انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

• من الكرباج إلى عشرينات!

ولاد البلدقراءة في ٢٢ دبقلم عبد الله الطحاوي

عبدالله الطحاوي - ولاد البلد - عشرينات - 32/12/2007

على أبواب عام جديد تبدو حياتي سطر وطريقي كلمة..ولكن أين المعنى ؟؟ أبصرت طريقا فمشيت..تركت جسدي لزحام الأيام. كان الأمثل لمن في ظروفي أن أكون معلما يخط حرفا، ويصلي في مسجد به ضريح وأمشي على طريق تشاركني فيه الحيوانات..كلنا نتقاسم معنى الحياة..ولكن الفتى حلم..

القاهرة مدينة السلطان وأسعد الناس من لايعرف السلطان ولا يعرفه السلطان .. تلك حكمة الوالد وعجائز بلدتي. تبدأ الحياة في القاهرة من رمسيس ومنه تنبعث رائحة البول وفيه سيارة تنادي على مواطن عنده دم ليتبرع، بجوارها أكياس دم تتدلى من مرضى احترفوا التسول. وفي الخلفية ينتظم تمثال عريق في وقفه عسكرية مهيبة، ومجنون يلوح بمقشة من فوق كوبري الليمون قائلا" أنا المهدي المنتظر يا ولاد الكلب" المشهد كله خلطة امتزجت واستوت بلدا اسمها مصر في منتصف التسعينات.

اظبط ساعتك..على ساعة محطة القطار المتأخرة وحقيبتك على كتفك أقبل على الزحام احتضنه، ذب داخله، تشعبط، علق يدا على حقيبتك، وأخرى على جنيهاتك ..إنك ترتع في أشد أوهام الحياة، وأسوأ أكاذيب الطبيعة أنه أتوبيس 928 خط رمسيس الخانكة..

كسرت قلة ورايا

في إحدى دور النشر التركية عملت، مديرا، والحقيقة كانت تعني انغماسي في إدارة أشياء كثيرة حركة الكتب وحركة الشاي والقهوة والمقشة، أدرت نفسي على نفسي ..وتعثرت فمضيت.

الصحافة كانت وقتها تتنفس من خرم أبرة، مغلقة الأبواب، تقول لأصحاب الواسطة هيت لك أما لأمثالي فمعاذ الله..تجار خرجوا من تحت الأرض يمتصون الشباب في صحف حزبية.. كم كانت مصر قبيحة في تلك الفترة!!

كان أشهر تلك الصحف اصدارات حزب (...) وهي صحف ريفية فتحت للمهاجرين من الريف..عمال تراحيل الصحافة..جلساء رصيف قلم وشنطة وعلبة كشري. على أيديهم تريفت الصحافة..غابت المدينة لم تعد أعمدة أنارة، بل وسائل للاغاظة الكلمة نميمة والخبر قيل وقال.

انتعشت في تلك الفترة العلاقات التحتية اختلط النضال بالميكروفون بالبترول بالقومية بالأمنية بالفلسطينية بالاخوانية.. صدام.. والقذافي.. ضاعت الملامح واحتجبت قيم كثيرة..حيث يصبح الإنسان صحفيا ويمسي تاجر إعلانات وفي السحر كاتب تقارير..إنها العبثية والصحافة..ومثلي ليس أكثر من شيء ملقى في ركن من أركان وجودها يشكو الغربة..

ويبقى الكارنيه هو ذروة الدراما.. ربما تقود إلى فجيعة إغريقية حيث مات زميلي عصام بعد سنين من العناء يوم ناله من النقابة، وأحمد جبيلي بعد أن حصل عليه صعد على سطح النقابة صائحا الكارنيه آهو يا كلاب ..وثالث تخانق مع ضابط فور عودته الى بلدته.. ورابع أصر أن يركب كل ماصادفه من أتوبيسات..كلهم يصفي حسابه مع الايام..الكثير من الشباب كان ضحية تجار الكارنيه يمتصون مابقي من كرامة وكلما تعب لوح له بالكارنيه فيعود من جديد قائلا : هانت .وفتح بعضهم مزادا يبيع فيها الكارنيه لمن يدفع ولو كان زبالا.

