اللي بيبني يحلم بإعلان حديد عز!

كلنا يعلم أن الذي يعلن عن منتج يكون نتيجة التنافس بينه وبين أكثر من منتج من نفس نوع السلعة.. ولكن أن يتم الإعلان عن "حديد عز" وهو المنتج الوحيد للحديد حالياً في مصر فهو أمر يدعو للضحك والاستفزاز!.

إعلان بعد إعلان، وأخيرا جاء الإعلان الذي يذاع علي القنوات الفضائية هذه الأيام، والذي يعلن عن طن حديد مجانا هدية لأول 30 ألف شاب في مشروع "ابني بيتك".. و"السيخ السليم في المبنى السليم.. وخلي الشباب يبنوا حياتهم"!

هو فين الحديد؟

أحمد ذكي، رسام، يقول معلقا: "إزاى نصدق إعلان زي ده، طيب هو فين الحديد أساسا عشان يفرقه على الشباب، يعني في الإعلان القديم مثلا يطلع لنا واحد بيقول أنه شغال في شركة عز وأمنية عمره إن ابنه يشتغل معاه، وواحدة تتدلع وتقول "معقول أسيب هنا" .. دا إيه العز دا يا عم عز، ناقص يقولوا لنا أن الحديد رجع سعره زي الأول في الإعلان وبرضه مش هنصدق".

أما سعاد السيد، صحفية، فتقول: "أنا أعتقد أن كل شاب ناضج سوف يرى الإعلان سيكون موضع سخرية واستهزاء لديه، ولكن في النهاية أتمنى لو كان ما يقال في هذا الإعلان حقيقي لحل ولو جزء من مشاكل الشباب والتخفيف عن المعدمين من طبقة "مسروقي الدخل" التي تتحمل الكثير".

عادل علام، طالب، يقول: "أنا أرى أن إعلانات عز مستفزة جدا، لأنه سواء عمل له إعلان ولا حتى معملش هيتباع هيتباع، لأنه ليس لأحد الحق في الاعتراض أو رفع صوته بالشكوى من ارتفاع أسعار الحديد، وأنا حين أري هذا الإعلان أصل لقمة غيظي منه ومن شركته ومن الأوضاع التي وصلت إليها مصر".

كله كلام

أحمد مجدي، مدرس، يقول: "على إيه هنزعل نفسنا، ما تخلوا بتوع الإعلانات والقنوات يكسبوا، لكن بصراحة هو إعلان ساذج لأن اللي مبيشوفش من الغربال يبقي أعمى، هو مبيشوفش أو بيسمع عن الطوابير اللي أتنقلت من أمام الأفران والأكشاك لأمام منافذ توزيع الحديد.. يبقي هو هيفرق طن حديد ويحل أزمة الشباب إزاي؟".

أما منة الله صبري، فتقول: "كل ده كلام بيضحكوا بيه علي عقول الشباب وبيستخفوا بيهم، فهذا الإعلان منافي للواقع الذي نعيشه، فهو يشعرك أن أسعار الحديد في استقرار ولا توجد زيادة بها، وأن مسألة الحصول على طن الحديد في الأساس مسألة غير معقدة ولا يجب على الشباب أن يحملوا لها الهم".

"عاوزنا نصدق"

في حين يتدخل في الحديث كل من مها الغمري وأحمد مراد قائلين: "هيا الناس دي فاكرانا عايشين في غيبوبة ومش هنصحي منها ولا إيه؟، ولا هما عايشين في وادي وإحنا في وادي تاني.. دلوقت أي شاب بيفكر مليون مرة قبل ما يخطب لأن الجواز بقي حلم لأي شاب وفتاة في ظل ارتفاع الأسعار من حديد وأسمنت وغيره، واللي طبعا خلت أسعار الشقق نار.. يبقي إزاى عاوزنا نصدق عز، زى ما جاب في الإعلان اللي قبله شوية كومبارس شيك يفهمونا أنهم شغالين في شركة عز اللي مدلعاهم وموفرة لهم كل حاجة".

