ساركوزي و(الجو) في (أحضان) التاريخ!
ساركوزي قرر أخيرا أنه يفسح "الجو أو "الحتة" أو الـ"جيرل فريند" بتاعته خارج البلاد.. ولحسن حظنا وقع اختيار الرئيس الفرنسي على بلدنا السعيد، لنشاهد عن قرب قصة الحب الرئاسية في أحضان التاريخ.
جولة ساركوزي وصديقته كارلا بروني عارضة الأزياء السابقة التي ارتبط بها بعد طلاقه، بدأت بمدينة الأقصر، التي زارا فيها أهم المواقع التاريخية، وسوف يكملا رحلتهما على شواطئ شرم الشيخ.
نسينا أن نذكر أن (صديقة) ساركوزي، هي (الصديقة) السابقة لكل من المغنيين العالميين "ميد جاجر"، و"إريك كلابتون" ورجل الأعمال "دونالد ترمب".. بس!
* شاهد صور ساركوزي وكارلا في الأقصر، وانتظر معنا صور شرم الشيخ...
7058
عقبالنا
أرسل هذا التعليق بواسطة : احمد جاد (الدستور)
يابختك ياعم ساركوزى ..........حتة جامدة ..وفوق كل ده كله رحلة بلوشى (اصل الحكومة اعلنت انها هاتتكلف تكاليف رحلة عمنا ساركوزى والحاجه كارلا بلونى عشان تشجع السياحة)........عقبالنا
امال فين مباحث الاداب
المفروض ما دام الموضوع كده يعني جايب واحده صحبته وجاي يعمل معاها فيلم في مصر
المفروض مباحث الاداب تتدخل
ولا بتوع الاداب بقوا شغالين امن دولة
الموت
أرسل هذا التعليق بواسطة : جمعة
لما نزل الموت بالعابد الزاهد عبد اللة بن ادريس اشتد علية الكرب - فلما اخذ يشهق - بكت ابنتة
فقال :
يا بنيتى لا تبكى فقد ختمت القرأن فى هذا البيت اربعة الاف ختمة ::::: كلها لاجل هذا المصرع
التي ارتبط بها بعد طلاقه،
الله هو المسيحيين عندهم طلاق
كيفية التعامل
ويا ترى ساركوزي حيتعامل مع حكومتنا الرشيدة انجليزي ولا فرنساوي
وهياخدها ويروح يقابل السيدة الاولى فى عابدين
أرسل هذا التعليق بواسطة : ش
رائع - لما تستقبلها ماما سوزان - هتسألها - اخبار الفرنساوى اية - وضعة مريح ولا متعب
حسني مبارك والفرنساوي
ويا ترى حسني مبارك حيقدر بالفرنساوي دا راجل كبير وصعب عليه الفرنساوي
وخد فى عينك
أرسل هذا التعليق بواسطة : الفرنساوى
احنا عندنا فى الصعيد قصب - وساركوزى بيحب المص - خلية يمص لهم الاتنين - عواجيز بقى
تعاون مبارك وساكوزي
أرسل هذا التعليق بواسطة : d
ساكوزي بالمزه ومبارك بالشقه
تعاون مصري فرنسي على دعم الوضع الفرنساوي في مصر
عقد مبارك وساكوزي و(المزه) اجتماع موسعا حضره السيد وزير الداخلية والخارجية
واتفقا على نشر ثقافة الفرنساوي بين الازواج المصريين
وحضر الاجتماع باقة من الوزراء والمحافظين
الى اللى فوق الحكومة ما بتاكلش حق حد
أرسل هذا التعليق بواسطة : نظيف
اسمع يا اخينا انتا الحكومة المصرية ما بتاكلش حق حد الحكومة المصرية جتدفع فلوس الست الطيبة دي (الغلبانه) اللي ما لهاش حد على داير مليم
نسينا أن نذكر أن (صديقة) ساركوزي، هي (الصديقة) السابقة لكل من المغنيين العالميين
أرسل هذا التعليق بواسطة : fab8
ومين يطلع ساركوزي دا راخل ما هو ... يعني ريجان بتاع امريكا كان صايع وهلفوت وممثل سيما درجة تالته وبقى رئيس جمهورية ولا مين يطلع كلينتون ولا بوش محاميين على باب الله والعملية مشيت معاهم احنا احسن منهم على الاقل اللي عندنا فريق طيار مش ...
