آية.. أصغر شاعرة مصرية!

قافية ووزن وعمود وشطر.. ليست مجرد مصطلحات شعرية، ولكنها أيضا المفردات الخاصة جدا بعالم الصغيرة آية، التي تتمتع بموهبة شعرية تفوق سنوات عمرها القليلة (12 عاما)..

آية لم تجد متعتها في اللعب كغيرها من الأطفال، ولكنها وجدت ما تبحث عنه في الشعر وفى قراءة دواوين كبار الشعراء، حيث تميزت بحسن إلقائه ثم كتابته، حتى صدر لها الديوان الأول "بنت مصرية" تضمن 21 قصيدة تتناول قضايا محلية وعالمية تشغل الرأي العام المصري.

وانتهت أيضا من كتابة معظم قصائد ديوانها الثاني الذي سيطرح في الأسواق الصيف القادم، وتتمنى أن تكون صلاح جاهين الثاني بإحساسه واهتمامه بقضايا الناس اليومية.

البنت المثقفة

تقول آية: "أدرس بالصف الثاني الإعدادي، وتربيت منذ صغري على الاستماع إلى الشعر وقراءته، نظرا لاهتمام بابا وماما بالشعر رغم أن وظائفهما بعيدة عن ذلك، ومن هنا وجدت المتعة في قراءة دواوين كبار الشعراء مثل صلاح جاهين وبيرم التونسي وجمال بخيت وأحمد فؤاد نجم وفؤاد حداد، وهو ما ساعدني على البدء في كتابة خواطري الشعرية".

تترك آية انطباعا لدى المتحدث إليها بأنها مثقفة جدا وقادرة على الكلام حول موضوعات الساعة، وهذا ما وضح في قصائد ديوانها "بنت مصرية" – الصادر عن قصر ثقافة الطفل- حيث تناولت مشكلات المجتمع المصري مثل غرق العبارة السلام 98 ومرض أنفلونزا الطيور، وانتصارات أكتوبر إلى جانب ايجابيات وسلبيات النت.

تقول في قصيدة بنت مصرية:

أنا بنت جدعة مصرية

بحب عيشة الحرية

وأحط بلدي ف عينيا

وأصون ترابها بإيديا

مانا بنت جدعة مصرية

باكل كمان أنا تقلية

مع فرخة حلوة مشوية

أو سمكة عايمة ع الميه

مانا بنت جدعة مصرية

ده الحب أنت اللي زرعتيه

والكره أنت اللي هتمحيه

احلف يا بلدى بعينيا

لأصون ترابك بإيديا

واخطي نحو الحرية

مانا بنت جدعة مصرية

ولم تنس آية الكتابة عن أحلام جيلها من الأطفال وأصدقائها في المدرسة، فكتبت قصيدة "تيجى نحلم":

تيجى نحلم بيوم جديد

تيجى نحلم بفجر سعيد

مليان حب وفرحة وخير

تيجى نحلم حلم كبير

يبقى مفيش مسكين وفقير

خطوة بخطوة وإيد على ايد

يبقى الحلم معايا حقيقة

نفسى أشوف الكون ده سعيد

يبقى مفيش لا حروب ولا نار

ولا بلدان بتعيش في دمار"

وعلى المستوى الخارجي تحدثت في أشعارها عن القضية الفلسطينية وحرب لبنان.

مع الشعراء

أول من اكتشف موهبة آية كان محمود قاسم، رئيس تحرير كتاب الهلال للأولاد والبنات، بعد معرفته بموهبتها من خلال ملتقى الأصدقاء الذي ينظمه بصفة مستمرة في مكتبه لاكتشاف المواهب من الأطفال، حيث تعهد برعاية موهبتها وعرض ما كتبته على شعراء وكتاب وتوجيه النصح والإرشاد لها.

عن كيفية إلمامها بالقضايا والمشكلات، تقول آية: "إنني أهتم بالاستماع إلى نشرات الأخبار وقراءة الصحف لتوسيع معارفي مما يتيح لي فرصة الكتابة في موضوعات أنية تهم أكبر قدر من الناس، إلى جانب المشاركة في الندوات والملتقيات الشعرية التي يعقدها كبار الشعراء والأدباء في "دار الأدباء" و"ساقية الصاوي" وقصر ثقافة الطفل للاستفادة من هؤلاء الشعراء، ومعرفة كيفية ضبط الوزن والقافية والنغمة في القصيدة".

