بنت مؤدبة .. وبنت لا مؤاخذة!

(ليه دايما بنقول على البنت المؤدبة إنها معقدة.. وما بتعرفش تتكلم وأكيد مليانة كلاكيع وغير عصرية.. وده حكم سريع جداً

لأن الأدب هو أن البنت تحترم نفسها وتجبر من حولها على احترامها واحترام عقليتها حتى لو تكلمت مع أي حد ومهما كان الحد دة مين.. برضه هاتجبره على احترامها والتعامل معها بأسلوب لائق).

بهذه الكلمات كانت افتتاحية جروب (مين هي البنت المؤدبة؟) على "الفيس بوك" والذي وصل عدد أعضاؤه حتى الآن لما يفوق الـ3 آلاف عضو.. فالبنت المؤدبة في وجهة نظر العضو محمد عافية هي" اللي أول ما تشوفها تخدها على المأذون وننصح الشباب إنهم لو دوروا هيلاقوا لأن النوع ده من البنات كتير أوى".

أصدقائها أول دليل

تعليق أكثر طرافة كتبه كريم إبراهيم الذي أشار إلى أن" في بنات مش محترمة وبتلبس لبس وبتمشى بطريقة غريبة وبيكون هدفها الولاد يعاكسوها والنوعية دى من البنات كترو عشان كدا الولاد مابئوش يعرفو البنت اللي ماشية محترمة ..ميعكسوهاش ولا من إياهم إلى يستهلوا الحرق و لا انتم شايفين إيه".

وردا على تساؤل كريم نزلنا إلى الشارع وتجولنا بين الشباب وسألناهم.. محمد سعفان (طالب) قال بعد تفكير "بصراحة مش عارف بس أوقات كتير الأشكال بتخدع وممكن يكون بنت منقبة مثلا وتطلع في الأخر مش محترمة والعكس، لكن من خلال التعامل نفسه ممكن الحكم على أخلاق البنت من خلال صديقاتها مثلا لأن المرء على دين خليله ومن خلالهن ممكن أعرف".

يخالفه في الرأي تماما أحمد صبحي (علاقات عامة بشركة سياحة) قائلا:" البنت المؤدبة بمجرد النظر إليها تستطيع التفرقة بينها وبين غير المؤدبة لأن الأخيرة تلمح بها عدم الخجل ولو ماتت صفة الحياء في الواحدة تعرف إنها فعلا مش مؤدبة".

بنت خبرة!

"مش شرط تكون البنت يعني مكسوفة عشان تعرف إنها مؤدبة".. هكذا بدأ أشرف علوي كلامه مضيفا "أن المجتمع الآن متفتح والجرأة التي توجد في بعض البنات ليست دليلا على أنها بنت لا مؤاخذه بل على العكس تماما ممكن تجد بنت تتصنع الخجل للفت نظر العرسان، أما البنات اللاتي يتسمن بالجرأة المقننة أي البنت اللي مش (بجحة) فهن يتعاملن على طبيعتهن وذلك بالطبع الأفضل".

على الجانب الأخر يرى سامي رشيد أنه من الصعب التعرف على حقيقة البنت لأن" ألاعيبها كتير، يعنى يستحيل تفرق بين المؤدبة و(الخبرة) على رأي عادل إمام في فيلم التجربة الدانماركية، ممكن الواحد يقع في واحدة ضحكت عليه عرفته إنها على السجادة ومبتفوتش فرض فهو طبعا يجري عليها والأخر يكتشف الفخ".

الحكاية فيها جوازه

"أنا لو أعجبت ببنت لن أفاتحها في الزواج أبدا"، كان هذا مبرر شهاب شامل لأن يقول هذه الجملة رغم غرابتها ، ويفسر جملته قائلا :" لو أعجبتني فتاة في الجامعة مثلا سأحاول أن أتقرب منها دون أن أعطيها اهتمام يلفت نظرها، سأتعامل معها على أساس الزمالة فقط كي أعرف كل شيء عنها، البنت أول ما تعرف أن الحكاية فيها زواج وعريس ترسم صورة مختلفة عن شخصيتها وتؤكد لك أنها لم تتحدث مع أي شاب أو تخرج معه في السابق".مع حبيبها.. وبسبينما يقول محمود عاشور (طالب بأكاديمية الفراعنة)أن البنت المؤدبة هي التي لا ترتدي الملابس الضيقة التي تكشف تفاصيل جسدها وكمان لا تعود لمنزلها في ساعة متأخرة و قبل كل ذلك تختار مهنة محترمة لها غير منتقدة من المجتمع.

