جمال مبارك: زيادة الرواتب خلال ست سنوات
أكد جمال مبارك الأمين العام المساعد أمين السياسات بالحزب الوطني الديمقراطي التزام الحزب وحكومته بمضاعفة رواتب العاملين في الجهاز الادارى للدولة بشكل تدريجي خلال ست سنوات، التزاما بما جاء في البرنامج الانتخابي للرئيس حسنى مبارك الذي تم تنفيذ جانب كبير منه حتى الآن –كما ذكر موقع مصراوى-.
جاء ذلك خلال اجتماع لجنة الصحة لأمانة السياسات الثلاثاء برئاسة جمال مبارك، وأوضح الأمين العام المساعد أمين السياسات أن الحزب يعمل بالتنسيق مع الحكومة على زيادة رواتب قطاعات محددة من العاملين في الدولة مشيرا إلى أنه قد حدث بالفعل زيادة في رواتب قطاعات مختلفة منها القطاع الصحي.
وأكد جمال مبارك أهمية أن يكون هناك حوار مجتمعي حول إيجاد موارد حقيقية لتمويل هذه الزيادات في الرواتب وبما لا يؤثر بشكل سلبي على العجز في الموازنة أو يؤدى إلى زيادات تضخمية مشيرا إلى أهمية وضع أولويات للإنفاق العام وتخفيف العبء على غير القادرين.
وأكد على أن مقومات الاقتصاد المصري سليمة وعلى أهمية الحفاظ على استمرار معدلات النمو الحالية والاستثمار وحماية الاقتصاد المصري من أي موجات من الركود الاقتصادي .
وتحدث جمال مبارك عن أهمية وضع السياسات الصحية والبيئية والتعليمية لحماية المجتمع من الأمراض غير المعدية، مشيرا إلى أهمية تحقيق المزيد من التحسن في المؤشرات الصحية المتعلقة بهذه الأمراض والتي تشكل تحديا كبيرا أمام صحة وسلامة المواطنين وجهود التنمية المستهدفة .
كما أكد على أهمية تبنى حملة قومية لمكافحة التدخين باعتباره أحد المسببات الرئيسية للأمراض، مشيرا إلى أن الحزب الوطني على استعداد للعب دور كبير في هذه الحملة .
f77a
جحا وحمارة
أرسل هذا التعليق بواسطة : جحا
اراد جحا ان يعلم حمارة
فذهب بالحمار الى معلم حمير فى الاسطبل وقال لة - يا معلم انا عايز اعلم الحمار واخلية دكتور قد الدنيا
المعلم قال لة - خلاص يا جحا - ان شاء اللة اخللى الحمار لك يبقى دكتور بعد 6 سنوات
جحا - عظيم - واية المطلوب
المعلم قال لة تدفع 100 الف جنية
دفع جحا 100 الف جنية وكتبوا شروط وعقد ان جحا يستلم الحمار بعد 6 سنوات دكتور
وانصرف جحا - والتف الناس حول المعلم - ازاى هتوفى بالعقد وازاى الحمار هيبقى دكتور
ضحك المعلم وكركع وقعد وانجعص وقال لهم يا ناس يا جهلة
بعد 6 سنوات يا يموت الحمار - يا اموت انا - يا يموت جحا
هتلغوا المقال كالعاده
أرسل هذا التعليق بواسطة : الاسم مصريه
موتوا بقى مع بال ماال6 سنين مايعدوا ... وست سنين ليه؟
وبعدين هى الحكومه والحزب الحاكم هيغلب هما كالعاده هيتبعوا خطه 4 2 4 بتاعة الصهاينه
يعنى يزودوا المرتب 10 جنيه ويقولوا احنا زودنا اهوه ونفذنا برنامج الريس
ومن ناحيه تانيه يزودوا الاسعار
على بلاطه كده يدولك 10 جنيه باليمين ويخدوا منك 100 جنيه بالشمال
شكرا ياريس شكرا ياحكومه شكرا ياحزب ياحاكم احنا اللى نستاهل
بالذمة دة كلام ياناس جمال بيحلم وهو صاحى
أرسل هذا التعليق بواسطة : بون بون
سيبك من زيادة الرواتب والبكش اياة لكن انا عاوزك يارئيسنا المنتظر شئنا ام ابينا ان تنزل للشارع وتشوف زحمة السير واحترام الناس للطريق وبعد كدة كلمنا عن تلوث البيئة اللى سببة توقف الطرق بشكل تام بسبب عدم احترام قواعد السير والمرور واللى بينتج عنة تلوث الهواء بدخان العربيات وتعطل الطريق للاسعاف او المطافى والسبب الرئيسى والمهم واللى بيشغل بال كل مصرى انة لازم نتعلم ازى نحترم الطريق انكان للعربيات او للمشاة على الرصيف وبعدين تعال كلمنا عن الصحة والتدخين مع انى مبدخنش بس اسكر احيانا
