتريقي علي المنقبة اللي بتسلم عالولاد, ولا عالبنات اللي لابسين بادي..افتكري قوله سبحانه وتعالي

"يا ايها الذين امنوا لا يسخر قوم من قوم عسى ان يكونوا خيرا منهم ولا نساء من نساء عسى ان يكن خيرا منهن"

وأخيرا, اللي تلبس نقاب حرة, واللي تلبس بادي حرة...شغل هيئة الأمر بالمعروف دة في السعودية اللي خلقت أمثالكم..مش هنا في مصر!

اللهم إني صائمَ!

الأسيوطي بك

أرسل هذا التعليق بواسطة : الأسيوطي

مالكم يا جماعة بتهاجموا البنيه ليه كده هي عملتلكوا إيه بس لكل ده يا حقودين ورغم اني معترض جدا علي بعض مواضيعها ذي بدلة الرقص والانتقال فجأة لعمنا أبو العينين شعيشع ولا اعرف ما العلاقة بينهما لكن ما علينا ورغم كل ده الا انني اؤكد انها صحفية موهوبة جدا اقول هذا رغم اعتراضي على مواضيعها الساخنة.

ربنا يهدي

أرسل هذا التعليق بواسطة : واحدةمنالناس

ربنا يهدي الجميع بس انا مش مقتنعة بالموضوع اصلا لان انا روحت جامعة قبل كده وملقتش حاجة زي كده

وبعدين انتوا كده سورة الاسلام يعني مكنش لازم حكاية المنقبة دي هو انتي موهوبة فعلا

ربنا يهدي الجميع

يا سلام عليكم بتعرفوا اوي انكم تواججهوا التناقدات وتدافعوا عن السلام بس لو حد صحفي قال حاجة هي صحيح بضر بالاسلام بس المؤسف انها موجودة في مجتمعنا وبنشوفها عوض المرة أأأأأأأأأأللللللللللللللللللللفففف...

يعني يارب يهدي البنات و الشباب و يعدي الشهر ده على خير ولو ان لازم نخاف ربنا في كل الشهوووووووووووووور و نتق الله شوية...

بس بالعكس برافو على الموضوع انا بحترمك و بقدرك انك ديما بتختاري مواضيع شائكة و ساخنة بس اللي بيجرح مش انها فيها كلام جارح على دينا ومجتمعنا بس اللي بيجرح و بيألم أكتر ان ده موجود فعلا في مجتمعنا... وماخفي كااااااان أعظم...

وكل واحد عارف أنا قصدي ايه و على رأي عادل الامام : اللي مافهمنيش يبقى أعمى...وياريت اللي مافهمش يخرج كده من الشارع و يبص وانا متأكده انه حيفهم...

بالتوفيق...

و رمضان كريم وان شاء الله سنة طيبة على كل المسلمين

بناتنا واخواتنا نحن فخورين بكم

بتتكلموا عن بناتنا فى الجامعة - دول ازهار تقدر تقول حقل فل ابيض دول الشرف بتاعنا وهم كذلك

يا صحفية يا محترمة انا درست فى جامعة اوروبية - انت زعلانة علشان واحدة منقبة سلمت على زميلها سلام خفيف ولمس ايدها - انا شفت هناك بيلمسوا حاجات تانية - والبنات بتوعنا دول قطط مغمضة والمفتحة فيهم عندنا قفل موسجر قوى عندهم

مش هقول لك اية اللى كان بيحصل جنب اشجار حديقة الكلية والا فى دورات المياة والا فى الاسانسيرات بين الاولاد والبنات وجهارا نهارا ولا خجل

بناتنا ربنا يخليهم ويظلوا كدة واحنا بقينا فى دنيا كلها مليانة مفاسد والكمبيوتر والنت سهلت المسافات

ورات المياة

اولا شكرا علي التقرير انا شايف ان موضوع المنقبه ده حته زياده منك مش بيحصل واحنا في الجامعه وبنشوف ... الباقي كله تمام وبيحصل اكتر منه .... في نوعين من البنات مستفز جدا الاول اللي يلبسوا حجاب علي ما تفرج لابسه جينز رش ومعاه حجاب بصراحه ببقي نفسي اشده من علي شعرها بجد ربنا يهديهم بيدوا صوره مشوهه عن الحجاب .. .التانيه اللي تقولك اصل انا مش مقتنعه بالحجاب .. اصل امر ربنا مفيش حاجه اسمها اقتناع ده فيه سمع وطاعه .. اصله مش ماده اختياريه ده امر من ربنا ولازم تلتزموا بيه وربنا يسامح الدعاه اللي سهللكوا الموضوع ده ...وبالنسبه للولاد ما احنا لو سبناهم من غير ما نعبرهم ممكن يتعدلوا الموضوع عندهم منافسه كل واحده عايزه تثبت انها الاجمل االي لامه الشبابا حوليها

