آه.. لو كنت راجل؟!

"آه.. لو كنت راجل".. جملة ترددها الكثير من الفتيات في العديد من المواقف وخاصة في ظل العادات والتقاليد التي تميز بين الرجل والمرأة.. فماذا تفعل الفتاة لو كانت رجلا؟

مي محمد طالبة في حقوق عين شمس تتخيل نفسها رجلا قائلة :" لو كنت راجل كنت عمري ما هضحك على البنات وأوهمهم بالحب أبدا ، كنت هعتبرهم زي إخواتي بالظبط، وهدافع عن أي فتاة تتعرض لمعاكسة عشان ألاقي اللي يدافع عن بنتي أو أختي بعد كده".

وتريد مي أيضا أن تتمتع بالميزة الممنوحة للرجل فيما يتعلق بمواعيد رجوعة للمنزل مضيفة "هخرج لغاية وقت متأخر وأهم حاجه بجد كنت هأعملها أنى أجري بالليل على الكورنيش بالتريننج".

سهر وسفر

شيماء عبد المنعم تتمنى لو كانت ولدا، مؤكدة أنها كانت ستسافر و ستسهر " للفجر أو ممكن ما أرجعش البيت أساسا واقعد في الشارع لأن الهوا بالليل يجنن، وغير كده ما تعجبنيش حياة الرجالة ولا تصرفاتهم فالبنات أحسن منهم بكتير".

كذلك الحال بالنسبة لمني محمود طالبة في خدمة اجتماعية حيث قالت: "أولا مش هقعد فى البيت هخرج واقضيها بس في حدود الاحترام وكمان هسافر لوحدي مع أصدقائي خاصة أن مجتمعنا ده ما ينفعش البنت تسافر لوحدها، لكن لو راجل هسافر على حريتي.. لكن بصراحة و أنا بنت أحسن كتير".

حرية آه ..مسؤولية لا

"راجل ايه ومسئولية ايه" هكذا بدأت كلامها مروة عبد القادر، وأضافت "لا طبعا ما أحبش أكون راجل أنا شايفة إن الرجالة عليهم مسئولية كبيرة جدا ما أحبش أكون مكانهم، فمثلا لما أتجوز هقعد في البيت وجوزي هو اللي هيصرف علي ومش هتعب في حاجة لأنه هو اللي هيتحمل مسئولية المصروفات أنما أنا كفاية علي أن أكون أم لطفل يبقى راجل فى المستقبل".

وبعد فترة من التفكير قالت رحاب حسين: "هكمل نص ديني وأتجوز وأشاور على العروسة اللي علي مزاجي وهقعد على القهوة مع صحابي واشيش براحتي وممكن كمان اشرب سجاير في الشارع مش في الحمام".

إما نجلاء سعيد فتقول: "أنا لو كنت راجل كنت ضربت أي راجل ألمحه بيعاكس بنت مش حعمل يعني زي رجالة اليومين دول اللي بيشوفوا بعينهم اللي بيحصل للبنات ويقفوا يتفرجوا، لا كمان ممكن يشاركوا في المهازل اللي بتحصل وأكبر دليل التحرش اللي حصل في العيد وبيحصل كل يوم أمام الرجالة".

"كتير أوي كنت بتمني أني أكون راجل لكن راجل محترم" هكذا كانت إجابة هاجر محمد التي قالت "لو كنت راجل طبعا هخرج مع أصحابي للصبح وماما وبابا ميقدروش يغضبوا.. أنا راجل ".

وتضيف هاجر: " أهم حاجة العصمة هتكون في يدي أنا بس وكمان لو كنت راجل مستحيل أتجوز على مراتي.. ولا حاعرف بنات .. ولا حاعاكس بنات ولا أغلس على الستات اللى بتسوق جنبى أو قدامى يعني حاكون راجل محترم أوى".

سارة تختلف تماما عن هاجر و تقول" طبعا حقضيها سرمحة في الشوارع مع البنات".

الراجل يستطيع ان يجر ورائة بحبل حمار واحد - اما الفتاة فتستطيع ان تجر ورائها مائة حمار لو لبست جيبة قصيرة

أرسل هذا التعليق بواسطة : اة - لو كنت فتاة

اة لو كنت بنت

كنت خليت الاولاد يمشوا فى الشارع يتهبلوا

قال احد الشعراء وقد راى امراة جميلة

ان النساء شياطين خلقن لنا ------------------- نعوذ باللة من شر الشياطين

فردت علية المراة الجميلة

ان النساء رياحين خلقن لكم --------------------- وكلكم يشتهى شم الرياحين

تصحيح

أرسل هذا التعليق بواسطة : د/ حسام ممدوح

من خلال علاقتى الشخصية بالمحررة اقدر اقول انها ممكن تشيل لو من الجملة ببساطة وموش هيكون فى اى مشاكل

هعمل زي الرجالة

أرسل هذا التعليق بواسطة : فوفو

لو كنت راجل كنت هعمل زي الرجالة بالظبط لان مفيش احلى من حياة الرجالة

دودوووووووووووووووووو

أرسل هذا التعليق بواسطة : ميرو

يا دودو الموضوع سكر والصورة اسكر يا عسلللللللل

ميرووووووووووووووووووووووووووووووو

والله ما فيه حد سكر غيرك انتي يا عسل

أرسل هذا التعليق بواسطة : غنى عن التعريف

موضوع سخيف.. لغة ضعيفة ..تعليقات ظريفة ...!!!؟؟

احمد عز فارس الصناعه

أرسل هذا التعليق بواسطة : احمد عز فارس الصناعه

جروب جديد على الفيس بوك اسمه

احمد عز فارس الصناعه

www.facebook.com/group.php?gid=28499404177