لا مش عايزه أتعرف

"ممكن نتعرف" .. جملة "خنيقة" أصبحت متداولة على الـ (facebook)، و"لأنها جملة رزلة وغتته وصاحبها في الغالب لا يقل غتاتة عنها"، قررت مجموعة من البنات أن يعبرن عن رأيهن في أصحاب الجملة السابقة أو بمعنى أدق "يربوهم" ويعلموهم "الأدب والجنتلة ويمشوهم ع العجين ميلخبطهوش" من خلال جروب عنوانه مباشر ودقيق هو "لا مش عايزة أتعرف"!.

فلانتينو حضرتك؟

برغم أن الفيس بوك في الأصل ظهر ليستخدم كمجتمع افتراضي بين أصدقاء يعرفون بعضهم في الأصل، إلا أن الأمور اختلفت تماما عندنا في مصر ليصبح الـ (facebook) وسيلة للتعارف أو بالأحرى لـ "الرزالة ورمي الجتت".

تحكي سارة الاسكافي، مؤسسة الجروب عن الهدف منه،فتقول: "الجروب ده بقى نتيجة الخنقات المستمرة اللى البنات بتشوفها من شباب الفيس بوك اللى بيخنق وعايز يتعرف بالعافية، وحاسس أنه فلانتينو العالم ومفيش زيه وسحره لا يقهر، وطول ما هو ماشى البنات بتجرى تتحدف وراه.. هنا بقى هنعرفهم قيمتهم ويا إما يحترموا نفسهم معانا، يا إما هيتفضحوا هنا وفضيحتهم هتبقى بجلاجل".

ولم تكتف سارة في تعريفها للجروب بهذه الكلمات بل أضافت: "يا جماعة الجروب هنا بينتقد فئة معينة من الشباب مش كل الشباب، أنا عارفة وواثقة إن في شباب محترم وعارف هو بيعمل ايه كويس وبيعرف يحترم اللي أدامه كمان، الشباب اللي عايزين ينتقدوا تصرفات البنات برضه يتفضلوا الجروب مش قاصر على البنات بس، لكن يا ريت الالتزام بالأدب الأخلاق في الكلام وأسلوب الحوار".

يتمنعن وهن الراغبات

وصل عدد أعضاء الجروب أكثر من 1200 عضو، ولكن هذا لا يعني أن المناقشات مرت بسلام، فبالطبع لم تنل هذه المبادرة إعجاب كثير من شباب الفيس بوك الكرام، واختلفت المشاركات..

فنرى أحدهم يدخل ويترك مشاركة مفادها أن البنات يردن التعرف ولكنهن يتمنعن بمزاجهن، ليخلق كلامه حالة من الرفض والردود القاسية، منها: "على فكرة يا أستاذ أحمد أنت كلامك صح ومش صح .. كلامك صح إن البنات مش قديسات وعيزين يترهبنوا زى ما بيقولو فى الأفلام، كل بنت ليها دخله حتى لو ملكة انجلترا، ومش كل الشباب شيوخ أو هلس".

أما محمد فقال: "أعتقد أنه من المفروض لما حد يحب يتعرف على حد يحس أنه دمه مش تقيل ولو حس بكده واستمر في مطاردته يبقى هو ما بيحترمش نفسه".

خش في الموضوع

أما سمر مختار، فكان لها رأي مختلف تماما، وفتحت موضوع تاني خالص عندما قالت: "فعلا معظم الشباب بيبصوا للبنت على إنها وسيلة تسلية مؤقتة وأنا مش بقول كلهم.. وفكرة إن شاب يكون صداقة مع بنت مرفوضة، والشاب من دول يزعل أوي لو البنت رفضت مبدأ الصداقة ده ويقول دي عايزة تدبسني".

وتكمل:" إيه مفهوم التدبيس عندكم.. يعني حتى لو حصل خطوبة لو أنت قلت مش عايز أكمل هل كرامتها هتسمح لها أنها تضغط عليك ؟؟ ...طبعا لا كمان إحنا في وقت مفهوش ثقة يعني في أول التعارف أزاي هتثبت لها أنك صادق إلا بالخطوة الجادة.. لكن نظام بقى نتعرف والكلام ده أصلا ما ينفعش.. إزاي تخرج بنت مع واحد كده بسهولة مفيش أي علاقة رسمية تربطهم، فين تقاليد مجتمعنا وفين الدين، إحنا ممكن نفكر في الرومانسية والحب ولكن بقيود ديننا ومجتمعنا".

بره الموضوع

وبالرغم من اسم الجروب الواضح، إلا أن هناك كثيراً من المعلقين دخلوا في موضوعات بعيدة تماما مثل الذي قرر أن يرفع صور السادات على الجروب ويتحدث عن دوره العظيم في حرب أكتوبر وشن حرب على صاحبة الجروب عندما مسحت الصور ووصفها بالمتحيزة.