كرباج ورا

أول جريدة عملت فيها كانت اسمها الكرباج، صاحب الجريدة صول على المعاش قبض المكافأة وقرر أن ينشيء اصدارا صحفيا..وتحول الكرباج الأسواني، الذي كان يستخدمه أثناء الخدمة، الى كرباج من ورقة وكلمة ..اجتمع بنا قائلا "أنا صوت جديد وعلى الصحافة شهيد.. نعم اخترت أن تكون الجريدة كرباجا يساوي بين الجميع"

عملنا تحت إمرة الصول أياما وشهورا، وأشهد أن هذا الرجل كان ماهرا في صنع الجواسيس، والفخاخ وآه لشرقاوي ساذج مثلي من مدينة قاسية.

أحد رؤساء التحرير صرح ذات مرة لصحفي أنه لاينام ولا تغمض له جفن حتى يكون قد صمم على الورق اسفينا لزميل من زملائه، وطار محمد علي ابرهيم رئيس تحرير الجمهورية وراء زميله برجل كرسي لأنه أخبره انه حلم أنه سيصبح رئيسا للتحرير..ظنا منه أن ذلك اسفينا يريد أن يقعه بين يدي مخلب سمير رجب.

وأنواع الأسافين الصحفية كثيرة منها الثابت والمتحرك، في الكرباج أيقنت أن المسلة الفرعونية هو تخليد تاريخي للإسفين المصري القديم بوصف الفراعنة أول من اهتدى لصناعة الاسفين.

مضت شهورا طويلة ولم نقبض شيئا من الكرباج، وبالنسبة للصول الاصلع فقد صار مصدرا للتوجس كان مريبا في أقواله وأفعاله يكفي سلسلة المفاتيح التي كان يعلقها في بنطلونه.

عوني والخبر اليقين

وذات يوم ذهبنا إلى المقر فواجهنا اسماعيل البواب "على فين يا بهوات؟" قلنا:على الكرباج .أجاب مستنكرا .."كرباج إيه؟" تطورت بعد نقاش طويل إلى كرباج في راسك وراس ابوك.

قال بعضهم صاحبنا نصاب..والخلاص في كل أسبوع ..قلت "تقصد الأسبوع؟؟".قال "الأسبوع لبكري أما الكل لعوني "..

عوني كان صريحا جداا وقال" لا مرتبات لكم عندي" أمال فيه إيه فض الله فاك ؟؟ قال "فيه اعلانات..إنزل جرب. قلت لا أحسن ذلك، فأجابني "أنزل وسط البلد كلم محل كشري أو عصير قصب شكلك مبدع ..القروش القليلة تصنع أشياء كثيرة "نذكرت مشروع القرش لزعيم مصر الفتاة ..ومشروع القرش لعوني.. إنه التاريخ رعاك الله عندما يتبول في خرابة .

كنا نلتقي نحن البائسون، تجمعنا الظروف نصيد بعضنا لجمعية مصاصي دم مهاويس الصحافة، حيث أشار علي بعضهم بضرورة الالتحاق بجريدة فضيحة دولية.. وكانت معنية بترجمة الحوادث..ومقرها في إحدى حواري القللي ...حارة جوة حارة، وسلم حديدي يلتف كالثعبان وأشكال مريبة ..بعضهم أعرفهم وبعضهم لا.

أما رئيس التحرير فكان واخد بشلة ..رئيس تحرير سوابق ..بصراحة خفت من كبسة بوكس تجمعنا سوى وتنتهي الفضيحة الدولية بفضيحة محلية

آفاق في الأفق

كانت تلوح جريدة آفاق عربية، بعض من سبقني مهد الطريق أمامي، كانت تمشي على استحياء يشدها ماضي ثقيل حيث أنها تمثل صوت الاخوان بشكل غير مباشر، ولا تستطيع أن تجاهر بذلك.. فيها من محاسن التجربة الجديدة ومن مساويء التجارب الحزبية، التي تصبح مباحة لكل الحزبيين للكتابة والتعليق، كلهم خبازون ولذلك يخرج العيش محروقا.

في آفاق اكتشفت أن معظم الاخوان يريدون أن يعملوا بالصحافة..وكان أغلب صحفييها من الشرقية والريف، الزميل حسام تمام كان يتندر بقوله: لقد ألقت إليكم الشرقية بفلزات أكبادها.. عشق الشراقوة والصعايدة للصحافة شيء يستحق الدراسة ..ربما لأنهم من أكثر المصريين ذكاء !!