تتمنى آية أن تكون صلاح جاهين الثاني، فهو قدوتها في مجال الشعر لأنه يكتب بإحساس ومشاعر فياضة عن قضايا مجتمعه وتجاربه الحياتية، ويكشف عن السلبيات والايجابيات بمصداقية مع بث روح التفاؤل والأمل في المستقبل، عكس بعض الشعراء الذين يتبنون نظرة تشاؤمية في قصائدهم، لذا فهي تحاول التركيز على الجوانب الايجابية لرفع الروح المعنوية للأطفال خاصة أن أشعارها موجهة لهم باعتبارهم أجيال المستقبل وصمام تقدم المجتمع.

هوايات متعددة

آية تمارس هوايات أخرى غير كتابة الشعر منها التمثيل، حيث شاركت في مسرحية "أكتوبر غنوه وطن"، ومسرحية "الرحلة" ومسرحية "السيف الذهبي" إلى جانب هواية العزف على "الأورج" بفرقة كورال قصر ثقافة الطفل، وكانت ضمن استعراض الليلة المحمدية وأتوبيس الفن الجميل، وممارسة تلك الهوايات لم تشغلها عن دراستها ومداومة التفوق والنجاح بفضل تنظيم الوقت.

وحول آخر إبداعاتها، تقول: "انتهيت من معظم الديوان الثاني المقرر إصداره في الصيف القادم، والذي أتناول فيه قضايا الازدحام، والعشوائيات، ونقص الوعي لدى الجماهير، وقلة الخدمات الاجتماعية، وأرجو أن ينال إعجاب القراء".

تخبرنا آية أنها تتمنى أن تقابل الشاعر الكبير عبد الرحمن الأبنودى لأنه يكتب بإحساس، ويركز على القضايا التي تهم الناس، ويعبر عما يريدون قوله بالشعر، كما أنها تتمنى مواصلة التفوق لتلتحق بكلية الطب، لتصبح طبيبة أطفال مشهورة دون أن تترك كتابة الشعر.

0f31

تمام تمام واللة تمام يا محسن بية

أرسل هذا التعليق بواسطة : محسن

واللة عفارم عليك. تصدق شاعرة بجد ولا انت اية رايك

واية رأيك فى الشعر دة:

عزيز خطر كيف زوال بكى العين فى وادى الغروب

انتظر البيت القادم فى مناسبة أخرى وهذا من أقوال جدى الحكيم اللة يرحمة والنبى تقرالة الفاتحة وادعيلة ربنا يبشبش الطوبة اللى تحت راسة ، حقيقى حكيم يا جدى واللة حكيم وأوعى تفتكرة حكيم المطرب لاحسن ازعل منك أوى خالص خالص .

امضاء محسن بيك الى محسن بيك

نصيحة للاخ عطوة ابو مطوة

أرسل هذا التعليق بواسطة : واحد من الناس

يااخ ابو مطوة واضح انك حاطط حمدى رزق فى دماغك اوى ماتسيبك منة وتخليك فى نفسك احسن وحاول تتقدم وتكون احسن وكل واحد بياخد نصيبة وكل واحد مكتبلة اية الهياخدة فى الدنيا وبعد كدة فى اخرة كلنا هنتحاسب على ما فعلنة واعتقد ان مش هو دة الحل الهيفضح حمدى رزق ويخلية فى وجهة نظر الناس وحش لانة كاتب بردة كبير ولة عمودة اليومى فى المصرى اليوم وعلى فكرة انا لا احب كتباتة لان بحس انها ليها سياسة خاصة ومصالح وحاجات كدة بس شايف انة مش هو دة الحل معه

