افتحوا لينا الإشارة.. إحنا في عيد الطفولة

(الحياة قدامنا وردة.. وردة مقفولة وخجولة.. فتحّي لينا يا وردة.. ده إحنا في عيد الطفولة)..

هل تتذكر عيد الطفولة.. وأغنيات صفاء أبو السعود في أوبريتات الاحتفال بتلك المناسبة.. وأيضا حفلات مدارسنا الابتدائية؟

أعتقد أننا احتفلنا زمان بطفولتنا مع تلك الأغنيات فحفظناها ورددناها طويلا.. لكن على الجانب الآخر، كان هناك – ولا يزال- أطفال لا يحملون في دفتر حياتهم كلمة طفولة.. ولا يعرفون عن الحياة سوى العناء والشقاء.. حياتهم في الشوارع وتحت إشارات المرور.. لا يعرفون شيئا عن أعياد الطفولة، وإذا سمعوا عنها يكون من بُعد وهم يرون من في مثل عمرهم يحتفلون بطفولتهم..

ألم الجوع

التقينا بعض من هؤلاء الأطفال وسألناهم عن الطفولة وأعيادها، وكان ردهم في أغلب الأحيان بضحكة سخرية لسؤالنا وكأنهم يريدون أن يقولون لي "أنتي معندكيش نظر"؟!

عبد الرحمن، بائع مناديل في شارع طلعت حرب، حينما قلت له "كل سنة وأنت طيب"، ضحك وقال "على إيه؟"، قلت: "هذا الشهر نحتفل بأعياد الطفولة"، لم يجيبني سوى بنظره تهكم شديد على كلامي وفاجئني برده قائلا: "يا أبلة طفولة إيه أنا عندي 12 سنة، يعنى مش طفل وكمان الكلام ده للناس المرفهة اللي عايشين حياتهم وبيتفسحوا واللي بيشتروا مننا المناديل عشان يمسحوا مكان الأكل وإحنا اللي بنعض في هدومنا من ألم الجوع.. يا أبله صلى على النبي وخليني أشوف شغلي أحسن".

أما أشرف، والذي يعمل في تلميع الأحذية وعمره لا يتعد العشر سنوات، بمجرد أن قلت له "أنا صحفية" قال لي: "انتوا بتاع الجرايد اللي عايزين تشردونا.. امشي بعيد أحسن وكفايا فضحتونا".. وكاد أن يلقى بصندوق الورنيش في وجهي!.

على النقيض تماما تحدثت معنا يمنى، وهى طفلة لم تتم عامها الثامن، عن أعياد الطفولة وإحساسها بطفولتها قالت: "أنا ببيع مناديل ودبابيس للطرح في الشارع والأتوبيسات ومعرفش يعنى إيه طفولة، فأبويا وأمي أطلقوا وبابا أتجوز واحده تانيه غير ماما اللي أتجوزت رجل غريب، ولما كنا بنقعد معاه كان بيضربني فهربت وأخذت معايا محمد أخويا 3 سنين، يعنى لازم أشتغل عشان أجيب له ياكل هجيب فلوس منين لازم اشتغل طبعا، لكني لما سمعت عن عيد الطفولة في التليفزيون ذهبت إلى أحد الأكشاك وأعطيت له 10 دبابيس مقابل أن يعطيني بالونه لمحمد عشان نفسي يفرح وأحوش له فلوس كتير عشان لما يكبر أدخله مدرسة واعلمه عشان ما يتبهدلش زيي".

الزعيم في البدروم

بينما كنت أجلس في إحدى كافيهات وسط البلد، جاءني علي الزعيم، وهو طفل لا يبيع أي شيء لكنه فقط كان يطلب ربع جنيه لكي يأكل، فلما سألته عن اسم الزعيم وهل هو لقب أم اسم والده أجابني أنه لقب أطلقه عليه أبناء زملائه لأن عمره 15 عاما وبالتالي فهو أكبر طفل فيهم، أثناء حديثي معه سألته عن إحساسه بطفولته فقال: "يا ستي أنا حابب أعيش كده مشرد في الشارع أفضل بكتير لما أكون في بيت مفيهوش حاجه اسمها حرام"!.

استوقفتني الكلمة لأسأله عما يقصد، فقال: "يعنى أبويا كان مأجر لنا غرفة فوق أحد سطوح بيوت السيدة عائشة، وفي يوم قد سافرت أنا وأمي وأختي لزيارة قبر جدي في الفيوم، فلما عدنا ضبطنا أبويا على سرير أمي مع ست تانيه، فلما شاهدناه صرخت والدتي، فما كان منه إلا أن طلقها في وقتها قاسما بأغلظ الإيمان أن يمنع عنا كل المصاريف، وبالفعل رماني وأمي وأختي في الشارع ونحن الآن نقيم في بدروم بيت في القلعة، ومطلوب مني كل يوم أكل وشرب لهم وعلاج لأمي المريضة بالسكر وما يساعدنا هو بعض فتات الأطعمة التي تتبقى من الجيران.. كل هذا وتسأليني عن عيد الطفولة".

الغريب أن "علي" هو الوحيد الذي لم يرفض تصويره وقال: "صوري هيحصل إيه أكتر من اللي أنا فيه؟".

8057

الدنيا مفيهاش فقر الدنيا فيها قلة رأى

أرسل هذا التعليق بواسطة : فلاح مصرى عجوز

مظاهر الفقر والتشرد والطفولة البائسة هى نتيجة سياسات خاطئة

ماذا نعمل فى هؤلاء المشردين ؟ واطفال الشوارع هل نطلق عليهم الرصاص وكأنهم كلاب ضالة كما فعلوا فى البرازيل ؟

ترجع الدراسات اسباب الطلاق وتشرد الاسر الى العامل الاول وهو الفقر

ولماذا نحن المصريين متخصصين فى الفقر ؟

هل الفقر يستطعم دمنا ؟

ولماذا نحن خاملون ؟

زمان قوى من ييجى خمسين سنة ابويا الحاج عبد الدايم تحت شجرة على الترعة قال لى

فية مثل قالوة الاجداد : الدنيا مفيهاش فقر الدنيا فيها قلة رأى

وعندما سألتة يعنى اية رأى قال لى فى مفهومة الرأى يعنى سياسة

يعنى مفيش سياسة

تلك هى مصيبتنا ان مفيش سياسة لاى حاجة

الدنيا ماشية معانا استروبيا وايام بتعدى

وصدقت يا حاج عبد الدايم