في آفاق ..الكشري في عيش ..والاسم غريب ..والطعم مر ..والمصدر مندهش أفراح عربية ..منفاخ عربية ..صعوبة لفهم الاسم .. ومشكلة لشرحه ..كان ذلك في البداية ..لكن على مشارف النهاية ..آه آفاق بتاعة الاخوان.. ثمة نزاع حول الرؤية هل تكون نشرة ..أم معبرة عن الخط العام ..والخط نسخ أم رقعة ..والشكولاته ساحت راحت مطرح ما راحت ..ولم ينته الجدل ..وتلاشت الجريدة ..وساح صحفيوها في الارض ..ومكث بعضهم يناضل طواحين الهواء ..بعد ان تخلى عنها الجميع ..بعض الاخوان قال :أحسن. وبعض الحكوميين قال أيضا: أحسن. وتاهت القضية بين أحسنين أحلاهما مر. الجاني ضحية، والضحية جاني ولا يجتمع الإخوان والحكومة على ضلال..وعموما فإن الإنسان في كبد..وأدرك الجميع أن ثمة مراجعة ..!!

وكانت عشرينات ..نهاية تلك الرحلة مسرح المواقع، والواقع ..شباب النت والعذاب والهوى..أحسست بينهم أني كبرت فجأة وإمبارح كان عندي عشرين ..الحياة سرقت مني، معهم عرفت أن العالم أكثر رحابة وبساطة..وأن القاهرة ليست مكتبة ،بل ومتعة ..والأكل ليس كشري، والصحافة ليست ورق، مع عشرينات تخلصت من النزعة الحمورية والريفية، وشرعت في التعرف على أبناء الطبقة المتوسطة، ودخلت عالم المدونات حيث أصبح الاخوان والشيوعيين والمسيحيين والملحدين بنعمة النت اخوانا متحابين ..شباب المدونات والعشرينات مثل الالمان أنجزوا ثورتهم في المعرفة في الواقع الافتراضي كما يقول ماركس..

* للعودة إلى صفحة الملف الرئيسية:

- يوم 32/12/2007!

6a3c

يجعله عامر

أرسل هذا التعليق بواسطة : سعدية الشامي(دودو يعني)

بعد الشر عليك من نزعة الحمورية يا استاذ عبد الله والله انت جيت كده وعملت لنا جو مختلف صحيح موضوع مصدرة الموضوعات، والاداء الصحفي ده كانت غريبة علينا شوية بس انت شوية شوية نسيت واحنا شوية شوية اتعودنا عليها وبقينا نعملها لوحدنا واصبحت انت الذي تطالب بالموضوعات الخفيفة والذاتية وكله عند ربنا

انت فعلا شخص يستحق التقدير غيرت فينا الكثير وفي شخصيا لديك قدرة هائلة على احتواء من حولك ودفعهم للامام سعدت بالعمل معك واعتبرها فرصة كبيرة للتعرف على هذا القادم من الريف مثلي

صحيح انا سعدية زي ما انت بتناديني لكن كمان عوضين وفي يوم من الايام لازم نعمل مسرحية تهد الدنيا وتطلع لابس الجلابية الفلاحي وانا لابسه اللبس الغريب اللي بيطلعوا بيه الفلاحين في المسلسلات العربي ..وسلم لي على حفلة القرصاية انت عارف قصدي طبعا بس كله فداك ياعمنا ويجعله عامر

يااااااااه انصحك تكتب مذكراته يا استاذ عبد الله

أرسل هذا التعليق بواسطة : شريف الدواخلى

ولو انى زعلان منك على تريقتك على رمسيس بس بس يالله مش مشكلة ..

بجد رحلة مضنية لا اتصور ان غيرك كان يمكنه أن يتكبد مشاقها ليصل إلى ما أنت فيه الان

قطعاً ليست عشرينات هى نهاية المطاف و أنما أتصورها نقطة الانطلاق ... لاماكن ارحب وافضل ... بصراحة نفسنا نقرالك فى حاجة مطبوعة يا استاذ عبد الله " مع احترامى للنت والصحافة الاليكترونية " بس برضه لازم قلم الطحاوى يبدع فى حاجة مطبوعة ورقية ....

عارف يا استاذ عبد الله لو جيلك " الجميل " ده رجع تانى يشتغل صحافة هانقعد كلنا فى البيت .... يعنى مثلا لو رجع الطحاوى واسامة سلامة يكتبوا تانى فى الملف القبطى يبقى خلاص بتوع الدستور والمصرى والبديل " العيال يعنى " يقعدوا فى البيت أحسن لان اللى احنا بنعمله بالمقارنه بيكم عامل زى الفرق بين الشخبطة اللى يلهو بها عيل صغير و كتابة احسان عبد القدوس .... فرق كبير أنا عارف ... بس هذه سنة الحياة ... عشان برضه نعرف ناكل عيش

تعرف يا استاذ عبد الله أنا لما بقارن احلى حاجة كتبتها فى الملف و أى حاجة حضرتك كتبها سواء هنا أو فى اسلام اون لاين بحس أن الفرق بينهما مثل الفرق بين السماء والارض " بس أهوه " أدينا بنتعلم ويكفينا فخراً أنك نعتنى بأنى تلميذك النجيب ... وهو شرف لا أستحقه ...

