دعاء جامد.. حصرياً ليلة القدر
يارب تامر حسني يقفل قميصه وتامر أمين يقع على رقبته وشوية ناس كده تروح موزمبيق!
دعاء جامد.. حصرياً ليلة القدر
أحمد عبد الحميد – مساحة رأي – ولاد البلد – 23/9/2008
موضوع صلاة التهجد اليومين دول بجد تعبني جدا، خصوصا وإني مش لاقي مسجد أصلي فيه صلاة تهجد أحاول من خلالهم أخطف لحظتين صعب إني ألاقيهم في أيام تانية غير شهر رمضان.
تعبان لأن المظاهر البايخة اللي مع التهجد اللي بتحصل في المساجد خصوصا وقت الدعاء حاجة بقت سمجة أوي، وزادت عن الحد!
أنا هابين لحضراتكم لأن الموضوع بقي واخد الشكل التالي:
الزبيبة المفاجئة!
الشيخ عندنا اللي مش بنشوفه أساسا إلا في صلاة العشا وبيجي علشان "الإمضا" في الدفتر، وضاربها طناش طول السنة فجأة بينزل عليه هدى ربنا في شهر رمضان، وسبحان الله نلاقي زبيبة طلعت في راسه، ويتكلم بصوت واطي خافت، ويعيش في دور الشيخ "صلاح الجمل" ويلبس الجلابية المزخرفة والعباية الملونة، ويبدأ قراءة في التهجد ويتعمد إنه ييجي متأخر حبتين علشان الناس تشتاق وتسأل!
وبعد ما يدخل يبدأ القراءة يجي عند آيتين أو حتة في الدعاء بيتكلموا عن النار أو الجنة، نلاقيه مرة واحدة حصل في صوته حشرجة ويبدأ يدخل في دور مش بكاء، بتبقي باينة خالص
حاجة أشبه بالبكاء بنسميها "شحتفة" ودي إشارة للإخوة المصلين والبنات اللي فوق البنات اللي كل واحدة شايلة خمس علب "فلورا" علشان لحظة البكاء والتأوه واللي مش بتعيط إنسانة حاجة – يع - مش عندها قلب!
ويبدأ البكاء بصوت عالي جدا، ممكن في الأغلب بتوصل لصوات وآنين من الشباب والبنات
شغل تمثيليات ، ناقصها بس موسيقي تصويرية أو الأخ أحمد الحجار وهو ماسك العود وبيغني "عووووود ..عوود ..عووود عود عود" والحاج أبو أحمد قاعد بيعيط، وجنبه علي الحجار وهو متأثر وبيهز في شعره الطويل علشان يبين لخلق الله قصة شعره الجديدة!
دعاء جامد جداً
فكرت إني في النهاية أني أقضيها في البيت من الآخر، وأدعي دعاء أنا حاسس بيه، لناس قريبين مننا أحسنوا لينا أو على ناس مطلعين عنين أهالينا
هادعي إن ربنا يرحم أستاذنا المسيري، إن ربنا يرحم الغلابة اللي اتهدت عليهم بيوتهم في "الدويقة"، إنه يكون في عون الموظفين اللي مش لاقيين ياكلوا.. اللي اتكووا من الأسعار وغيرهم نايمين مبسوطين في "الربوة" و"سان ستيفانو" و"مدينتي" و"الرحاب"، إننا نشرب مية نضيفة بلاش مية معدنية يا عم، وناكل أكل مش مسرطن فول وعدس وكوسة والله مش مايونيز وباتون ساليه ولحمة باردة.
هادعي إن ربنا يهد الإستبداد اللي في البلد، ويخرب بيت اللي باع المصانع وشرد العمال ورفع أسعار الحديد..
هادعي إن الأحزاب في مصر تصحى من موتها وإن ربنا يبدلنا بالدرويش أحمد الصباحي ورفعت السعيد ومحمود أباظة وموسي مصطفي موسي وفيروس الأحزاب رجب حميدة أقواما زي أبو العلا ماضي وحمدين صباحي وأمين اسكندر وكمال خليل.
