محاكمة أحمد عز.. اضحك كركر

"تمخض الجبل فولد فأراً".. هذا هو خير ما ينطبق على المحاكمة الشعبية التي قامت بها "حركة مواطنون ضد الغلاء" لصاحبها محمود العسقلاني – مؤسسها وعضوها الوحيد – ضد إمبراطور الحديد أحمد عز، بمركز هشام مبارك مساء الأحد الماضي .

فرد واحد روج لحركة "وهمية" لا وجود لها سوى بموقع على الإنترنت، رغم بيانات الشجب والإدانة التي يرسلها للصحف يومياً، ودعوته الجميع في وسائل الإعلام لما أسماه بـ "أكبر محاكمة شعبية لأحمد عز"!

مسرح المحاكمة

في الوقت المحدد انعقدت المحاكمة الشعبية ورغم أن المحاكمات الشعبية تستمد قوتها دوماً من الحضور فيها، إلا أنه انعدم هذه المرة واقتصر على وسائل الإعلام ..

ومع أول لحظات المحاكمة انقلبت الجلسة لمسرح كوميدي.. بداية الكوميديا كانت مع صراخ أحد الأشخاص بالقول: "محكمة" حتى يدخل القاضي وعضوي اليمين واليسار، ولكن الحاضرين - وحسبما جرى العرف- لم يقفوا، وسادت بينهم نوبات من الضحك..

المنصة تشكلت من "القاضي" الدكتور صلاح صادق أستاذ القانون بكلية الحقوق جامعة عين شمس، أما "عضو اليمين" فكان المهندس يحيى حسين منسق حركة "لا لبيع مصر"، بينما كان "عضو الشمال" سيد عبد الغنى المحام، ومثل سعد عبود عضو مجلس الشعب المدعي العام الشعبي.

في كلمته بدا الدكتور صادق أقرب لأستاذ أكاديمي، فأخذ يشيد في المحاكمات الشعبية وكأنه يلقي محاضرة على طلابه، ثم وجه كلامه لسعد عبود قائلاً: هل تم إعلان المتهم بالحضور لنمكنه من الدفاع عن نفسه؟

- سعد : لسه هانعلمه يافندم

القاضي : وأنت لسه ما أعلنتوش يا سعد؟

سعد : في أقرب فرصة يافندم.

كلمات الشهود

في كلمته قال محمود العسقلاني: "لابد من محاكمة واضعي قانون منع الممارسات الاحتكارية لأنه لم يمنع الاحتكار، وكأن العيب في القانون وليس التطبيق"!

أكثر ما أثار سخط الحضور وتهكمهم هو ما قاله المهندس يحيى حسين - صاحب بلاغ عمر أفندي الشهير- بأنه كان في يوم من الأيام خصماً لأحمد عز في البرلمان ولذا لا يمكن أن يحاسبه الآن.. مما جعل الحضور يصفقون.. فقال لهم القاضي: "إحنا في محكمة يا جماعة..عيب كده!.

أبو العز الحريري، نائب رئيس حزب التجمع، والذي حرص على الظهور في المحاكمة، أوضح لـ "ولاد البلد" أنه يشارك في وقائع المحاكمة كمحاولة لإصلاح الوطن ومقاومة الفساد ونهب الثروة، وأضاف: "التعبير السياسي في الأصل تعبير عن المشاكل السياسية والاقتصادية، وهذه المحاكمات تقوم بدور إدانة النظام الذي يتستر على المحتكرين، وهى خطوة يجب أن تصل لمحاكمة جنائية حقيقية".

في مداخلته قال جورج إسحاق – عضو حركة كفاية- "والنبي يا عسقلاني عاوزين نفتح ملف البترول .. ده برضه ملف خطير وأهم من الحديد"، فقال له القاضي: "يا سيد جورج دي محاكمة عشان الحديد لما تيجي محاكمة البترول أبقى تعالى"!.

إسحاق قال لـ "ولاد البلد ": "هذه المحاكمات محاكمة للنظام كله الذي بات يستبد بالمصرين، ولابد أن نفتح كل ملفات فساده الذي تفشى في جميع الأنحاء".

في نهاية المسرحية الكوميدية - عذراً – المحاكمة، قال القاضي: "قررنا التأجيل لجلسة السبت 15 مارس 2008 الخامسة مساء، مع تكليف الإدعاء بإعلان المتهم، ولاستكمال شكل الهيئة، وتكليف طالبي التدخل بسداد الرسم وقدره جنيه بصورة رمزية .. رفعت الجلسة"!.

اسمع نص المحاكمة

شاهد صور المحاكمة

a7c8

احمد عز مجرد واجهة او قناع

أرسل هذا التعليق بواسطة : مطبلاتى ومسلكاتى

احمد بية عز مجرد واجهة - قناع - انما المالك الحقيقى للمليارات هو احدهم ابن البية الكبير

ارحموا احمد عز - فهو حتة ولد اراجوز واللى وراء الاكمة ما ورائها

التريقة مش لطيفة

أرسل هذا التعليق بواسطة : أحمد حامد

اولا حركة مواطنون ضد الغلاء حركة شعبية جديدة و لكن بها الكثير من الاعضاء المهمين و حتي لو كان محمود العسقلانى هو العضو الوحيد في الحركة يبقى احنا كنا لازم نشكره علي انه انسان بيفكر في الشأن العام

و أسس حركة ضد سرطان الغلاء حتى لو كانت حاليا صغيرة أو ضعيفة لانها معندهاش موارد او معندهاش خبرة

