ابن البطة السودا

هل تتذكرون قصة البطة السوداء التي وجدت نفسها بين عشرات البط الأبيض، هل تتذكرون إحساسها بالغربة.. القصة عشناها واقعا منذ أيام قليلة وفي مؤتمر ضم العشرات من شباب الإعلاميين المنتسبين إلى مؤسسات مختلفة، جسد هؤلاء فئة البط الأبيض، أما البطة السوداء فكان شاب يفخر بأنه ينتمي للحزب الوطني الديمقراطي (الحاكم).

شاب لم يتعد عمره الـ25 جلس على مقربة من منصة المحاضرين في مؤتمر حمل اسم "الإعلام الجديد وحرية التعبير" أقامته الهيئة الإنجيلية في المنيا، لم يكن أحد يلتفت إليه إلي أن جاءت فقرة تعريف كل فرد لنفسه وللجهة الإعلامية التي ينتمي إليها، جاء دوره فعرف نفسه بفخر "أحمد" من صحيفة "وطني اليوم" صحيفة الحزب الوطني.

أمن دولة

حينها قامت القاعة ولم تقعد، فعدد غير قليل من الحضور قال في نفس واحد "يييييييييييييييه"، أما أنا وعدد آخر هتفنا "مش عايزينه .. مش عايزينه"، الموقف كان مضحكا لكنه عكس أمرا بالغ الأهمية، أظهر رؤية المصريين للحزب الوطني الذي يحكمنا من سنين، رفض لم يستطع أن يخفيه أحد.

العجيب أن من بين الحضور أيضا شخص عرف نفسه وبشجاعة أنه "فلان الفلاني من أمن الدولة"، مرة أخرى وفي أقل من ربع ساعة تنطلق ضحكات الحضور قائلين "لا ده بتاع الحزب الوطني أرحم يا جماعة"، وفجأة اختفى "رجل أمن الدولة" لكن الجميع كانوا يتهامسون قائلين:"يا عم تلاقيهم بيخدعونا قال أنه من أمن الدولة وخرج من الندوة ولكن طبعا حطوا واحد تاني مكانه".

ويبدو أن نصيبي أجلسني بجوار هذا اللهو الخفي المنتمي لأمن الدولة في فترة الغداء، وبدأ يطرح علينا أسئلة مباشرة وكأننا في تحقيق من قبيل: بتشتغلوا فين؟.. انتوا من القاهرة ولا منين ؟.. إيه رأيكوا في اللي إتقال في الندوة؟.. طيب بتدخلوا على الفيس بوك وتعرفوا إسراء عبد الفتاح (صاحبة الدعوة لإضراب 6 إبريل الماضي)؟.. كشف نفسه بسهولة فقمنا بتضليله بسهولة أيضا "إحنا من أسيوط.. مين إسراء أصلا، ولا نعرف حاجة عنها".

يا عيني على الولد

عودة إلى الشاب "أحمد" ابن الحزب الوطني ، طلب الكلمة أثناء الندوة واستفاض في الحديث، وأخذنا عشرات المرات خارج موضوع ندوة "الإعلام الجديد وحرية التعبير"، ظهر وكأنه لا يفهم ما يقوله، "رغي رغي رغي" استفزنا جميعا، وأكثر من استفزهم الكاتب "عبد العظيم حماد" أحد المحاضرين، ومن على منصته ارتفع صوته موجها حديثه لأحمد: "انت إيه يا أخي ..عندك قدرة عجيبة على انك تتجاهلنا جميعا وتخرج عن الموضوع".

ومن وقتها بدأ نجم أحمد وشعوره بالفخر يخفت رغم أن عبد العظيم حماد اعتذر له، لكن وجه أحمد احمر وظل يحمر طوال مدة الرحلة التي استغرقت يوم ونصف، أما السبب فكان الجمل الساخرة من شباب الإعلاميين المشاركين في المؤتمر من أمثال

"أنت إيه اللى جابك معانا انزل من الأتوبيس متركبش معانا".."لا يا عم أنا منزلش في غرفة واحدة مع بتاع الحزب الوطني".. وفي كل وجبه كانت الجملة الشهيرة "إحنا منعدتش معاك على طربيزة واحدة" .."كارنيه الحزب الوطني اللي معاك ده عامل زي آخر ريال في كارت المينتال بيحل كل حاجة".. كلها جمل كان الشباب يقولوها لأحمد على سبيل الهزار معه، لكنها تعكس بوضوح صورة الحزب الوطني وشبابه لدي الشعب المصري.

انتهت رحلة العودة من المنيا إلى القاهرة، وودعنا بعضنا البعض بينما دارت بخاطري أغنية الرائعة شادية "يا عيني يا عيني ..يا عيني على الولد" في فيلم "شيء من الخوف"، أما الولد، فكان بلا شك "أحمد".

