الإفراج عن إسراء عبد الفتاح

حالة من البكاء الشديد والفرحة انتابت إسراء عبد الفتاح منظمة إضراب 6 ابريل علي موقع فيس بوك بعد الافراج عنها أمس الاربعاء، فقد قامت إسراء باحتضان والدتها بلهفة وشوق لحظة خروجها -كما ذكر موقع مصراوى-.

وفي تصريحات لها لبرنامج "القاهرة اليوم" الذي يذاع علي قناة أوربت الفضائية، أكدت إسراء أنه تم معاملتها معاملة جيدة للغاية في محبسها، مشيرة إلي أنها كانت تتلقي ثلاث وجبات يومياً من أجود الطعام وكان لديها سريرها الخاص وكانت تصلي وتقرأ ما تشاء بحرية.

وأضافت: "كنت أسجد شكر لربنا كل يوم لأني اتعاملت معاملة كويسة واتصنت.. السجن مش مهين زي ما تخيلت..الفرق بين السجن اللي كنت فيه والحياة الطبيعية إني كنت في مكان محدود بس .. ومكنتش في قسم خاص بالسياسين".

لكنها أشارت إلي أنها كانت تتساءل عن السبب وراء اعتقالها ماداموا يعاملونها هذه المعاملة الجيدة.

وأشارت إسراء إلي أنها لم تتوقع الإفراج عنها قبل الخامس عشر من شهر مايو بعد علمها أن اعتقالها سيستمر لمدة شهر، وبسؤالها عن قرار الإفراج عنها، قالت إنها أبدت لضباط السجن رغبتها في رؤية أمها قبل سفرها لأداء العمرة إلا أنهم أخبروها أنها سوف يفرج عنها ومن ثم تستطيع رؤية والدتها كما تشاء.

وأِشارت إلي أنها لم يكن لها أي علاقة بالسياسة قبل حوالي 6 أشهر وأنها عضو غير نشط في حزب الغد، ولفتت إلي أن ما حدث كان سوء تقدير منها لأنها فقط كانت تعبر عن خواطرها علي الانترنت، مؤكدة أنها لن تستخدم موقع فيس بوك الفترة المقبلة، لكنها في نفس الوقت في حاجة إلي "فترة نقاهة" كي تقرر ما ستفعله في المستقبل.

وشكرت إسراء أمها وجميع من وقفوا إلي جانبها والذين لولاهم ما كانت ستتلقى هذه المعاملة الجيدة داخل السجن، وتمنت خروج المقبوض عليهم في أحداث الإضراب في أسرع وقت ممكن.

من جانبها قالت والدة إسراء أنها علمت منذ حوالي يومين أن ابنتها عادت لسجن القناطر، وقدمت الشكر إلي كل من وقف إلي جانب ابنتها والرئيس مبارك ووزير الداخلية حبيب العادلي لاستجابتهم لندائها.

شاهد لحظة خروج إسراء من السجن

0f21

اهو دا الشغل ولا بلاش

أرسل هذا التعليق بواسطة : مش البراء اشرف ولا شريف الدواخلي

اهو دا الشغل ولا بلاش

خلاص يا جماعة اسراء لعبت لعبتها وضربت ضربتها وخلاص

اشهر من ابو تريكا

واروع من عمرو دياب

واقوى من عادل امام

جتنا نيلة في حظنا الهباب يعني ما كناش احنا اللي نظمنا الاضراب دا

حالة من البكاء الشديد والفرحة انتابت إسراء

طبعا ما هي مش مصدقة نفسها\\

ان اللعبة اتلعبت صح والخطه نجحت وودعت عالم الفأر بلا رجعة

مبروك يا اسراء فرحانلك من كل قلبي بس ما تنسيناش انا واصحابي مش مهم ومش ضروري ومش لاعب ومش هو حتلاقينا قاعدين على القهوة اللي جنب بيتكم على طول بنلعب طاولة وكوتشينه وبنشرب شاي وحلبه واهي ماشية والحمد لله

فقد قامت إسراء باحتضان والدتها بلهفة وشوق لحظة خروجها

أرسل هذا التعليق بواسطة : مش هو

ما تزوقيني يا ماما اوام يا ماما

دا عريسي حياخدني بالسلامة يا ماما

أكدت إسراء أنه تم معاملتها معاملة جيدة للغاية في محبسها، مشيرة إلي أنها كانت تتلقي ثلاث وجبات يومياً من أجود الطعام وكان لديها سريرها الخاص وكانت تصلي وتقرأ ما تشاء بحرية.

ايوه كده يعني العملية كان متفق علينا مسبقا وكان فيه ترتيبات سابقة

عمركوا شوفوا واحد معتقل بياكل تلت وجبات وبينام على سرير خاص يا جماعة

اصحا يا شعب مصر وبطل هبل

السجن مش مهين زي ما تخيلت

أرسل هذا التعليق بواسطة : مش عايز

وحد قال ان السجن مهين

دا السجن يا ابنتي احسن من الشهادة اللي اني واخداها

السجن يا ما رفع ناس لفوق وخلاهم سياسيين كبار

دا حتا نلسون مانديلا خرج من السجن على كرسي الحكم

لكنها أشارت إلي أنها كانت تتساءل عن السبب وراء اعتقالها ماداموا يعاملونها هذه المعاملة الجيدة

أرسل هذا التعليق بواسطة : مش معقول

دا شغل المخابرات باه مالكيش دعوه

لما تخرجي بالسلامة حتفهمي كل حاجه

كي تقرر ما ستفعله في المستقبل.