سنة أن شاء الله سعيدة عليك يا استاذ العظيم و لازم تتجوز فيها بقى عشان كده مش هاينفع بقى ... العرايس وافقين صف " ارحمهم بقى "واتجوز ....

وربنا يسعدك يارب

كلمة أخيرة :

عشرينات هى الطحاوى والطحاوى هو قلب عشرينات

الله ينور ياطحاوي

أرسل هذا التعليق بواسطة : احمد غانم

قلبت علينا المواجع ياطحاوي لكن ستظل آفاق عربية رغم سلبياتها في القلب تجربة جمعت الشامي على المغربي ومن كل لون ياباطسطة والله كانت أيام حلوة وتجربة أحلى وعيال مخلصة من عماد الدين للألفي لصبري ابو علم للبطل احمد عبد العزيز لنوال وكله الا نوال جابت خبرها وكافية كانت لمانة على لقمة حلوة وخناقة لذيذة وحناجر تنبح اااااااااااااه تعرفوا امنيتي ايه قبل ما اموت يفتحوا افاق عربية سلام ياصاحبي

ملعون القهر اللي بيقفل الصحف

أرسل هذا التعليق بواسطة : هاني صلاح الدين

احسنت ياطحاوي وجسدت مأسي جيل حلم بالانتساب لبلاط صاحبة الجلالة فدفع الثمن من حياتة وداخ السبع دوخات حتي يحقق حلم الكارنيةومنا من أغتالة الموت عقب تحقيق حلمة وما عصام الانصاري رحمة الله علية عنا ببعيد لكن اتركني ان اختلف معك في تجربة افاق عربية والتي التحقت بها مع عددها الثالث فهي تجربة ناجحة بكل المقاييس واستطاعت ان تاثر في السوق الصحفي وبالطبع كل تجربة لها وعليها ايضا لكن هذة الجريدة التي نعشقها جميعا خرجت جيل من الصحفيين المهرة الذين شهد لهم الجميع بجودة القلم وحرفية المهنة واغتالتها ايدي القهر والأستبداد والفساد السياسي ولن اخفيك سرا رغم اننا سرنا جميعا في دروب المهنة ولاننكر اننا حصلنا علي مكانة معنوية ومادية الا انني مازلت احلم بعودة جريدتي افاق عربية التي جعلت لنا اسما وسعرا في سوق الصحافة المصرية ودائما يتجدد في نفسي الامل ويراودني حلم العودة دوما ومازلت انتظر تحقيق الحلم وان كنت واهم فانا لن انتازل عن حلمي ولن يضيع حق ورائة مطالب والله غالب علي امرة ولوكرة المستبدين والمفسدين وان كان اليوم لهم فغدا ان شاء الله لنا واخيرا نبشت في الجرح ياطحاوي الذي مازال ينزف منذ عام و9 شهور

الخفة و الظرف

أرسل هذا التعليق بواسطة : مش مهم

الأخ شريف الدواخلي هو بقى ليه حق انه يقول ده قلب عشرينات و لا مش قلب عشرينات و الله بقت تضحك ، و على مين على عبد الله الطحاوي و ايه الصورة اللي محطوطة ده

انت تاريخ

أرسل هذا التعليق بواسطة : مصطفى خليل

والله انت تاريخ يا استاذ عبدلله

ربنا يخلى ايامك الجايه احلى من اللى فاتت

وكل سنه وانت طيب

كل سنه وانت طيب

مش عارف ليه ياعبد الله باشا كل مااقرا لك احس انك اديب اكتر من كاتب صحفي

بستمتع بقراءة مقالاتك والله

بس خس شويه يا عبد الله .مينفعش كده ياراجل ......خد البراء واشتركوا في اي جيم ولا حاجه وبطل اكل كشري و ااتجوز بقي ياعم الحاج

معلش يا استاذ عبد الله

أرسل هذا التعليق بواسطة : ابو يوسف

الحمد لله ان الاستاذ مكتبش انة كان مع عادل امام وهو جاي يجيب المحرات لما قبلة سعيد صالح واخذ منه الفلوس

