6 أبريل.. مذكرات يوم عصيب!
..إنه بلا جدال يوم عصيب في تاريخ مصر.
هدوء شديد وميادين وشوارع شبه خالية من المارة تضامناً مع إضراب 6 إبريل في القاهرة وباقي محافظات مصر.. وانتفاضة حجارة وقتلى ومصابون واشتباكات ومعارك في المحلة.
الجامعات كانت مشتعلة بدورها بهتافات الطلاب في كل مكان.
أما الـFacebook، فيمكنك أن تلحظ عليه آلاف التعليقات على المجموعات المؤيدة لإضراب 6 إبريل.
تريد أن تعرف أكثر لماذا كان يوماً عصيباً بالنسبة لنا على الأقل؟ يكفي أن تعلم أنه قد تم احتجاز مراسل الموقع (أحمد الهواري) لمدة لا تقل عن 9 ساعات أثناء تغطيته لأحداث الإضراب في وسط البلد، ثم تم إطلاق سراحه قبل منتصف الليل بساعتين.
* تابع في تغطية عشرينات لأحداث اليوم:
- شاهد لقطات فيديو لـ: إضراب 6 إبريل
- استمع إلى:
نص مكالمة تليفونية مع موفد الموقع في المحلة لشرح الأوضاع طوال اليوم.
- شاهد ملف مصور لـ: أحداث الإضراب من كل مصر
* اقرأ أيضاً:
- مضربو المحلة: لن ننفض قبل نزول الأسعار!
- إضراب مصر.. يدخل التاريخ من باب (ويكيبيديا)
- في الإضراب .. ياريتني كنت معاهم
- الإضراب حصريا على (الفيس بوك)
4c26
- الي كل مصري حر شريف
أرسل هذا التعليق بواسطة : أحمد
06/04/2008 م، 11:44 مساءً (السعودية) 08:44 مساءً (جرينتش)
المحلة الان مدينة معزولة اغلاق كل الطرق المؤدية الى المحلة المسؤل الاول والاخير عن احداث العنف هو مبارك وكلابه تصميمهم علي فض المظاهرات بالقوه والتحرش بالاهالي قوات الامن تطلق الرصاص الحي والقنابل المسيلة للدموع بلا اية رحمة وبشكل عشوائي اعتقالات بالجملة وسط تعتيم اعلامي انباء عن سقوط قتلي وجري لابد من عمل وقفه لمساندة اهالينا واخوانا في المحلة مش معقول هم فقط من يدفعون التمن
بجد حرام
أرسل هذا التعليق بواسطة : ابراهيم
مدينه المحله لها الله عمال المحله عمرهم ما عملو كدا فى اى اضراب
حرام بجد اللى بيجصل ولا اى طريق مفتوح للهروب من المدينه المشتعله حتى السكك الحديد جميع القطارات تغير مساراتها وتم حرق قطارين
بالاضافه الى حرق محطه بنزين + نهب وسرقه محلات دهب وغيرها وغيرها
دلوقتى لو كان الاضراب عشان نقول عايزين حقنا خلاص معدشى ينفع
دلوقتى الكلام هيبقى ان اهل المحله السبب فى الخراب اللى بيحصل حرام حرام حرام بجد اللى بيحصل ده
المحله واهلها ما يستهلوش كدا حتى لو الامن هو السبب او الاهال او العمال المحله ما تستاهلشى كدا ابدا ابدا ابدا ابدا
احنا ادهورنا
أرسل هذا التعليق بواسطة : مصري من الطبقة الوسطى
يا جماعة احنا في أواسط و أواخر التسعينات كانت الناس بتفكر تشتري عربية , حتصيف فيين لكن وعلى أي حال مكانش موضوع العيش و الاكل يشغل جزئ كبير من التفكير عند معظم المصريين واحنا النهارده في 2008 بنقول يا رب استرنا و نوصل لاخر الشهر مستوريين منغير ما نستلف حاجة من حد ومعنى كدة اني معظم طبقات الشعب اتضغطت و بقينا تقريبا على حد الكفاف . و ماحدش يقولي البلد مافيهاش فلوس و عشان هي فيها و فيها كتيير كمان .
بداية جديدة
أرسل هذا التعليق بواسطة : rose
اللي حصل صفحة جديدة والأيام الجاية حتثبت ان مصر بتتحرك ومحدش حيعرف يوقفها
اية اللى جنن الناس
أرسل هذا التعليق بواسطة : مراقب
البلد مش عارفة ليها كبير
ولا مين الرئيس
مبارك فى الصفحة الاولى فى جريدة حكومية
وابنة بيلف على المحافظات بسيارات الرياسة فى الصفحة التالتة
ومراتة الست سوزان بتفتتح مؤتمرات وندوات ومعارض فى الصفحة اللى بعدها
وفاروق حسنى 23 رسنة فى الوزارة
وابن منصور شيفورلية وزير نقل
وكيميائى بجنسية سعودية وزير للاسكان
ورئيس وزارة معاة جنسية كندية
وغيرة وغيرة بلاوى
ومصر تدعم المواطن الاسرائيلى الفقير ببيعة الغاز ببلاش والمصريين مش لاقيين عيش
والجيش بدل ما يدافع عن المواطنين ويحمى الناس على الحدود مبارك مشغلة فى توزيع الخبز
يا حلاوة
يا بقلاوة
ومش عايزين الناس تتجنن
اليس فيكم رجل رشيد
لجنة السياسات
أرسل هذا التعليق بواسطة : احمد سامح
يا خوفي من لجنة قوم لوط لجنة السياسات سابقا هم أناس لا يخافوا الله وفي عهدهم سيري الناس الظلم والقهر والفقر وكل الموبقات وقريبا ان شاء الله سيعلمهم الشعب درسا لن ينسوه