(مبارك) الإنسان.. بروح (نور) الفنان

(سيرة ومسيرة).. هو اسم المسلسل الإذاعي الذي يتناول قصة حياة الرئيس محمد حسني مبارك، وتبدأ حلقات الجزء الثاني منه اليوم على إذاعة البرنامج العام ( 5.15 عصرا ) بمناسبة عيد ميلاد الرئيس الثمانين.. المسلسل بطولة نور الشريف (مبارك) وميرفت أمين (سوزان مبارك) وأحمد عبد العزيز (جمال مبارك) وطارق دسوقي (علاء مبارك)، المسلسل يكتبه أيمن سلامة ويخرجه محمد مشعل.

ومنذ أن تم الإعلان عن بدء تسجيل حلقات الجزء الثاني – تحت عنوان "سنوات التحدي"- إلا وانقسم الفنانين إلى جزأين الأول موافق والآخر مُعارض، ولكل أسبابه التي قالوا لنا عنها بأنفسهم..

الرئيس لا يخطئ

في البداية يقول بطل الحلقات نور الشريف لـ (ولاد البلد) أنه سبق وقدم الجزء الأول من المسلسل قبل 15 عاما من الآن، وفيه تناول شخصية الرئيس في طفولته مرورا بالتحاقه بالكلية الحربية، وتوقف هذا الجزء عند حد توليه الرئاسة، أما في الجزء الثاني فسيتطرق المؤلف أيمن سلامة إلى مواقف الرئيس مع الشعب المصري والتركيز على الجوانب الإنسانية في شخصية مبارك.

وحول الهجوم الذي تعرض له بسبب تجسيده لقصة حياة رئيس مصري وهو لا يزال على قيد الحياة أضاف الشريف: "علينا أن نُعرف الأجيال الحالية والقادمة ماذا فعل مبارك من أجلهم، وأن كل ما يقال ضده ما هي إلا افتراءات ليس أكثر، والسؤال الذي يشغلني من مصدر هذه الافتراءات؟، فلا أعرف بالتحديد".

أما المؤلف أيمن سلامة فيقول: "بعد وفاة مؤلف الجزء الأول فاروق صالح استمعت إلى الأحداث أكثر من مرة حتى أستطيع الربط بين الجزء الأول والثاني، والحمد لله أن وفقني وأعتقد أن الجوانب الإنسانية في حياة السيد الرئيس كثيرة في حاجه لأن نطرحها على كل الأجيال حتى تعي جيدا أن ما تسمعه ما هو إلا أخطاء فقط".

منزه عن الخطأ

على الجانب الآخر استمعت (ولاد البلد) إلى آراء بعضا من الفنانين المعروفين بميولهم المُعارضة..

في البداية يقول الفنان "جميل راتب" - اليساري الفكر- متسائلا: "هل هناك إنسان منزه عن الأخطاء حتى يتم تقديمه معصوما من كل خطأ ولو كان صغيرا؟، فكل منا يخطئ ولولا الخطأ ما عرفنا الصواب، وأقولها بكل صراحة أنا يساري الفكر لذا انتميت إلى حزب التجمع الذي يعرف جيدا معني الديمقراطية وتأسس على الحرية في الفكر، أقول هذا ولا أدعي أني سياسي محنك، وأعود وأقول أن تناول سيرة الرئيس حسني مبارك أو غيره من الرؤساء إما أن يتم تناولها بموضوعية وطرح الأخطاء والإنجازات وإلا فلا داعي من تقديمها من الأساس".

يشاركه الرأي الفنان "عبد العزيز مخيون"، الذي يؤكد أن الفنان شيء من ثلاثة إما أن يكون منتميا ومتحالفا مع السلطة، أو أنه مشاهد فحسب لما يحدث حوله، وإما مشارك في الأعمال السياسية وناشط بها.. ولا يستطيع أي فنان مهما علا قدره أن يخدع الجمهور الواعي الفاهم لما يقصده الفنان الذي أمامه، ومع كامل احترامي للنجم نور الشريف وعبقريته التي لا يختلف عليها اثنان وكل تقديري لكافة فريق عمل مسلسل (سيرة ومسيرة)؛ أقول لهم أن الجمهور هو من سيسمعكم وسيصدقكم أو لا يصدقكم، لكن ما أحب أن أشير إليه أن الإنسان مهما كان علينا أن نطرح الشخصية بكل جوانبها وحتى نقاط ضعفها لكي نعطي مصداقية للمتلقي نفسه، فإذا تحقق ذلك في هذا المسلسل فما المانع وما العيب في ذلك؟".

