تعالوا نحب مصر في Egyptine Day
تعالوا نحب مصر في Egyptine Day
عشرينات- ولاد البلد- 14/2/2008
"على اسم مصر التاريخ يقدر يقول ما شاء.. أنا مصر عندي أحب وأجمل الأشياء.. بجبها وهى مالكة الدنيا شرق وغرب.. وأحبها وهى مرمية أسيرة حرب.. وأحبها بعنف وبرقة وعلى استحياء.. وأكرهها وألعن أبوها بعشق زي الداء".
مصر حالة.. وكلمة.. وغنوة.. وليلة حب حلوة من ألف ليلة وليلة.. جفنها علًم الغزل، وتاريخها علم الأمل.. سألوني بتحبها؟ قلت: مش عارف.. وممكن تقول مش فاهم.. وممكن متقولش خالص.. لكنها لسه ممكنة وييجي منها.. جرب مرة تقرب.. انسى نظامها الحاكم.. انسى جمال.. انسى عز.. وانسى كفاية.. وانسى الإخوان والأحزاب.. انسى الدنيا وريح بالك.. واسحبلك كرسي.. وقول مدد يا مرسي.. وع البحر أو الترعة اقعد وغنيلها.
مصر أم الدنيا.. بهية وطرحة وجلابية.. بناها واحد حلواني تخصص كنافة.. واقف على فرن بلدي.. خيط ورا خيط.. ودوق دوق.. دوق الدندرمة مصنوعة بذوق بإدين توفيق الدندرمة.. دوق دوق.. ده مصر يا ولاد حلوة الحلوات.. وأحلى الحبيبات.. هي الجمال هي العز..
وما دام هي كده.. بالشكل ده.. أية رأيك في "عيد الحب" تعترف لها بحبك لها.. روحك لها.. عمرك لها..
طيب بس أزاي ح أقولها؟
ح نقولك.. "عيد الحب" شكل تاني السنة دي مع (عشرينات).. خليناه في حب مصر.. يعني م الآخر.. بلاش تمشي على النيل وتسرح في عيون جريئة، وشعر وصوت وشبشب غجري يلم عليك كل الدنيا.. وفّر دباديبك لمصر..
مصر مستنياك في نقابة الصحفيين.. تعالى عاتبها.. اشكيلها.. المهم تيجي تشاركنا حفلتنا الغنائية.. عيد حب مصر أو اللي سميناه الـ "Egyptine Day".. ح نحب فيه مصر اللي نادرا تلاقي حد يحبها..
مصر الكورنيش وبائعة الذرة المشوية وبائع المناديل في إشارات المرور.. مصر المقاهي والكافيهات وأتوبيس 924 والمكيف وعربة السيدات في المترو.. مصر الحر الشديد والبرد القارس.. مصر أبو الهول والجامع والكنيسة.. مصر زويل وأم كلثوم ومحفوظ وأبو تريكة.
الخميس 14 فبراير الساعة 6 بالليل مستنينك في النقابة (شارع عبد الخالق ثروت في وسط البلد).. تعالوا غنوا مع محمد العزبي وسمير الإسكندراني وفرقة حبابينا وعلي إسماعيل وعم أحمد على أنغام السمسمية..
وقبل ما تيجي ممكن تقرا:
7ec2
اللى بينهبوها يحبوها
أرسل هذا التعليق بواسطة : مش بحب احد
انا برة اللعبة - يعنى من اللى ملهمش حاجة فى البلد
لا عندى امل فى شقة ولا عروسة ولا وظيفة - يعنى بدون اى اهداف
يبقى ها احب اية
خللى بتوع الاعمال والبزنس والحديد والاسمنت يحبوها
مصر مش بتاعتى بتاع ناس تا نيين
بعد خراب مالطة
مجلس الوزراء تحول الى نادى رجال الاعمال
ومقر مزدوجى الجنسية اللى بينتسبوا الى بلدين بيحبوهم على قد الفايدة
انا با احب سوسو - - وسوسو بتحبنى
واركب العجلة -- وهى تزقنى
فوقوا بقه
أرسل هذا التعليق بواسطة : الطير المسافر
الدانمارك تسب النبي صلي الله عليه و سلم
يا جماعه المقاطعه مش كفايه.لازم يكون لينا رد فعل شعبي قوي جدا عشان نضغط علي الحكومات الجبانه بتاعتنا و ياخدوا
موقف رسمي من اللي بيحصل ده.
والله فداك روحي و ابي وامي يا خير خلق الله يا محمد يا بن عبد الله
يا اشرف خلق الله.