\"الإعلام الجديد وحرية التعبير\" أقامته الهيئة الإنجيلية في المنيا،

أرسل هذا التعليق بواسطة : مش فاكر

ايش دخل الهيئة الانجيلية في الاعلام الجديد

هو دا كان المفروض يبقى شغل امن الدولة

وايش دخل الانجيل في الاعلام

حلال للهيئة الانجيلية - انما الاخوان يعتقلوا فى الحال - اين المواطنة التى يدعونها

أرسل هذا التعليق بواسطة : مراقب

مطلوب مساواة الانجليين بالاخوان - اين المواطنة التى يدعون اليها

متغاظة آ ند مفروسة

http://haby-mochlazemneskot.blogspot.com/2008/05/blog-post_8932.html

فعدد غير قليل من الحضور قال في نفس واحد \\\\

تخلف وجهل ومرض

ليه بأه لانه شاب مثل اي شاب عايز يبدأ حياته

عايز يشتغل عايز يتجوز

فلم يجد الا هذه الجريده ليعمل فيها

تماما مثل عبدالله الطحاوي عمل في جريدة اسمها الكرباج صاحبها واحد صول

حيعمل ايه ما هو لازم يشتغل

فالاخ راح يعمل في جريدة الحزب الوطني ليس حبا في الوطني ولكن حبا في العمل ولم يكن هناك مجال اخر ليعمل فيه

فكون اننا نقول ييييييييييييييييييييه مش عايزنه مش عايزينه

دا تخلف

رجعية

ثانيا دا اسمه احمد يعني مسلم زينا زيه

سلام

الحزب الوطني من ممتلكات مصر المسلمة وليس ملكأ لاحد

أرسل هذا التعليق بواسطة : مش رضوى حسن ولا مرو صلاح

حول مقولة (ييييييييييييييييييييييه) (مش عايزينه.. مش عايزيه) عندما عرف الصحفي نفسه بانه من جريدة الحزب الوطني

نرد ونقول

ان الحزب الوطني حزب مسلم سني تماما مثله مثل وزارة الدفاع جيشها جيش مسلم سني وبقية ممتلكات الدولة والحوب الوطني كل اعضائه مسلمين سنه والحمد لله ومصر دولة اسلامية يدين اهلها بالاسلام على المذهب السني بنسبة 94%

فالمطلوب الان هو اناس ينشرون هذا الفكر بين الناس ليوقظوهم من هذا الثبات العميق

مش عايزين حد تافه يقول يييييييييييييييه يييييييييييييييييييه مش عايزنه مش عايزينه

مش عايزينه ليه يا روح امك انت وهو وهي وهي

مش بشر زيكم

هو مصري مسلم سني وانتم مصريين مسلمين سنه

اصحوا بقا وبلاش شغل الاخوان الزفت دا بقا اللي فرقت مسلمين البلد

الاتحاد الاشتراكى سابقا هو الحزب الوطنى حاليا - نفس المقرات ونفس الوجوة ونفس الاشخاص

أرسل هذا التعليق بواسطة : سحلوب

حزب تكون بقرار سيادى من فوق - المرحوم السادات بطل الحرب وبتاع كل الضربات البرية والمدرعة والجوية اصدر قرار بتكوينة

انما الحزب الللى كونة الشعب وكان لة قاعدة شعبية وطنية كبيرة بعد ثورة 1919 بواسطة سعد باشا زغلول فهو حزب الشعب

لماذا لم ينضم الناس لحزب الوفد ؟

لانة تبنى نهج راسمالى فج لا يتناسب مع امكانيات مصر المادية الفقيرة ولانة ابتدا فى شتم ثورة 23 يوليو ورموزها وطالب بهدم السد العالى فقرف منة الناس

ماذا يناسب مصر من الاحزاب ؟

تمام زى المانيا

فى المانيا حزب كبير ورائع اسمة الحزب الديمقراطى الاشتراكى المسيحى

نريد فى مصر حزب على وزنة

الحزب الديمقراطى الاشتراكى المسلم

يراعى امكانيات موارد البلد الفقيرة ويستغلها ويبعد عن حاجة اسمها البنك الدولى ويتخذ سياسة وطنية قومية بحتة

يييييييييييييييييييييييه مش عايزنه مش عايزينه

حزب الاخوان المسلمين

عايزين اهل السنة والجماعة

ده مش أسلوب حوار

أرسل هذا التعليق بواسطة : مواطن كل حاجة بيشوفها رخيصة

الحزن الواطي مش محتاج أن حد يتكلم عن جمال عيون أو إنجازاته فله من الجرائد ما يكفيه ومن الأفواه التي تستحق أن تلجم بالنيران ما يكفي .... أما أحمد فيجب ألا نهاجمه في شخصه فالهجوم موجه لما يمثله وأتمني من الجميع مراعاة أسلوب الحوار (( الاسلام هو الحل شرع المولي عز وجل )) طول ما احنا بعاد عن ربنا عمرنا ما هنكون في مقدمة الأمم.

