حريق الشورى .. الناس فرحانة ليه؟

المعتاد عند حدوث أي حريق أن يظهر على وجوه الناس علامات الحزن والخوف والهلع، لكن ما حدث في حريق مجلس الشورى كان عكس ذلك تماما، فَمن نزل إلى الشارع وقتها يتضح له أن حال الناس يقول: "يا فرحتنا في الحكومة"!.

وحالة أخرى من "التريقة" على الحكومة التي انقلب الإهمال عليها ولم تستطيع أن تحمي نفسها، بينما رأى البعض أن في الحريق انتقاما من المجالس التي – من وجهة نظرهم – لا فائدة منها وتشارك أحيانا في صنع القرار ولكن حسب المصالح الشخصية.

الشارع يقول: "من أعمالكم ُسلط عليكم"، والحكومة تقول: "يا شماتة أبله ظاظا فيّ"، وبين الموقفين حالة من عدم الانتماء، والانفصال بين الشعب وحكومته.

- شاهد بعض ردود فعل المواطنين أمام مجلس الشورى.

8910

لماذا نكرة النظام الحاكم؟

أرسل هذا التعليق بواسطة : ابلة ظاظا

لانهم ببساطة ضد الشعب وعملاء امريكا واسرائيل

انتم نسيتم حصار المحلة واقتحامها ب 100 الف عسكرى واستخدام الرصاص الحى والسحل وربط المصابين بالجنازير فى المستشفيات

انتم نسيتم انة من سنة 1981 تم ايقاف التعيينات وعدم وجود اى فرص عمل حقيقية امام شياب مصر

انتم نسيتم بيع القطاع العام والبنوك وتكسيح مصر اقتصاديا واعتمادها على التسول

انتم نسيتم طوابير العيش

انتم نسيتم المحاكم العسكرية للشرفاء والبراءة لبتاع العبارة وبتاع اكياس الدم

انتم نسيتم المعتقلين فى السجون بدون اى تهمة

انتم نسيتم قانون المرور اللى سد نفس كل الناس

لو كتبنا على الفساد مش هنخلص

حكومة ضد الشعب

فساد ادارى

سوء ادارة

جرائم تعذيب

اذلال المواطن المصرى فى اقسام الشرطة وانتهاك كرامتة

نحن نتمنى ان نشوف ماحدث لصدام وعيالة يحدث عندنا ونصلى اللة من اجل ذلك

قلبى معك يا مصر اللة معك

كارثة ان يحترق مجلس الشورى المصرى

انة تاريخ زاخر و مفحور فى ضمائرنا و ووجداننا

قلوبنا معك يا مصر و اللة معك هو الحارس

هييييييييييييييييييييييييييي

أرسل هذا التعليق بواسطة : عغغعغغعغ

اجمل صوره فى عهد الحاج حسنى

برافو عليكي ياهبة

بجد مصيبه و الله العظيم لما تحصل كارثه زي دى و الناس تفرح

فى ستين الف داهية

أرسل هذا التعليق بواسطة : واحنا مالنا

يارب قصر العروبة وراس التين وعابدين يتحرقوا والعيلة كلها فية

كفاية 27 سنة طوارىء

كفاية اعتقالات

كفاية اذلال للشعب

اية القرار اللى طلعة مجلس الشعب او الشورى لصالح الشعب

هل اقال وزارة مرة واحدة - هل سأل رئيس الدولة عن مخصصاتة المالية وطريقة الانفاق فى القصور والسفريات لزوجتة وعيالة الى اوروبا بدون اى حدود

مجلس منظر

لا يحاسب الكبار

يبقى فايدتة اية

يولع بجاز

هما اللى ولعوا فية

أرسل هذا التعليق بواسطة : سعفان

افراد الشعب العاديين ممنوع يمشوا من الشارع امام المجلس - مجرد المرور من امام بوابة المجلس يطلع لك خمسين امين شرطة وعسكرى ويقول لك امشى بعيد عن هنا - ممنوع

يبقى اللى لهم ملفات جوة المجلس هم اللى ولعوا فية

بعتوا واحد زابط زى اللى راح دبى وقتل سوزان تميم ورجع بالسلامة واخد 3 مليون دولار يبعتوا واحد زابط امن كان فى مباحث امن الدولة قبل كدة يولع لهم فى المجلس ويقبض برضة مليون دولار

يعنى ولع لوحدة - مستحيل

واحد من الحرامية الكبار من عصابة العيلة الحاكمة هو اللى ولع فية - واحد محمى فى جمال او علاء

خليهم يولعوا فى البلد

حبيبى انت وهو مصر تعيش اسوأ ايامها

ارض فضاء للبيع

أرسل هذا التعليق بواسطة : سمسار

تعلن لجنة سياسات بيع مصر عن قطعة ارض فضاء مساحتها 10 الاف متر كانت سابقا ارض مجلس الشورى والبرلمان

تعلن بيعها لمثتثمر رئيسى وسيتم عمل عروض بمبلغ اساسى 5 مليار دولار

ويمكن اعطاء اولوية للجامعة الامريكية للشراء بسعر تفاضلى لتوسيع مبناا

للاستفسار يرجى مخاطبة السيد احمد عز وممدوح اسماعيل وهشام مصطفى4

الدفع فى بنوك سويسرا

الى الاخ المعلق السابق (سمسار)

انت جبت الموضوع كله من الاول ومن الاخر (عفارم عليك)

