انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

هكذا المترو يَحيي!

ولاد البلدقراءة في ١٣ دبقلم خباب عبد المقصود

مترو الأنفاق وسيلة يعرفها أغلب أهل القاهرة ساكنوها وضيوفها فهي للضيوف نزهة ووسيلة جديدة لم يعرفوها في بلادهم ولأهلها وسيلة النقل الأسرع والأضمن والأرخص خاصة مع المسافات الطويلة.

لكن كعادتنا في البلدان العربية دائما ما نستخدم الوسيلة أو الآلة على الوجه الذي يناسبنا، وبالتالي بما لا يليق بمكانة الوسيلة المستخدمة.

بدون مقدمات طويلة غالبا ما تركب المترو لتجد أنه واقع مصغر من الحياة الاقتصادية والاجتماعية والدينية وأيضا السياسية وكل هذا داخل عربات المترو.

فالمترو مجتمع متحرك ينقل لك في الصباح انطباعات لأحداث اليوم الماضي ومع رحلة العودة تتعرف منه على آخر الأخبار ومستجدات الحياة العامة بكافة توجهاتها.

كما يعرف أن المترو يتميز بأنه "تجمع سكاني مؤقت" يستمر لدقائق، gلذلك يحاول كل راكب أن يتكيف مع الآخرين في أشد الأوقات ازدحاما.

فالكل يفعل ما يريد ولا تعقيب إلا لصاحب الشأن والكل يتكيف مع الواقع حتى لو لم يكن يسعده أو حتى يريحه

إليكم الحالات

فقد عايشت حالات في المترو قد تثير الشفقة أو السخرية أو الاشمئزاز لكن في النهاية لا تعليق من أحد.

من هذا المنطلق، هل يمكننا تعميم تلك الحالات على حياتنا العامة؟

الحالة الأولي

ندخل من باب المترو "الحمد لله فالوقت ليس وقت زحام لكن أيضا لم يكن المترو فارغا فلم نتمكن من الجلوس"، لاحظت صوتا عاليا – غالبا هو صوت شاب – يقلد اللمبي في طريقة كلامه في تعليقه على إحدى مبارياته الأهلي التي أقيمت من قبل

بدأ الصوت يزداد علواً، لذا لم يعد يلفت انتباهي بمفردي، فالآنسة أمامي تضحك وتلك تغمز والست الكبيرة تقول: "لا حول ولا قوة إلا بالله العلى العظيم" الصوت ما زال معلقا يا أبوتريكة يا كايدهم ، يا رفع رأسنا في العالم، ثم ينقلب فيقول 9 جوان يا مفترى، انتو بتشجعوا الأهلي ليه طيب هما خدوا 2 مليون دولار انتو اخدتوا إيه، ويستمر الضحك بطريقة اللمبى ومازال الصوت يتحدث.

ومع الوقت أصبح "هذا اللمبي" يستهزئ بالجميع.. بهذا الرجل الذي يلبس الكرافتة وتلك البنت التي ترتدي قبعة ونطلق كالسهم يجرح في هذا ويصيب هذه ولكي أكون أكثر دقة انه لم يكن ليستهزئ بأحد إلا بعد نزوله من المترو في كل في محطته حتى لا يستطيع الرد عليه فهو مع كل فرعنته جبان ويعلم انه مذنب .

وأخيرا قام لينزل في محطة حي دار السلام شعبي وسط ارتياح الجميع الذين بدأو في التعليق بوصفه حالة من الضياع والفراغ أو حالة مليئة بالكبت وهذا تنفيسها أو حسبنا الله ونعم الوكيل في اللي ضيع شبابنا .

الحالة الثانية

آآآآه وما أدراكم ما الحالة الثانية والعالم يحتفل بعيد الحب فبعدما قررت أن أزيح نظري عن ذلك اللبمى المنسوخ وجدت نفسي أري مشاهدا من الحب وكأني انتقلت إلى سينما الستينات لمشاهدة نهاية سعيدة في فيلم المترو .