أما حاتم جميل، تاجر، فيقول: "طبيعي جدا إن الشركات اللي في البورصة تعمل إعلانات عن منتجاتها في التليفزيون والصحف والشوارع، لأن معظم هذه الإعلانات غير موجه للمواطن العادي ولكنها للبروباجاندا عند مستثمري البورصة لزيادة التداول على الأسهم في البورصة مما يرفع سعر السهم".

وأنت.. إيه رأيك في إعلان عز وهديته ؟

fd41

راس الفساد

كان رحمة اللة علية المهندس عثمان احمد عثمان يملك اكبر شركات المقاولات فى مصر والعالم العربى وقتها وكان عملاقا - بنى السد العالى وكوبرى 6 اكتوبر ولكننا لم نسمع ابدا انة جرى وراء مغنية او راقصة او اقترب من الحكم او اقترب من الفساد

فى عصر الاضمحلال المصرى لرئيس تجاوز 80 عاما بقدرات عقلية محدودة وظهور شلة مفسدين تعرفوا على ابنة فى لندن وكونوا عصابة او تنظيما اجراميا مقرة لجنة اطلقوا عليها السياسات وهى مكان لتوزيع الغنائم والمسروقات وتدخلوا فى الحكم رغم انف العجوز وظهرت العبارات الغارقة واكياس الدم والمواد المسرطنة

ايها السادة انة ظهر بواسطة حصولة على مال المودعين بالبنوك واخذها قرضا واحتكر بة السلعة ثم ذهب الى البورصة يلهط منها باسهم وهمية يشتريها المغفلين

لو كان الشعب عندة وعى محدش يشترى اسهمة خالص

احمد الجلبى مصر

أرسل هذا التعليق بواسطة : زعبور

هؤلاء الذين طفوا على السطح فى مصر - صناعة امريكية - تماما زى الجلبى بتاع العراق واظن ان هذا الولد يعد ليلعب دورا ما فى مصر

لا تستغربوا اذا تولى الحكم

المخابرات الامريكية تدير مصر بطريقتها وكما جابت حسنى هتجيب احمد عز

ومهما عمل محدش يقدر يلمسة

نعم انهم يعدونة لدور ما - بعد ان عر فوا كرة الشعب لجمال مبارك

اكيد هذا الولد يعد لحكم مصر

لو كنت انا عز بحق و حقيقى لكنت استقلت لاجل مصر و النظام و الحزب؟

أرسل هذا التعليق بواسطة : ممدوح زكى زخارى جرجس_الاسكندرية-مصر(عضو بالحزب الوطنى الديقراطى)

انا مواطن مصرى مسيحى و عضو بالحزب الوطنىى االديمقراطى و لكنى غير راض عن تصرفات ذلك المدعو احمد عز اطلاقا؟؟؟

لو كنت انا حمد عز مخلصا للنظام و الدولة و الحزب و الوطن لاستقلت فورا و تنحيت عن العمل السياسى الذى كلة و جع دماغ و قلب ؟؟؟؟؟

و تفرغت لاعمالى التجارية التى كلها هى تجميع مال و ذهب و جواهر و ياقوت؟؟؟ (احمدك يارب)

حقا خطاء قاتل كل من يعتقد ان احمد عز سوف يكون رئيسا للجمهورية يوما ما؟؟؟

(احمد عز بدعة و البدعة ضلال و الضلال الى النار)

من اجل الوطن و النظام تنحى ياحمد يا عز و كفى النظام معاناة و سخرية بسبب تصرفاتك الطائشة و اكتفى بملياراتك و استمتع بالحياة و راحة النفس؟

ليكن الوطن و النظام و الحزب اه من احلامك و طموحاتك المريضة ؟؟؟

الوطن لة رجالة المخلصين الشرفاء امثال حسنى مباركو جمال مبارك و غيرهم من ما يعملون فى صمت؟

اما انت يا ابن عز يا واكل الوز حريا بك ان تبتعد و كفى لعب بالنار يا حمادة يا حديد زيادة!!!!!!!!!!!!!!