أرسل هذا التعليق بواسطة : مش هناك

لا دا المستقبل بقا مشرق والحمد لله

هو بقا فيه مستقبل احسن من كده

والرئيس مبارك ووزير الداخلية حبيب العادلي لاستجابتهم لندائها

أرسل هذا التعليق بواسطة : مش شايف

امال ليه ما بيستجيبوش لنداءات الاف المعتقلين اللي معتقلين ظلم ونداء زوجاتهم واولادهم

الموضوع ما يطمنش

اضراب اونطه هاتو فلوسنا

وفر فلوسك وتعبك ومجهودك يا شعب يا مصري يا مسكينن يا اللي طول عمرك بتدفع ضرايب وجباية واكرامية وتفتيح مخ

اديك مرمي في السجن وصاحبة الاضراب قاعدة في بيتها بتغني وتقول

ما تزوقيني يا ماما اوام يا ماما دا عريسي حياخدني بالسلامة ياماما

اصحا يا شعب مصر ما تسمعش كلام حد

طول عمر حكامك كده

اقرا التاريخ يا شعب مصر

لية التريقة

أرسل هذا التعليق بواسطة : حسام

السلام عليكم

انا مش عارف لية الاخ \"مش ......\" نازل تريقة

كل ده عشان انت قاعد في البيت و بتتكلم و انت في الناشف

انما لو انت او اختك اللي معتقل ما كنتش قلت كدة

بلاش سياسة التخوين و الهوائية دي

امبارح الناس رفعتها السما و النهاردة الارض!!!!

انا بقول الحمد لله انها خرجت

و عقبال كل الباقيين

سلام

حسام

جزمة اسراء

أرسل هذا التعليق بواسطة : مش لاعب

جزمة اسراء بنت مصر برقبة الجبناء وعملاء الوطنى وكلاب لحراسة

الانسان موقف

واسراء البنت البطلة بالاف المخنثين والجبناءبتوع الكلام

الى المعلق السابق مش لاعب

قبل ما تتفلسف يا روح خالتك اتفرج على الفيديو واسمع الكلام اللي اتقال كويس وبعد كده ابقى اتفلسف

سلام

أرسل هذا التعليق بواسطة : حلو قوي الكلام ده

والله دي حاجه حلوه خالص الواحد يعمل اضراب ويتسجن واهوه يضمن اكلته ونمته

والله يااخت ساره انا كنت من اشد المعجبين بشجاعتك لكن بعد ما شوفت الفيديو والثناء الجميل ده علي الشرطة اتغيرت

فكرتي 571 درجة

ده طلع ان الشرطة في خدمة الشعب صح والله كنا ظالمين الشرطة

احنا اسفين ياشرطة

الكلام اللى قالتة اسراء دة تلقين الشرطة للمعتقل قبل الخروج لازم يقولة والا مش هيخرج وهيرجع تانى

أرسل هذا التعليق بواسطة : امين شرطة

دة كلة كلام تلقين- اى مخبر عارفة

انما الاجرام هو اعتقال فتيات

انة قمة الجبروت

اسراء بنت مصر الاولى

وفى عيون كل شباب مصر

سجون الطاغية فرعون للفتيات الضعيفات ابناء الاس الكريمة لتخويف الشباب والفتيات

أرسل هذا التعليق بواسطة : مراقب

قال فرعون لموسى

( لان اتخذت الها غيرى لاجعلنك من المسجونين ) صدق اللة العظيم

السجن للجدعان

أرسل هذا التعليق بواسطة : أيمن

المؤمن مبتلى

كل الرسل والأنبياء اتعذبوا وابتلوا

أغلب علماء الإسلام والمجاهدين اتسجنوا

كل المناضلين من أجل الحياة والحرية والكرامة او حتى لقمة العيش شافوا أكثر من كده

ربنا يكتب لك تكونى يا إسراء واحدة من الذين استنوا سنة حسنة فتأخذى اجرها وأجر من عمل بها ليوم الدين

ويكتب لك أجر إنك سبب فى تنبيه شباب كتير

ربنا يكرمك بكل شكل قادر وكريم ويحميكى ويحفظك ويكتر من امثالك

ويقبل عمرة والدتك وما يحرمكوش من بعض أبدا

اهدو بس شويه

أرسل هذا التعليق بواسطة : amr

اهدوا شويه بس يا جماعه اولا الطبيعى ان اللى يدخل السجن ميتعذبش كفايه انه سجن لكن طبعا فى مصر الوضع يختلف .