أثارني المشهد فالفتاه تستند بظهرها إلى حائط المترو ويقف شابها ملتصقا بها عفوا اقصد أمامها يمارسان لوعة العشق وكأنهما يسبحان لوحدهما في سماء الحب بنظراتهما وهمساتهما. العجيب رغم أن البيئة لا تقبل مثل هذه الوقفات لا أن أحدا لم يحرك ساكنا .

حتى الحكام

ما لا يمكنني تفويته من مشاهداتي في المترو والوقوف عليها هي حديث الناس السياسي فالمترو عندنا صالون يتحدث فيه الناس عن أخر الأوضاع لكن غالبا ما يثيرهم الشأن الداخلي الذي أصبحوا يناقشونه بقناعاتهم المرسخة فيهم طوال ربع قرن من الزمان في نمو تنازلي مقتنعين أن ما سيأتي لن يكون أبدا أفضل مما مضى لكنهم دائما ما يتمنون عكس ذلك .

لكن الوضع الخارجي قليل منهم من يثيره لأنهم مقتنعين تماما أن كلامهم أبدا لم ولن يوصل إلى حل لكل القضايا العالقة في المنطقة .وفى حوار مع احد أساتذتي الذي لن يحب أن اذكر اسمه الآن قال يخاف الناس التحدث في قضايا الأمة المزمنة خوفا أن يكونوا مثل حكامهم يقولون ما لا يستطيعوا أن يفعلوا .

دنيا المترو

هكذا المترو في القاهرة في اغلب أيامه حديث في الكرة وأخر في السياسة ومجموعات الحب المتناثرة بداخله هنا وهناك . فديمقراطية المترو عجيبة فالفعل والكلام مباح ولا قيود ولا حساب .وإذا كان المترو حاله من حالات شعبنا الحبيب في بلدنا الحبيبة بكل ما نحمله من الألم الناتج من حبنا لها .

فهل نتصور أن تتحقق هذه الديمقراطية في الواقع المصري ؟؟!!

9911

الشاب عندة حق

أرسل هذا التعليق بواسطة : عادل

انتم عايزين اية بالضبط ؟

المترو مترشق بمباحث امن الدولة - الشاب اذا تكلم فى الدين يبقى اخوان وبيثير الراى العام وخطر على امن الدولة وعلى كرسى الحكم ويتم القبض علية

واذا تكلم فى الاقتصاد والوضع الزفت اللى احنا فية يبقى بيهاجم لجنة السياسات ويتم القبض علية وارسالة الى معتقل الواحات

واذا تكلم فى السياسة والوضع على الحدود فى غزة يبقى بيتعاطف مع حماس وينضرب بخيرزانة الامن المركزى

يبقى يتكلم فى الكورة وابو تريكة ومحمد سعد واللنبى وكل الهيافات قدام الجمهور - ولما يقعدمع اصحابة يقولوا اللى هم عايزين يقولوة ضد الجميع

سيدى المعايش - اغنة حكم امنى بوليسى ولا رجعة عنة

حكايتي مع مترو الانفاق حكاية طويلة

أرسل هذا التعليق بواسطة : فاطمة

من ساعة ما دخلت الجامعة في 2000 و لغاية دلوقتي و المترو مواصلتي الاساسية ، المفروض انه اكتر مواصلة عملية ، شبكته بتغطي مناطق كتير من العاصمة ، مواعيده مضبوطة ، ما بيتاثرش بزحمة الشوارع ، في عربية سيدات ترحم البنات و لو لفترة بسيطة من سخافات كتيرة ، و الاهم ان سعر تذكرته بسيط، اسعار التذاكر كانت بتتراوح من 50 قرش لغاية 75 قرش و كانت بتختلف باختلاف المسافة ، و بعدين اتوحدت تذكرة المترو و بقت ب 75 قرش بعد حادثة قطار الصعيد ، بعد اضافة تأمين علي المواصلات ، و لكن الزيادة دي ما عالجتش اي مشكلة من مشاكل المترو ، المترو لسة بيتأخر و كتير اوي بيوقف بين المحطات عشان صيانة القضبان و لسة نظام التهوية سيئ جدااااااااا ، دة طبعا غير الزحمة البشعة اللي بقت السمة الاساسية للمترو، ، دة غير غياب الميزة اللي كانت دايما بتميز المترو عن اي مكان تاني في مصر ، و هي التطبيق الفوري للقانون و احترامه ، دلوقتي من العادي جدا ان اي حد يرمي ورق في المترو و محطاته و كمان عادي قوي ان اي حد يزوغ و ما يدفعش تذكرة