يارب أبو الفتوح وحشمت!
هادعي ربنا إن السلفيين يفهموا حاجة في عيشتهم، والإخوان ربنا يرزقهم أبو الفتوح مرشدا والزعفراني نائبا وجمال حشمت متحدثا.
هادعي ربنا إن الأهلي يبطل هزيمة في الزمالك.. وإن الأهلي يتغلب لله مرة..
وإن نانسي وهيفاء وكل الفاتنات القادمات اللبنانيات أو المتلبننات يتهدوا ويريحونا ويكملوا ربع الإكمام اللي بيلبسوها..
هادعي إن يسرا وإلهام شاهين ونادية الجندي وفيفي عبده وغيرهن يبطلوا عمليات شد الوش، وربنا يرزقهم قعدة في البيوت أبد الدهر، وكسر نفس عن التمثيليات، وان يحرمنا الله من طلاتهم لعمر مديد.
يارب كفاية شوبير
وان العيال سواقين الميكروباصات يبطلوا يقطعوا المواصلات، ويحطوا أربعة في الكرسي اللي ورا، ويبطلوا يذلونا بنواح المعلم مصطفي كامل، وخناق الأسطي عبد الباسط حمودة..
هادعي ربنا ان أحمد شوبير يبطل هو ومدحت شلبي نفاق في الريس ولو أحسن يبطلوا أصلا شغل فضائيات ويكتفوا بالمناصب اللي واخدينها ويوسعوا لغيرهم.
هادعي ربنا إن الريس هو وصفوت الشريف يبطلوا يصبغوا شعرهم وإن التليفزيون المصري يولع وخصوصا القناة التالتة وإن الاتنين المذيعين اللي اسمهم تامر أمين وعمرو عبد السميع وهما نازلين من التليفزيون يكون واحد معفن واكل موز راح رمى القشر أمام ماسبيرو عدل يتزحلقوا في الموز يقعوا.. تامر أمين تنكسر راسه وعمرو عبد السميع تنكسر رقبته.
يارب دول يروحوا موزمبيق
يارب شعبان عبد الرحيم وطارق الشيخ وعماد بعرور وسعد الصغير ومصطفي كامل وعبدالباسط حمودة وكل الإخوة الميكانيكيين والحلاقين والمكوجية اللي قلبوا مغنيين يروحوا يحيوا فرح في موزمبيق تتحرق بيهم الطيارة.. يخرجوا منها مولعين.. يقعوا في محيط يغرقوا.. تلاقيهم سمكة قرش تكسر عضمهم.. يطلعوا برة المحيط وهم غارقانين ومولعين وعضمهم متكسر.. تيجي عربية لوري محملة زلط ورمل تدوسهم ما تخليش فيهم فتفوتة..
الهي يارب يارب محمد سعد يبطل تمثيل هو وكل الجيل المقرف اللي قرفونا في عيشتنا بكلامهم المهبب
يارب تامر حسني يقفل قميصه ويبطل يتباهي بشعر صدره
يارب الأزهرية يحسوا إنهم عايشين في القرن العشرين ويبطلوا الكلام اللي نصفه شعر محفوظ ونصفه التاني خطب للشيخ كشك....
قولوا آآآآآآآمين.....
ازيك يا احمد عبدالحميد
يا اخ احمد عبدالحميد حضرتك في مقال سابق قلت انك خريج جامعة الازهر من احدى الكليات العملية
ممكن نعرف اسم الكلية ايه ولا هية ما لهاش اسم
ضروري تقولنا اسمها ايه
وبعدين الموضوع دا موضوع انشا مدفوع الاجر يعني جالك تليفون وقالولك عايزينك تكتب في موضوع تتريق فيه على اللي بيحصل في المساجد في العشرة الاواخر وحندفعلك مبلغ كويس
سلام
ربنا يهدينا جميعا الى ما يحب ويرضى
أرسل هذا التعليق بواسطة : محمد السعداوى
طبعا اسلوب السخرية من كل شئ مش علاج للمشاكل مشكلة الصحفيين واخص بالذكر الاخوة بتوع جريدة الدستور انهم فاكرين نفسهم مفتحين ومدقدقين و فاهمين كل حاجة والشعب لسه بيرضع من البزازة .
