بث مباشر .. من طابور عيش
بث مباشر .. من طابور عيش
خباب عبد المقصود+مروة صلاح – ولاد البلد – عشرينات – 19/3/2008
قررنا أن نزاحم الناس ونقف في طابور العيش للحصول على حصتنا من الأرغفة التي تمنحها الحكومة للمواطن المصري..
في منطقة حدائق المعادي اخترنا أحد الأفران.. كان هناك طابوران أحدهما للرجال والآخر للسيدات، لا يقل الواحد منهم عن 35 فردا؛ وطوال ساعة لم يكن يتحرك الطابور، المشكلة لا تكمن في طول الطابور ولكنها في عدم وجود "عيش" في الفرن!
وسط الطابور تظهر تساؤلات وحوارات، رصدت لكم "ولاد البلد" بعضها..
يوم الحكومة بسنة
يقف رجل في الخمسين من عمره ويرتدى جلابية ومعه شاب في العشرينيات، كان يرتدى بنطلون من الجينس وتي شيرت، أما حوارهما فقد بدأ بعمل الشاب وانتهى بالعيش..
الرجل: عامل إيه يا بني في شغلك؟
الشاب: أهي ماشية، الحمد لله.
الرجل: الحمد لله.. مرتاح يعني، طيب شد حيلك، ربنا يعينك.
الشاب: أنت عارف يا عم الحاج!! انه محدش مرتاح لكن أهي ماشية.. كفاية الوقفة هنا، أنت مش شايف إحنا بنعمل إيه عشان نجيب رغيف عيش.
الرجل: معلش إن شاء الله هتتحل، حتى الرئيس قال أنها أيام والمشكلة تخلص.
الشاب: ربنا يسهل.. أنت عارف إن يوم الحكومة بسنة.
العيال والطبيخ
شَدنا حديث آخر مصدره الطابور النسائي، ويبدو من خلاله اختلاف أولويات كل جنس عن الآخر..
الأولى: شفتي يا حبيبتي الدنيا ولعت ازاي.
الثانية: هنعمل إيه ما هي الدينا كلها بقت نار، يلا أديها لسه ماشية.
الأولي: على رأيك.. أنتِ عيالك عاملة إيه في المدرسة؟.
الثانية: كويسيين.. العيال بتعمل اللي عليها، تصدقي أنا مش عارفة هطبخ إيه النهاردة.
الأولي: أي حاجة والسلام، بس ربنا يسهل ونخلص من الطابور المقرف ده، خلينا نشوف ورانا إيه.
الثانية: عندك حق، طيب أهو شكلهم بقى فيه عيش..لما نشوف.
محسوبية
هنا رأيت أن أخرج من الطابور الذي قد يضطرني للمكوث أكثر من ساعتين للوصول إلى شباك العيش للحصول على 10 أرغفة.. وقررت الذهاب لفرن عيش آخر لمعرفة هل الوضع مختلف؟
أخذني المترو من حدائق المعادي حتى محطة السيدة زينب، وأمام منفذ توزيع الخبر رقم (5) كان زحاما لم أشهده من قبل، ليس بسبب كثرة الناس ولكن بتدافعهم على شباك لا يتجاوز عرضه مترا واحدا، وآخر مثله للسيدات.
الطابور لا يتحرك، وأخيراً.. وبعد طول انتظار ظهر قفص العيش وعليه ما يقرب من 100 رغيف أي ما يساوي قيمته 5 جنيهات، ليبدأ التدافع والصراخ بين من ينتظر العيش وتلك السيدة التي تقف داخل كشك التوزيع وتدعى "زينة".
اتضح أن هناك نوع من المحسوبية، فبمجرد انتهاء توزيع الدفعة الأولى التي رأيتها، اكتشفت أن الطابور الذي أقف فيه ما زال كما هو!، وعندما سألت من كان يقف أمامي - طامعا في خمسة أرغفة لإفطاره هو وصديقه- قال: "ما هو في باب تاني، وهى بتمشي الناس اللي تعرفهم الأول".