ثانيا هتقولو طب مختلفش ليه مع اسراء عشان لو كان حصلها حاجه كان كل اخواتها واهلها يعنى اقصد المصريين الرجاله مكانوش هيسكتوا فرخجوها وسليمه كمان عشان نهدى ونتبط ونرجع ننام تانى ونقول دى تمثليه والسجن جميييييييل . خلي بالكو من نفسكوا سلااااااااام ويجعله عامر

يا شعبي

أرسل هذا التعليق بواسطة : amr

يا شعبي حبيبي يا روحي يا بيبي يا حاطك في جيبي يا ابن الحلال

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك و شايل جبال

يا شعبي اللي نايم وسارح وهايم وفي الفقر عايم وحاله دا حال

أحبك محشش مفرفش مطنش ودايخ مدروخ وآخر انسطال

أحبـك مكبـر دماغـك مخـدر ممشـّي امورك كدة باتكال

وأحب اللي ينصب وأحب اللي يكذب وأحب اللي ينهب ويسرق تلال

وأحب اللي شايف وعارف وخايف وبــالع لســانه وكاتم ما قال

وأحب اللي قافل عيونه المغفل وأحب البهايم وأحب البغال

وأحب اللي راضي وأحب اللي فاضي وأحب اللي عايز يربي العيال

وأحب اللي يائس واحب اللي بائس و احب اللي محبط وشايف محال

واحبك تســـافر وتبعد تهاجــر وتبعت فلوسك دولار أو ريال

واحبك تطبـّل تهـلل تهبـّـل عشان ماتش كورة وفيلم ومقال

واحبـك تأيــّد تعضّـد تمجّــد توافق تنافق وتلحس نعال

تحضّر نشـادر تجـمّع كوادر تلمـّع تقمـّع تظبـّط مجـال

لكن لـو تفكـّر تخـطط تقـرر تشغللي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها هاجيبك.. لايمكن أسيبك وراح تبقى عبرة وتصبح مثال

هابهدل جنابك وأذل اللي جابك وهيكون عذابك دا فوق الاحتمال

وامرمط سعادتك واهزأ سيادتك واخللي كرامتك في حالة هزال

وتلبس قضية وتصبح رزية وباقي حياتك تعيش في انعزال

هتقبل ها حبك.. هترفض هلبـّك هتطلع هتنزل هاجيبلك جمال

الي الواد التعبان اللي بيتريق علي اسراء تاج راس اهله هو واللي جابوه

أرسل هذا التعليق بواسطة : البرادعي

الي الواد المعرص اللي يتريق علي اسراء --- بقولك ايه ياروح امك --- لو انت راجل ومفتح كده طيب ايه رايك تدعو لاضراب ويدخلوك السجن ونشوف مرجلتك يامعرص ياللي مش كاتب اسمك

وساعتها هتتشهر برده والقنوات التلفزيونيه هتجري وراك ___ تعرف تبقي راجل وتعمل زي اسراء

تعرف تبقي بني ادام وتعمل زي اسراء

تعرف ماتكونش جبان وتكتب لنا اسمك واحنا وراك ياسيدي---- مادام انت شايفها لعبه -- جرب كده ياروح امك

تعرف ياله

انت غلول وحقود وزباله وقليل الادب كمان --- واخرك تشتغل مخبر درجة تاته

اتفوه عليك وعلي تربيتك الوسخه

اسراء يا زهرة مصر

أرسل هذا التعليق بواسطة : مين هناك

للعملاء خطافين البنات والعذارى ووضعهم فى السجون

اسراء بنت مصر فى السجن وبنت التمرجية البريطانية فى القصر

لم يحدث فى اى عصر اسود ايام الاحتلال او ايام الهكسوس ان قبضوا على الفتيات والعذارى ووضعوهم فى السجن

فى الوجدان المصرى كبيرة جدا وذنب لا يغتفر ان يقبض على بنت عذراء وتودع خلف القضبان بلا اى ذنب

ان هذا جبروت وفرعنة فوق الحدود على افراد الشعب

لماذا لم تظهر يا جبناء حينما قتلت السفينة الامريكية بمبوطى فى السويس

واسرائيل تصطاد العساكر المصريين على الحدود بدون ان يظهر من عندكم نفس يا جبناء

اسراء يا جبناء ليست لواء على كتفها سيوف ومقصات وتحت امرتها فرق وجيوش

اسراء بنت اسرة مصرية عريقة وشريفة اشرف من اسرة العادلى واشرف من اسرة مبارك

اسراء سوف تظل امل كل مصر وبنت كل بيت فى مصر

اسراء ابوها وكيل وزارة شريف مش حرامى ولا بياع ادوية فاسدة ولا صاحب عبارة غرقانة ولا بيبيع غاز لاسرائيل وامها وكيلة مدرسة ثانوى بنات يعنى بنت ناس ومتربية

تحية لك يا بنت مصر

وفتاة مصر الاولى

وفى عيون وقلب كل مصرى شريف

لا تنزعجى يا بنية فساعة الحرية قادمة قادمة والزبالة ستلقى فى مزبلة التاريخ