موبيلات المواصلات .. حتسمع يعني حتسمع
الدمايطة .. (كيماوي) ولا مش كييف؟
موبيلات المواصلات .. حتسمع يعني حتسمع
هبة عاشور- ولاد البلد- عشرينات- 1/5/2008
ركوب المواصلات في مصر المحروسة يعني الزحمة والخنقة والبهدلة والخناقات، وحديثا أضيف إليها "صداع الموبيل" بنغماته أو أغنياته، ليتواكب مع حكم الحكومة الإليكترونية.. و"أهو كله تكنولوجيا والسلام"!.
المهم أن الموبيل أضيف إلى قائمة المعاناة داخل المواصلات، ترتفع أصواته وكأنك في "فرح" وليس في مواصلة عامة، تركب المترو.. القطار.. الميكروباص.. فتسمع أغاني أجنبية على عربية، تداخل معها آيات القرآن أو صوت الآذان، و"التناقض موجود في كرسيين جنب بعض"!.
تركب المواصلات لتجد أحدهم مشغل صوت موبيله على أعلى درجاته ولا يريد استخدام السماعات وتقريبا السبب أن "ودانه وجعاه ومش مهم ودان اللي جنبه"، ويا سلام لو كانت الشلة مجتمعة.. الموبيل شغال والدندنة تعلى.. "ناقص بس زغرودة"!.
"لو سمحت ممكن الصوت شوية".. "بعد إذنك كده مش صح".. لكن لا حياة لمن تنادي، والصوت بيعلى و"لسه الأغاني ممكنة"..
مش عارف تنام شويه، مش عارف تركز في الكتاب اللي بتقراه، مش عارف تقرا قرآن.. ومش بعيد الموقف يقلب بخناقة، أو حتقول بغيط في سرك "قلة أدب" وتنزل وخلاص قبل ما تفلت أعصابك "بذوق وأدب"..
مجرد منظرة
أسماء عبد العظيم، 21 سنة، تقول: "أسافر لجامعتي بالقطار ما يقرب من ساعتين، وطول المدة أعاني من أصوات الموبيلات المرتفعة جدا، فلا أستطيع المذاكرة أو النوم أو قراءة القرآن أو فعل أي شيء كما كنت أفعل سابقا".
"الشباب هما اللي بيعلوا صوت الموبيلات أكتر من البنات من باب المنظرة، ولو طلبت من واحد فيهم يوطي الصوت يفتكر إني بحاول أفتح معاه كلام".. هذا ما تخبرنا به مي صلاح، 20 سنة، موضحة أن أصوات الموبيلات المرتفعة ظاهرة مستفزة في الميكروباصات على وجه الخصوص.
خالد، 22 سنة، يؤكد على فكرة المنظرة، قائلا: "حدث أمامي في المترو أن واحد شغّل موبيله N 73 ، فقام آخر بجواره بتشغيل موبيله N95 المعروف بصوته الإستريو، فالأول أتكسف وقفل موبايله".
خلاص زهقت
مصطفى أحمد، 26 سنة، يقول: "موضوع الموبيلات اللي شغالة عمال على بطال في الموصلات من الأسباب القوية التي تزيد من رغبتي في شراء سيارة خاصة بي، وهي سبب أني نزلت عدة مرات من المواصلات بعد مشاجرة".
وتقول مريم زكي، 25 سنة: "طلبت في مواقف كثيرة أن يخفضوا الصوت على أمل أن يغلقوه، ولكن لا حياة لمن تنادي، وذلك دليل على انتشار ثقافة الضوضاء، فلم يعد الناس يشعرون بالضوضاء أو ينزعجون منها وكأنها أصبحت جزء أساسي من حياتنا اليومية".
يسرا شاكر، 24 سنة، كانت تركب القطار متوجهة إلى الإسكندرية وأمامها جلس شابان قاما بتشغيل الموبيل على "أغاني بيئة" – على حد وصفها- وطوال الرحلة كانت هناك 5 أغنيات فقط يتم تكرارها بشكل مستمر، حتى نفذ صبرها وصبر الركاب من حولها، ورغم ذلك لم يطلب أحد منهما التوقف!.
أما أحمد عبد السلام، 26 سنة، فيقول بغضب: "هؤلاء يتعدون على حريتي، في البداية لم أكن أتكلم لكن خلاص زهقت لدرجة أني إتخانقت كذا مرة".
حرية شخصية
في أحد عربات "الميني باص" سألنا إيمان عن سبب تشغيلها الموبيل بصوت مرتفع، فردت: "المسألة بسيطة وعادية، أنا نسيت السماعات وعايزه أسلي وقتي".
أما مروة فتبرر صوت الموبيل المرتفع بقولها: "أعتقد أنها حرية شخصية، ولو حد مشغل موبيله قدامي لا يمكن أن أطلب منه إغلاقه".
ولم تخرج ردود معظم أصحاب الموبيلات المرتفعة الصوت عن: "شيء عادي"، "فيها إيه يعني"، "أنا حر"، "خليك كووول"!.
وأنت.. أخبرنا عن رد فعلك تجاه أصوات الموبيلات المرتفعة..
936e
أرسل هذا التعليق بواسطة : لخص يا عم الأمور
حاجة تقرف وقلة أدب و زوق وعالم معندهاش نقطة احترام لنفسها فاكرينها عالم أبوهم يابني آدم يا محترم انت ميش قاعد في بيتكم ولو قاعد في بيتكم هتحترم نفسك وميش هتعلي الصوت كده ولاحظ ان ممكن يكون في حد تعبان أو عند أي ظرف ميش عايز يسمع حاجة كل موبايل من دول معاه سماعة إلبسها واحترم نفسك علشان الناس تحترمك.
في حاجة تانية بره الموضوع ده بس في حد شاف قانون المرور الجديد ، في حد يقدر يقولي إيه الهبل ده؟
عادي كله عادي
أرسل هذا التعليق بواسطة : الأسيوطي بك
عادي يعني انتم هتمثلوا ماللي يشغل يشغل اللى عايزة..... مش طالبه هدوء خالص يعني في ايه بس عاديييييييييييي وانا عن نفسي بتساينى اصوات الاغاني اللي في الموبايلات بدل الواحد ما يعكنن على نفسه ونعد نفكر نسمع اغاني