Egyptine Day.. يوم لمصر

عيد الحب 14 فبراير من كل سنة.. كتير مننا عنده خطط مهمة لليوم ده.. بس موقع عشرينات قرر يحتفل بعيد الحب بطريقة مختلفة.. عيد حب مصر أو EGYPTINE DAY

مصر اللي مش لاقية حد يحبها بجد.. احنا السنة دي قررنا نغنيلها.. والسنة الجاية واللى بعدها واللى بعدها نعمل لها حاجة في نفس اليوم.. نعمل حاجة لمصر بتاعتنا.. مصر اللى تحت مش اللى فوق..

مصر الكورنيش وبياعة الدرة المشوية وبتاع الحلبسة.. مصر بياعة المناديل علي القهوة وحفلات السينما الصباحية بتاعة الطلبة.. مصر الأتوبيسات والحر.. مصر الغرقانة في شبر مطرة..

يوم 14 فبراير في نقابة الصحافيين هيبقي "يوم لمصر" وهيغني فيه فرقة حبابينا وعلي إسماعيل وسمير الإسكندراني ومحمد العزبي وعم أحمد بالسمسمية.. يوم 14 فبراير من الساعة 6 للساعة 9 مساءا هنغني لمصر في نقابة الصحفيين برعاية اللجنة الثقافية ولجنة الحريات بالنقابة.. تعالوا غنوا معانا..

54d0

عشان انت مصرى

عشان انت مصرى

عشان انت مصرى لازم تعانى

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى

عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله

بتوصل لشغلك بدم اتحرق

فى زحمه وكتمه وحر وعرق

رئيسك سايبلك كومه ورق

ده غير دمغه ضايعه وملف اتسرق

وفى كام مواطن عامللك قلق

بيشكى تقول له روح اندعق

وعركه وهوجه وشاى اندلق

ومخك خلاص من الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى ياناس اتهريت

ولاحد سامعك مهما هاتيت

عشان انت مصرى وده للاسف

فلازم تاسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب او تنحرف

ودمعك بيجرى وجرحك نزف

مش انت اللى مصرى؟؟؟ جتك القرف

كُتَّاب عصري لتحفيظ القرآن الكريم

سعت "قناة الحافظ" بتوظيف التكنولوجيا الحديثة لحفظ القرآن الكريم وتعليم التجويد والقراءات، بما يوفر الجهد والوقت على الحفظة والمحفظين، وقد اتخذت القناة من الوسطية والاعتدال منهجًا لخدمة كتاب الله، وترسيخ مبادئه، ليكون منهجًا وسلوكًا لمشاهديها اقتداءً بالرسول الكريم

مصر... مش عارف

http://abdelrahmangado.wordpress.com/2007/03/11/%d9%85%d9%80%d8%b5%d9%80%d8%b1/

عشان انت مصرى

أرسل هذا التعليق بواسطة : معصراوى

اكيد حرام يكون الكاتب والمؤلف العظيم مصرى وان كان مصرى فهو لايعرف مصر 000000 نار مصر ولا جنة العالم

تاني يامصراوية؟؟

أرسل هذا التعليق بواسطة : محمد السيد

أجي يعني ؟؟؟

فيها بوفيه ولا لأ؟؟؟ حتي يبقي علي حساب مصر يا بشر ..

عموما بإذن الله نيجي كلنا ....

يارب

يارب مش حاسكت

لا للتمديد ... لا للتوريث ... نعم لتعديل الدستور المرضي .... "ولا بلاش أكتب كده؟"

mohamedmat@hotmail.com

يالا ..تقدروا تنورنا ....

مش حاسكت

http://mesh7askot.blogspot.com/

الى الاستاذ معصراوى

واكيد حضرتك ما سمحتش ظروفك السعيدة بالذهاب الى احدى مقار مباحث امن الدولة

او لم يقودك حظك العاثر الى الاشتباك مع الامن المركزي وشم رائحة الغاز الذي يطلقوه

اقرأ كلمات الاغنية كويس يا استاذ حتلاقي اللي كاتبها مصري ابن مصري مطحون في تراب مصر

علشان انت مصري

علشان انت مصري تأليف ا لشاعر احمد فؤاد نجم

وياليت والله تقرأوا هذه القصيدة في حفل نقابة الصحافيين

بجد يا جماعة تعالوا ننسى

أرسل هذا التعليق بواسطة : بجد يا جماعة تعالوا ننسى

رغم ان القصيدة عجباني جدا لشاعرنا الكبير احمد فؤاد نجم لكن بجد تعالوا ننسى مشاعر القرف و نحاول نرجع نحبها تاني و البلد دي احسن من غيرها بس لو فكرنا نطورها كشباب منستناش اللى يطورها و بجد لازم نستغل اليوم الى في حب مصر و كل واحد عندة حل لمشكلة يقولها يمكن نلاقي حل

و متنساش اغنية مشربتش من نيلها ..طب فكرت تغنيلها

بنحبك يا مصر

مع تحيات

أحمد بهجت،أحمد عز،محمد أبو العنين،محمد منصور،ابراهيم كامل،حسين سالم،حمزة الخولى،محمد شتا،محمد نصير،مصطفى البليدى،ال غبور،ال يعقوب،ال ساويرس،طلعت مصطفى،محمد فريد خميس،ال الهوارى،محمد جنيدى،حسن راتب،حسام أبو الفتوح و غيرهم

نداء عاجل الى شباب مصر

كيف تصبح إنسان ناجح

بكل بساطة عليك بالتالي:

--اجعل هدفك في الحياة هو الراحةوالاسترخاء

-- حب سريرك فهو مملكتك الوحيدة

-- ارتاح بالنهار لتتمكن من النوم بسهولة في الليل

-- العمل شيء مقدس، لذلك لا تقترب منه أبداً

-- لا تؤجل عملك للغد طالما يمكنك تأجيله لبعد الغد

-- اعمل أقل ما يمكنك عمله، وحاول أن تجعل غيرك يؤدي عملك بدلاً منك

-- لا تقلق لن يموت أحد إذا لم تفعل شيئاً، بالعكس قد يتأذى البعض عندماتعمل

-- إذا أحسست بأن لديك رغبة في العمل،استرخي قليلاً حتى تزول تلك الرغبة

-- لا تنسى : العمل مفيد للصحة ، لذلك اعطي المريض فرصة ليعمل

ومصر بتاعتنا فى اعماق اعماق قلوبنا

أرسل هذا التعليق بواسطة : مش عارف

احنا ولاد البلد المطحونين المطرودين من مصانع بلدنا اللى باعوها وشردونا تحت اسم المعاش المبكر

احنا اللى طلعونا معاش مبكر واحنا لم نكمل الثلاثين وقالوا لنا روحوا موتوا

احنا الشباب المتخرج واليائس والعاطل والمتصعلك فى مقاهى النت ومقاهى الشيشة

احنا اللى فقدنا اى امل فى امتلاك او استئجار شقة او عمل خطوبة لحبيبة القلب بنت الجيران

احنا اليائسون فى عصر الحرامية

احنا بنحب بلدنا اكتر منهم - وبنحبها فى كل لحظة مش فى يوم محدد - فى كل نفس بنتنفسة

بنحلم ببكرة

بنحلم بيوم يموت فية الحرامية ويحكمها الشرفاء ويبقى لنا حق فى بلدنا

بنحب مصر

كلنا بنحب مصر