هى البلد بقت عزبة مين ؟
أرسل هذا التعليق بواسطة : قرف الزمان
بقت دولة ... على حساب الحكومة المصرية وعلى حساب المساكين دافعى الضرايب من الفقراء تستضيف الحكومة ... رئيس فرنسا ومعة ...هنا وهناك على حساب المال العام وجة نائب فى البرلمان - او مجلس موافقات العزبة - سؤال - ولكن مين اللى هيجاوب علية - ثم ...وهو مالة ماهى الخزينة بتصرف على الصالح والطالح وفنادق الشرم لكل من هب ودب بدون رقابة او محاسبة على حساب رغيف خبز الغلابة اللى بيقفوا طوابير فى البرد يا دكتور حمدى حسن شكرا لسؤالك فى مجلس الشعب ..
هى البلد بقت عزبة مين ؟
أرسل هذا التعليق بواسطة : قرف الزمان
بقت دولة ... على حساب الحكومة المصرية وعلى حساب المساكين دافعى الضرايب من الفقراء تستضيف الحكومة ... رئيس فرنسا ومعة ...هنا وهناك على حساب المال العام وجة نائب فى البرلمان - او مجلس موافقات العزبة - سؤال - ولكن مين اللى هيجاوب علية - ثم ...وهو مالة ماهى الخزينة بتصرف على الصالح والطالح وفنادق الشرم لكل من هب ودب بدون رقابة او محاسبة على حساب رغيف خبز الغلابة اللى بيقفوا طوابير فى البرد يا دكتور حمدى حسن شكرا لسؤالك فى مجلس الشعب ..
حيركب .....
وطبعا رجال الداخلية حيحرسوهم وهما نايمين
الحكومة هتدفع تكاليف الزيارة بس ؟
أرسل هذا التعليق بواسطة : بالصدفة مريت
طيب الحكومة هاتدفع تكاليف الزيارة - طيب دى مقدور عليها ...دى مين اللى هيدفعة الحكومة المصرية والا الحكومة الفرنسية ؟ دى عايزة مباحثات على اعلى مستوى فى الخارجية واذا كنا هندفعة - هيكون من بند الدعم والا من النثريات بتاع القصور نحب نفهم
من ديوان اميات
أرسل هذا التعليق بواسطة : الشاعر نجيب سرور
جعان وعريان وعاطل بالسبع صنعات ..- - ياعم لايمها على الفكة هاتوا المحافظ وايديكوا يالا على الشيكات ونظرة ياللى جايين الليلة من مكة ...فيها شوف الخريطة تلاقيها .... ربك خلقها كدة راح تعمل اية فيها وقلنا نن... بقى قالوا بلا وكسة واللة لا تحصل بدل النكسة ميت نكسة
بلادي شقة مفروشة !!!
أرسل هذا التعليق بواسطة : طيف بدر
مصر بلد الحضارة ... بلد الكرم و الشهامة و على رأي اللي قال : " كلمة حلوة في كلمتين ، حلوة يا بلدي !!! " و أنا كنت مش فاهم ليه أغنية حلوة و جميلة زي أغنية " حلوة يا بلدي " اتحولت لـ " مسخرة يا بلدي " في فيلم (خليج نعمة ) لكن دلوقتي فهمت السبب مع زيارة (ساركوزي ) و الـ (جيرل فريند ) بتاعته لمصرلقضاء أجازة الكريسماس في أحضان (سفنكس ) .... ميري كريسماس (ساركو) !!!