يبقى ان علينا ان احنا ننقدها نقد بناء مش نقد تهكمى و بعدين احنا فعلا شعب غريب يعنى نقعد نقول ايه ده

مفيش حد فى البلد دى بيتكلم عن الغلا و القرف الى احنا فيه و لما ييجي حد يتكلم نقول عليه ده العضو الوحيد

في الحركة الى هو مؤسس ليها مع كل احترامي لرأيك انا اشكرك علي متابعة المحاكمة و أختلف معاك

في أسلوب عرض الموضوع

www.mdedalghalaa.org و ده موقع الحركة علشان تتعرف عليها و تعرف اعضائها من غير

ضحك ولا كركره لأن الموضوع مش مستاهل

انت افتكرت نفسك صحفي بجد

أرسل هذا التعليق بواسطة : حسام الزمر

السلام عليكم

الاستاذ شريف

لا يصح التهكم على الناس اللي بتبذل وقتها للصالح العام بهذا الشكل

و يبدوا و انت تتكلم و كأنك صحفي متمرس و صاحب رأي و خبرة و تجربة و للأسف انت لست أي شئ من كل هذا

انت مجرد خريج حديث

و كل ما قلتة لا يمت لعلم الاعلام بأي شئ

رجاء استخدام اداب الحديث و احترام من يقدمون شيء لهذا البلد حتى و ان قل

سلام

حسام الزمر

أرسل هذا التعليق بواسطة : المغترب

من زمان وانا بشوف اغلب الناس اللى بتعلق على مقالات بتهزأك وتمسح بيك الأرض وكنت مستغرب ليه متحاملين عليك او جايز حد بينك وبينه مسائل شخصية

النهارده عرفت هما بيعلقوا ليه بالشكل ده على مقالات

لأنك بنى ادم مهزأ ومش محترم وأرجوز

فعلا انت انسان قذر يا دواخلى وشكلك بتشتغل بالليل صبى عالمة

تعليق علي التعليق

أرسل هذا التعليق بواسطة : أحمد حامد

بعد يومين من نشر الموضوع و بعد تعليقي علي الموضوع ظهر تعليقين بعد تعليقي الاول "التريقة مش لطيفة"

و الحقيقة ان حبيت اعلق علي التعليقين دول حيث ان هما يعتبروا غلطوا في كاتب الموضوع و الحقيقه احنا

ممكن نختلف و ننقد بعض لكن بدون ما نزعل من بعض يعني لا يوجد داعي ان استاذ حسام الزمر

او المغترب او انا او اي حد ، ان احنا ننقد بحده شخص الكاتب ،، احنا ممكن ننقد بحده رأيه وافكاره لكن

مش معقول ان احنا نقول عليه "انسان قذر" او "مجرد خريج" و كأن الخريج ده حاجه بسيطه أو قليله

انا من وجهة نظرى ان الكاتب غلط في نقله لاحداث المحكمه لان ابسط حاجة انه مكنش موضوعي في

نقله لاحداث محاكمة و خصوصا ان الموضوع منشور علي انه تحقيق مش مقال و ده مقال ذاتي و لا يحمل

اي صفات التحقيق الصحفي من موضوعية و توازن و ده من الجهة الصحفية اما من الجهة الاجتماعية أو السياسية

فانا طبعا لم يعجبنى التريقة علي القائمين بالمحاكمة و خاصة ان فكرة المحاكمة الشعبية التي تناقش

موضوع مهم زي غلاء الحديد كان لا بد من شكر اصحابها لجرئتهم للقيام بهذه المحاكمة و رغم هذا

ليس من حقنا ان نشتم شريف الدواخلي لأن فالاول و الاخر ده رأيه و هو حر فيه حتي لو كان مش عاجبني

ولا عاجب استاذ حسام و لا عاجب المغترب يكتب الي هو عايزه و ربنا يخليلنا الانترنت الي بيخلينا احنا

كمان ممكن نرد عليه و نكتب زي ما احنا عايزين لكن من غير ما نغلط فبعض ولا نزعل من بعض

اتعلم الكتابة وبعدين اكتب

أرسل هذا التعليق بواسطة : abu osama

يا اخى اما تيجى تكتب علشان الناس تصدقك لازم تكون على الاقل بتعرف يعنى ايه كتابة خبر

اولا انت بتكتب الخبر ليه علشان تستهزاء الموضوع اللى انت كتبه بيتمناه كل المصريين ان كنت منهم

يبقى انت مش فاهم اى حاجة . ثانيا انت قولت انه هو العضو الوحيد ورجعت كذبت نفسك و ذكرت اسماء شخصيات محترمة جدا .وبعدين يا اخى انت بتكتب فى موقع يا ريت تعرف هو ايه ولاد البلد اللى انت بتسخر منهم دول هما ولاد البلد اللى خايفين عليها ولا انت فاكر نفسك فى موقع الحزب الوثنى.

سياسة موقع وليس سياسة شريف الدواخلي

يا جماعة دي سياسة موقع مش سياسة شريف الدواخلي

المفروض تكون فاهمين ان الموقع المسمى عشرينات ليه هدف وليه رسالة يريد ان يوصلها للناس وليه ناس بتدفع

وانا متأكد ان الاستاذ شريف كتب الموضوع بصورة عادية لكن سكرتارية التحرير هي اللي غيرت الموضوع وجعلته بهذا الشكل ليتمشى مع سياسة الموقع