طالب يقاطع نظيف للإفراج عن المعتقلين
فاجأ أحد الطلاب، الدكتور أحمد نظيف رئيس مجلس الوزراء، أثناء كلمته في لقاء أساتذة وطلاب جامعة القاهرة الاثنين، بمقاطعته صائحا: "ياريس، التعليم والجامعة زى الفل، ورغيف العيش حلو، لنا طلب واحد، إنكم تفرجوا عن زملائنا المعتقلين"، وعلى إثرها خيمت حالة من السكون على اللقاء الذي تم في إطار احتفالية الجامعة بمرور مائة عام على إنشائها –كما ذكر موقع اليوم السابع-.
الدكتور نظيف امتص المفاجأة سريعا ووجه حديثه للطالب قائلا:"طريقة الكلام المفروض ماتبقاش كدة، المفروض إنك تستأذن"، وأضاف:"الديمقراطية هي التي أتاحت لك الفرصة أن تتواجد، وتتكلم، وتقول رأيك بمنتهى الحرية".
الطالب بلال دياب، بالفرقة الرابعة بكلية الآداب، عضو حركة "حقي"، والذي قاطع الأسئلة المطروحة على رئيس الوزراء، تم احتجازه بمكتب قائد حرس الكلية عقب اللقاء، والإفراج عنه بعد تجمهر عدد من زملائه، وتدخل أحد أعضاء لجنة الحريات بنقابة المحامين.
اليوم السابع اتصلت هاتفيا ببلال فور خروجه من مكتب الحرس، فقال: "بعد كلمتي لرئيس الوزراء، فوجئت بمجموعة من الأمن في ملابس مدنية يجلسون بجواري، وعند خروجي من القاعة، حاولوا الإمساك بى، إلا أن الطلاب دافعوا عنى، وعند ذهابي إلى مبنى الكلية المجاور لمبنى الجامعة الرئيسي فوجئت بأربعة أمناء شرطة وملازم أول وأستاذ جامعي يحاصروني وحملوني من حزام البنطلون زى المجرمين ودخلوني مكتب الحرس".
f7c8
تعليقات على الموضوع
22 Apr 2008 - 10:45
11- الراسل : carma_3
هو كان المفروض يستاذن علي الاقل لاعتبار السن ولا لشئ اخر والحدق يفهم
22 Apr 2008 - 10:07
10- الراسل : بلبل
انت اكيد نسيت اني انت في مصر.الكلام ده ممكن يحصل في دولة اوربيةاواي دولة فيها ديمقراطية مش ممكن يحصل في دولة اسلامية زي مصر
22 Apr 2008 - 10:05
9- الراسل : متابع
من حقك تعترض، ومن حقي أسجنك.
آهي دي الديموقراطية.. خلي العالم المتخلف (المتحضر) يتعلم من مصر أم الحضارات (7000 سنة). آهو ده اللي فالحين فيه، كلام وخلاص.
يا رب ارحم شعبك. صلوا من أجل مصر... يا رب ارحم.