لا يكون ده بقي الطحاوي فوق صفيح ساخن

الى هاني صلاح الدين (ملعون ابو الغباء اللي بيقفل الصحف)

يا اخ صلاح الدين الغباء هو اللي قفل صحيفة افاق عربية مش القهر

افاق عربية فكرها اخوان مسلمين

والاخوان اضاعوا الممكن في سبيل المستحيل

المستحيل هو ان تقيم دولة اسلامية في ظل الظروف الحالية (قل اللهم مالك الملك تؤتي الملك من تشاء)

لكن الممكن هو الدعوة الاسلامية واصلاح الناس قدر المستطاع (وما اريد الا الاصلاح ما استطعت وما توفيقي الا بالله)

الاخوان اضاعوا الممكن من اجل المستحيل

يعني كان ممكن افاق تستمر وتعلم الناس الدين بالحكمة والموعظة الحسنة

لان الله القاعدة الاساسية للاخوان ان الحاكم فرعون والجيش جيش فرعون ووزير الداخلية هامان الى اخر الفلم

هذا رأيي ورأي علماء اهل السنة والجماعة الكبار ومعذرة لعدم كتابة اسمي

أول جريدة عملت فيها كانت اسمها الكرباج، صاحب الجريدة صول على المعاش

كرباج ايه وصول ايه ومعاش ايه يا طحاوي

انت شارب حاجه يا ابني

فأسعار جريدة " الكرباج " كانت اعلى من اسعار جرائد اقل شهرة

* كان المرء انذاك اذا ما اراد ان يشتم وزيرا او مسئولا او حتى شخصا عاديا يتوجه الى احد الكتاب او الصحفيين الذين يملأون مقاهي باب الخلق والفجالة والحسين ليطلب منه ان يقوم بالمهمة شعرا او نثرا مقابل اجر يتم الاتفاق عليه وغالبا ما يقوم الزبون بتزويد الصحافي بخامة الموضوع ( المعلومات ) ليقوم الكاتب بتفصيل المقالة او القصيدة حسب رغبة الزبون وطلبه ثم يحملها الى احدى الصحف الشعبية التي تصدر من الرصيف لنشرها .... وكانت اسعار النشر تختلف وتتفاوت باختلاف طول المقال وعرضه وشهرة كاتبه كما كانت اسعار النشر تختلف باختلاف شهرة الجريدة او المجلة ... فأسعار جريدة " الكرباج " كانت اعلى من اسعار جرائد اقل شهرة مثل " البعبع " و " الجاسوس " و " اللجام " و " الصاعقة " و " الغندورة " والمرصاد" و" عفريت المقاولين " و " الخلاعة " و " المرستان " وغيرها من صحف " العتبة الخضراء ".

المنافقين والمنافقات

أرسل هذا التعليق بواسطة : رخم

طبعا كل اللى شغالين معاك عمالين يعلقوا وينافقوا واولهم الست دودى - الريس بتاعهم بقى - ولازم يبينوا انك حاجة محصلتش وكتاباتك بتنقط سكر وانك جبت الديب من ديلة - وطبعا من كتابتهم فهمنا الشغل ماشى ازاى عندكم وعرفنا انكم مجموعة متافهمة ومع بعض

بس اللى منكد على عيشتى مين الللى بيصرف على الموقع المبالغ دى والمرتبات والايجار وكل المصاريف

مين اللى وراء عشرينات

المحطة القادمة

أرسل هذا التعليق بواسطة : حسين عبد الظاهر

مقال جميل يا طحاوي ضحكت كتير والله، بس انت ليه ما أشرتش لتجربة "المشاغب خانة" كنت متألقا.

يا ترى محطتك الجاية هتكون أيه .. أنا خايف بس السنة القادمة تكتب مذكراتك "الطحاوي .. من الصحافة للكنيسة"

الى الاخ اللي فوق (من الصحافة للكنيسة)

ولله زي ما قرأت الموضوع الراجل بيدور على شغل وعايز يكسب وحيشتغل مع اللي يدفع اكتر مثله مثل اي شاب

الى سعدية الشامي(دودو يعني

ايه السخافات دي

الطحاوى والزعبلاوى - فلاح كفر الهنادوة

أرسل هذا التعليق بواسطة : برضة انا

انا مش شايف صحافة - ولا حتى صحافة مدرسية - دى حتة منتدى بيجيب مواضيع من بقية الصحف - واحيانا مقالات لبعض الهواة - ومش معروف هويتكم اية ؟ انتم اخوان - والا شيوعيون - والا مباحث امن دولة