واقف مكاني
أبرز ما حدث هو اعتراض أحد الرجال الذي كان يبدو عليه أنه مريض بمرض عقلي حتى أنه هدد بدخول الكشك عنوة حتى يأخذ العيش، وهنا أخذه أحد المشرفين على المنفذ قائلا له: "معلش.. الريس خلاص هيخلى العيش يجي لحد البيت".
السيدات في الصف المجاور كن قد فقدن الأمل بسبب عدم حصول أي واحدة منهن على رغيف واحد، فـ "الصف لم ينقص منذ ساعة وربع" على حد قول أحد السيدات الموجودات لشراء العيش.
مرت ساعة.. ليصل تدرجي في الصف من الأخير إلي ما قبل الأخير!، وتمسكت بأمل الوصول لشباك المنفذ.. لكن وبفعل فاعل تغير الوضع.. بعد حدوث مشادة كبيرة بين أحد الواقفين في انتظار دورهم وبين السيدة "زينة" .. أدت إلى لخبطة الصف من جديد.. لأقرر الانسحاب من الطابور.
- إليكم هذه الدقائق المسجلة من داخل طابور العيش.
المسئول الأمين
وجهتنا بعد ذلك كانت في أحد أفران بولاق، لنجد في الفاصل بين طابور السيدات والرجال مسئول بوزارة التموين يقوم بتنظيم الواقفين في الطابور وإدارة الفرن، فلا يمكن لأحد أن يشترى بأكثر من جنية عيش، ولا يسمح لشخص أن يتقدم على آخر في الطابور.
الطابور يمشي كالساعة، ومن يشترى رغيف ذو وجهه محروق يمكنه تغييره، المسئول يقوم بتهديد العاملين في الفرن بأن من لا يتم عمله بسرعة وعلى أكمل وجهه سيتم فصله.. يأتي عسكري لشراء خبز لمأمور القسم بأكثر من جنيه، فيرفض لأن المأمور أرسل 8 عساكر كل منهم يشترى بجنيه.
- استمعوا لتنظيم الطابور.
0658
مراويتو
أرسل هذا التعليق بواسطة : دودو ام ننوشة
لhبجد انا بقى اقول لكم سر عن مروة وهو سر المعذرة يعني زمان كنت لو اي حد مضايقك ومش عارف تاخد حقك منه روح اقف جنب مروة شوية وهي تعتذر لك بالنيابة عنه ههههههههههه طبعا ده من باب زيادة الادب الجامد انا كنت اتشال واتحط جنبها وهي تفضل مكملة برضه بس دلوقتي ما شاء الله بقت تحط صباعها في عين التخين وكل من جراء جلوسها بين العشريناتيه الجامدين
مراويتو كما اناديها هي نفسها الاستاذة مروة بتاعة فريق بداية
الصورة بتقول
أرسل هذا التعليق بواسطة : ع
الصورة بتقول
ان مصر وغلابة مصر بتنضرب بالجزم
من عملاء الاستعمار الامريكى فى مصر - الرئيس وعصابتة
متى تعلن الامم المتحدة ان مصر منطقة كوارث ومجاعة كأقليم دارفور
اللواء مصيلحى
وحامل الجنسية الكندية رئيس الوزراء احمد نزيف
ومزدوجى الجنسية بتوع لجنة السياسات
كفاية خراب للبلد
البلد خربت
تفريق طوابير الخبز وتشتيتها والقبض على مخن يقف فيها بواسطة امن الدولة
أرسل هذا التعليق بواسطة : مباحث امن الدولة
جريدة مصرية امس نشرت هذا الحل امس
هو اللواء العادلى مش فاضى الا للقبض على المرشحين للمحليات وعمل محاكمات عسكرية لشوية من الاخوان
وسايب العملاء اللى بيشوهوا وجة النظام المعطن العجوز العكر ويقفوا طوابير ويطلعوا فى تلفزيونات العالم