أتخيل الآن واحد من إياهم من أصحاب القلوب المصدية و الدماغ الجزمة - المشكلة إنه فاكرها كلاركس – يسألني : " إنت حتعمل دكر على ساركوزي ؟ ما كل السياح اللي بييجوا مش متجوزين "
ماشي يا راج.... يا راجل - ما علينا ، المصيبة إن هي دي سمعة بلدك دلوقتي . مصر عبارة عن إزإزة خمرة و شقة في شارع الهرم و رقص شرقي و عايزين يقنعونا إن من غيرهم حنموت و مش حنلاقي ناكل ... و كأننا أساسا لاقيين ناكل . ثم إيه لازمة تكون أجازة الرجل و حمايته و إقامته و فطاره و غداه و عشاه و مزاجه هو و " المزة " بتاعته يكون على حساب الحكومة المصرية ؟!! هو إنت عارف تتجوز و لا تتنيل ؟ و لو حاولت إنت يا سبع البورومبة تعمل زي ساركوزي و تاخد صاحبتك في أي فندق كبير ... أول سؤال حيسألوه : " فين فسيمة الجواز يا أستاذ ؟ " ساعتها حترد يا أبو دماغ جزمة :" إنت حتعمل دكر عليا ؟ اشمعنى ساركوزي ؟ "
إحنا كدة بنفتح الباب رسميا للسياحة الجنسية في مصر علشان تبقى على عينك يا تاجر و نبقى زي تايلاندا و كمبوديا و الفلبين ... إلا قولي الفلبين عاملة إيه دلوقتي ؟؟
يسألني أبو قلب مصدي بطريقة أقرانه الذين يظنون انفسهم يدركون بواطن الأمور : " مشكلتك إنت و أمثالك إنكم بتنظروا للأمور بسذاجة و بخلفية دينية تبسيطية ، ما حدث كان ضروريا لأن هناك تعاونا مصريا فرنسيا منتظرا خاصة في مجال الطاقة النووية و حتبقى الأشية معدن "
نعم ، أنا أؤمن إيمانا جازما أنه ما جهر قوم بالفحشاء بينهم إلا و عمهم الله بالبلاء و الأسقام و لكن الإسلام ليس قاسما مشتركا بيني و بينك الآن .. ساكلمك بالعقل إن كنتم تعقلون ...
لو رخصة عربيتك متعطلة بسبب موظف عاوز منك إكرامية – رشوة يعني ... يبقى إيه رأيك في الموظف ده ؟ طب لو الموظف ده قال لك إنه حيخلص الرخصة بس بعد ما تجهز له شقتك يوم الخميس ييجي يشرف فيها هو و بنت جايبها من كورنيش البحر ، حيكون رد فعلك إيه ؟ ثم هل هذه مدرسة جديدة في العلاقات الدولية تدشنها مصر . قبل ما نعمل أي اتفاقية مع أي دولة نعمل لرئيس الدولة دي جو و مزاج . ده على كدة مش لازم نظلم أصحاب شبكات الدعارة و الشقق المفروشة و المفروض الشرطة متقبضش عليهم لأن دول مكانهم الحقيقي في الوزارات و المصالح الحكومية مادام هذه هي الطريقة المصرية الجديدة في إدارة علاقاتها الدولية .
الغريب إنك بتقول عليا إني ساذج ؟! طب يا عم المفتح المدقدق اعتبرني داقق بطتين على دماغي ... هي فرنسا بانية علاقاتها و اقتصادها و اتفاقياتها على أساس انبساط رئيس فرنسا ؟
يعني أنا متخيل دلوقتي إن أي مستثمرفرنسي ييجي مصر حيسأل المسئولين المصريين عن التسهيلات المتوقعة لتنفيذ مشروعه فيكون الرد : إحنا جبنا رئيس جمهوريتك مع البنت بتاعته يومين عندنا و حنورد لك مزز، ولا لو جت المؤسسات المتخصصة عن الطاقة النووية تسأل عن إجراءات الأمان حنقولهم عندنا رقاصة مكنة اسمها فيفي عبده .
و الله شركة بيجو عاملة واحد من اكبر مصانعها في إيران و مسمعناش إن إيران جابت رئيس فرنسا مع الجيرل فريند في الكريسماس ولا سمعنا إن بوتين جه مع مزة روسية قبل ما يبدأ التعاون الروسي الإيراني في مجال الطاقة النووية .
الآن يتمثل هذا الصديق أبو دماغ جزمة دور الرجل السامي المثقف " إمتى يا مسلمين تتلموا و تتعلموا احترام الآخر و عدم احتقار تقاليده و أفكاره و تعرفوا معنى التعايش البناء ؟ "
إنت بتتكلم عن إيه يا حضرت . صحيح دماغك جزمة !!! ده ساركوزي مهندس قانون حظر الحجاب في فرنسا و واحد من رموز اليمين الأوروبي المعادي للأفارقة و المهاجرين و هو من المعسكر الأمريكي حتى أن بعض الفرنسيين يطلقون عليه " Tony Blair de France " . طب في هولندا تعاطي الحشيش و الكوكايين عادي و تقليدي ... نسبهم يحششوا هنا ؟ و لا نروح نحشش معاهم في امستردام ؟ طب إيه رأيك في القات اليمني ؟ و إيه رأيك في عدم قيادة المرأة السعودية للسيارة ؟ و إيه رأيك في نظام الكفيل ؟ ما دي برضه حسب منطقكم الأعور عادات و تقاليد للآخر يجب احترامها ... و لا لازم يكون الاخر ده عينيه خضرا و شعره أصفر ؟؟!!