نعم للرئيس مبارك و نعم لنجل الرئيس جمال مبارك و الف مليون لا لذلك المدعو عز

أرسل هذا التعليق بواسطة : ممدوح زكى زخارى جرجس_الاسكندرية-مصر (الحزب الوطنى الديمقراطى) (zakhary2000@yahoo.com)

مخطئى من يعتقد ان بياع الخردة ابن عز سوف يكون رئيسا للجمهورية؟

لتذهب تقارير المخابرات الامريكية الى الجحيم؟؟؟

مصر لديها نظام و دستور و قانون و مؤسسات ديمقراطية

نحن ابناء مصر نبايع رئيسنا و نبايع ابن رئيسنا ايضا ليكون رئيسا لنا بع و الدة اعطاة اللة من موفور الصحة و العطاءو العمر المديد

حسنى يا مبارك

جمال يا مبارك

مصر و ابنائها معكم على طريق البناء و العطاء و الديمقراطية

(اللة معكم فمن عليكم؟؟؟)

لا تحلم كثيرا يا زخارى انت والحزن الوطنى بتاعك

أرسل هذا التعليق بواسطة : عبود

امريكا قالت لمشرف استقيل وقد كان كلبها فى باكستان فاستقال وكذلك كلبها شاة ايران وركلتة فى مؤخرتة ليدفن فى مصر

يبقى كلب امريكا فى مصر واخرتة اقتربت وقريبا جدا

اما تعاطف النصارى الارسوزكس فى مصر مع جمال مبارك فمعروف لان جدتة لامة نصرانية انجليزية وثقافة جمال ثقافة مسيحية مثل امة تماما

واذا كنتم بتحبوة مفيش مانع لدى المسلمين انة يمسك مكان البابا شنودة فالاثنين متقاربين فى الشكل

امريكا هى اللى هتقرر مين الرئيس

ايمن نور - احمد عز - مدير المخابرات - الدكتور الشاطر

انما جمال فرصيدة صفر مكعب

الحسد

أرسل هذا التعليق بواسطة : أحمد عبدالله

لا فائده فمعظم الاراء تنم عن حقد وفشل وحسد

للعلم أن ارتفاع أسعار الحديد ليست بيد أحمد عز وانما السوق العالمي وكل العالم يواجه أزمة ارتفاع الحديد

وكما تعودنا نحن المصرين أن نشتم ونقذف وندعي على بعض نسينا أن مصنع أحمد عز فعلا هو مصنع مصري وانتاجه يفيد مصر ويعمل بالمصنع عمال مصريين .

مثال دول الخليج مصانع الحديد فيها أصلا غير تابعه لمواطنيها وجميع العمال فيها هنود وبنغال وباكستانيين

وحتى اسعار الحديد فيها مرتفعه ويسمون الخليجي بالشريك النائم لانه اصلا ما يقبض الا فاتفيت ارباح شركاته بينما الهنود

هم المسيطرون.

كفانا سفاهة ولنقف مع بعض ونعترف بالحق أحمد عز شخص عادي ومصنع عز مصنع مصري حتى ان كان احمد عز يملكه فهو لا يملك العاملين فيه وكفايه نكذب على بعض ولننظر الى الطامعين في اسواقنا فالهنود قادمون أيها الفراعنه لنهب خيرات مصر التي نضيعها مع بعض.

فعلا مافيش فايده زي ما قلت يا سعد زغلول

يا مرحب

أرسل هذا التعليق بواسطة : ابو ضب

يا مرحب يا عم عز

اعمل اى حاجة بس بلاش سياسة وبلاش سرقة واعمل حديد مصرى 100 % مش جاى اصلا خردة واتسيح وعملت اسياخ

هات خامات الجبل واعمل حديد مصرى واربح بالمعقول - ابعد مما فية سياسة ا

احمدعز وسياسة الرقص بسيخ حديد على طريقة عشيقتة نانسى عجرم

أرسل هذا التعليق بواسطة : محمدعلى باشا

اللى ميتسماش عز بعد ماسرق البلد والبنوك هو وحبايبة جاى دلوقتى على مدخرات المساكين الحالمين بمستقبل افضل ليهم ولولدهم عاوز ياخد اللى فى جيوبهم ويركبهم الديون