يقبض ويبعت البلطجية اللى بيصرفوا فى فلوس الخزينة على كل من يقف فى تلك الطوابير
صحيح شوية جرابيع واقفين طوابير
وخللوا الرئاسة تسيب مقرها فى شرم الشيخ من 26 سنة وتيجى القاهرة علشان الغوغاء والصيع الغلابة
اقبضوا على كل من يقف فى الطابور
شغلانة سهلة باعم العادلى
هل يصنع الجيش والشرطة الخبز على البنادق والا المدرعات
أرسل هذا التعليق بواسطة : جاهل عايز بفهم
الرئيس المبجل طلب من الشرطة والجيش حل ازمة الخبز
مبلغ علم اى جاهل مثلى ان الشرطة والجيش لديها مخابز بتشتغل وبقدرات على قدر عدد الجنود\
انما مخابز تكفى الشعب كلة - الجيش هيحتفظ بها لية - والا الشرطة
العملية بالكاد مخابز تكفى جنودها - ازاى بقى هيحلوا مشاكل الرغيف
مطلوب بناء مخابز جديدة اتوماتيكية تنتج بكميات كبيرة فى الاحياء الشعبية - تقيمها التموين او احد الشركات
انما اتخاذ قرارات على ضرب - الحقوا حريقة فى الجبل الاحمر
خباب عبد المقصود+مروة صلاح
نزغرد ونقول مبروك ونفرق الشربات
المشكلة استخدام الرغيف كعلف للحيوانات
ـ هذا ليس له علاقة بتوسيع أو رأب الفجوة الغذائية لأنه لو تكلمنا عن الفجوة الغذائية فهي عبارة عن عرض وطلب، إنتاج واستهلاك فالأراضي الزراعية في مصر في تزايد مع الوقت في حين تم استصلاح مئات الآلاف من الأفدنة وإضافتها للرقعة الزراعية بمساعدة ودعم من الحكومة وأيضاً بمساعدة الشركات الخاصة، فمسألة الدعم لابد أن نفصلها تماماً عن الأمن الغذائي أو الفجوة الغذائية الموجودة في مصر،.
بل يمكن لها أن تساهم في زيادة الاهتمام أو تقليل الهدر في استهلاك المواد الغذائية، فهل يعقل أن رغيف الخبز ثمنه في مصر « 5 قروش»، أي ما يعادل «سنت واحد» في حين أن تكلفة رغيف الخبز الحقيقية تتعدي «الجنيه» أي «ربع دولار»، لذلك عندما يجد المستهلك بأن رغيف الخبز سعره رخيص، فبالتالي قد يحدث سوء استخدام للمنتج وبالتالي تصرفات غير منطقية، وتلك تجربة عاصرتها شخصياً، ودعيني أقول لك انه لو أحضرنا رغيف الخبز .
(نقلا عن جريدة عربية)
لماذا الدعم - بيعوا لنا بالاسعار العالمية بس اعطونا مرتبات نصف عالمية
أرسل هذا التعليق بواسطة : حمار ببردعة فى عزبة الحاج
اللاخ اللى بيقول ان الرغيف الدولة بتبيعة ب 5 قروش وتمنة الاصلى 40 قرش - يا سيدى ماشى وهو احنا قلنا حاجة - يشيلوا الدعم ويبيعوا الرغيف بجنية بس فية حاجة واحدة المرتبات فى مصر تبقى زى فرنسا او امريكا - بلاش زى اليونان
بلاش زى الهند وباكستان
يا محترم البلد دى محطمة ومنتهية فية دكتور طبيب بيشتغل بعد التخرج ب 130 جنية يعنى ب 50 دولار فى الشهر يعنى اليوم بتاعة بدولار ونص وعايزة يشترى رغيف العيش بالسعر العالمى
الدولة بتسرق الناس وبعدين تقول لهم الدعم
دعم اية ياحرامى انت وهو