شتيمة وسب بسبب "المحظورة"

شهدت لجنة الدفاع والأمن القومي بمجلس الشعب مساء أمس الأول، تراشقات لفظية كادت تصل إلي حد الاشتباك بالأيدي بين نواب من الحزب الوطني والإخوان المسلمين، بعد استخدام نائب الحزب الوطني مجدي عرفة لفظ "المحظورة" في وصف الجماعة –كما ذكرت جريدة المصرى اليوم-.

وانفعل النائب الإخواني حسين إبراهيم علي نائب الوطني، وطرق بيده علي المنصة التي كان عرفة يقف بجوارها، فرد عرفة موجهاً كلامه لـ"حسين": "ما تخبطش يا حبيبي علي المكتب، أنا ما بتهددش"، وارتفعت أصوات جميع النواب، ودخل الدكتور سعد الكتاتني في مشادة مع الدكتور عبدالأحد جمال الدين، زعيم الأغلبية، وكاد الأمر يصل إلي حد الاشتباك بالأيدي، بل دفعا بعضهما البعض.

وبعد فترة من الانفعال والصياح، هدد أمين راضي، وكيل لجنة الدفاع، الذي ترأس الاجتماع، بإلغائه، ليعيد الهدوء إلي الجلسة، وعاد النائب مجدي عرفة يكمل كلمته في الاجتماع الذي كان مخصصاً لمناقشة الإجراءات الأمنية ضد مرشحي الإخوان والمعارضة في انتخابات المحليات، وقال: "نفسي أعرف ما هو سبب الانفعال ده، أو أنا غلطت في إيه؟، الفضائيات كلها والصحف وناس كتير بتقول جماعة الإخوان المحظورة، ولما مجدي يقولها تقوم القيامة".

وتحدث حسين إبراهيم واصفاً استخدام البلطجية لمنع مرشحي المعارضة من تقديم أوراقهم للانتخابات بأنه لعب بـ"النار"، مطالباً الحكومة بحل الأزمة.

وناشد النائب الإخواني علم الدين السخاوي، كلاً من شيخ الأزهر والبابا شنودة ومفتي الجمهورية، أن يدلوا بآرائهم فيما تشهده مصر قبل إجراء انتخابات المحليات.

وفي كلمته، أبدي الدكتور مفيد شهاب، وزير الشؤون النيابية والبرلمانية، أسفه للمناوشات والتراشقات التي شهدها الاجتماع، وقال: "أشعر أحياناً أن ما يحدث يكون دليلاً علي الحيوية، ولكنه يجعلني أتساءل: هل نستحق أن نعيش في الديمقراطية التي نشهدها؟!".

واستدرك: "هذه الممارسة تجعلني أقول كمواطن وليس كوزير: يا خسارة".

وأكد أنه لا توجد تعليمات حكومية بمنع مرشحي المعارضة من تقديم أوراقهم لخوض انتخابات المحليات، موضحاً أن الحكومة لا تستطيع منع أي مرشح إخواني من تقديم أوراقه إلا إذا جهر بالانتماء للجماعة.

989b

لجنة الدفاع والأمن القومي بمجلس الشعب

ألقاب مملكة في غير موضعها كالهر يحكي انتفاخاً صولة الأسد

كلمة المحظورة - كلمة قبيحة

أرسل هذا التعليق بواسطة : اى واحد كان

واحد يقول لك انا محظور - ودى بالعامية المصرية انة لا مؤاخذة مزنوق وعايز يخش الحمام والا هيعملها على نفسة

وصحف الاسرة الحاكمة تطلق على جماعة الاخوان الجماعة المحظورة - محظورة فى اية - عايزة تدخل الحمام مثلا

وازاى الصحف القومية او صحف اسرة مبارك حيث يظهر الاب فى اول صفحة دائما اما الابن ففى الصفحة الثالثة وتاتى سيدة مصر فى الصفحة الرابعة قبل صفحات الاجتماعيات والوفيات - ازاى الصحف دى تسميها المحظورة ولهم فى مجلس الكلام 80 عضو ينطح عضو وكلهم والحمد للة السنة زى الكرباج

هى الحكاية اية - انا مش فاهم حاجة فى البلد دى

كل يوم اعتقالات وكل يوم افراجات

ومصادرة اجهزة كمبيوتر محمول

وسيبنا مصالح الناس واكل عيش الناس ورغيف الخبز وبقينا سباقين فى الاعتقالات ونتصدر صحف العالم فى اخبار الاعتقالات والمحاكمات العسكرية

يا عالم يا زبالة انسوا حكاية الاخوان وابذلوا جهدا فى توفير لقمة الخبز للشعب الجائع

منهم لله

أرسل هذا التعليق بواسطة : الحريه

ربنا ينتقم منه حسنى مبارك وابنه جمال اللى عملوا فى الناس اللى ما عملهوش الاستعمار ويرحم عبد الناصر والسادات ويا رب يبطلوا سرقه اكتر من كده

يا رب يرحمنا علشان البلد مش بتعتنا دالوقتى بقت بلد مبارك وابنه واحمد عز الحرامى الثالث هو باقى الحراميه ربنا يجحمهم فى نار جهنم

منهى التناقض

أرسل هذا التعليق بواسطة : محمد ميدو

لو بعدنا عن إننا ندخل الدين فى كل كبيرة و صغيرة البلد دى هتتصلح ..

اللى جايبنا لورا إننا كل حاجة بندخل فيها الدين ..

تلاقى ناس بطلت تتعامل مع البنوك علشان الشيوخ بيقولوا إنها حرام رغم إنها بتسبب منافع كتير للناس و ينسوا إنهم كده بيخالفوا القاعدة الفقهية اللى بتقول لا ضرر ولا ضرار ..

و قيس بقى مليون ألف حاجة على الكلام ده ..

مسخرة و الله إن كل واحد يفتى و يقول اللى على مزاجه .. و المسخرة الأكبر إن الشيوخ اللى طلعت البدعة دى ليهم حسابات فى البنوك و بيقبضوا بالفيزا كارد !!

يعنى يكون الشيخ من دول لسة قابض مرتبه حالا من البنك و كل شوية يضيف لرصيده اللى فى البنك و يطلع تانى يوم يقولك البنوك حرام !!!!!!!! منتهى التناقض ..

الكلام ده أنا شفته بنفسى أثناء عملى فى إحدى القنوات الفضائية اللى بتسمى نفسها قنوات إسلامية قبل ما أسيب الشغل بسبب إن الناس بتوع القناة مش راضيين يدونا مرتباتنا و فلوسنا و قالولنا من الآخر مالكوش حاجة عندنا و للأسف كلهم شيوخ بلا إستثناء !!

الاخوان في قلب الشعب ... والحزب الوطني هو المحظور

أرسل هذا التعليق بواسطة : محمد الديري

الاخوان نسبة نجاح مرشحيهم في انتخابات مجلس الشعب 70% والحزب الوطني 35% يبقى مين المحظور...ده غير ان اغلب بتوع الحزب الوطني فازو بالتزوير العلني والله العظيم التزوير العلني!!!!!......كفاية حرام الشعب بيموت....انزل اي شارع او اي حارة وشوف الناس عاوزة الاخوان ولا الحزب الوطني .........شوف ...واسمع دعاء الفقراء والعواجيز والستات ..اللي بتقول ربنا يخدك يا مبارك وياخدك يا حكومة.......كفااااااااااااااااااااااااية