و اخيرا زادت التذكرة و بقت بجنيه ، و برضه الوضع لسة سيئ و المستفز ان المترو بقي له موارد اخري غير التذاكر زي الاعلانات اللي بتلصق علي المترو كله و كمان الاعلانات اللي بتشتغل في اذاعة المترو و الاعلانات الموجودة في المحطات ، كل دة و يقولوا ان هئية المترو بتخسر 60 مليون جنيه في السنة ، طب ازاي؟

كمان ازعجني اوي توقيت زيادة اسعار التذاكر ، لانه جاء بعد رفض البرلمان لقانون خصخصة السكة الحديد، يعني من الاخر وزارة النقل كانت عاوزة فلوس و سلام تزود التذاكر علي الناس ، تبيع السكة الحديد ، المهم تجيب فلوس و السلام مش فارق الفلوس دي من اللي دافعها المستثمرين اللي ها يكسبوا و يرجعوا اللي دفعوه الطاق طاقين و لا من الطلبة و الموظفين

انا ما عنديش مشكلة ان هيئة المترو تكسب ، بس في المقابل يبقي في خدمة جيدة ، مش لازم المترو يبقي مكان للعذاب و المعاناة اليومية

امتداد الخط الثانى لمترو القاهرة الكبرى

امتداد الخط الثانى لمترو القاهرة الكبرى

أثبتت الدراسات المرورية الحديثة أهمية امتداد الخط الثانى لمترو الأنفاق إلى المناطق عالية الكثافة السكانية. و بناءا على ذلك تقرر مد المترو إلى الجنوب بطول حوالى 2.60 كم. و يتضمن إنشاء محطتين سطحيتين هما محطتى ساقية مكى والمنيب و يتوقع الانتهاء من العمل فى أوائل عام 2005.

الخط الثالث لمترو القاهرة الكبرى

الخط الثالث لمترو القاهرة الكبرى

لقد تم تحديد مسار ومواصفات وخصائص الخط الثالث لمترو أنفاق القاهرة وفقاً لمتطلبات النقل حتى عام 2022 ولقد قدمت الدراسة عدة توصيات منها تحديد مسار الخط الثالث ليربط بين شرق وغرب إقليم القاهرة الكبرى مروراً بمنطقة وسط المدينة ليبدأ من مطار القاهرة شرقاً وينتهى فى إمبابة غرباً ماراً بمناطق " مصر الجديدة – إستاد القاهرة – العباسية – شارع الجيش – العتبة – الزمالك – إمبابة " بطول يبلغ حوالى 30 كم

عاجل - إختطاف مترو الأنفاق

عاجل - إختطاف مترو الأنفاق

بعد غرق البواخر والعبارات وبعد سقوط الطائرات وانقلاب القطارات مفاجأة جديدة يفاجئنا بها مترو الأنفاق

اليوم حوالي الساعة 5.30 مساءً كنت بداخل مترو الأنفاق رقم ( 5701 ) المتجة الى المرج وبعد توقف المترو مدة لاتقل عن 15 دقيقة بمحطة سعد زغلول بدأ المترو في السير بسرعة لا بأس بها ولكن المفاجأة ان المترو لم يتوقف نهائياً في المحطات اللتي في خط السير وهذا ما سبب بعض الهرج والمرج بين رواد المترو الراكبين او المنتظرين على المحطات مما أثار الشك بداخل قلوب الركاب على ان المترو قد تم أختطافة من أحد العناصر الأرهابية وهذا بناء على عدم توقفة أكثر من 9 محطات متتالية وسيره بسرعة رهيبة مما جعل بعض النساء يسرعن في القاء الصرخات المدوية وبكاء بعضهم

