هلال: اللي هيشارك كتيار سياسي هافصله
مفيش حاجة اسمها سياسة داخل الجامعة ولن أسمح لأي تيار أو حزب بالعمل داخل الجامعة واللي هيشارك كتيار سياسي في الجامعة هافصله منها الآن، الجامعة ليست للسياسة، بهذه الكلمات رد الدكتور هاني هلال، وزير التعليم العالي، علي سؤال حول السماح للطلاب بالممارسة السياسية داخل الجامعات، وقال أثناء زيارته جامعة كفر الشيخ أمس إنه لا توجد أزمة رواتب للأساتذة وأن الأزمة عند الصحفيين لأنهم بيكبروا الموضوع من عندهم، فالوقت الذي جلسنا فيه قمنا بحلها.
وعن عزوف الطلبة عن دخول كليات الزراعة، ذكرت المصري اليوم أن هلال أشار إلي أن الوزارة اجتمعت مع مراكز الأبحاث لحل المشكلة، وتوصلوا إلي ضرورة وجود حوافز لطلاب كلية الزراعة مثل تخصيص الأراضي لهم عند التخرج.
ورفض الوزير إنشاء كلية طب بجامعة كفر الشيخ وقال إنه من الأفضل أن يتم تطوير الكليات الموجودة في الجامعة، وسخر الوزير من أحد أعضاء المجلس المحلي، عندما قال له: "أنا عندي أمل في إنشاء كلية طب بكفر الشيخ".
4d86
ارجعوا هذا الوزير الى بلدة فى زفتى يلم جلة فى بلدهم
أرسل هذا التعليق بواسطة : مش فاهم
المفروض ان الطالب فى الجامعة يتدرب على الحياة السياسية الصح علشان لما يتخرج يبقى مواطن عارف يمارس حقوقة السياسية صح ويختار القيادات الصح - ثم انة مش بمزاج الوزير انة الطلبة اللى قادوا الحراك السياسى فى مصر من 70 سنة بالمظاهرات والاحتجاجات ان كلامة هيمشى - دة بيخرف ويظهر انة خبط صحن مش مع فحل بصل وتكرع الكلام الفارغ دة وسخر من كلام عضو المجلس المحلى
بخصوص تقليل عدد طلاب كليات الطب فى مصر اللى بيدخلها ولاد الشعب المصرى الفقير - السنة اللى فاتت اتخرج الفين طبيب من الجامعات خارج مصر وهم طبعا اولاد الطبقة الغنية اللى بيشحنوا عيالهم الى الخارج قبرص او بولندا او حتى الهند وان شاءاللة مجموعهم 60% ويرجعوا ببكالوريوس الطب ويدخلوا النقابة
انا مش فاهم اية اللى بيحصل فى البلد دى
دكتور هانى هلال و زير التعليم العالى_بارك اللة فيك حقا
لقد حسم و زير التعليم العالى عندما طالب صراحة بان الحرم الجامعى للتحصيل و الدرس و العلم
و ليس ملعب للعب كرة السياسة بداخلة
الاحزاب و المنابر السياسية الان زى العدد فى الليمون و على الجميع ان يختار
العلم يجب ان يكون لطلاب العلم
اما السياسة فيجب ان تكون لطالبى السياسة و ليس طالبى العلم
دكتور هانى هلال الف شكر على صراحتك فى قول كلمة الحق