ومقالنكم متواضعة جدا وكلها اخطاء ومفيش تحقيق صحفى كامل ولا عندكم صور وعاملين زى فلاح كفر الهنادوة اللى دايما يتكلم على لسان الواد ابن ابوسويلم ابو لسان زفر

نصيحة يا اخ طحاوى - ابقوا اكتبوا عن الطبيخ - ورضاعة الاطفال - وغسيل الكوافيل

يمكن ربنا ينفخ فى صورتكم

وقد نقل ابن عبد البر عن أيوب ابن القَرْيَة قال: «أحق الناس بالإجلال ثلاثة:

وقد نقل ابن عبد البر عن أيوب ابن القَرْيَة قال: «أحق الناس بالإجلال ثلاثة:

العلماء والإخوان والسلطان، فمن استخفّ بالعلماء أفسد مروءته، ومن استخفّ

بالسلطان أفسد دنياه، والعاقل لا يستخفّ بأحد».

الى الاستاذ برضه انا

وتاعب نفسك ليه ومزعل نفسك ليه

موقع عشرينات خلاص اصبح له عشاقه ومدمنيه

يا عم اذا ما كنش عجبك

عندك محركات البحث دور على المواقع اللي تعجبك

وسيب عشرينات في حالها

واتحداك

اذا لقيت موقع تاني ينشر رأيك بصراحه زي عشرينات

يعني انت قلت رايك بمنتهى الصراحه وعشرينات نشرته

فيه عندك موقع تاني ينقل رايك بهذه السهولة

مستحيل

الى مش ضرورى

أرسل هذا التعليق بواسطة : we

نشر المصرى اليوم الحديث التالى

قال رسول اللة صلى اللة علية وسلم

اما انة سيكون بعدى امراء يكذبون ويظلمون فمن صدقهم بكذبهم وما لاهم على ظلمهم فليس منى ولست منة ومن لم يصدقهم بكذبهم ولم يمالئهم على ظلمهم فهو منى وانا منة الا وان سبحان اللة والحمد للة ولا الاة الا اللة من الباقيات الصالحات

قال الإِمام أحمد : ( لو كان لنا دعوة مستجابة ، لدعونا بها للسلطان

قال الشيخ الدكتور صالح الفوزان ويسن أن يدعو – أي الخطيب – للمسلمين بما فيه صلاح دينهم ودنياهم ، ويدعو لإِمام المسلمين وولاة أمورهم بالصلاح والتوفيق وكان الدعاء لولاة الأمور في الخطبة معروفا عند المسلمين ، وعليه عملهم ، لأن الدعاء لولاة أمور المسلمين بالتوفيق والصلاح ، من منهج أهل السنة والجماعة ، وتركه من منهج المبتدعة ، قال الإِمام أحمد : ( لو كان لنا دعوة مستجابة ، لدعونا بها للسلطان ) ولأن في صلاحه صلاح المسلمين .

وقد تُركت هذه السنة حتى صار الناس يستغربون الدعاء لولاة الأمور ويسيئون الظن بمن يفعله ) .

حكومة الحرامية وحكومة الشعب

أرسل هذا التعليق بواسطة : لب

قال ابرهام لنكولن

حكومة الشعب بالشعب وللشعب لن تنتهى فى هذة الارض

حكومة الشعب ومش عارف ايه

طيب يا خبيبي ما هو جمال عبدالناصر جه من الشعب وجاب معاه الحرامية كلهم

والسادات جه من الشعب وجاب معاه حرامية تانيين خالص

وحسني مبارك جه من الشعب وجاب معاه ناس تانية خالص

وبرضه لما حتيجي حكومة من الشعب تانية حيجيبوا معاهم حرامية جداد

وكل دا كان ليييييييييييييييه اسألني ليه

لان القاعدة بتقول كيفنا تكونوا يولى عليكم

فهم يا عم الناظر ولا ما فهمتش

وخلي بالك احنا كده كده مش واخدين حاجه حكومة شعب حكومة حرامية كده كده احنا بره اللعبة

صرح مصدر بالداخلية

أرسل هذا التعليق بواسطة : نكد

تم القاء القبض على مصرى مبتسم والشبهات تدور حول دوافع ابتسامتة ومصدر امنى يقول ان الابتسامة مدفوعة من جهات خارجية

