محاكمة لشعبان عبد الرحيم وعمرو خالد

بسبب قيام المطرب الشعبي شعبان عبدالرحيم بعمل أغنية عن مخاطر الإدمان ضمن حملة حماية التي يتبناها الداعية الإسلامي الكبير عمرو خالد حاليا من خلال برنامجه الناجح-الجنة في بيوتنا- .. ثار الجدل والهجوم علي الاثنين حيث ظهر من استنكر كيف يتم الجمع بين الاثنين في عمل واحد!..و آخرون لاموا على عمرو في اختياره لشعبان عبدالرحيم ليكون مطرب الحملة علي أساس أن شعبان لا يرقي لمستوى عمرو الأدبي والثقافي والديني وانه خانه ذكائه والتوفيق في الاستعانة بشعبان اااااايه!..-كما ذكر موقع مصراوى-.

وعن هذا كله يقول شعبان: لقد حزنت بشدة مما سمعت من هجوم علي بسبب أغنية الإدمان اللي طلبها منى الأستاذ عمرو خالد .. واتهاجمت ليه.. أنا ما أعرفش..و لا عشان إيه .. الحقيقة مش عارف لها حل يعنى..!

ويضيف شعبولا: هو أنا عملت حاجة غلط أو حاجة وحشة لا سمح الله عشان الناس اللي هاجمتني .. تهاجمني، الحملة دى بتوعي الناس وبتقول لهم طريق الإدمان خطر ابعدوا عنه ..كمان الأستاذ عمرو خالد رجل محبوب والناس كلها بتحبه .. وعشان كده أنا استغربت قوى من اللي حصل ده..كما انه في كل برامجه بيوعي الناس ومواضيعه كلها حلوة ومفيدة ..بيتكلم في الدين وعن أحاديث الرسول صلى الله عليه وسلم ..وكمان بيتكلم اهه في حاجة جديدة ..عن مخاطر الإدمان في برنامجه الجديد الناجح قوى اللي أنا حريص آن اشوفه .. وعشان كده أول مابعت لي .. روحت علي طول..

ويواصل شعبان حديثه قائلا:-عمرو خالد لو طلبني في أي حاجة مفيدة أخرى لن أتأخر عنه مهما حدث..واللي يهاجمني إيه يعنى هو حر.. فلقد صورت أغنية الإدمان ضمن مشروع حملة حماية للأستاذ عمرو علي يد المخرج هاني عبداللطيف من خلال فكرة حلوة.

ويظهر في الكليب- والكلام مازال علي لسان شعبان- الأستاذ عمرو وهو يلقى محاضرة علي الناس..والأغنية من كلمات حسن عزو وألحان عبدالرحيم ابني ..وللعلم الأغنية كانت بتاعة ابني ولما قابلت الأستاذ عمرو وسمعتها له..عجبته جدا ولكنه قال لي أنت اللي هتغنيها بصوتك وفعلا سجلتها وصورتها.

18aa

said_3030@hotmail.com

أرسل هذا التعليق بواسطة : سعيد عبد العزيز محمد

انالمغرضين الذين لا يرون ان الأعمال الخيريه تخرج للمجتمع من تعاون الأفراد بمختلف فئاته يريدون ان يعم الفساد فى الأرض وان اى مصلحه لأفراد المجتمع من تنوير عقول الشباب او عقول من اوقعهم الشيطان واصدقاء السوء فى شرك الأدمان تسبب قلق وازعاج للفاسدين وتعوق عملهم لأنهم اصدقاء الشيطان وانا احييى الأستاذ / عمرو خالد و الفنان / شعبان عبد الرحيم لأنهم تعاونا للمصلحه العامه فبها صلاح الناس وكذلك ارضاء الله0

123

الاختيار كان صحيح جدا من عمرو خالد خصوصا لان الادان ينتشر بشكل أوسع في المناطق الشعبية فاكيدمش حيجيب مصطف قمر و لا عمرو دياب