الى الاخ واحد من الناس

قضية عطوه ابو مطوة وحمدي رزق دي قضية صحفية موجودة داخل نقابة الصحفيين

ومعذرة ممكن اضرب مثل بنقابة المحامين

فيه محامين كبار اوي اوي اوي

وفيه محامين صغيرين اوي اوي اوي

صح

ليه الصغيرين اوي اوي اوي ما بيحقدوش على الكبار اوي اوي اوي

لانهم كلهم متخصصين خريجي كلية واحدة اسمها كلية الحقوق وكل واحد عارف حجمه العلمي وعارف تاريخ زميله

وقس على ذلك نقابة الاطباء وغيرها من النقابات

تعالى بقى في نقابة الصحفيين

اول كارثة من كوارث النقابة عدم التخصص

اي مؤهل يمشي

واللي داخل امبارح بيناطح اللي بقاله خمسين سنه

مش زي نقابة المحامين 1) محامي تحت التمرين 2) محامي ابتدائي، 3) محامي استئناف وهكذا

لا دا اي كلام اللي داخل امبارح بيعمل مدونة ويسمي نفسه رئيس تحرير وكاتب صحفي كبير ويكون موضوعات من شغل الناس ويكتب عليها اسمه (وانا شفت دا بعيني)

الاصلاح يبدأ من اعادة انشاء نقابة الصحفيين من الصفر

وتحويلها الى نقابة قوية لصحفيين متخصصين تماما مثل نقابة المحامين

وارجو الا يغضب الصحافيين الحاليين من هذا الكلام.

انا بقول هذا الكلام لحل الخلاف بين عطوه ابو مطوه وحمدي رزق وغيره من الصحافيين

موهبة على الطريق

أية موهوبة فعلا وياريت تجد من يشجعها من الشعراء حتى تكون نسخة ثانية من صلاح جاهين كما تتمنى

الله يرحم جدك

أرسل هذا التعليق بواسطة : إلى الأخ محسن

ننتظر البيت القادم من شعر جدك إمتى انت ما قلتش ومناسبة إيه اللى هنستناها عايزين نعرف بقية الشعر وياريت تعرفنا كمان معناه وإيه رأيك كمان انك ممكن تجمع النوع من الأشعار فى ديوان وتسميه أشعار جدى الحكيم..

مى زيادة

حقيقى موهبة جميلة تحتاج إلى المساندة والتشجيع والبنت كمان إحساسها حلو وده باين فى أشعارها وواضح غنها مثقفة وقارئة جيدة ومتابعة للأحداث ياريت تلاقى إهتمام ورعاية عشان موهبتها دى تكبر معاها يمكن تبقى مى زيادة المصرية فى يوم من الأيام .

موهبة حقيقية

على فكرة فى أطفال كتير جدا موهوبين فى الأدب والرياضة والفن واعتقد انى قرأت فى الموقع من فترة عن الطفل أصغر رئيس تحرير بس محتاجين حد يهتم بالبحث عنهم وتبنى مواهبهم عشان يبقى عندنا ناس متميزين فى مجالات كتير

الضرب بالبراطيشى

أرسل هذا التعليق بواسطة : شاعر حلمنتيشى

دة شعر حلمنتيشى - شعر اية اللى انتى جاية تقول علية

دا كلام يكتبة عيل عندة 7 سنوات وياخد درجة ضعيفة فى التعبير

دة بيفكرنى بقصيدة الخراف البيضاء

كان فية خراف بيضاء

بتقول ماء ماء ماء

والسماء بيضاء

والولد لابس حذاء

والوادى لونة اخضر ..........والراعى شكلة مكعبر

والكلب بيجرى وياكل ويقعد القرفصاء

شعر دة يا بيومى

يا عالم خلوا الشعر لاصحابة

موهوبة فعلا يا اية

أرسل هذا التعليق بواسطة : واحدة من الناس

انتى موهوبة فعلا يا ايةو انشاء الله موهبتك تتنشر اكتر واكتر

ايه حبيبتى

أرسل هذا التعليق بواسطة : ايمان صبحى

ايه صاحبتى منذ سنوات ونحن فى الروضة ... ومازلنا تكتب هى الشعر وتلقيه واكتب انا القصة والقى الشعر ... مبروك لاية النجاح وادعو لها بالاستمرار ... مبروك مبروك ... يا صديقتى وعقبال الديوان المائة.