22 Apr 2008 - 09:05
8- الراسل : خفرع
لا يوجد في مصر رئيس وزراء بحق وحقيقي !!! انما يوجد رئيس مجلس الوزراء !!!! ومعني هذا لا يتصرف كرئيس وزراء إنما يُنفذ التعليمات التي تتلي علية من رئاسة الجمهورية !!! ولا يُناقش ولا يُجادل إنما الطاعة العمياء !!! وإلا !!!!! لك في الجنزوري إسوة حسنة .... لعلكم تكونوا فهمتوا الدرس
22 Apr 2008 - 07:19
7- الراسل : عبدالحفيظ سابقا
طيب يانظيف افندي لو الطالب استاذن كنت هاتجاوب تقول ايه
ديه جاتلك علي الطبطاب ثم ان انهي ديمقراطيه يافندي التي تتجدث عنها سجن المتنصرين ولا التعذيب في سجون بلطجيه العادلي ولا ايه
الطالب من حقه يسالك وانت هربت من الاجابه يافندي
ياريت الموقع يتابع اخبار هذا الطالب هل اعتقلوه بامر نظيف افندي ولا قتل ولا فعلا فيه ديمقراطيه
22 Apr 2008 - 03:06
6- الراسل : عمر ناجي
مش من اللياقة برضه مقاطعة رئيس وزراء دولة و التحدث معه بهذا الشكل الشوارعى...... عيب ميصحش يا طالب و المفروض الطالب ده يتعاقب و لو حصل التهريج ده فى اي دولة تانية كان هيعتقلوه و يبهدلوه
و بعدان بقى الطالب ده كداب و منافق عشان لا رغيف العيش زي الفل و لا التعليم زي الفل و الاتنين اسود من بعض .... و الاهم من ده و ده مش سلطة رئيس الوزراء الافراج عن احد .... ما يمكن الطلبة اللى بيتكلم عنهم دول صيع او مجرمين او او او ...... الافراج يا طالب سلطة الجهات الامنية المختصة و وزير الداخلية ..... و مادام حضرتك عامللى فيها رجل متهز طولك و ورينا شاطرتك و روح قول الكلام ده لحبيب العادلي نفسه بدل من شغل التشويش و المقاطعة
والله يا اخوانا تلاقى الولد ده كان عايز يعمل شو قدام المزه بتاعته عشان تقول عليه ولد جرئ و مبيهموش !!!!!!!!!
عيل خايب
22 Apr 2008 - 00:38
5- الراسل : onon canada
دول عصابه يابوى عصابه حراميه وزعيمهم فى شرم الشيخ
22 Apr 2008 - 00:34
4- الراسل : الشريف/ جمال طه ت/ 0104710778
استعد للاعتقال فى أقرب فرصه حتى تعرف انك فى مصر وادخل على المدونة وانت تعرف حقوق المصرى فى الداخل والخارج
http://gamal51.blogspot.com/
22 Apr 2008 - 00:10
3- الراسل : Kamal
What did Si Bilal expect. The way to question the arrest of alleged criminals is to hire a lawyer, follow legal steps ,request a day in court, question the evidence and present proof ,in court. Causing a disturbance in public is not a civilized way of demanding justice.He was, I assume ,demanding the release of members of a banned party ,who have broke the law. .. But then , who said that there is a law in Egypt..? Therefore,I have to admit that may be Si. Bilal was right after all
22 Apr 2008 - 00:09
2- الراسل : عزت ابو اندرو
هى دة الديمقراطية بتاعت السادات ان تتكلم بما تشاء ثم تخرج وتكون هذة اخرمرة تخرج منها من الكلية وبعد ذلك بعدة ايام سوف لا يعرف احد طرقك وسوف تدخل الى طريق الظلمات لانك اعترض كلام الاسياد 0000000برجاء من كل المنظمات متابعة هذا الطالب ومعرفة ما سوف سحدث لة
22 Apr 2008 - 00:08
1- الراسل : زتونية
الطالب ده مش عارف عمل أيه ده خرج عن النص المكتوب فى المسرحبة واحرج اليطل امام المتفرجين
بلد بتحب الهايفة
أرسل هذا التعليق بواسطة : ابوصالح
انتوا مكبرين الموضوع كدة لية الطالب ولا حصلة خاجة غير ان تم النحقيق معة فى مكتب رئيس الحرس بكلية الاداب وتم الافراج عنة بعد ريع ساعة تقريبا وبعدين الناس من حقها تعبر عن مافى داخلها والشخص البيتكلم عن القاطع السادات احب اقولك ان الشاب القاطع السادات فى الجامعة وقالة السادات انت من الارزال اصبح الان رئيس حزب ورئيس تحرير وعضو مجلس شعب حاليا وهو حمدين صباحى واسائل واتاكد لو مش مصدق يعنى كل الرغى دة بصراحة مالوش لازمة بلد مورهاش غير التفاهة عشان واحد قال كلمة لرئيس الوزراء رينا ياخد كل المتخلفين المتاخرين الى عايزين ياخدو البلد دة للخلف اخد عزيز مقتدر.......... قولوا اميييين