وفى ظاهرة غريبة جدا فى الصحفيين بتوع اليومين دول الواحد فيهم فاكر نفسه الكامل المنزه عن النقص والعيب يعنى اغلبهم تلاقيه داخل الجامع مش بنيه العبادة الله واعلم بالنوايا بس من اسلوبه فى الكلام تحس بكده فعلا يدخل الجامع من اجل تصيد الاخطاء لا اكثر اللى محدش ينكر طبعا انها موجوده جوه الجامع وخارجه وبعد ما يحصل على الصيد الثمين يبدأ يحلل وينظر ويبين لنا قد ايه الموضوع صعب عليه وانه ياولداه تحمل مشقه عظيمة وبعد كده يخرج لنا باقتراحات بناءة من عينه اننا عيشين فى الدروشة وناسين رغيف العيش وكذا وكذا مثقف بقى يا جماعة
ما لنا ندعوا فلا يستجاب لنا ؟
أرسل هذا التعليق بواسطة : ابو هديل
مر الزاهد العابد ابراهيم ابن اسحاق بسوق البصرة فا اجتمع الية الناس وقالوا لة يا ابا اسحاق - ما لنا ندعوا اللة فلا يستجاب لنا ؟
قال : لان قلوبكم ماتت بعشرة اشياء هى
اولا :عرفتم اللة تعالى فلم تؤدوا حقة
ثانيا : زعمتم انكم تحبون الرسول صلى اللة علية وسلم وتركتم سنتة
ثالثا : قرأتم القرأن ولم تعملوا بة
رابعا: اكلتم نعمة اللة تعالى ولم تؤدوا شكرها
خامسا : قلتم ان الشيطان عدوكم ووافقتموة
سادسا :قلتم ان الجنة حق ولم تعملوا لها
سابعا : قلتم ان النارحق ولم تهربوا منها
ثامنا : قلتم ان الموت حق ولم تستعدوا لة
تاسعا : اذا انتبهتم من النوم اشتغلتم بعيوب الناس ونسيتم عيوبكم
يارب
وانا سوف ادعو ان يخلصنا الله من الحزب الوطنى
وان يهدى الله الاخوان ويتركوا استعلاءهم على باقى التيارات الاسلامية والوطنية وان يتركوا الفخر الجماعى
وان يتركوا الاغترار بالعدد والاعتقاد بانهم وحدهم الذين يفهمون شمولية الاسلام
انا ادعوا اللة ان يرزق اللة مصر رئيس بشنب زى الرجالة وما يصبغش شعرة زى النسوان
أرسل هذا التعليق بواسطة : عطيات سوكة
شفت صور كل رؤساء مصر من اول احمس لغاية السادات - كلهم كانوا رجالة بشنبات - مفيش الا واحد بس -
وربنا فرجة قريب
جميل يا احمد
أرسل هذا التعليق بواسطة : الصاوى مبروك
جميل الكلام يا احمد عبرت عن الى احنا عايزين نقوله
آميييين
أرسل هذا التعليق بواسطة : وسام فؤاد
آمين..
كلام جميل ولكن
أرسل هذا التعليق بواسطة : أحمد زهران
بارك الله فيك أخي أحمد ، كلامك واقعي وجميل، وأنت تعبر عن كثير من مشكلات البلد ولكن ليس أهمها
اسمح لي سيدي أن أقول لك إن أزمتنا أزمة قيم وأخلاق ودين مبعد عن الحياة أو مهمش
وأننا لو وجهنل دعاءنا لصلاح من ذكرت كان فيه الكفاية والغنى.. أنا أتفق معك أن من ذكرت هم أس البلاء ورؤوس الشياطين، ولكن ماذا يغنينا يا أخي إن ماتوا على ذلك ودخلوا النار، وقد علمنا رسول الله صلى الله عليه وسلم حينما قال بعد أن نطق يهودي على فراش الموت بالشهادتين - قال: الحمد لله الذي أنقذ بي نفسًا من النار
نحن نريد يا أخي أن يُنقذ الله بنا أنفسًا من النار، بدلاً من نُدخلهم بدعائنا عليهم النار
إننا نشفق - أخي أحمد - أن يكون هذا مصير الناس، ونسأل الله صباح مساء أن يعافينا مما ابتلى به غيرنا، وأن يتقبل منا أعمالنا.
