تتجوزي عماد الكبير؟
دق الباب.. دخل الشاب الوسيم.. في بدلته الجديدة، وشعره المصفف.. و في الصالون جلس مع الوالد والوالدة.. وطلب يد الكريمة ابنتهما.. التي هي أنت!..
وبما أن بابا وماما طيبين، شافوا إن الشاب كويس، "كسيب"، ومن منطقة شعبية يعني "ابن بلد"..دخلتي الصالون، لتكتشف أن العريس هو.. عماد الكبير.
وعماد، إن كنت لا تعرفيه، هو سائق الميكروباص السوهاجي، الذي جاء إلى القاهرة صغيراً ليعمل في موقف "بولاق الدكرور"، وبترتيب القدر وقع عماد في طريق الضابط إسلام نبيه الذي رأى أن عماد خارجاً عن القانون، يستحق التعذيب بإدخال العصا في المؤخرة، وقد فعل الضابط ما فعل أمام كاميرا الموبايل، ومنه إلى كل موبايل في مصر.
باختصار عماد شاب مغتصب،فهل تقبل فتاة مثلك الزواج منه، على كتاب الله وسنة رسوله وعلى مذهب الإمام أبو حنيفة.. أم أن لها رأي آخر..
لا طبعا
عندما سمعت أميرة، وهي فتاة في العشرين ، اسم عماد ظهرت الفرحة على وجهها لتوقيع عقوبة السجن 3 سنوات على الضابط الذي عذبه ، لكن عندما سألناها عن إمكانية الزواج منه قالت "لا طبعا، مستحيل أوافق مش لأنه رجل وحش لكن نظرة المجتمع مش هاتسيبني في حالي وأنا ليه اتعب نفسي".
هناء اتفقت مع أميرة في الرفض ولكنها اختلفت عنها في السبب ،فهي لا تستطيع أن تربط مستقبلها بشخص غير مستقر ومعرض للمشكلات في أي وقت خصوصا إن الضابط المسجون ابن لواء شرطة، وقد يفكر أحد في الانتقام منه بعد أن ضاعت هيبة العائلة بسببه.
سلمى لم تعرف أي شيء عن القضية فبرغم أنها طالبة في السنة الرابعة بكلية الإعلام إلا إن اسم عماد الكبير أو إسلام نبيه لم يغازل أذنيها من قبل، شرحنا لها القضية باختصار وكان ردها:" أكيد مش هوافق أولا لأنه سواق ميكروباص وأنا طالبة جامعية ومنتظر أكون صحفية إن شاء الله، وثانيا لان الفكرة نفسها مرفوضة لأنه أكيد هيكون شخص غير سوي وعنده مشاكل نفسية عشان اللي حصل له".
ممكن.. ولكن بشروط
خلود متعاطفة جدا مع عماد وقضيته التي تابعت فصولها ردت قائلة "لا، لأني لما أنوي الجواز ببقى فى نيتي أحقق أحلامي وأبقى مبسوطة وأكون بحبه ومقتنعه به.. عماد الكبير مش هيتجوز غير من واحدة تحبه أوى عشان تقدر تناضل معاه في حياته".
سلوى لا تعرف أي شيء عن القضية هي الأخرى ولكنها أعلنت موافقتها على الزواج في حالة واحدة "لو استطاع أي شخص أن يضمن لها أن ينسى الناس ما حدث معه وهو ما يستحيل حدوثه، فالناس تظل تحكي وتنقل الأخبار دوما وبالتالي هذا الحادث الأليم سيظل يطارده هو وأهل بيته بالرغم انه مالوش ذنب وهو ضحية".
حياة ردت بمنتهى الهدوء :"أنا معنديش مانع أتجوزه عادي يعني لو كان هو نصيبي لكن أهلي ممكن يرفضوا لأنهم هيخافوا علي وعلى حياتي معاه".
الكبير ولا على باله
أما عماد نفسه فالموضوع لا يشغل باله الآن بالرغم من كونه في سن الزواج (22 سنة) وكان رده "مادام أنا في حالي مفيش حد هيزعل مني ولا يزعلني، وكمان موضوع الجواز ده قسمة ونصيب يعني الإنسان مكتوب له هتجوز مين من يوم ما يتولد".