نعم الراكب
أرسل هذا التعليق بواسطة : مركوب
الأخ العزيز مهيب الركن جمال عدي قصي مبارك
تحية طيبة معطرة بالأشواق لرؤياكم الغالية
أما بعد
لعلكم والأسرة الغالية بخير وبأتم الصحة وأحسن حال .. والله ياسيدي نحن مشتاقون لأن تركبونا اليوم قبل غد . نعم الراكب وبئس المركوب ..وعذرا إذا كانت الركوبة ومش ولا بد أو أنها ( بتحرن) لكن عصاية أو عصايتين من إيدك الشريفة تنخزها في عجزها( يعني مؤخرتها ) فلسوف تهرول تحت منك مثلما كانت ولا زالت تهرول من تحت السيد الوالد والسيدة الوالدة والسيد أخوك وكل الأسياد والبهوات اللي راكبين ومدلدلين رجليهم . ولا يمنعها وليس بعذر لها من الهرولة فتك السرطان بها ولا كبدها المهري ولا جوعها ولا عطشها ولا عرجها وفضيحتها بين جميع الركايب العربية اللي بتجري وترمح ولا المهر تحت الركيبة العرب والعجم وبني الأصفر. لكن ولا يهمك.. ركوبتك العرجا تغنيك عن سؤال البنك اللي كنت شغال فيه في انجلترا ..
بس أنا ليا عندك طلب وبس وحياة النبي ما تزعل مني ولا تفهمني غلط لأن أنا عارف . زعلك وحش . ولو انت زعلت يبقى الدنيا كلها هاتزعل .الجيش والشرطة وأمن الدولة والمخبرين والمرشدين وبتوع المحليات وكل ولاد الدايرة بتوع الشعب قصدي مجلس الشعب وابوالحديد بتاع الجمهورية دا غير بتاع الحديد وبتاع طشة الملوخية وبتاع جبر الخواطر وبتاع الجهاد عودة وبتاع البيض بيضك وغيرهم وغيرهم كل دول هايمسكوا في هدومي علشانك.. وأنا مكسوف منهم لإن ما فيش حته في هدومي تتمسك ..
أنا يابيه ومنذ ميعة الصبا ( حلوة ميعة دي) وحتى بلوغي من العمر أرذله ( طب عليا النعمة إن أرذله دي أنقح من ميعة الصبا) بأشوف وأشاهد برامج اتحاد الإذاعة والتلفزيون من أول برنامج الغلط فين؟؟ بتاع على فايق زغلول الله يرحمه..اللي مات وهو بيدور على الغلط فين؟؟ وما عرفشي إن الغلط عندنا وراكبنا( دا الغلط مش انت يا معالي الباشا) من ساسنا لراسنا.. ومرورا ببرامج ساعة لقلبك وهمسة عتاب وما يطلبه المستمعون وعلى الناصية وماما نجوى وبقلظ و اليوم المفتوح ونادي السينما وبعدين صباح الخير يامصر وتسعين دقيقة والبيض بيضك والعاشرة مساء وغيرها وغيرها.. وكان أتخن برنامج فيهم يعني قول نص ساعة .. ساعة.. ساعتين.. قول حتى تلات ساعات
ودي بصراحة ربنا كانت برامج عيالي قوي .ونفسها قصير وبتنهج ( من النهجان) واحنا بصراحة عشنا واترعرعنا على برامج السيد الوالد ربنا يخليه ويفضل راكبنا حتى آخر العمر ولو حتى ضاع العمر ياولدي .. ودي برامج سيادتك ما شوفتهاش لأنك كنت بسلامتك في شغلك في البنك الانجليزي .. وكنا إحنا هنا بنتقلب على أحلى برامج إيشي برنامج الصحوة الكبرى اللي أطلقها السيد والدك وأتاريها كانت ( صحوة الموت ما أرى أم أرى غفوة الحياة تررلم لم) إلى برنامج الألف خطوة خطوة وبرنامج تسديد ديون مصر وبرامج الخطة الخمسية والخطة العشرية والخطة الخمستاشرية وبرنامج القاهرة 2050سنة وهلما خطة وأخيرا برنامج السيد الرئيس دا غير برنامج عنق الزجاجة وبرنامج فلة الزجاجة وبرنامج قعر الزجاجة .. وأخيرا برنامج الخطة السداسية بتاع سيادتك دلوقتي وده بصراحة برنامج صح الصح.. ألا قول لي يابيه.. انجليزي ده يامرسي؟؟
