(الشفافية الدولية): مصر دولة فاسدة

وصفت منظمة (الشفافية الدولية) مصر بأنها أقرب للدول الفاسدة، وأوضحت في تقريرها السنوي لعام ٢٠٠٨ أن مصر تراجعت ١٠ مراكز دفعة واحدة، إذ جاءت في المرتبة ١١٥ بمعدل ٢.٨ نقطة، بعد أن كانت في المرتبة ١٠٥ في تقرير ٢٠٠٧.

وذكر التقرير أن الفساد يشكل عائقاً خطيراً أمام التنمية في مصر، وعلي الرغم من استمراره فإن النقطة الجيدة التي تم رصدها مؤخراً أن مشكلة الفساد يتم تداولها علناً بالنقاش.

وذكر موقع المصري اليوم أن مصر جاءت في الترتيب الـ١٣ بين دول الشرق الأوسط، وكانت الدول الأفضل في المنطقة طبقاً للتصنيف الأخير للمنظمة الدولية قطر (٦.٥ نقطة) التي احتلت المرتبة الـ٢٨ علي المستوي العالمي، متفوقة بذلك علي إسبانيا وإسرائيل وإيطاليا وغيرها، وتلتها الإمارات (٥.٩ نقطة)، وعمان (٥.٥ نقطة) والبحرين (٥.٤ نقطة) والأردن (٥.١ نقطة).

أما الدولة الأسوأ فكانت العراق التي سجلت (١.٣ نقطة)، وجاءت في المستوي ١٧٨ علي المستوي العالمي، ووضعت المنظمة في أعلي تصنيف الدول الفاسدة: الصومال والعراق وبورما وهايتي. وأفضل البلدان المصنفة كدول (نظيفة) الدنمارك والسويد ونيوزيلندا، إذ بلغ مؤشر كل منها (٩.٣ نقطة) تتبعها سنغافورة التي سجلت (٩.٢ نقطة). وتراجعت في التقرير الأخير بلغاريا والنرويج وبريطانيا، فيما تقدمت سلطنة عمان وقطر وتركيا.

وتنشر المنظمة غير الحكومية كل سنة منذ ١٩٩٥ تصنيفاً للفساد في ١٨٠ دولة، وفقاً لتحليل مجموعة دولية من رجال الأعمال والخبراء والجامعيين. ويتدرج المؤشر من عشر نقاط بالنسبة لدولة تعتبر «نظيفة» إلي صفر بالنسبة لدولة تعتبر (فاسدة).

اللى عايز يتعلم فساد ييجى عندنا

أرسل هذا التعليق بواسطة : من المفسود بيهم

فساد اية

امبارح سواق ميكروباص كان ماشى على طريق المناشى والقناطر - ولد بلطجى طلع على السواق بالمطوة ووقف الميكروباص وطلب من الركاب والسواق ان كل واحد يسلم لة الموبايل والفلوس اللى معاة يعنى عملية سرقة تحت تهديد السلاح

المهم الركاب اتلموا على البلطجى والنسوان بالشباشب وضربوا البلطجى علقة محترمة وسلموة للشرطة

قعد فى الشرطة ساعتين بالضبط وتركوة

ورجع البلطجى تانى موقف التكاسى وهدد السواق انة هيضربة بالجزمة

الدولة بتحمى البلطجية

تروح اى مصلحة علشان تمشى معاملة - بدون ان تدفع رشاوى يبقى مفيش حاجة هتحصل

داخل مطار القاهرة نفسة دفعت رشوة 300 جنية لعامل بيشتغل عند بتوع الجمارك وطلعت تليفزيون جماركة 4000 جنية

الفساد فى كل ركن فى البلد

والسبب

تدنى او انعدام الاجور

نظام اجور من باسعار من 300 سنة فاتت ايام ما كان كيلوا اللحمة بعشرة صاغ

اول خطوة اصلاح فى البلد دى تصحيح نظام الاجور

وزى ما الاسعار عالمية تبقى الاجور عالمية

عندنا نظيف باشا ؟ازاى مصر تكون غير نظيفة!!!!!!!؟

و اللة العظيم التقرير دة غير صحيح

يا غبى ازاى تكون مصر غير نظيفة و عندنا نظيف

يا ناس اختشوا و خلوا عندكم شوية دم و فهم؟

(صحيح اللى اختشوا ماتو من النظافة) يا نظيف؟

نظيف رجل مقيد اليدين وبينفذ سياسات اللى عينوة فى الوظيفة دى

أرسل هذا التعليق بواسطة : سالم

نظيف راجل متعلم وفاهم ويقدر يعمل حاجات كتير ولانة مهندس يقدر يبنى ويخطط ويعمر وينمى

لكن اللى عينوة فى المكان دة - مش عايزين

دة راجل بينفذ اللى عايزة السيد الرئيس والسيد رئيس لجنة السياسات فى الحزب الحاكم

نظيف مش هيخترع

انما لو اطلقوا يدة فى وظيفتة البلد هتمشى زى الساعة

للجميع ان يتذكر ان هناك لجنة سياسات اقوى من اى حكومة واعضائها معروفين من بتاع العبارة لهشام مصطفى