أشهر 20 جملة بيقولها الشباب للبنات
يسيطر الحب على حيز كبير من اهتمامات الشباب والبنات، وعلي الرغم من أن البعض يري أن "كلام العيون" هو اللغة الرسمية للحب، إلا أن الكلمات المنطوقة والمكتوبة تظل هي الأوسع انتشارا، ومع تكرار حالات الارتباط وفك الارتباط.. أصبحت الكلمات تعاد وتقال بنفس حروفها، مما دفع البعض لأن يطلق عليها "اسطوانات".
الأمر دفع أحد الشباب لأن يُنشئ مجموعة (جروب) علي الـ face book عن أشهر 20 جملة يرى أن أغلب الشباب يرددونها أمام البنات، وحملت المجموعة اسم "20 جملة 95% من شباب مصر بيقولوها للبنات"!
أنا مبكلمش بنات
"حبيبتي أنتي عارفة أنا مش بحب حركات الشباب الطايش، أنا أصلا مبكلمش بنات (وتلاقيه يعرف طوب الارض )".. كانت هذه أول جملة في المجموعة، والتي يصفها منشأها "شادي كمال قنديل"، قائلا: "الجروب ده أولا للضحك، وثانيا لتوصيل فكرة بطريقه لذيذة، ومش معنى كده أن كل الولاد وحشين وأن كل البنات ملايكه، وده كمان مش يدي الحق للبنات إنها تشتم الولاد، وبعدين في شباب كتير بتقول كده بجد وبتحس الكلام ده بجد وبتكون صادقة.. مش كله بيكدب.. في 5% صادقين وأكيد أكتر بكتير.. إحنا بنهدي نفوس بس مش أكتر".
شادي لم يكتفِ بأن يذكر الجمل فقط، وإنما أتبع كل جملة من الـ20 التي اختارها بجملة تسخر منها، مثل: "حاسس إن فيكي حاجه غريبة غير كل البنات (أكنها مثلا بتمشى على إيديها ورجليها)"، و"حبيبتي انتى أول حب في حياتي وأنا حاسس إني أتولدت يوم ما قابلتك (على أساس إن والدته كانت حامل فيه 20 سنة وولدته قبل ما يقابلها بيومين)"، و"هكلم باباكى أول ما أكًون نفسي (موووووووووووت يا حمااااااااااار)"، و"فلان قالي أديله رقمك بس أنا قلت له اقتلني قبل ما تاخد رقها منى (ياااااه على التضحية وهى يا عيني رقمها مع مخاليق ربنا كلهم)".
البنات كمان بتقول
على الجروب جاءت الاستجابة من البنات بالهجوم على الشباب.. فقالت نورهان حازم في أول تعليق: "بجد فعلا هو ده اللى بيحصل.. هو ده اللى بنشوفه منكم يا ولاد.. بس علي مين"، كما قالت نهى أحمد: "أعتقد أن البنات مبقتش تصدق الحاجات دي خلاص، مش عارفة أنا عن نفسي مبصدقش إن في ولد مخلص".
أما أميرة صفوت، فقد اكتفت بقولها: "يا عيني علينا يا بنات.. والله مظلومين"، ومن ناحيتها قالت ياسمين أنور: "بجد الكلام ده جامد وواقعي أخر حاجة، المشكلة إن الولاد مش فاهمين إن حواراتهم بقت مفقوسة.. لازم يغيروا بأه شوية".
طبعا لم يسكت "الولاد" وتواجدوا للدفاع عن بني جنسهم وللهجوم علي البنات.. فيقول أحمد عزت: "يا جماعة الكلام ده مش الولاد بس اللي بتقوله، فيه بنات كتير أوي بتقوله وكله مبسوط ومفيش مشاكل يعني، بس فيه أكثر من تلت الولاد محترمين أوي ونفسهم في حب صادق بس مش لاقيين علشان بقت زيطة"، ووافقه الرأي محمد سيد، قائلا: "البنات بردو مش ملايكة، هما كمان بيكدبوا كتير في حبهم.. حتى مع نفسهم".
أما محمد المصري، فقال أنه اشترك في هذه المجموعة فقط علشان يقول حاجة واحدة: "الكلام ده قديم أوي، وإن بجد اللي بيحب مش بيبص للكلام اللي بيقوله، علشان ده بيطلع كده من غير ما تحضره أو تفكر هتقول ايه، يا إما يبقى تافه والبنات العبيطة هي اللى بتصدقه".
الكدب علي الحبيب
بعيدا عن الـ20 جملة التي وضعها شادي، انطلق المشاركون في النقاش حول الحب والكذب بين الإناث والذكور، ومن بين الأسئلة التي دار حولها النقاش سؤال "امتى تكدب علي حبيبك؟"، فيرد إيهاب ماهر، قائلا: "لما تقولها أنتي أحلى واحدة شفتها بحياتي، أنتي أحلي حتى من نانسي عجرم (وهي شبه عائشة الكيلاني)، لما تقول لها تسلم أيديك دي أحلى أكله دوقتها في حياتي (وتدور بعد كده علي فوار للحموضة وتقول ربنا يستر)، لما تقول لها فستان السهرة ده تحفة (وهو مش يفرق كتير عن جلابية للبيت)، لما تقول لها ما بحبش أخرج من البيت علشان ما أبعدش عنك بس ظروف بقا (وأنت رايح مع زمايلك تقعد علي القهوة بره)".