وعما إذا كان يخشى من تحرش الضابط بزوجة المستقبل قال لـ"ولاد البلد" أنه:"لو حصل وإتعرض لي أنا أو أي حد من عائلتي أكيد مش هاسكت وهابلغ تاني وهاخد حقي إن شاء الله، لان المفروض إن ده موضوع وانتهى وكل واحد خد حقه يبقى الموضوع خلص".
د. محمد مهدي أستاذ الطب النفسي نفى توقعات أغلب الفتيات اللاتي استطلعن أرائهن بأن عماد سيعاني من تأثير نفسي وقال:" لا أعتقد أن التأثير النفسي سيكون بهذا الشكل الذي يتوقعه البعض لأن عماد نفسه لم يكن مهتم بالموضوع من الأصل وتعامل معه ببساطة، ولكن تطور الموضوع وتصعيده بمساعدة آخرين هو الذي جعله يحصل على حقه، وللأسف أن هؤلاء البسطاء ألفوا هذه الأفعال من السلطة، وبالتالي فهي أفعال متوقعه وبسيطة في نظرهم".
ويضيف "كلامي لا يعني أن عماد شخص معدوم المشاعر، ولكن هي طبقة اجتماعية لها مفاهيمها وحكمها على الأمور، وبالتالي لو تزوج من فتاة من نفس طبقته فلن تتأثر وسيكون لها نفس وجهة نظره، أما إذا كانت من مستوى مختلف فقطعا ستختلف نظرتها للأمور وستكون لها مفاهيم متعمقة أكثر وربما تتأثر بما حدث له وتفسر تصرفاته بشكل مختلف".
إذا كانت قضية عماد القانونية قد انتهت بالفعل وكانت آخر مراحلها ساحات المحاكم إلا أن القضية لازلت مستمرة في الواقع لان حياته من المفترض أن تبقى طبيعية وعادية برغم إن ما حدث له غير طبيعي.
870e
ابنة عمة اوخالة
أرسل هذا التعليق بواسطة : مصطفى
لا اعتقد ان واحدة متعلمة وترضى بية زوجا تمشى جانبة وواحد يقول لها مش هو دة اللى هتكوا عرضة ويعايروها بالراجل المنتهك عرضة
فى سلو بلدنا دا عار ما يغسلوش غير الدم
3 سنين سجن اية ؟
دا عايز بندقية الى فيها 36 طلقة ويتفرغوا فية
احنا شعب صعايدة لة عاداتة
يتشنق اة انما الشرف لا
حتة ضابط عيل ابن امة مش عارف تقاليد الناس اية
ولا واحدة عندها كرامة ترضى تتزوجة
اختارى مواضيع عدلة شوية يا اخت دعاء
عماد الكبير رجل في زمن انقرض فيه الرجال
حسب عماد الكبير انه قام بفعل قد يعجز عنه عشرات الرجال فتصديه للاجرام
وبحثه عن حقه رغم خطورة الطريق الذي مشي فيه ليدلل علي انه رجل قوي شجاع
سوف يكون نعم الرجل الحافظ الامين علي حقوق زوجته.قولكم بانه لن يجد زوجة ترضي
به ليس صحيحا وان كان فليس ذنبه.انما هو ذنب مفاهيم خاطئة لدينا.اننا بهذا نجعل الضابط
المجرم منتصر رغم وجوده في السجن.عماد مثل شريف وشجاع ينبغي ان يقلده كل مصري
حر.لا ان نتبرأ منه.فهذا عار علينا لو كنا نعقل.
هل بتقبلي انتي يا دعاء الشامي ان تتزوجيه؟
أرسل هذا التعليق بواسطة : ahmed
هل بتقبلي انتي يا دعاء الشامي ان تتزوجيه؟
أرسل هذا التعليق بواسطة : واحدة بتحب دعاء
موضوع وحش اوي ...انا آسفة يا دعاء لكن بجد مش عاجبنى التناول بطريقة اننا بنلومه على الشئ ده او بنوصمه بيه ....انا شايفة انه انسان محترم و احترم نفسه و بلده و مرضيش الاهانة و بلغ عن الظالم لغاية ما اخد حقه .
ده يستحق اننا نتعامل مع موضوع يتناوله بطريقة ارقى من كده شوية
اما لو كنتى تقصدي الموضوع في العموم فما كانش من المفروض تجيبى المثال شخص بعينه كان ممكن تخلى السؤال عام يعني " تقبلى تتجوزي واحد اغتصب قبل كده ؟ " و خلاص
مش علشان نعمل عنوان يشد الناس نجرح كرامة ناس تانية خاصة لو كانت الناس التانية دي مش ناقصة ....