بحبها
أرسل هذا التعليق بواسطة : بيبو
بحبها وهتفضل في دمى حتى لو اغتصبها عيال حسنى وحتى لو 80 مليون فضلو ساكتين
هغيرها وهخليها احسن حاجة فى دنيتى
واللى مش عاجبه انى بحبها يشوف له بلد تانية يعيش فيها
بحبك يا مصر
أرسل هذا التعليق بواسطة : yoyaaa
صباح الخير
بجد فكره جميله و ياريت كنت اقدر اشاركو التعبير عن حبي لمصر
بس انا عايشه في الاردن صح معشتش في مصر غير سنتين بس بجد كانو احلى سنتين في حياتي و ياريت يتعادو
انا اردنيه من ام مصريه عشقي لمصر مالوش حد و دايما عندي امل انها هتكون احسن من اللي هي عليه دلوقتي و خليكو دايما حطين في البكو ان مصر رغم كل المشاكل اللي فيها حلوه و اجمل الجميلات كفايه ان اهلها بشر بجد و الكلام ده مش مجرد مجامله دي حاجه انا عشتها و حسيتها
بحبط يا مصر
نستطيع ان نرد على اسائة الدنامركيين
أرسل هذا التعليق بواسطة : رامز
نستطيع ان نرد اساءة الرسوم الكاريكاتيرية بقلة ادب ايضا
وحيث اننا نؤمن بان عيسى نبى ولا اساءة لة - فلة قدسيتة واحترامة كنبى اللة
يمكننا ان نرسم البابا وطيزة باينة وبيحط فيها طرف الصليب علشان يبرد ومن بقة كلام بيشتم فى الاسلام
السفالة سهلة خالص
ولكن لايجب ان نعير للكلاب اى انتباة
فيكفى ان عشرة الاف من المقاومة العراقية ازلت 23 دولة صليبية واكبر حامل للصليب الامريكى ومرغت اقتصادهم فى الوحل
كل سنة من دا
أرسل هذا التعليق بواسطة : Che The Hermit
بجد كان حفل رائع بشكركوا عليه من كل قلبي ويا رب كل سنة يكون فى حفل زى دا كان يوم اكتر من رائع وبجد فكرتوني بمصر اللى فعلا كنت ناسيها او كنت بتناساها علشان ما يجيليش الضغط
فكرتوني بمصر اللى بجد
ليا عتاب صغير قوي علشان المواعيد اللى ما كانتش مظبوطة خاااااااااااااااااااالص بس معلش هنعديها المرة دي بس المرة الجاية لازم تبقي خاليه من الاخطاء .... قولوا يا رب
بجد بشكركوا من اعماق اعماق اعماق قلبي وعلى طول بتحبوا مصر .... قصدي بنحب مصر
تشي
http://www.how-am-i.co.nr/
ديكور الديمقراطية - بيقول اننا تحت حكم ارهابى
أرسل هذا التعليق بواسطة : مصرى بيتابع الجرايد
الناس فى كل دول العالم بتنتخب اعضاء البرلمان علشان يحاسبوا الحكومة ويراقبوا الاداء بتاعها
تجرأ عضو فى مجلس او مصطبة الشعب وسأل وزير الداخلية عن الذمة المالية لرئيس الجمهورية
ببساطة شديدة جدا كان من الممكن ان يرد وزير الداخلية اقرار الذمة المالية موجود - وتنتهى الازمة او السؤال
ولكن الديكتاتورية البشعة ترد بطرد هذا العضو من المجلس وحرمانة من حضور الجلسات الى ما شاء اللة
ديمقراطية بيومى - بالمزاج - بالشبر
عايزين ناس زى نبيل لوقا بباوى يرفع يافطة فى المجلس مكتوب عليها
الاجنة فى بطون امهاتهم يبايعون حسنى مبارك
التعليق من جهتى - سبح احات وعشر شخرات
ميت فيها رغم بعدى عنها
أرسل هذا التعليق بواسطة : hgeyoushi
سرقوها وإغتصبوها وحولوها لبنت ليل تبيع نفسها للحرامى والأفاق والعجوز المتصابى اللى بيصبغ شعره بلون سواد قلبه ونفسه يورثها بس أحب أقوله ياأخى أحه ( آسف بس مش لاقى حاجه تناسب مقامه غير كده) هتفضل لينا حتى لو جثه وهنحبها بكل مرارتها العيب فينا مش فيها إحنا مش عارفين قيمتها والكلاب بعدونا عنها وكرهونا فى عيشتها أقول إيه هههههههههههههههانت
egyptian mish egypyine ya prince
أرسل هذا التعليق بواسطة : كريمبو
بما انك ياصاحبي كاتب العنوان اساسا غلط اذا الفحوي اكيد هتكون غلط في غلط
ونصيحه من اخ لاخ
اهم شروط النجاح والانتشار انك تكون صادق مع نفسك قبل ماتكون صادق مع غيرك
من الاخر ياصاحبي ماتدحكش علي نفسك وانزل للواقع
وان كان علي حب مصر فأكيد كلنا بنحب مصر ودي مش محتاجه كلام ومفيش اي حد مابيحبش مصر
كلنا بنحبها
لكن بنكره حاجات تانيه ممكن تكون في مصر حوالين مصر بره مصر جوه مصر او بشل او التاني متعلقه بمصر دي الحاجات اللي بنحبها او بنكرهها لكن مصر فهي فعلا امنا كلنا ولازم كلنا نحبها
بس ياصاحبي
انتباه من فضلكم
أرسل هذا التعليق بواسطة : كريمبو
بعد اذنكم ياجماعه ممكن اعرف ايه غاية ان كل حد كاتب في اسمه اسم مبهم يعني اسماء مش اسماءه
يعني المفروض ان خانة الاسم دي يتكتب فيها اسم صاحب الموضوع مثلا ( احمد محمد محمود ) مثلا
ليه بقا احنا وصلنا لدرجة اننا مش قادرين اننا نبوح بأسمنا حتي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الي لقاء قريب اخواني واخواتي