يا جماااعة .. الإعلان البايت ولا الطازة!

-يالا قول يا أجمل زبون.. فوكس بالشطة والليمون

-هات فوكس كتير عشان أخوك ومراته جايين يفطروا معانا النهاردة

-ايوة يا حبيبي

-عمو عمو هات لي فوكس كتير أوييييييييي

جمل في إعلان بطاطس "فوكس" استطاعت بجدارة أن ترفع ضغط المشاهدين لدرجة أن مجموعة على موقع "الفيس بوك" يشترك فيها 117 شابا خرجت خصيصا لتطالب بوقف هذا الإعلان الذي اعتبرته "الأرخم" على القنوات الفضائية.

"رخامة الإعلان جعلتني أقاطع كل أنواع البطاطس الشيبسي الموجودة في السوق، فعلا إعلان مستفز ومثير للأعصاب ومش عارفة ليه أحمد التهامي عمل في نفسه كده مع أنى كنت بقول عليه لذيذ في فيلم التجربة الدانمركية، وعلى فكرة أنا مش هدخل فيلم (شبه منحرف) لأن التهامي بيمثل فيه ومش عايزة اتعكنن من تقل دمه تانى وعلى مدار ساعتين كمان".. هكذا ترى "دينا كمال" إعلان فوكس.

التهامي نفسه أكد أن إعلانه ظهر على عكس ما توقع ، وقال لعشرينات أن "تصوير الإعلان كان مختلفا عن الشكل الذي خرج للمشاهدين، أنا غير راضي تماما عنه وأتمنى أن ينتهي عرضه لأني هجمت كثيرا وأخاف فعلا على رصيدي كممثل".

الطازة الطازة الطازة

ومن فوكس للسمنة الطازة..الطازة ..الطازة .. إعلان "رخم" أيضا وصفه الكثيرين بأنه "لا محل له من الأعراب و لا علاقة له بالمنتج المعلن عنه".

سامي عماد يتابع الإعلانات جيدا فهو طالب في كلية الإعلام قسم دعاية وإعلان، ويقول:" يبدأ الإعلان بجملة.. يا جماعة بمناسبة القمح اللى هناك ده العيش البايت ولا العيش الطازة ثم تجد أشياء أخرى كثيرة لا صله لها بالسمن- المنتج المعلن عنه- على الإطلاق وهو ما يعني أن الإعلان فاشل لأنه غير مهتم سوى بتكرار كلمه طازة فقط وهو اسم السمن ما يخالف قوانين الدعاية، فمن المفترض أن يكون الإعلان غير ممل ولا تتكرر الألفاظ به كثيرا".

حملة (سائعة) جدا

بعض إعلانات حملة "كوكاكولا" التي أداها الفنان كريم عبد العزيز أثارت الانتقادات على رأسها السخرية من واحدة من ذكرياتنا الوطنية مثل شخصية رأفت الهجان حينما يقول أحد أبطال الإعلان لكريم عبد العزيز على أنغام مسلسل رأفت الهجان

( الكوكاكولا أمانه في رقبتك يا رأفت، فيرد كريم عليه قائلا بس دي أمانه كبيره يا محسن به).

وقالت الطالبة منه محي الدين :" هذا الإعلان من ارخم الإعلانات التي تطفلت علينا في فواصل المسلسلات ولا اعرف كيف وافقت الرقابة على عرضه بهذا الشكل الذي يعني أن الرجال الذين ضحوا من أجل مصر تحول تاريخهم بعظمته إلى مجرد زجاجة كوكاكولا".

وحول هذا الإعلان بصفة خاصة كان للناقد لويس جريس رأي، فقال:"لم أندهش حينما شاهدت الإعلان لان تراثنا التاريخي أصبح يداس عليه بالأقدام المتسخة فكيف يهينون تاريخ الوطني رفعت الجمال بكل عظمته وتضحيته، ولصالح من، اعتقد أن وراء هذا الإعلان أشياء غامضة لا اعرف تحديدا مصدرها، لكن ما أريد قوله انه إعلان مشبوه بكل ما تحمله الكلمة من تفسيرات والمعني يعيه القائمين على هذه الحملة (الساقعة)".

I aveo you

إسماعيل فوزي (بكالوريوس علوم) يعتبر أن إعلان السيارة "شيفرولية افيو" من أرخم الإعلانات، وقال:" فجأة تظهر فتاة جمالها بارد تقول لشخص غريب الشكل I AVEO YOU .. بدلا من جملة I love u ليرد عليها I aveo u 2 فتقول له بنظرات حب mmmmm ،وكنت أظن في البداية انه إعلان عن برفيوم أو شكولاته لكنني اكتشفت أنه إعلان عن سيارة ..بصراحة استرخمته جدا والممثلين شكلهم رخم اوي".

"هي كمان وصلت لدرجة إعلانات الفانلات والملابس الداخلية الرجالي" ..هكذا كان تعليق ميار سالم على أخر صيحة من الإعلانات التي غزت الفضائيات، وقالت :"إنها إعلانات قمة في الاستفزاز والرخامة والسخافة ومن إمتى والحاجات دي بيتعملها إعلانات، أتمنى أن يكون هناك ميثاق شرف إعلامي لضبط كل الإعلانات المفروضة علينا ويكون في ضوابط وأخلاقيات تصرح بعرض هذا الإعلان من عدمه".

من جهة أخرى يرى معتز شبل (آداب القاهرة) أن أكثر الإعلانات رخامة هي "إعلانات الرشاقة"، ويقول:" إعلانات تبيع الوهم ، فما معنى أن تكون سيدة في حجم الفيل وبكبسولة تتحول بقدرة قادر لسندريلا.. بصراحة حاجه رخمه ودمها تقيل".