اسفة لو طريقتى ضايقتك لكن انا بحب مقالتك هنا جدا و بتابعها و زعلت انك وقعتى في الفخ ده اللى بيقع فيه كتير من الصحفيين للأسف
مش لازم الاسم ... ومش لازم الموضوع كله ...
للأسف يا دعاء ....
تناولك للموضوع ..و لشخص عماد .. جاء بطريقة غير جيدة أبدا ....
زي التعليق اللي قبلي ... انت بتتكلمي بلهجة انها وصمة عار في تاريخه .. او إنه غلط لما أعلن الحكاية دي ... لأن ده حيفضحه وسط الناس ...
مش حلوة خالص طريقة كلامك يا أستاذة :)
يارب مش حاسكت ...
لا للتمديد ... لا للتوريث ... نعم لتعديل الدستور المصري "بس مش هي المشكلة"
تقدروا تنورونا دلوقني ..مدونة مش حاسكت
http://mesh7askot.blogspot.com/
أنا شايفه إن مفيهاش مشكلة خالص لو متفقين اجتماعياً
مش فاهمة ليه يا دعاء تدخلي اسم الراجل ده في الموضوع صحيح عنده حق اللي قال كان ممكن تقولي تتجوزي واحد مغتصب او معتدى عليه , لكن ليه نستغل ظروف الناس ونعمل فيهم كده ؟
وبعدين عماد الكبير مش مناضل سياسي , ده راجل محترم انتهكت الشرطة عرضه فسعى لأنه ياخد حقه , راجل غلبان وربنا أعانه على انه يقف في وش الظالم وخلاص ..يعني باختصار ربنا نصره .. ليه بقى رايحة تسألي واحدة طالبة في اعلام و البنات الساذجة عمالة تقول المستوى الاجتماعي و لأنه سواق ميكروباص ,,ليه اصلا نفتح موضوع زي ده ؟ ده حتى عماد نفسه حس بغباء السؤال !!!
فعلا يا دعاء الموضوع مش حلو خالص
ايه القرف ده
يا اخي حرام عليكوا ايه الموضوع اللي مالوش لازمة ده؟؟؟ كفاية عماد اللي هو فيه خلاص بقى مادة خصبة للاقلام الفقيرة عشان تهيس و تكتب اي هفلطة؟؟ اتنيلوا اكتبوا عن مواضيع هادفة و كفاكم خوض في اعراض الناس
الموضوع استفزاز
أرسل هذا التعليق بواسطة : واحد مشاكس
الست دعاء بتستفز اعصاب الناس
بتخلينا نحس اد اية جرم الزابط دة وانة دمر انسان معنويا
الزبوط فاكر الناس حشرات او جمايس فى زريبة ابويا الحاج يحط العصايا فى اى حتة
القاضى حكم فى الجانب المادى اللى هو التعذيب انما الجانب المعنوى اللى هو الكرامة مالوش حساب عند القاضى
عماد لم بأخذ حقة كاملا وانما جزأ من الحق
شكرا يا دعاء
رسالتك وصلت
بس دة مكر فلاحى
انت فلاحة يا دعاء
ياريت بجد تهتموا بالمواضيع اللى بتتكتب هنا
ارجعى لعقلك واكبرى بعقلك شويه
احنا شعب بيحب بعضه مش بيفرح فى بعضه
فكرى لو واحد زى عماد مثلا شاف الموضوع ده؟
تخيلى ايه احساسه بالظبط؟
مع احترامى ليكى وكلنا بشر لو كنتى انتى اللى نتهك حقك وشفتى الموضوع ده عليكى وباسمك
عيشى فى خيالك وشوفى احساسك هيكون ايه
وكفايه بجد كده
انا من زمان وانا بتابع الموقع لكن دلواقتى الواحد لازم يتأكد من المواضيع قبل ما يفكر فى اسم الموضوع
الدوحه // قطر
أرسل هذا التعليق بواسطة : كريم رشاد
انا اسمى كريم ومصرى وعايش فى قطر
واصحابى كلهم هنا عرفوا الموقع عن طريقى
اختارو مواضيعكم كويس
اعتذار من الموقع لعماد الكبير
أرسل هذا التعليق بواسطة : كريم
المفروض الموقع المحترم ده يقدم اعتذار باسم عماد الكبير
وكمان الموضوع يتشال من هنا
ده فعلا لو ولاد طلعوا ولاد بلد بجد
وقبلوا ان الموضوع يتكتب هنا