عقبال مقر مجلس الوزراء

أرسل هذا التعليق بواسطة : لولا

عقبال مقر مجلس الوزراء

سرقوها وسرقوها وسرقوها ثم من بعد ثم حرقوها

أرسل هذا التعليق بواسطة : مش منوفى

بيقولوا الحرامى بيحب يخفى جريمتة وما يسبش اثر وراة

يولع فى المكان

وهو دة اللى حصل

بس فية حاجة محيرانى

لية احمد عز بعد الحريقة ما شعللت كان اول واحد موجود هناك يمكن قبل صفوت الشريف وفتحى سرور - كان بيطمن على اية

فية احد من الكبار بعتة علشان يطمنة ان الحريقة ماشية تمام وكلة على ما يرام

بكرة كل شىء يظهر ويبان

تعليقات من موقع قبطي

7- الراسل : Yes, i agree

You wrote: حبيب العادلى:حريق الشورى ليس وراءه عمل تخريبى and

I agree with Mr. Hebib because he himself has put the fire around the building. Thank you for this important information.

21 Aug 2008 - 13:58

6- الراسل : Coptic_Kid

برنامج الطبعة الاولي بيقول ان النار اكلت اوراق قضية (( اكياس الدم الفاسدة شركة هيدلينا وقضية العبارة السلام وقضية المبيدات المسرطنة يعني من الاخر عملية مدبرة

21 Aug 2008 - 12:40

5- الراسل : Very Egyptian

اعلان هام ..

بعد احتراق مبنى مجلس الشورى المصرى , تعلن الحكومة المصرية عن وقف عملية الشورى حتى يتم بناء مبنى جديد. المبنى الجديد سيتم بنائه على احدث طراز و سوف يتم افتتاحه فى عهد الرئيس الجديد جمال مبارك.

ملحوظة, الرئيس الجديد يتسلم الحكم اثناء فترة توقف الشورى .. بسبب عدم وجود مبنى زى مانتم عارفين.

21 Aug 2008 - 09:19

4- الراسل : Daniel Abdel Messeh

(أصدر الرئيس مبارك توجيهات بإعادة تأهيل مبني البرلمان المصري وتحديثه علي نفقة الدولة بالكامل، وبدأ عدد من أعضاء الشوري يتقدمهم محمد فريد خميس حملة لجمع التبرعات لعمليات الترميم، وبلغت الحصيلة حتي الآن &--1634;&--1632; مليون جنيه)

بس خلي عنكم انتم الاتنين ...لآ انت ولآ هـــو..... أحنا اللي هاندفع ولو الفلوس كانت طالعه من جيوبكم ..برضه أحنا اللي دافعينها وهاندفعها. أحنا الشعب اللي مش لاقي رغيف العيش... أحنا الشعب اللي مش لاقي يلزقها من فين والا فين... هاندفعها في الضرايب بعد ما ينضم ليهم ضريبه جديده اسمها ضريبه الشعب والشوري... وألا في التبرعات الاجباريه... والا في طوابع البريد.. والا الاخوه المسلمين المتخصصين في جمع التبرعات لبناء الجوامع من المواصلات العامه دلوقت يلاقي عندهم سبب أخر للجمع والضرب والسب والتعسف في حاله الرفض... من ناحيه هاندفعها ما تخافش هتندفع هتندفع...

20 Aug 2008 - 23:40

3- الراسل : سعيد ماســــــبيرو

لدي بعض اعتراضات علي توصيف الحريق علي انه انتقام من ربنا علي دير ابو فانا - انا معترض جدا يا جماعه دي خساره وطنيه حتي ولو لمجرد مبني قديم جميل - المباني دي بتفكرنا جميعا بأيام عزنا و تنسينا ايام عز

بس انا متغاظ بشده من واحد عنده 90 سنه و شعره لونه بني و لابس نظاره و له مكتب فخم في و هو ما يستاهل الا كرسي حمام خشب و طبليه يقعد عليهم

20 Aug 2008 - 23:32

2- الراسل : مصرى

حبيب العادلى:حريق الشورى ليس وراءه عمل تخريبى

يا فرحة امك بيك ياعااااااااااااااااادلى

20 Aug 2008 - 22:26

1- الراسل : وزير الملابس الداخلية

حبيب العادلي انت اكب كداب في الدوله واقول للرئيس المؤمن ده بدايه رد السماء علي افعالكم الدنيئه ضد الاقباط والجايات اكثر لان الهنا لن يترك حق اولادة وياريت وزير الملابس الداخلية يداري خيبته ويسكت

احسن

أرسل هذا التعليق بواسطة : eman

كان نفسى المبنى ده يولع وجواه بتاع العبارة واحمد عز

رد على اخر تعليق في التعليقات القبطيد

الاخ القبطي بيقول الهنا لن يترك اولاده

اللي انا اعرفه ان الهم عنده ولد اسمه المسيح فقط

ايه حكاية اولاده دي

هو مخلف تاني غير المسيح ولا ايه

استغفر الله العظيم عما تقولون وتعالى الله علوا كبيرا

مجلس الشورى وتورا بورا

أرسل هذا التعليق بواسطة : من العامة والدهماء او الغوغاء

مصر عيانة

راسها فيها زاهيمر وتخلف عقلى عميق

مجلس الشورى كلهم ناجحين بالتزوير او معينين من رئاسة الحزن الوطنى

بيفرضوا قوانين وكان المصريين سكان تورا بورا

اعتقالات

حبس علشان مخالفة مرور

يبقى حرقة حلال باللى فية