كل سنه وانت طيب يا ريس

كل سنه وانت طيب يا ريس

كل سنه وانت طويل واحنا قصيرين

كل سنه وانت تخين واحنا رفيعين

كل سنه وانت مبسوط واحنا زعلانين

كل سنه وانت كبير واحنا صغيرين

كل سنه وانت سليم واحنا عيانين

كل سنه وانت شبعان واحنا جعانين

كل سنه وانت مكسي واحنا عريانين

كل سنه وانت فاهم واحنا مش فاهمين

كل سنه وانت نايم واحنا صاحيين

كل سنه وانت ضارب واحنا مضروبين

كل سنه وانت طالع واحنا نازلين

كل سنه وانت فاكر واحنا مش فاكرين

كل سنه وانت هادي واحنا مش هاديين

كل سنه وانت غني واحنا مأشفطين

كل سنه وانت كبير واحنا صغيرين

كل سنه وانت فالح واحنا مش فالحين

كل سنه وانت سيد واحنا خدامين

كل سنه وانت داهس واحنا مدهوسين

كل سنه وانت ساكن واحنا مش ساكنين

كل سنه وانت متدلع واحنا مش متدلعين

كل سنه وانت متجوز واحنا مش متجوزين

كل سنه وانت شغال واحنا عاطلين

كل سنه وانت لابس جذمه واحنا حافيين

كل سنه وانت مبسوط واحنا مبوزين

كل سنه وانت بتضحك واحنا معيطين

كل سنه وانت هايص واحنا لا يصين

كل سنه وانت عايم واحنا غرقانين

كل سنه وانت مفتح واحنا مغمضين

انت فاكرنا يا ريس

مسكين حتفتكر مين ولا مين ولا مين

على ابواب عام جديد تبدو حياتى سطر و طريقى كلمه و لكن اين المعنى؟

أرسل هذا التعليق بواسطة : نيفين نيفى نوفا

المعنى فى بطن الشاعر و الشاعر من شعر و الشعر هو كلامك يا استاذ طحاوى

صحيح عشرينات متبقاش عشرينات من غير الطحاوى بس ده ميمنعش اننا نقرا اسمك على صفحات الجرائد

هقوال ايه!!!

اكيد اكتر من رائع

بقولك ايه يا نفين

انتي مكتوب كتابك

يا ترى الدخله امتى

صحيح بيعملوا اية فى ليلة الدخلة ؟

أرسل هذا التعليق بواسطة : اهوة

بمناسبة ليلة الخلة ؟ هما بيعملوا اية - ولية سموها دخلة

الهى يكون العريس اقرع

ونغنى ونقول

دخلت دارة قلبت حالة

ليلة الرعب

أرسل هذا التعليق بواسطة : بطة

الدخلة عندنا اسمها ليلة الرعب

يا ترى الشريك هيكون حيوان والا طريقة المعاملة هتكون ازاى

والنزيف دة ممكن يموت

ونفترض الشريك عندة شك ان مفيش غشاء اصلا

طيب والتصرف ازاى

البنات بيقولوا مفيش الم - دى زى شكة الدبوس - ولكن انهوا دبوس

هل كل البنت ما تكبر فى السن الغشاء بيرق ويصبح ضعيف

بمعنى لو واحدة عانس عندها 40 سنة - الغشاء عندها بسماكة بنت العشرين

اسئلة محيرة

وحاجة اخر قلق

الى الاخ الطحاوي

يا اخ الطحاوي هذه الباب اسمه مساحة للراي يعني لازم يكون موضوع عام يتم المناقشة فيه بينك وبين القراء وتبقى مناقشة مفتوحة

هذا الموضوع من الكرباك الى عشرينات هذا ذكرياتك الخاصة ليست مجال الصفحة ولا يوجد ما يتناقش القراء عليه

وشكرا

حاجه وتلاتين لولاء الشملول مثال ممتاز لمساحة للرأي

أرسل هذا التعليق بواسطة : ابومحسن

ان من انجح موضوعات مساحة للراي منذ الاخراج الجديد لعشرينات هو موضوع

حاجه وتلاتين للكاتبة وفاء الشملول

لازم موضوعات مساحة للرأي تكون بنفس الشكل قضية عامه تهم الناس ويتناقشوا فيها اما كده ما ينفعش

صحافة لمين وعلشان اية

أرسل هذا التعليق بواسطة : متابع

فى الغرب ممكن مقالة فى جريدة تشيل الحكومة

وممكن مقالة تلفت نظر الحكومة لسياسة ما خطأ او توجهها الى وجهة صح

انما عندنا رئيس الدولة صرح مرة انة لا يقرأ صحف المعارضة ويمكن لا يكون بيقرأ اى شىء ونسى القراءة من زمان