"منذ متى يتم تناول سيرة زعيم وهو على قيد الحياة، وإن كنت أتمنى له مزيدا من العمر".. هكذا بدأ الفنان "خالد الصاوي" حديثه معنا، مؤكدا أن "كل شيء في حياتنا مغلف بالديمقراطية، ولكننا نكتشف أننا لا نعيش في أي ديمقراطية ونسن قوانين ولا تطبق سوى على من ليس لهم لا حول ولا قوة، لذا أتساءل لمن يدعون إننا نعيش في عصر الحريات.. هل الديمقراطية أن نطرح حياة إنسان كما لو كان نبيا منزها عن الخطأ؟ فهل هذا شيء يصدقه عقل؟".

4cc7

انواع النفاق - اية النفاق

أرسل هذا التعليق بواسطة : شاكر لا فضالة

الحديث الشريف الذى يقول عن علامات النفاق والمنافقين

اذا حدث كذب

واذا اؤتمن خان

وأذا خاصم فجر

i love u

أرسل هذا التعليق بواسطة : shams 22

حبك ياريس شلّنى

وعلّنى و غلّنى

ويكفينى منك اننى

عايش فى بلدك يازعيم

ده الشعب فى عهدك مهيّس

واللى تايه واللى تيّس

مش كفاية...ادينا متحرمناش ياريس

من الحنان ومن النعيم

ايه يعنى فاكهة مسرطنة

اولحمة حمير معفنة

او فراخ متهرمنة

ماهوبردو احسن من مفيش

زدنا كمان وكمان ياسيدى

ده انت بابا وانت ماما وانت تيزه وانت سيدى

ياريسنا يامبارك يامنور ياحبيبى

شمس 22

الله يحزّك يانور

ضحكتنى وانا مليش نفس

ليه يا نور

أرسل هذا التعليق بواسطة : على

ليه يا نور قبل كده عملت ناجى العلى والان مبارك؟

حرام تضيع تاريخك وحب الناس للحاج متولى والعطار وسعد الدالى

ليه تضحى بحب الناس ليك

منك لله يامروه

أرسل هذا التعليق بواسطة : سواق تاكسى

ايه يامروه ده بالذمه ده موضوع يستاهل التعليق ؟؟؟ مسلسل فى الاذاعه !! يعنى تفتكرى فى حد هايسمعه ؟ ده حتى الناس نسيت شكل الراديو واللى عنده راديو هاتلاقيه مضبوط على جول f m ولا انتى بتعملى دعايه للمسلسل من دلوقتى --- على العموم الحمد لله انا الراديو عندى فى التاكسى مابيجبش البرنامج العام وده من فضل ربنا عليا