أريد أن أذكرك أخي أحمد أن القلوب بين أصبعين من أصابع الرحمن - كما قال النبي صلى الله عليه وسلم - وأن الرجل يصبح مؤمنًا ويمسي كافرًا ويمسي مؤمنًا ويصبح كافرًا، فنسأل الله أن يثبتنا على الإيمان.
وأدعوك أخي أحمد ألا تحكم على بواطن الناس وسرائرهم فلنا الظاهر والله تعالى يتولى السرائر ، وقد قال النبي إذا رأيتم الرجل يعتاد المساجد فاشهدوا له بالإيمان
وعسى أخي أن ينتقل الذين يتصنعون إلى مرتبة المخلصين وما ذلك على الله بعزيز.
أنا أنكر معك الظواهر السلبية التي تكون في الدعاء من تكلف السجع من الإمام ومن علو الصوت بالبكاء والنحيب من المصلين ، ولكن ليس كلهم يتصنع فما أدرانا أخي الحبيب فربما تذكر المذنب ذنبه، ولامس الذكر والدعاء والقرآن قلبه في هذه اللحظة فجأر إلى الله بالدعاء
أنا أدعو لكل من ذكرت أن يهديهم الله إلى صراطه المستقيم وأن يبعد عنهم أصدقاء السوء
وأطلب منك أخي ألا تنسني بدعوة صالحة في هذه الليالي المباركة
بوركت وبورك قلمك وفكرك
أخوك/ أحمد
اما انا فسوف ادعو على الاهبل ابو طويلة النظيف جدا جدا جدا
أرسل هذا التعليق بواسطة : ممدوح زكى زخارى جرجس_الاسكندريةمصر
دعائى سوف يكون على دكتور نظيف الرجل الابيض الغير متوسط؟؟؟!
انة طويل التيلة و قليل الخبرة و كثير الحيلة
لقد دمرت مصر حكومة و شعبا و نظام ايضا؟
يارب... يا رب... يا رب... يارب
أرسل هذا التعليق بواسطة : داعي
ويارب تقتصر مهنة الصحافة على خريجي كليات الصحافة والاعلام يا رب والصحافة تبقى مهنة تخصصية كده زي المحامين والمهندسين والدكاترة واللي يشتغل صحفي وما يكنش خريج كلية الصحافة والاعلام يقبضوا عليه ويحبسوه يا رب زي اللي بينتحل وظيفة محامي وطبيب يا رب
ويارب كل واحد يشوف نفسه خريج كلية ايه ويروح يشتغل زي ما الكلية اخدها بتوجه
يعني اللي خريج كلية عملية من جامعة الازهر يروح يشوفله شغلانه بعيد عن الصحافة يا رب
خريجي كليات الصحافة والإعلام
أرسل هذا التعليق بواسطة : الأخ الأمور بتع الصحافة والإعلام
يعني يا عم الأمور هي جت علي موضوع الكتابة والصحافة والإعلام وقولت نخخصها ونأممها للناس خريجي الصحافة والإعلام
خطابك زي خطاب الأزهرية اللي نايمين في الدرة وعمالين يقولوا إزاي واحد عمرو خالد يشتغل في الدعوة ليه هو كان خريج كلية أصول ، أكل من عربية الفول اللي ورا جامع الأزهر زينا ، اتبهدل في القطر زي أهالينا ، حفظ شعر قديم تراثي مش فاهمين منه حاجة مكفرين بيه الناس اللي بتسمعنا ، وهو مالي نجاح لأخر الدنيا
طيب تعمل ايه مع أكثرية الصحفيين اللي شغالين في الصحافة وهم خريجي كليات غير الصحافة والإعلام