وبعد ذلك تم أيقافة بين محطتي حمامات القبة وسراي القبة وبعدها علمنا ان المترو كان يسير بدون فرامل فبعد التوقف أسرعت الناس في فتح الأبواب يدويا بالقوة والنزول على القضبان مما حول شريط مترو الأنفاق الى طابور جمعية وفي نفس الوقت خرجت بعض الهتافات التلقائية اللتي تندد بإدارة المترو والسكك الحديدية ومنهم من هتف ضد النظام ككل ومنهم من أصر على سباب رئيس الجمهورية لانة السبب في الغلب اللي احنا فية على قول أحدهم فكانت شبة مظاهرة عفوية أمام قصر القبة ولكن داخل أسوار مترو الأنفاق فمن المسئول عن ذلك

CipherZone

أرسل هذا التعليق بواسطة : Cipher

معايشة !!!! .............................. ربنا معاك

سيادة اللواء

أرسل هذا التعليق بواسطة : حاجة كدة ببلاش

مدير شركة مترو الانفاق لواء سابق - واقصى مؤهلاتة وخبراتة ان يدير مركز شباب ابو النمرس - او الساحة الشعبية فى دكرنس - انما جهاز زى مترو الانفاق وادارة تشغيلة وصيانتة فعايز متخصصين وناس بتوع ادارة وخبرة عملية

انما سبب بلاوينا ان كل حتة فيها لواء على المعاش بيخرب فيها

اللواء محمد نجيب والبكباشي عبدالناصر

يا ريت جت على مترو الانفاق وتخريبه

دا دابوا لواء اسمه محمد نجيب والبكباشي عبدالناصر خربوا مصر وعبدالناصر جاب اليوزباشي انور السادات والساداتجاب لواء طيار حسني مبارك

وعيشتنا ضباط في ضباط

اللهم ارفع مقتك وغضبك عنا يا رب

نصيحة

أرسل هذا التعليق بواسطة : عابر سبيل

أنصح كاتب المقال أن يراجع مقاله لغويا عدة مرات قبل نشره، أكتفي بمثال واحد "ومازال الصوت يتحدث" بالذمة دا كلام يا خباب

فالآنسة أمامي تضحك وتلك تغمز والست الكبيرة بتقول: "لا

ايوه يا عم الناظر

مساحة للرأي

أرسل هذا التعليق بواسطة : ابومحسن

يا اخواني هذا الموضوع ما ينفعش في هذا المكان مساحة للرأي

وقبل كده قلنا هذا اكلام

هذا الموضوع ينفع ليوم واحد فقط

يعني انا شفت موضوعات في غاية الاهمية تنفع في مساحة للراي واتشالت على طول

زي مثلا موضوع عيد الحب دا في غاية الاهمية والمرأة اللي اشتغلت مأذون وغيرها من الموضوعات المهمة اللي ممكن القراء يتحاوروا فيها ويتناقشوا عن طريق التعليقات

لا مؤاخذة دا موضوع ميت تماما زي موضوعات نزلت قبل كده (الكرة اجوال والاهداف خيرية) موضوع ميت

ورجعت من السفر يا زول موضوع ميت ومن الكرباج الى عشرينات موضوع ميت وكثيرا من الموضوعات اللي ما تصلحش انها تستمر فترة طويلة

فنرجو من الاخوة المسئولين عن الموقع الانتباه الى هذا لان جمال الموقع في حوار القراء بعضهم ببعض عن طريق التعليقات