(اللى أختشوا ماتو)

اما صحيح نقدر نلاقى رغيف العيش متوفر نبقى ندور نتسمم بالبطاطس ايهاااااااااااااااااااااااااااااا!

اللى ما تتسمى و لا تتاكل اللى اسمها (شيبسى)

صحيح بلد جعانة بتاعة بطنها و بس

اهههههههههههههههههههههه يا بلد

الواقع المر - هذة هى اثتثمارات ما يطلق عليهم رجال الاعمال

أرسل هذا التعليق بواسطة : مفروس من سماجة بتاع اعلان البطاطس

مش هو دة واقع بلدنا - وهذة هى الاثتثمارات ورجال الاعمال والفكر الجديد ومصر بتبنى بنا او بتبنى بالشيبسى

اما اعلانات البطاطس فى التليفزيون او سماسرة العقارات وبتوع الفيلل فى الساحل الشمالى والشاليهات فى الجرايد

لم نرى رجل اعمال يصنع لنا محرك سيارة مثلا ولا حتى كرسى سيارة زى الهندى بتاع شركة تاتا فى الهند

ولم نرى رجل اعمال يثتثمر فى صناعة حتة كرت فى كمبيوتر

انما وكيل لشركة سيارات امريكية بياخد عمولة 5% عن كل سيارة يبيعها فى مصر ويملىء الدنيا اعلانات

للاسف دى الواقع الاليم بتاع مصر وهذة هى الاثتثمارات وهذة هى المنتجات

زى بتاع البيبسى والكولا اللى اخد الشركة من الحكومة بتراب الفلوس ورفع سعر الزجاجة 25 % الاسبوع الحالى وقارفنا باعلاناتة ومنتجاتة الهابطة

اللهم ارفع عنا البؤس والغم

وارزقنا حكومة تخطط لاثتثمارات تضيف انتاج للبلد ويباع فى الاسواق العالمية

شكرا اثتثمارات البطاطس وحكومة البطاطس وسماجة بتاع اعلان البطاطس وسماجة امة فى الاعلان

المشروبات الغازية ودرجة الحموضة ومواصفات الكولا والبيبسى فى مصر

أرسل هذا التعليق بواسطة : برضة لا

فى المياة المعدنية تجد انة مكتوب درجة ph 7.2 , هذة القراءة تبين درجة التعادل بين الحموضة والقلوية

اما فى المياة الغازية وبما انها اصبحت قطاع خاص واللة اعلم بيعكوا اية فممكن يزودوا نسبة الصودا او الغاز

وهذا يسبب قرحة فى المعدة وبلاوى كتير فى الكلى والدم

وبما اننى لا اثق فى شركة تزيد اعلاناتها بطريقة مكثفة للبيع باى طريقة فاننى اشك

وقررت وكل الجيران مقاطعة البيبسى والكولا وعمل عصائر فى البيت ليمون او جوافة او مانجو عندما يتيسر الحال

وربنا يسترها معانا

والله عالم بتهيس وخلاص

داس على الثوابت الوطنية ايه يا عمو ويا ستو الكلام الكبير ده ولا هو اى كلام وخلاص عشان المقال يتملى كلام

ولعلمكم ناس كتير والله قالوا ان اعلان رأفت الهجام ده من اظرف الاعلانات مش عارف باينكم جايين من كوكب تانى

للعلم فقط ....اعلان العربية افيو اللي بتقولوا انه ارخم اعلان ..الاعلان ده بالذات زود مبيعات الشركة للعربية دي في شهر رمضان بس 40 % و الزيادة دي مكنتش علشان العرض اللي طرحته الشركة بس لكن كمان لوحظ الاقبال الشديد جدا و الاصرار على شراء لون السيارة اللي كان معروض في الاعلان و هو الأحمر ..يا بتوع كلية الاعلام و جروب الفيس بووك

أنا موافق على معظم الحاجات دي و لكن

أنا شايف إن إعلان ال I aveo you رائع بكل المقاييس و جديد جدا و ناس ممتازة و إن الكلام اللي إتقال هنا مش نقد صحيح ليه ده مجرد واحد متغاظ من إن عمره ما هيملك حاجة من الحاجات دي

بالنسبة للفانلات طب انتي عايزة يعلنوا عنها إزاي و لا ينتجوها و يحطوها في المخازن و يفرقوها على العائلة

عـالم إعـلانـــات

أرسل هذا التعليق بواسطة : إبراهيم

كنت قد كتبت في مدونتي (أنا وأنـا) موضوعًا موسعًا عن عالم الإعلانات وما فيه، وددت أن تشاركوني الرأي فيه

الموضوع موجود هنــــــــــــــــــا>>>> http://anaweana.blogspot.com/2008/09/blog-post_21.html

اعلانات فعلا مستفزه

أرسل هذا التعليق بواسطة : laweryasser@yahoo.com

اكتر حاجه بتسعدنى ان الاقى ان اللى بيسنفزنى استفز غيري لانى بحس انى صح

فعلا مجموعه الاعلانات اللى جات ف المقال ده مستفزه جدا وكانت اول ماتيجى فى فواصل المسلسلات

كنت بقلب على اى حاجه لحد ماتخلص وارجع تانى انا بقيت ادايق من كريم عبد العزيز احب اقوله رخصت نفسك

والاعلان ده بالزات اظهر انك لو مثلت كوميدى هتفشل خليك ف الاكشن المحجوز اصلا للسقا