ربنا يهدي

zizo

يا بنت الحاج عبدالفضيل الكذب حرام في رمضان

يا بنت الحاج عبدالفضيل

فقرة المنقبة دي 1000% كذب لعدم معقوليتها لان مستحيل واحدة مغطية وشها ومستحمله النقاب حتعمل الحركات اللي انتي بتقولي عليها دي يعني لا مؤاخذه كذبة كبيرة

وعلشان خاطر ما نظلمكيش ممكن سكرتارية التحرير تكون هي اللي زودتها من عندها تمشيا مع سياسة الموقع وهي استفزاز القارىء

الأسيوطي بك

أرسل هذا التعليق بواسطة : الأسيوطي

مين قال يا ولاد ان المنقبات كلهم محترمات ده انا بشوف بعيني المنقبات وبيشدوا انفاس شيشة زي الحلاوة يا خي اتنيلوا علي عينيكوا فاكرين ان المنقبات دول ملايكة وشيوخ صح يا مروه ووالله انا بشوف اكتر من كده.

معلش اصلهم ميعرفوش

اولاً انا عايز اعرف ليه يا شريف يا دواخلي انت بتكره مروة كدا وعلي طول تدخل تشتم في مواضيعها بكام اسم متخلفين والكلام دا من زمان من ايام مكنت بتحضر اجتماع المراسلين في النقابة

ثانياً انا من جامعه القهرة وبشوف اكتر من دا من بعض المنتقبات وهما بين شده في الجهل وادعاء للدين وبين ناس تانية واخدين زي بس وسلكهم لا يعبر عنه باي صفه

مرة كنت قاعد في المدرج قبل محاضرة بنت منتقة قاعده ما اصحبها اللي منهم ولاد وبتفرجهم علي صور ومن باب الفضول بصيت علي الصور اللي بيتفرجوا عليها وبيمروا علي البنج طلع صورها وهي بالمايوا في الفيلا بتاعتهم

واكتر من مرة الاقي بنت منتقه او علي الاقل لابسه اسدال وبتهزر باديها مع الشباب عادي خالص وصتها عالي واكتر من مره حد يشوف مثال زي دا ويورح يكلمها بانن لا يليق بواحده تلبس الزي دا يكون هو دا سلوكها

وفي امثله كتير من دي بتدل انه موجود فعلاً ولو تحدثنا اعن لابس النقاب واخلاقهم لا تتناسب معاه فهنتكلم للصبح

التحقيق هايل يا مروة وصحفياً وفنيا ممتاز

منير المهدي

أرسل هذا التعليق بواسطة : منير المهدي

صح صح صح وابصم بلعشرة ان كل كلمه مروة قالتها في التحقيق ده صحيحية وانا في جامعة عين شمس وبزو ر جامعة القاهرة كتير

الى الاخ محمد

يا اخي انا اللي هاجمت مروة عبدالفضيل وقلتلها يا بنت الحاج عبدالفضيل وانا والله العظيم ما شريف الدواخلي

وانا هاجمت حتة المنقبات دي لعدم معقوليتنا (فيه حاجه في القانون بالنسبة للمحامين اسمها الدفع بعدم معقولية الواقعة)

وكون ان واحدة تتنقب وتفعل افعال مثل هذه غير معقول وهما النصارى اللي بيقولوا الكلام دا علشان خاطر يسيئوا

للمسلمين والمنقبات وممكن المناقبة دي تكون نصرانية فانا مرة شفت واحدة منقبة ولابسة صليب في صدرها

واوجه نداء الى مروى عبدالفضيل انتي صحفية معروفة لكل الناس ما تعمليش لنفسك مشاكل مع الجماعات الاسلامية كده مش كويس عليكي

الفاتيكان يعترف باغتصاب راهبات من قبل قساوسة

أرسل هذا التعليق بواسطة : برسوم المحرقي

الفاتيكان يعترف باغتصاب راهبات من قبل قساوسة

بابا الفاتيكان يوحنا بولص الثاني

اعترف الفاتيكان بصحة تقارير صحفية تحدثت عن انتهاكات أخلاقية في صفوف الكنيسة، وقالت إن قساوسة ورجال دين كبارا أرغموا راهبات على ممارسة الجنس معهم، وتعرضت بعض الراهبات للاغتصاب وأجبرت أخريات على الإجهاض.