وكذلك الحكومة والوزراء لا يقراوون

ومعظم الشباب لا يقرأ غير صفحة الرياضة

والعواجيز صفحة الوفيات

يبقى هتكتبوا لمين - مين هيسمع صريخ الشعب - مفيش - مجرد صراخ فى البرية

فيا عم الطحاوى - الواحد يشتغل منجد كنب بلدى احسن

الصحافة فى بلدنا مهنة المنافقين والمطبلاتية وبتوع الزمامير

هيصة

صدقت يا اخ متابع

الصحافة في الغرب صحافة متخصصة صحافة تاثير

صحافة بتتحكم في مصير الرئيس الامريكي

صحافة بتشيل رئيس وتحط رئيس

يعني مثلا الان بدأت الانتخابات في امريكا وبدأت الاعلام يلعب لعبته في التاثير على الناخب الامريكي

علشان خاطر كده اليهود مسيطرين على الاعلام في امريكا

الصحافة..غابت المدينة لم تعد أعمدة أنارة، بل وسائل للاغاظة الكلمة نميمة والخبر قيل وقال.

أرسل هذا التعليق بواسطة : ابومحسن

صدقت يا اخ طحاوي الصحافة لم تعد اعمدة انارة بل وسائل اغاظه

والمفروض تبدأ في وضع اول عمود للانارة

هانت .وفتح بعضهم مزادا يبيع فيها الكارنيه لمن يدفع ولو كان زبالا.

مشكلة نقابة الصحافيين

اي واحد ممكن يشتغل صحفي

ولذلك لا بد من المطالبة ان يقتصر عمل الصحفي على خريجي كليات الاعلام فقط تماما مثل الحقوق حتى تنتهي هذه المهازل

الصحافة نضال للوطنيين

قرأت كتاب عن الثورة العرابية - ثورة احمد عرابى على الخديوى الظالم الخديوى توفيق

واعجبنى النضال الوطنى لصحفى شاب يؤمن بقضية بلدة اسمة عبد اللة النديم

الصحفى الشجاع لا ينافق ولا يخاف ويضع مصلحة بلدة امام عينية

هذا الصحفى الذى سجن وشرد ونفى من بلدة وهرب من السلطة 10 سنوات مختفيا فى القرى هو مثال للصحفى البطل الذى يدخل التاريخ حاملا قلمة بدلا من السيف

على كل شاب صحفى ان يحتفظ بكتاب عن عبد اللة النديم - وحياة عبد اللة النديم

اما الذين يختارون طرق النفاق ومداحين غباء الحكام وتجميل كراميش اوجههم القبيحة فلا مستقبل لهم

مقطع من مسرحية قبطية تسيء الى الاسلام بحضور شنوده

أرسل هذا التعليق بواسطة : عمرو خالد

http://www.youtube.com/watch?v=Eby09vNVJqU&watch_response

شدو حيلكم في التعايش باه يا ولاد لحسن انا موضوع الدكتوراه بتاعتي التعايش وعايز اخدها (بام تياظ)

تقرير واشنطن

اهي دي الصحافة المتخصصة ولا بلاش

http://www.taqrir.org/

مش صحافة لعب العيال

كرابيج مش كرباج واحد يا طحاوي

http://karabeeg.com/news/

اخبار سعدية الشامى اية

أرسل هذا التعليق بواسطة : سعاد

اخبار البنات بتوعك اية يا طحاوى باشا

قصدى الحريم او مجلس الحريم اللى حواليك حاكم انت عامل زى شهبندر التجار فى وسطهم او ديك البرابر زى ما بيقزلوا

يا ترى سعدية ولدت بنتها والا لسة

عايزين نبارك مقدما على المولودة واية رأيك لو تسميها طحاوية ودلعها طيطى

وربنا يطول فى عمرك

أرسل هذا التعليق بواسطة : حياتى

وربنا يطول فى عمرك يا اسطى طحاوى وتنتقل من الكرباج لعشرينات - وبعدين تقوم بالطلعة الجوية وتنتقل للتلاثينات

اى بعد العشرينات تبقى تلاتينات وبدل البنات اللى حواليك يبقوا شوية قرشانات وكل شوية يرفعوا الشبشب

الكُتَّاب

الأقسام

العودة إلى الأعلى