ويبدو أن هناك كثير من البنات تعبن من هذه العلاقات الغريبة والمضايقات فأضفن صورا لمناقشات مع شباب وصفوهم بالـ "الرخمين"، فنجد "مروة رخا" تنشر مجموعة من رسائلها، موضحة عدم قدرتها على التخلص من الشخص الرخم الذي يلاحقها.

وطبعا لم يقف الموضوع عند النقاش الجاد المحترم للفكرة، بل تم تبادل الاتهامات بين الأطراف الكثيرة في الموضوع، ووصلت إلى حد الشتيمة في بعض الأحيان، التي طالت مؤسسة الجروب لمحاولاتها فض الاشتباك وحذف التعليقات الخارجة.

508b

الفيس بوك وعرفناه ممكن نعرف يعني ايه سايت

أرسل هذا التعليق بواسطة : مش البراء اشرف ولا شريف الدواخلي ولا الطحاوي

مين هما اصحابك فى السايت .. طب نفسك تتعرف على مين

السلام عليكم

يمكن الموضوع مش اول مره يتعمل و كان فيه موضوع او اكتر بنفس المعنى قبل كده

بس كل يوم بييجى اعضاء جديده على السايت و كل يوم بيبقى فيه صداقات جديده و كل يوم بيبقى نفسك تتعرف على حد يمكن مكنش يلفت انتباهك زمان

ولان المواضيع اللى بنفس المعنى ماتت لانها بقالها مده طويله و صعب يتعملها تنشيط لانها بتبقى مليانه ردود فاتت خلاص

انا حبيت اعمل تنشيط للموضوع ده تانى عشان تقرب الاعضاء اكتر من بعضها و اللى نفسه يعرف حد يقوله هنا من غير كسوف

مفيش كلام ارتباط الاعضاء بينها و بين بعض فى السايت هنا هو اكبر و اجمل حاجه موجوده فى المنتدى

و اللى يفرق السايت هنا عن اى منتدى تانى هو ترابط الاعضاء الغير عادى و الحب الكبير بين الاعضاء بنها و بين بعضها

و انا متأكد ان نسبه كبيره جدا من الناس فى السايت هنا اصدقاء جوه السايت و بره السايت

ده اللى مدى روح جميله و مخلى السايت هنا رقم واحد بين كل المنتديات

يلا قول مين هما اصحابك فى السايت القريبين منك و الناس اللى نفسك تتعرف عليهم سواء بنات او ولاد و مجتلكش فرصه تقولهم

الفرصه جتلك اهه براحتك بقه

شكر خاص لكريم Kean

لأنه صاحب فكره الموضوع ده و انا زى مقلت مجرد بعمل تنشيط للثريد بتاعه لانه مليان ردود و هيبقى صعب يدخل فيه الاعضاء الجديده

مش الأهبل ولا العبيط .. أبقى مين؟

أرسل هذا التعليق بواسطة : مش الأهبل ولا العبيط ... أبقى مين؟

مش الأهبل ولا العبيط

مش الأهطل ولا الأهوج

مش الأرعن ولا المسطول

.....أبقى مين؟

بعلق على الموضوعات ومش فاهم أي حاجة.. أبقى مين؟

مش عارف الفرق بين المنتدى والسايت.. أبقى مين؟

جميل جدا

الموضوع جميل بجد والجروب يستحق الكتابه عنه , وساره الاسكافى وعن معرفه شخصيه انسانه محترمه وبتحاول تقول حاجه جديده منغير عقد ولا كلكعه .. ربنا يوفقها

رد على المعلق الثاني والثالث

مش الاهبل او العبيط ابقى مين

انت عارف نفسك انت مين

المعلق الثاني محمد صاحب مدونة لكم دماغكم ولي دماغي اللي فيها موضوع سلفية بدون معلم

ازاي جالك قلب تسيء للاسلام وانت اسمك محمد يا اخي وابوك اسمه حمدي

يا سلام

اكيد بتكسب فلوس من ورا الاساءة لدينك الاسلام

ما هو فيه جهات معادية للاسلام بتدفع كويس

أرسل هذا التعليق بواسطة : أحمد عاشور مدير عام جروب خد اللى يحبك ومتخدش اللى تحبه

الجروب ده حلو ومتميز بس طبعا مشكلته أنه الرد فيه بطىء شويه يمكن لقلة العدد

أحمد عاشور صاحب أكبر جروب عن الحب على الفيس بوك

جروب خد اللى يحبك ومتخدش اللى تحبه

عدد أعضائه11,413 members