وفاجئنا رمزي حسن برؤيته في البنت المؤدبة حيث يوضح أنها "الفتاة التي ترضى فقط بأن تكون ملك لشخص واحد يحبها وتفعل كل شيء معه دون خجل بينما مع الأخريين تكون كأمين الشرطة بمعنى إنها تتكلم مع من تحبه في كل شيء بدون أي خجل ومع أي شخص غريب لا تسمح لنفسها أن تتحدث إليه مهما كانت الظروف".

وأنت في رأيك من هي البنت المؤدبة؟

موضوع مختلف علية

أرسل هذا التعليق بواسطة : لية

يعنى اية بنت مؤدبة ؟ كل بناتنا مؤدبين والحمد للة

الا طبعا اعداد فى الفئات تكون منحرفة

والمثل البلدى بيقول كل فولة ولها كيال وكل حلة ولها غطاء

وفية واحدة خجولة جدا بتتجوز واحد جرىء جدا واحدة جريئة جدا بتتزوج واحد خجول جدا

كل فولة ولها كيال

وكل واحد بياخد الواحدة اللى تكملة

يعنى انا مثلا وشخصيا ضعيف الجسم وعدمان العافية ومتجوز واحدة كمال اجسام وبتاع كراتية وبتضرب بالروسية وتعمل مقصات وشقلباظ فى الهوا - يعنى حاجة كدة دفاع عن النفس وحاجة تكمل حاجة مش عندى

ممتاز

أرسل هذا التعليق بواسطة : ولاء الشملول

موضوع رائع يا مروة

ممتاز مثل كل موضوعاتك

اتمنى لك مزيداً من الابداع والتألق

موضوع رائع

أرسل هذا التعليق بواسطة : رشا فتحي

الموضوع تحفة جدا يا مروة بجد

وفي أنتظار المزيد من أبداعاتك

ما يقع الا الشاطر

أرسل هذا التعليق بواسطة : meda

مفيش بنت مؤدبة ولا مش خبررة

كلهم زي بعض

اول لما تتعرف عليها تبقي المودبة المحترمة وبعين تحاول تدبسك في الجوازة من غير حتي متتعرفو علي بعض كويس

ay klam

أرسل هذا التعليق بواسطة : bosy fathy

elwald by2olo ay klam y3ne eh bnt m2dba esmaha ensan mo2db w2ensan la leh bs bttklmo 3n elbnat wk2nhom mod3 etham wklam el comment mn elwlad wk2en elbnt mosh wraha sho3lana fe eldonya ela enha tw23 3rees da ay klam w2r2 mn elzmn el7gre elmafrod elwald y3amel el bent 3la enha ensanb momkn y3l6 wmomkn la wmosh 2sde a3l6 kbeera 6b3n l2ne rfdaha llbnt aw llwald

الجواب واضح من عنوانة

أرسل هذا التعليق بواسطة : ميكروجيب

المؤدبة حتفضل مؤدبة سواءلبست ديق ومكشوف ولااتحجبت اوحطت نقاب لان الادب مش لبس الادب سلوك

الأسوطي بك

أرسل هذا التعليق بواسطة : الأسيوطي

عندك حق مش باللبس االإسان يحكم على سلوك البنات او الولاد برضو الدين والأخلاق من جوه الانسان مش من براه وانا بشكر مروة لان الموضوع مهم والتناول كان مرن وعميق في الوقت نفسه

أرسل هذا التعليق بواسطة : dody punk

ya gam3a ya3ni mesh kol el banat hatkon 3ysha 7aytha 3ashan tw2a3 3ares ya3ni .. Sar7a ana msh fahma ezay fe nas btfkar keda ya3ni walahi mesh el bent hya elly btt2dm lel 3ares hwa el byegy we m7dsh bydrbo 3ala 2edo ..okay wel bent mmken tkon btklm welad w ms7ba kaman bas mo7trma b2nha bt7ot 7dod lely 2odmha okay ama elly mesh mo2daba elly btavoar ya3ni ana bashof manazer mesh kwysa 5ales walad byshed bent men sh3rha wel mafrod keda hezar walla bydrbha kda hwa elly msh tamam w ay 7ad hay5od 3anha fkera msh tamam okay w tb3an el lebs bydol 3la el sh5sya ya3ni mafesh bent mo7trma hatlbes jub 2osyra w bady daye2 mbt7slsh sra7aa da ra2y

ربنا يهدى

أرسل هذا التعليق بواسطة : ريهام

الموضو ده حلو اوى ومهم جدا اصل دلوقتى بقى صعب اوى تتاكد ان البنت مؤدبة ولا لا بس اعتقد ان اللبس عليه عامل كبير اصل البنت اللى ماتتكسفش انها تلبس لبس مش حلو تبقى فقدت جزء مهم جدا من صفات البنت المؤدبة انها تكون بتتكسف شوية دى راييى وربنا يكون فى عون اللى بيدور على عروسة لانى مش لاقية لاخويا بس برده فى بنات كتير اوى محترمة