الجاسوسة البريطانية
أرسل هذا التعليق بواسطة : شحرور
انتم عارفين الجاسوسة البريطانية الشهيرة فى مصر التى تبوأت اعلى امناصب
مسمرلنا الاسعار ومش عايزين زيادات
أرسل هذا التعليق بواسطة : مواطن زى اى مواطن
مش عايزين زيادة مرتبات يارئسنا القادم اخنا بس عايزن تثبيت الاسعار او انخفضها ولو ان دة مستحيل يبقى على الاقل تثبيت الاسعار هو دة شىء صعب اوى كدة الباشا الكبير لو حل يوقف الاسعار ممكن جداا يرف سماعة التليفون على احمد عز ويقولة بمنتهى الشكيمة عارف لو رفعة تانى طن الحديد عن 3000او4000حتى عارف هعمل فيك اية هعلقك انت ومرطاطك الاربعة انت عارف منين وهخلى الشعب المصرى كلة يمشى عليك وانت عارف بقا قلة ادب الشعب المصرى من الاخر كدة الناس المساكة الاقتصاد زى الحديد والاسمنت والمواد الغذائية لو حبوا يلجموهم واللة لاخلهم يمشوا على العجين ميلخبطهوش لكن للاسف هما سيبناها كدة لغرض فى نفس يعقوب واما نشوف اخرتها كتكم الارف مالتوا البلد
كلكم بمرتبة غشيم - احمد عز يا جهلة وكيل اعمال جمال مبارك
أرسل هذا التعليق بواسطة : ابو بصلة
انتم فاكرين احمد عز دة حاجة فوق القانون دا وكيل اعمال العائلة الحاكمة
الفلوس دى كلها لهم
واحمد عز وغيرة من رجال السياسات مجرد اراجوزات لجمال وعلاء مبارك
البلد بلدهم
خليهم يطلعوا الجرب على جلدكم
البية جمال ابن الباشا مبارك والهانم سوزان ياريت تسيبونا فى حالنا مش عايزين زيادة لافى الاسعار ولافى الرواتب
أرسل هذا التعليق بواسطة : حنفى نوكيا
بعدست سنين الناس حتاكل الزلط من الجوع وانت سيادتك خطط براحتك
رئيس مصرالقادم بالعافيةلسدة الحكم المريض بالكدب على الناس
أرسل هذا التعليق بواسطة : قارون
ويستمر مسلسل التخديربالوعود الهلامية والتدليس المكشوف وعلى فكرة ياجمال افندى الكلام دة ياريت تسمعة جمهور غبى اومنافق اومغلوب على امرة وفى الحالة دى يبقى اتكلم براحتك لان الناس ومشكلهم فى واد وانت وبابا والمشرعتية ونواب التزوير ووزراء البزنس فى واد تانى او فى كوكب تانى خالص
مش عاوزين زيادة عايزين انتخابات حرة ونزيهة ياخلق اللة
أرسل هذا التعليق بواسطة : حاتوتى الامانة
انتخابات حرة بدون كوسة علشان تيجى ناس منتخبة انتخاب حقيقى وعبرصناديق الاقتراع كفيلة انها تحل مشاكلنا المتراكمة والمستحدثةبطريقة نحس بيها ان احنا بنى ادميين وفى القرن الواحد والعشرين بغض النظر عن مين فاز لانة مادام لية ناخبين ومحبين بيثقوابقدراتة واكيد حيسعدوة لتنفيذ برنامجة اللى وعد بية الناس انما اللى بنشوفة وعايشينة سببةعدم نزاهة الانتخابات ومن هنا تبتدى مشكلة الفساد من الاول وتكبر ويتفرع منها المشاكل وفى الاخر اللى يضيع فيها المواطن اللى ضاع صوتة ادى ام المشاكل والمعوقات اللى بتعيق نمو وتقدم البلد وتخلينا مكانك سر بين الامم ومشاكل بطالة فقر غلاء فاحش وانعدام الرغيف اخيرا بسبب السياسات الحكيمة للحزب الفلتة وهلم جرا
اخرتكم اسود من قرن الخروب زى صدام وعدى وقصى
أرسل هذا التعليق بواسطة : غفار
وحياة شنب ابوك ما انت شايفها
واللى اخدة صدام ها تخدوة
دا اذا كان لابوك شنب
اول رئيس لمصر منذ الفراعنة من غير شنب لانة ابن ---- ومرة
يا ترى الناس دي بتاكل انهو عيش
فيه استفتاء في عشرينات حددت فيه اسعار رغيف العيش
خمسة
عشرة
35 قرش
50 قرش
يا ترى الناس دولم بياكلوا عيش زينا كده ولا هما العيش بتاعهم حاجه تانية