وهو ما دفع هانو محمد للرد علي إيهاب قائلة: "الراجل لما يشوف زوجته قاعدة ساعات في المطبخ تجهز له أكل وفي الآخر مش عاجبه أكلها بس برغم كده يقولها أكلك حلو عشان يطيب خاطرها فده مش كدب، لما يشوف مراته لابسه فستان جديد وفرحانه بيه وتقول إيه رأيك يقولها حلو وهو مش حلو فيبقى مش عاوز يكسر خاطرها وده مش كدب، كل ده اسمه مجاملات مش كدب.. الكدب إن الواحد يقول لمراته أنا بحبك وبموت فيكي وهو مش بيحبها".
واحدة مشيت معاها
تستمر المشاركات هكذا بين مدافع ومهاجم، حتى وصل عدد أعضاء المجموعة إلى ما يقرب من 22 ألف عضو، وفي أحد المشاركات وضعت نهلة 10 جمل أخرى ترى أن أغلب الشباب يرددونها أمام البنات، مثل: "أنا هسيبك علشان مش عاوز حد يتكلم عليكي نص كلمة"، و"أنا مينفعش ارتبط بواحدة مشيت معاها".
ويأخذ شادي العشر جمل ويضيف عليهم أقواسه الساخرة لتصبح "حبيبتي أنا ماستهلكيش (هيييه وهوا ده حال الدنيا، الولد بيضحي علشان الدكتور قاله هتموت الأسبوع اللي جاي فمش لازم يعذبها معاه"، و"أنا هسيبك علشان مش عاوز أي حد يتكلم عليكي نص كلمة (يا راجل وأنت لسه فاكر دلوقتى ما البنت اتشحورت والحمد لله بسببك وخلاص اللي حصل حصل)"، أنا منفعش ارتبط بواحدة مشيت معاها (ياراجل إن شاء الله ربنا هيكرمك وترتبط بواحدة مشيت مع نص شباب شبرا ومصر القديمة كمان)"، و"حبيبتي أنا اكتشفت إن مفيش ما بينا حاجه متشابهة (لأ بجد.. بألو سنتين ماشى معاها وبعدين لسه مكتشف ده الظاهر عليه كان بيكتشف مقبرة جديدة في أسوان ولا حاجة)".
يضيف شادي العشرين جملة إلى ما وضعه من قبل، ليصبح المجموع "30 جملة 95 % من شباب مصر بيقولوها للبنات".
4d00
ياصباح النووووووووور
أرسل هذا التعليق بواسطة : محمد السيد
إيه ياعم الروقان ده بس؟؟
والله تحفةةةةةةةةةةة ......
أنا قعدت أبعثه للناس اللي أعرفها ..... صباح المسخرة حقيقي ,...
بس مقلتلناش برضه ....
جملتك انت ايه ياريس؟
يارب أنا كمان .. مش حاسكت
تقدروا تنورونا دلوقتي
http://mesh7askotbardoh.blogspot.com
لا للتمديد .. لا للتوريث ... نعم لتعديل الدستور "طبعا مفيش داعي أقول إن ملهاش لازمة الكلمة دي"
mohamedmat@hotmail.com
اسطونات مشروخة
أرسل هذا التعليق بواسطة : وسيم gooldenfox60@hotmail.com
هو فعلا اصبح الكلام والحمل سواء من الشباب او البنات مكرر واصبحت اسطوانات مشروخة وبعدين اة الشباب بتقول جمل كتيرة مكررة لكن الاسوء ان معظم البنات بتكدب كدب بين وواضح جداا ونادرا لما تلاقى واحدة صادقة فى كلامها وشعورها كلهم ملهوفين على الجواز وخلاص مش مهم يقول اية المهم انة يجى يتقدملى وخلاص واهو ضل راجل ولا ضل حيطة انا بتكلم على البنات الخلصوا جامعة يعنى مش فارق معاهم ال30جملة البيتقالوا المهم المضمون وهو هتيجى تتقدملى ولا اشوف واحد واحد جاهز احسن
البنات عايزة كدة
أرسل هذا التعليق بواسطة : ابو شهد
انا مثلاً مش حافظ اسطونات مشروخة..و حبيبتى قعدت وقت كتير
لغاية ما صدقت انى مش حافظ كلام من الكلام ده و للأسف بنات كتير بتبقى عايزة
الولد يقولها كدة حتى لو بيكدب عليها
والحمد لله انا من الـ 5 % احمدك يا رب D:
go on
أرسل هذا التعليق بواسطة : no name
ياااااااااااه ايه دة دة انتو قدام اوووووووووووووووووووووووى الكل بيرغى فى مكن وضرب واطلع وانزل وانتو لسه بتتكلموا فى الاسطونات