يا ولاد البلد ياجدعان يالى العيب مش يطلع منكم
هل من حقي ارد؟
أرسل هذا التعليق بواسطة : دعاء الشامي
السلام عليكم ورحمة الله وبركاته، انا بصراحة قررت اعلق لان الاخوة المعلقين اتفقول في فهم محدد للرسالة والهدف من الموضوع وللاسف الشديد هو فهم خاطيء فيما عدا البعض طبعا انا لا اعمم ولكن اقول معظم المعلقين حتى اكون منصفة ، بصراحة يا جماع انا عندي ردود لو يتسع صدركم لها اكون شاكرة جدا لكم:
اولا : انا لم اقصد اهانة عماد البمرة بالعكس فهو شخص احترمه واقدر ما مر به واقف بجانبه واتصلت به شخصيا لاهنئه على الحكم ولكن هدفي من الموضوع وصل لشخص واحد فقط وهو اني شايفه ان الضابط لم ياخذ الجزاء الرادع وعماد حيح اخذ حقه لكن ليس كاملا
ثانيا: لا يعني الحكم على الضابط ان الدنيا فل الفل لان هناك جانب معنوي لم يتم التعويض عنه وهو جزء شائك حتى بالنسبة لغير المتعلمة وليس للمتعلمة فقط
ثالثا: انا لم اورد اي كلمة على لساني سوى المقدمة والسطرين الاخيرين وهو مقصدي بالضبط(إذا كانت قضية عماد القانونية قد انتهت بالفعل وكانت آخر مراحلها ساحات المحاكم إلا أن القضية لازلت مستمرة في الواقع لان حياته من المفترض أن تبقى طبيعية وعادية برغم إن ما حدث له غير طبيعي.) فاين الاهانة هنا؟
رابعا:لم اتحدث في الموضوع من تلقاء نفسي ولكنه اثير في جلسة اصدقاء وبالفعل اجابات البنات كانت كلها رايحة في اتجاه واحد انا نزلت الشارع وسالت بنات جامعيات وموظفات وطبيب نفسي وعماد شخصيا وبالتالي لم اقصد اهانته
خامسا: مع احترامي لكلك من اختلف معي الا ان الموضوع يستحق الطرح لانها كرامة انسان اهين وسكوتنا عنه واتفاقنا مع الموجه السايرة انه خد حقه ويسكت بقى هو شء غير مقبول
اما بقى السؤال بتاع تتجوزيه ولا لا فانا لحسن الحظ بره السؤال خالص لاني متجوزة
مش مهم
أرسل هذا التعليق بواسطة : لية
شكرا للتوضيح
اتابع مقالات ولاد البلد
اصبحت كتابة دعاء الشامى تثير انتباة الناس بشدة معها او ضدها يعنى هناك تفاعل مع الكلام
يعنى باختصار بداية النجاح
ان الناس تنجذب لمقالاتك
الى الامام دعاء ربنا معاكى
تناولك للموضوع ..و لشخص عماد .. جاء بطريقة غير جيدة أبدا ....
زي التعليق اللي قبلي ... انت بتتكلمي بلهجة انها وصمة عار في تاريخه .. او إنه غلط لما أعلن الحكاية دي ... لأن ده حيفضحه وسط الناس ...
مش حلوة خالص طريقة كلامك يا أستاذة :)
اولا : انا لم اقصد اهانة عماد البمرة بالعكس فهو شخص احترمه واقدر ما مر به واقف بجانبه واتصلت به شخصيا لاهنئه على الحكم ولكن هدفي من الموضوع وصل لشخص واحد فقط وهو اني شايفه ان الضابط لم ياخذ الجزاء الرادع وعماد حيح اخذ حقه لكن ليس كاملا
انتى شايفه ان كلامك ده وطرحك للموضوع والعنوان مناسب لكلامك ده يا مدام دعاء ؟
وايه جاب العنوان للحكم على الضابط المسؤول؟
ايه جاب العنوان والموضوع ان عماد مش خد حقه كامل؟
لو انتى فعلا مش تقصدى اهانه لعماد يبئا طريقتك مش جيده فى التعبير عن اللى تقصديه ومحتاجه
انك تزودى اسلوبك بالطريقه المناسبه للتعبير عن اى موضوع
اه صحيح لو مش كنتى متزوجه
ممكن تتجوزى عماد الكبير ؟