(( الاسلام هو الحل شرع المولي عز وجل ))

أرسل هذا التعليق بواسطة : الى الاخ اللي فوق

دا كلامك مظبوط ولكن يا اخي العزيز في حاجه اسمها علامات يوم القيامه

العلامات الصغرى

العلامات الكبرى

من العلامات الصغرى قبض العلم

ممكن تحللي الاشكالية دي والله ازاي حنطبق شرع الله في زمن قبض العلم

يا اخي الكريم انا بفضل الله بصلي جماعة في المسجد في بلد الازهر والله العظيم تلاته في اكبر المساجد المسلمين مش عارفين يصلوا جماعة صح ولا فيه امام يعلمهم الصلاه

ودا تصحيح لعلامات يوم القيامه قبض العلم والرؤوس الجهال

ممكن تروح للشيخ محمد عبد الله الخطيب بصفته الازهري الوحيد في مكتب الارشاد ونساله ازاي حنقيم دولة اسلامية في زمن قبض العلم

اظن سؤالي واضح

وشكرا

القرار الصعب

أرسل هذا التعليق بواسطة : انا مانيش مصري

صدقوني راح تندمو عليها لو عملتوها الجزائر قبلكم كانوا يقولوا جبهة الانقاد وبدا فيهم التفجير والقتل والتهجير في كل مكان

السنه شوي والشيعه شوي والقاعده والتكفير وكوارت ليها اول ماليهاش اخر

مصر ام الدنيا وحلوه وفيها امان وخير وبركه حافظوا عليها شعب متماسك بلاش الدين في السياسه .

ونجاح الحزب الوطني مستمد من الدين لله والوطن للجميع فيه كل الاديان حتي الي ماعنداش دين

هده نصيحه لكل مواطن مصري مدوا ايديكم كونوا متكاتفين .

ايه اللى بيحصل ده

أرسل هذا التعليق بواسطة : مونى

انا شايفه كل الاخوه اللى علقو قبلى قلبو الموضوع من سياسى لدينى يا اخونا بلاش خلط الامور

الموضوع ببساطه ان احنا شعب مسير وليس مخير

يعنى احنا عاجبنا مش عاجبنا الحزب الوطنى والحكومه بيعملو اللى هما عاوزينو

وبالعكس الاستاذ احمد (من الحزب الوطنى)مش ابن البطه السودا ده وجودو ف المؤتمر دليل على ان احنا مغصوبين على كل حاجه

متنسوش مؤسس حزب الوطنى هو المحامى البارع مصطفى كامل

أرسل هذا التعليق بواسطة : laweryasser@yhoo.com

الحزب الوطنى الديمقراطى مظلوم لكن بجد هو حزب عظيم رغم انى مش منتمى له لكنه تحس انه عباره عن دوله فيها معارضيين ومؤيدين داخله ده غير اى مشروع قانون بيتناقش فيه ف الحزب قبل مجلس الشعب هاتولى حزب تانى ف مصر كده؟؟؟؟ خليكم واقعيين وسيبكم من كرهكم للحزب ......فيه عك اصلا لان الحزب المفروض ملوش علاقه بالحكومه ده القانون....لكن مش صح انك تعارض انتماء معين حزب وطنى ولا غيره ....اللى ماسك البلد هو الديمقراطى فيجب كلنا وراه

شاهدوا الامريكيين الجمهورين بعد ماكسب اوباما كلهم حيوه ونسوا انتمائتهم لكن مكرهوش الرئيس علشان هو مش من خزبهم ولا انتماءهم له ...لاء....هو ف الاصل مواطن امريكى

خراب ياحرية عمار يامصر

أرسل هذا التعليق بواسطة : haytham

ياليل مااطولك 700000000000000000000000000000000000000 مرة

http://forums.msryat.org

يارب أرحم

أرسل هذا التعليق بواسطة : فتاه من الصعيد الجوانى

الكلام قلبتوه ليه يعنى أن ماكنش عاجبنا الحزب الوطنى يبقى الأخوان أيه المصيبه دى وبعدين مين أبن البطه السوده ده أحنا ولاد الجاريه وماحدش فى اللى بيلعبو سياسه يهمه أمرنا هوه بس يقعد وهتشوفو