تعمل ايه مع عملاق الصحافة المصرية الريس هيكل خريج القسم الأوروبي بالجامعة الأمريكية ،مرسي عطا الله خريج الزراعة ، باتريك بورت دافول ولا كلير شازال، عمرهم ما التحقوا بمقاعد الدراسة في الجامعات و الكليات.وفهمي هويدي خريج أداب تاريخ ، وعباس العقاد حاصل علي الإبتدائية ، إحسان عبد القدوس خريج حقوق ، وائل الإبراشي خريج كلية تجارة المنصورة ، عبد الله الطحاوي اللي بيكتب في عشرينات خريج علوم كيميا الأزهر ماذا تفعل في كل الأدباء الأطباء ( يوسف إدريس- نجيب الكيلاني - -ابراهيم ناجي- علاء الأسواني - محمد المخزنجي ووووو)
انت مين يا عم انت
عبد الله الطحاوي اللي بيكتب في عشرينات خريج علوم كيميا الأزهر
يلهوي طحطح مش صحفي
متعرضهاش
أرسل هذا التعليق بواسطة : مش حقلك
انا بقيد في الكلام احمد زهران ... ورجاء يا احمد يابن الحاج عبد الحميد متعرضهاش فى كلامك قوى كدا ... لانك دخلت فى حاجات لا يعلمها الا الله
يالهوي عليك ياواد ياصحفي
أرسل هذا التعليق بواسطة : محمد عبدالكريم
اسم عليه يا اخواتي اسم الله عليه
بس بصراحه مش لايق عليك التهييس ده شكلك مش وش كده
ياريت ياحماده تدعي ربنا يهديك ويرجعك لعقلك بالمرة
انا حعرض الامر على عميد كلية اعلام القاهرة
أرسل هذا التعليق بواسطة : مش رضوى حسن ولا مروى صلاح
بصراحة القضية دي انا اللي فجرتها
وحعرص الامر على عميد اعلام القاهرة الا وهي ان نقابة الصحافيين تقتصر على خريجي كليات الصحافة والاعلام
بس ما تخافوش المشروع دا حيبقى للعضويات الجيدة بس
اما القدام خلاص حيفضلوا زي ما هما
واعود واكرر ان الاعلام دا تخصص وتخصص صعب جدا لا يقل عن المحاماه بأي حال من الاحوال
وتعالوا نشوف في امريكا اليهود مسيطرين على الاعلام
علشان الاعلام بيسيطر على الناس وبيوجه الناس وبينجح الرئيس اللي هما عايزينه
يعني مثلا شوفوا هما عايزين اوباما يكسب في الانتخابات
بسبب الاعلام اوباما كل الناس بتتكلم عنه بعكس المرشح الثاني ما حدش يعرف عنه اي حاجه الا قليل جدا
وكل دا بفضل الاعلام
واخيرا في كل الدول العربية والاسلامية اعلامنا فاشل فاشل فاشل لعدم التخصص
الزبيبة المفاجئة
الفقرة اللي بعد عنوان الزبيبة المفاجئة ما يكتبهاش الا واحد شيوعي
لان انت بتتهم المسلمين والمصلين باتهامات مش صحيحة
الكلام دا انا قرأته قبل كده في مواقع الاقباط نفس الكلام دا بالضبط وكأنه منقول
يا احمد عبدالحميد وهذا الكلام انا قلتهولك في موضوع الازهر والازهريين
غلط كده على مستقبلك يا احمد عبدالحميد
حتعمل لنفسه سمعة مش كويسه
رد على الأخ الأمور بتع الصحافة والإعلام
أرسل هذا التعليق بواسطة : مناهج كليات الصحافة والاعلام بيدرسوها ليه امام طالما اي كلية ممكن تأضي الغرض
مناهج كلية الصحافة والاعلام
قسم الاعلام
الفصل الاول
مدخل الى فن الاعلام
مدخل الى الاعلام والاتصال (1)
نظريات الاعلام (1)
علم النفس العام
اللغة العربية (1) *
الحاسبات (1)
