تييت راديو.. شباب ضد الصفارة
مصر تنفى دعوة مشعل لزيارة القاهرة
تييت راديو.. شباب ضد الصفارة
أحمد الهواري – ولاد البلد- عشرينات- 16/1/2008
"إحنا الجالية المصرية في مصر.. بنعلن استعادة السيطرة.. واللي خايف ياخد جنب"..
شكلت هذه الكلمات أخر ثلاثة أسطر في الوصف الذي أطلقه مؤسسي مجموعة "تييت راديو. كوم" علي الـ face book علي أنفسهم.. والمجموعة هي الملتقى لمؤسسي الراديو مع جمهورهم، وعليها أيضا أعلنوا عن الراديو قبل بدايته.
"تييت راديو".. عدد من الشباب التقوا عن طريق الإنترنت، "وعلي فنجان قهوة" كما عبر أحدهم نبتت الفكرة وتبلورت.. راديو على الانترنت ينقلون من خلاله رؤيتهم للشباب.. "حاجة حقيقية لناس حقيقيين" كما عبر آخر.
اتفقوا على الفكرة وتفرقوا.. ليبدأ كل منهم مهمته بين باحث عن شقة للمشروع، وآخر عن مصمم للموقع، وثالث للتجهيزات.. وبدأ مشوارهم الذي قالوا عنه "جهاد ومرابطة وكفاح اتباعت فيه موبايلاتنا، واشتغلنا فيه نقاشين ونجارين وسباكين لحد ما أسسنا مكانا بأيدينا، وخلص أبو تهريج وبدأ أبو جد.. لحظة ميلاد السنة الجديدة".
بوابة المكتئبين
يصف المؤسسون الراديو بأنه "أكبر بوابة للمحبطين والمكتئبين على شبكة الإنترنت.. الوكيل الرسمي المعتمد لكسر القواعد أيا كانت وأيا كان أصحابها.. ثورة.. من هنا ورايح صوتنا من دماغنا ومن دماغكم ومن قلوبنا من قلوبكم.. هتلاقونا في كل حته وفي كل وقت وكل مكان.. هاتلاقونا في كيزان الدرة المشوي اللي بتشتروها لحبيباتكم على الكورنيش وهاتلاقونا في كراسي الأتوبيس المكسرة.. وها تلاقونا على عربيات الفول وعلى عربيات الكبدة.. وعلى قهاوي وسط البلد وأطرافها.. واحترسوا تحت الكباري في الحتة الضلمة لأننا ها نكون هناك برضه.. إحنا الطوفان اللي جاي يكسح قدامه كل أصنام الإذاعة الباردة واللي ما فيهاش روح والتي لا تنفع ولا تضر.. إحنا الصداع القادم في رأس كل رخم وفاسد ومدعي وفاكس".
لكن.. ماذا تعني كلمة تييت؟، يجيب إبراهيم محمد، أحد مؤسسي الإذاعة: "تييت هي "الصفارة" التي توضع في الإذاعة أو التليفزيون تحت الكلام الممنوع.. ونحن قررنا أن كلامنا سيكون هو الكلام الممنوع، الكلام الذي تغطيه الصفارات، فعندما قررنا أن نبدأ هذا الراديو كانت الفكرة الأساسية الرغبة في الهروب من القيود التي تفرضها علينا المؤسسات التي نعمل بها في الأساس".
صعاليك صغار
وعن التمويل الذي بدءوا به المشروع، يقول أحمد فؤاد: "التمويل كان ذاتي، يعني إحنا حسبنا تكلفة المشروع المبدئية وقسمناها على عددنا وشفنا نصيب كل واحد فينا، وبقينا شركاء لكل واحد نصيب متساوي مع التانيين، حتى المصاريف الشهرية من أيجار شقة وكهرباء وغاز بتتقسم علينا كلنا بالتساوي، وبكده أصبحت القرارات اللي بناخدها كلها بالتصويت وحسب الأغلبية يمشي القرار".
وعلي الرغم من أنهم "مجموعة من صغار صعاليك الصحفيين في مصر" - كما أطلقوا علي أنفسهم في أول نشرة أخبار أذاعوها- إلا أن أحدهم ليس صحفيا، فيقول علاء القمحاوي أنه لم يمارس العمل الإعلامي من قبل، ولكنه يملك مدونة عرف منها أصحاب الفكرة طريقة تفكيره وقرروا ضمه للفريق، وهو الأمر الذي وافق عليه بسرعة حيث أن مجموعة العمل أصدقائه من البداية.
منذ انطلاق تييت راديو علي الانترنت في أول يناير 2008، ناقشت حلقاتها مجموعة من الأفكار مثل العلاقة بين الولاد والبنات، وإعلانات البيرة التي انتشرت علي أتوبيسات النقل العام وغزت الشوارع في الأيام الأخيرة، وحلقة عن التدخين وحق المدخن في معاملة آدمية من المجتمع طالما هو دافع للضرائب، وحلقة عن أحدهم الذي يريد أن يربي فيل في منزله.
تييت الحب
وعلى مجموعة الـ face book ثارت نقاشات حادة بين المشتركين من مستمعي الراديو ما بين معارض علي الحرية الشديدة التي يتكلم بها مذيع الراديو وبين موافق عليها، فيقول أحد المشتركين: "بجد.. مش عارف يعنى إيه لازمة التدني في المستوى.. زى مثلا التيت في الحب.. والله ده ولا هيعمل للإذاعة شعبية ولا هيقربنا كشباب منها.. فالأفضل أن يعاد هيكلة التيت من جديد عشان ميبقاش تربتيت".. في إشارة إلي أحد الحلقات التي أجريت عن العلاقة بين البنات والأولاد.
بينما قالت نها العربي: "يعني اكتب إيه مش عارفة.. الشلة دي عبارة عن تجسيد حي للموهبة والدماغ العالية.. فترة الامتحانات اللعينة أبعدتني عن سماع الراديو بس اللي سمعته يخليني احيي الناس واحد واحد.. يا جماعه يعني أنا عاوزة أقول.. مش عارفة.. انتوا جامدين جدا يعني".
اختلفت الآراء حول تييت راديو، لكنها تبقى تجربة شبابية تنتظر التقييم.
3034
الأفضل
أرسل هذا التعليق بواسطة : باسل سمير
كان الافضل ان واحد تانى مش من تيت راديو هو الللى يكتب عن الراديو لو عجبه مش حد من جوه ده رأيي بس ده لا يمنع ان فى حاجات لذيذة جدا واصوات متميزة
لا يجوز
أرسل هذا التعليق بواسطة : لا يجوز
ازاى واحد من تيت راديو يكتب عن موقع تيت راديو
ده بيخل باى حياديه او بتنجانيه فى الموضع من غير مقرا الموضوع
الموضوع مينفعش اصلا
واان مش عارف ازاى موقع زى عشرينات يعمل حاجه زى كده
ده ولا كانه موقع ملاكى
ولاد البلد للدعاية والاعلان
أرسل هذا التعليق بواسطة : بني ادم
يعنى مش عارف مش ده موقع ولية بنيان تحريري يعني اية اوحد عامل موقع او اذاعه ومشارك فيها يعمل موضوع عن الاذاعه ولا عامل عبيط وكانة مش معاهم طيب خلي اي واحد عندك في الموقع يعملة ...