كل سنه وانت طيب با ريس... كل سنه وانت راكب واحنا مش راكبين

أرسل هذا التعليق بواسطة : مش مدير الموقع ولا شريف الدواخلي

كل سنه وانت طيب يا ريس

كل سنه وانت طيب واحنا مش طيبين

كل سنه وانت طويل واحنا قصيرين

كل سنه وانت تخين واحنا رفيعين

كل سنه وانت مبسوط واحنا زعلانين

كل سنه وانت كبير واحنا صغيرين

كل سنه وانت سليم واحنا عيانين

كل سنه وانت شبعان واحنا جعانين

كل سنه وانت مكسي واحنا عريانين

كل سنه وانت فاهم واحنا مش فاهمين

كل سنه وانت نايم واحنا صاحيين

كل سنه وانت ضارب واحنا مضروبين

كل سنه وانت طالع واحنا نازلين

كل سنه وانت فاكر واحنا مش فاكرين

كل سنه وانت هادي واحنا مش هاديين

كل سنه وانت غني واحنا مأشفطين

كل سنه وانت كبير واحنا صغيرين

كل سنه وانت فالح واحنا مش فالحين

كل سنه وانت سيد واحنا خدامين

كل سنه وانت داهس واحنا مدهوسين

كل سنه وانت ساكن واحنا مش ساكنين

كل سنه وانت متدلع واحنا مش متدلعين

كل سنه وانت متجوز واحنا مش متجوزين

كل سنه وانت شغال واحنا عاطلين

كل سنه وانت لابس جذمه واحنا حافيين

كل سنه وانت مبسوط واحنا مبوزين

كل سنه وانت بتضحك واحنا معيطين

كل سنه وانت هايص واحنا لا يصين

كل سنه وانت عايم واحنا غرقانين

كل سنه وانت مفتح واحنا مغمضين

كل سنه وانت عاقل واحنا مجانين

كل سنه وانت طايل واحنا مش طايلين

كل سنه وانت ناجح واحنا ساقطين

كل سنه وانت بتجري واحنا مكسحين

كل سنه وانت بتكسب واحنا خسرانين

كل سنه وانت محظوظ واحنا مش محظوظين

كل سنه وانت سريع واحنا بطيئين

كل سنه وانت انيق واحنا مبهدلين

كل سنه وانت ناصح واحنا مش ناصحين

كل سنه وانت جامد واحنا مش جامدين

كل سنه وانت ملك واحنا مملوكين

كل سنه وانت طاير واحنا زحفازين

كل سنه وانت كاسر واحنا مكسورين

كل سنه وانت ناهب واحنا منهوبين

كل سنه وانت واكل واحنا متاكلين

كل سنه وانت معلم واحنا مش معلمين

كل سنه وانت مذاكر واحنا مش مذاكرين

كلسنه وانت شاطر واحنا مش شاطرين

كل سنه وانت ساجن واحنا مسجونين

كل سنه وانت ذكي واحنا مش ذكيين

كل سنه وانت مخلف واحنا مش مخلفين

كل سنه وانت عايز واحنا مش عايزين

كل سنه وانت لاعب واحنا مش لاعبين

كل سنه وانت قطه واحنا مقطقطين

انت فاكرنا يا حبيب الملايين

مسكين حتفتكر مين ولا مين ولا مين

تناول شخصية الرئيس في طفولته مرورا بالتحاقه بالكلية الحربية،

أرسل هذا التعليق بواسطة : مش رضوه حسن ولا دودي ام ننوشه

امسك حرامي

واحد كان في الكلية الحربية

امال ازاي دخل الطيران

عجيبه والله

الفيلم من اعداد و اخراج البراء اشرف و انتاج الجزيرة

تعرض الجزيرة يوم الاربعاء القادم تحت المجهر يتحدث عن الصحفيون الجدد و ظاهرة تدوين الفيديو و يتحدث عن تجربة انسى و انسى فيديو و يستضيف خديجة مالك ...الفيلم من اعداد و اخراج البراء اشرف و انتاج الجزيرة

ايوه يا عم براء شبتنا وسبت عشرينات ورحت تشتغل بره يا عم

اله يسهلك في الاخراج

كان فى الحربية واتخرج بعد 11 شهر دراسة وبقى رئيس - يا حللولى يا حللولى هو احنا رحنا فى داهية من شىء شوية

أرسل هذا التعليق بواسطة : زعبلة

من 3 ايام احتفل جمال مبارك فى العريش بعيد تحرير سيناء هذا ما نشرتة الجرائد وما قيل فى الجرايد الاسرائيلية انة كان بيدشن خط الغاز لاسرائيل

عقد غاز لاسرائيل لمدة عشرين سنة بتراب الفلوس علشان يشغلوا محطات الكهرباء الاسرائيلية

ومحطات مصر لم يصلها الغاز بعد

الغاز المصرى لم يصل المنيا بلدى ولكنة وصل الى اسرائيل

هل يستمد النظام المصرى شرعيتة من اسرائيل ؟

هل حبيب العادلى هو رئيس فرع الشين بيت الاسرائيلى فى مصر ؟

انا مش عارف

هل مصر دولة محتلة من اسرائيل ؟

الرصاص وقنابل الدخان وارصاص المطاطى اللى انضرب فى المحلة كان اسرائيلى الصنع

كل هم مصر وعمر سليمان مع حماس هو الافراج عن العسكرى شاليط اليهودى

مصر تتحدث مع حماس كانها الممثل الرسمى عن اسرائيل

الحكومة المصرية مهمومة وزعلانة ولا تنام من اجل العسكرى شاليط

أرسل هذا التعليق بواسطة : زعلان

اية اهتمام الحكومة القوى دة بالعسكرى الاسرائيلى شاليط

يكونش خالتة اللى عندنا

وخالتة زعلانة قوى على بنت اختها

اية القرف دة

ليه كده يا أستاذ نور

أرسل هذا التعليق بواسطة : islam refaat

أنا كنت أحد الذي يقدرون فن نورا لشريف لكن بهذا العمل هعتبر كل أعماله كانت سبوبة وبس

ياريس فرصة تاريخية ليك ولينا انك تعتزل الحياة السياسية وتشيل معاك شوية المحظوظين اللى ودو البلد فى ستين داهية على حسك طبعا

أرسل هذا التعليق بواسطة : كابتن حالو

دى امنية ملايين الشعب انك تتخذ قرار زى كدة لانة لو ربنا ادا لك طولت العمر وعشت مية سنة كمان مش حتقدر تعمل زى مايقولولك انجازات لان البلد والشعب بقى على الحديدة وزى ماسمعنا انة فية ضرائب جديدة حتنزل مع الزيادة المزعومة ليبداء فصل جديد من فصول الدحك على الناس