الفصل الثاني
جمهور وسائل الاتصال
مدخل الى الاعلام والاتصال (2)
الاتصال والاعلام في المجتمعات المعاصرة
اللغة العربية (1) *
الحاسبات (1)
الصف الثاني
الفصل الاول
الراي العام (1)
اعداد البرامج الاذاعية والتلفزيونية
علم النفس الاعلامي
مناهج البحث الاعلامي
اللغة الانكليزية (1)
الفصل الثاني
تقنيات اعلاميه (2)
الراي العام (2)
تشريعات اعلاميه
اللغة الانكليزية (2)
الصف الثالث
الفصل الاول
العلاقات العامة
الاعلام والانترنيت
شبكات فضائيه
نصوص انكليزية
الفصل الثاني
الاعلام والتنمية
الدعاية والاعلان
مقدمة في التحرير الصحفي
الصف الرابع
الفصل الاول
الاعلام البيئي(1)
الحرب النفسية (1)
الاعلام الدولي (1)
ادارة المؤسسات الاعلامية
علم الاجتماع الاعلامي
بحث تخرج (1)
حقوق الانسان
الفصل الثاني
اقتصاديات الاعلام
الحرب النفسية (2)
الاعلام الدولي (2)
الاعلام والعولمة
بحث تخرج (2)
الاعلام البيئي(2)
قسم الاعلام
الماجستير ( تحضيريه )
الفصل الاول
الاعلام والعولمة
الاعلام والمجتمع(1)
التخطيط الاعلامي(1)
الاعلام والديمقراطية (1)
الماجستير ( تحضيريه )
الفصل الثاني
القيادات الاعلامية
الاعلام والمجتمع (2)
التخطيط الاعلامي (2)
الاعلام والديمقراطية (2)
قسم الصحافه
الصف الاول
الفصل الاول
الراي العام (1)
مدخل الى الاعلام والاتصال (1)
مقدمه في التحرير الصحفي (1)
مقدمة في العلاقات العامة
اللغة العربية (1) *
الحاسبات (1)
الفصل الثاني
رقم المقرر
الراي العام (2)
مدخل الى الاعلام والاتصال (2)
مقدمه في التحرير الصحفي (2)
جمهور وسائل الاتصال
اللغة العربية (2) *
الحاسبات (2)
الصف الثاني
الفصل الاول
تحرير الاخبار (1)
فن الاعلان (1)
صحافه الكترونيه (1)
الصحافة والنظم السياسية
وكالات الانباء
اللغة الانكليزية (1)
الفصل الثاني
تحرير الاخبار (2)
فن الاعلان (2)
صحافه الكترونيه (2)
تشريعات اعلاميه
منهج البحث الاعلامي
اللغة الانكليزية (2)
الصف الثالث
الفصل الاول
ساعات المقرر
نصوص انكليزية
تحرير المقال الصحفي
الصحافة العربية والعالمية المعاصرة
تكنولوجيا صناعة الصحف
الفصل الثاني
التوثيق الاعلامي
الاخراج الصحفي
الحضارات القديمة
علم النفس العام
الصف الرابع
الفصل الاول
اللغة والصحافة (1)
التحقيق الصحفي (1)
الاخراج الطباعي (1)
ادارة المؤسسات الصحفية
الاعلام الدولي
بحث تخرج
حقوق الانسان
الفصل الثاني
اللغة والصحافة (2)
التحقيق الصحفي (2)
الاخراج الطباعي (2)
كتابة البرامج الاذاعية
بحث تخرج
الماجستير ( تحضيريه )
الفصل الاول
تقنيات اعلاميه(1)
العلاقات العامة (1)
الصحافة والانترنيت(1)
القيادات الاعلاميه
الماجستير ( تحضيريه )
الفصل الثاني
تقنيات اعلاميه (2)
العلاقات العامة (2)
الصحافة والانترنيت (2)
الاعلام والعولمه