Egyptine Day.. يوم لمصر

المفروض الموضوع دا يكون في هذا المكان

هيجرى ايه

هيجرى إيه لونتفق

مع بعضنا؟

الحلم مهما بنفترق

هيضمنا

ننسج بإيدنا توب خضار

على أرضنا

نزرع أمل نجني العمار

في قلبنا

نرويه أمل في كل لحظة

في وقتنا

هيجرى إيه لونتفق

مع بعضنا؟

الحلم مهما بنفترق

هيضمنا

الإختلاف في الرأي ميزة

في شرعنا

ده خلاف تنوع بيه نكمل

بعضنا

وماهوش تطوع إنه نقتل

يأسنا

نغزل لحاف نتغطى بيه

من بردنا

هيجرى إيه لونتفق

مع بعضنا؟

الحلم مهما بنفترق

هيضمنا

نسمع خواتنا ونصغي لولاد

عمنا

الفتنة بتفرقنا والوحدة تجمع

شملنا

أبيض وأسود أم واحدة

أمنا

هيجرى إيه لونتفق

مع بعضنا؟

الحلم مهما بنفترق

هيضمنا

هانخلي بكرة يبقى أحلى

بعزنا

خلوها فكرة تقوى تعلا

بصرحنا

هيجرى إيه لونتفق

مع بعضنا؟

الحلم مهما بنفترق

هيضمنا

نقرا اللي فات نقدر نصلح

نفسنا

والذكريات بيها نفتح

عقلنا

هيجرى إيه لونتفق

مع بعضنا؟

الحلم مهما بنفترق

هيضمنا

فكر براحتك كيف هننفع

أهلنا؟

عاوز صراحتك تبقى مدعاة

فخرنا

هيجرى إيه لونتفق

مع بعضنا؟

الحلم مهما بنفترق

هيضمنا

أمراضنا يامة مين يداوي

جرحنا؟

يوم القيامة الحبيب

يشفع لنا

لو احنا بنداوي جراحنا

بنفسنا

هيجرى إيه لونتفق

مع بعضنا؟

الحلم مهما بنفترق

هيضمنا

لو كنا

موضوع ميت شيلوه لو سمحتو

قلنا الموضوع ميت ما ينفعش تعليقات ولا حوارات بين القراء

شيلوه لو سمحتوا وهاتو موضوع الولية اللي حتشتغل مأذون

فَرِق..تَسُدْ..!!

فَرِق..تَسُدْ..!!

مبدأ صهيونى قديم اوى..قدم اليهود نفسهم..

مبدأ سهل فى تطبيقه..

متدارى فى هيئته..

خبيث و لئيم و بيجيب من الآخر..

لكن زى الشيطان..ما لوش سلطان الا على ضعاف النفوس و المختلين من المختالين بشبابهم و ذكائهم و رؤياهم الثاقبه اللى غالبا ما بتكون اوهام جهل و غباء كبيران..

لكن زى ما الوحش له وجود..الفريسه كمان لازم يبقالها وجود..

و عشان كده اسرائيل موجوده و بتتغذى زى الوحش من اجساد الفرائس السهله من العرب..

اللى نفسهم يتخانقوا و خلاص..مش فراغ و لا حاجه لكن تفانى فى خدمة الوحش الكبير الصهيونى و خدمة اسياد السلطه من العرب نفسهم..

لسه بعد آلاف السنين مش فاهمين ان اليوم اللى حنبطل نختلف فيه و حنبطل لعبة الضحيه هو يوم تحررنا من سطوة الطغاة و من حكم نفسنا المتخاذله..

امتى حنفهم يا سُنه؟؟

امتى حنفهم يا شيعه؟؟

امتى حنفهم يا معارضه؟؟

امتى اليمين و اليسار و الديمقراطى و البتنجانى حيفوقوا و يقولوا..المهم الامه..المهم الطريق الواحد..؟؟

المهم النجاه..بما تبقى من عزه!!

اذا كان منها ما يمكن ان يُرى تحت المجهر..

امتى حنسند بعض و احنا واقعين...؟؟

امتى مش حنفرق و مش حيهمنا نسُد..؟؟

امتى؟!!!

ما المترو الا مسرح كبير

أرسل هذا التعليق بواسطة : مصطفى محمد على خليل

والله كلامك حكم لان المترو ما هو الا عينة عشوائية لطبقات مختلفة من المجتمع المصرى

الكُتَّاب

الأقسام

العودة إلى الأعلى