وقال الفاتيكان في بيان له إن القضية محدودة ومتعلقة بمنطقة جغرافية محددة، لكنه لم يشر إلى هذه المنطقة الجغرافية، وكانت التقارير أكدت أن هذه الانتهاكات موجودة في 23 بلدا من بينها الولايات المتحدة الأميركية والبرازيل والفلبين والهند وإيرلندا وإيطاليا نفسها.

فيلم وثائقي يفضح تستر'بنيديكيت' على انتهاكات جنسية بالكنيسة الكاثوليكية

أرسل هذا التعليق بواسطة : البابا شنوده

فيلم وثائقي يفضح تستر'بنيديكيت' على انتهاكات جنسية بالكنيسة الكاثوليكية

مفكرة الإسلام:نددت الكنيسة الكاثوليكية في بريطانيا لإذاعة فيلم وثائقي بثه برنامج أسبوعي في القناة التلفزيونية الأولى التابعة لهيئة الإذاعة البريطانية 'بي بي سي'.

واتهم الفيلم بابا الفاتيكان الحالي بالتستر على شكاوي انتهاكات جنسية ضد الأطفال، حينما كان كاردينالا.

لكن هيئة الإذاعة البريطانية دافعت عن الفيلم الوثائقي, واعتبرت حماية الأطفال قضية تهم الصالح العام بشكل كبير.

وقالت بي بي سي أمس الاثنين 2-10-2006 'إن برنامج بانوراما الأسبوعي الذي بث الفيلم اختار وثيقة شجّعت على التعامل بمنتهى السرية مع القضايا المتعلقة بانتهاك قساوسة للأطفال جنسياً وعدم عرضها على الرأي العام ,وقام 'بنيديكيت' بتطبيقها قبل أن يصبح بابا الفاتيكان, موضحة أن الوثيقة 'كُتبت عام 1962 وشرحت للمطارنة كيفية التعامل مع شكاوى انتهاك الأطفال جنسياً'.

وصرحت أن منتجي برنامج بانوراما طلبوا من الأب 'توم دويل' محامي الكنيسة الكاثوليكية السابق,- والذي طرده الفاتيكان لانتقاده الطريقة التي تعامل بها مع الانتهاكات الجنسية للأطفال - ترجمة الوثيقة. وأشار توم إلى أنها كانت سياسة واضحة للتستر على تلك الانتهاكات.

هذا ورفض أسقف مدينة بيرمنغهام فينسينت 'نيكولاس' ما ورد في برنامج بانورما وادعى' أنه مضلل برمته وملفق لأنه أساء التعامل مع وثيقتين للفاتيكان واستخدمهما بشكل مضلل كي يربط بين انتهاك الأطفال المرعب بشخصية البابا'.

وجدير بالذكر أنه تسبب تقرير مستقل أعد عن حدوث عمليات اعتداء جنسي متكررة ضد أطفال من قِبل الكهنة الكاثوليك في أيرلندا في أن يقوم بعض أعضاء البرلمان الأيرلندي بالدعوة إلى قطع العلاقات الدبلوماسية الرسمية بين أيرلندا والكنيسة الكاثوليكية في الفاتيكان، وذلك بالتزامن مع وعد قطعه وزير العدل الأيرلندي على نفسه أمام البرلمان بأنه سيعمل على استصدار قوانين جديدة تكفل حماية الأطفال من مثل هذه الانتهاكات.

المنقبات تانى

أرسل هذا التعليق بواسطة : واحد معدى

على فكرة الموقع دة لايمثل الشعب المصرى او حتى الشباب المصرى والسبب واضح هوا تكاثف المتحدثين من الاخوان المسلمين فكل حوار بنشوفة فى الحياة بقدرة قادر يهاجموة بكل قوة ويحاولوا يفرضوا علينا الوصاية بالعافية وبيستخدموا الفاظ غيرمحترمة

بالنسبةلموضوع انقاب عاوز اقول لو حرامى حب يهرب من الشرطة ولبس نقاب يبقى النقاب وحش ؟ يعنى لو واحدة مش مقتنعة بالنقاب ودة موجود ولكن لاى ظروف لبستة وبتعمل حركات يبقى كل المنقبات وحشين ؟

بالطبع لا ودة اللى كاتبة المقال الموهوبة المحترمة حاولت وتوضحة ان واحدة محجبة ممكن تكون محترمة اكتر من واحدة منقبة بس دة ميمنعشى ان فية منقبات محترمات

يبقى اية لازمة الشتمة وطولت اللسان

يامسؤلين الموقع بجد الموقع دة كان كويس فى الاول بس دلوقتى لابد تنظفوا الموقع من الناس اللى عاوزة تفرض رائيها بالعافية