تتجوز واحدة من الملجأ؟

أحيانا يشاء القدر ويعيش أحدنا بغير اختياره في أحد الملاجيء أو الجمعيات الخيرية لأي سبب ليس له أي دخل فيه، أو لذنب لم يقترفه، يكبر ولكن يظل ماضيه يلاحقه مؤثرا علي مستقبله وعلاقته بالمجتمع أو بمعني أدق مع من يهواه قلبه .. فهل تقبل أو تقبلين الزواج من فتاة أو شاب عاشوا عمرهم في الملجأ.

يقول إسماعيل الجمل.. المشكلة أن المجتمع المصري فكرته عن الملجأ سيئة جدا، ولكني اعتقد أن الفتاة لو عاشت في ملجأ فهذا لا يعيبها فلو كانت محترمة وتعرف دينها موافق طبعا أتجوزها لأن ممكن أقابلها وأحبها من غير معرف كل دا، ومن ناحية ثانية في بنات كثير متربية في أفخم البيوت ومفكرش أنى أبص لها لسلوكها.

لا طبعا

وبعكس سابقها تقول نهاد شلبي: بصراحة مش هينفع لأن المجتمع للأسف بيحاسب الإنسان على حاجه ملوش ذنب فيها وممكن أي حد فينا كان يبقى مكانه وأنا لو كان كويس ليه لا مش هرفض بس المجتمع هو اللي هيرفض بالرغم من أنه ممكن تكون تربية الملجأ أحسن من تربية الوزير.

دينا عاطف ترفض هذه الزيجة فهي ترى أن هذا الرجل سيكون "ابن شوارع أو ابن خطيئة آه ممكن يكون تربيتهم أحسن من ناس تانيه كثير وليس لهم ذنب إنهم بقوا كده لكن أنا مش متربية ومتعلمة أحسن تعليم علشان آخذ حد كدا في الآخر ومش هعمل متحضرة وأقول دا محترم وكويس ممكن يكون كده لكن في نفس الوقت ملوش أهل أنا مقدرش أتحمل مسئولية حد كدا ولو فرضا وافقت هقول لأولادي أهل والدكم مين".

هو حرام

وتندهش جهاد محمد قائلة "هو الزواج من اللي في الملجأ حرام ولا إيه ؟ ما عبد الحليم حافظ كان في ملجأ على ما أعتقد وناس كثير كانت هتموت عليه وعلى ما اسمع إن في واحده انتحرت وقت موته، وبالنسبة لي هذا لا يشكل اى ضرر لأن العائلة عندي هنا ممكن تكون مختلفة في تفكيرها عن اى عائلة تانيه لأن كل فرد يتحمل نتيجة أفعاله سواء خطأ أو صح، فلو أنا موافقة يبقى مفيش رفض لأن القرار قرار نفسي ولو الفرد مؤمن بفكره أكيد هيقنع المجتمع بيها، المجتمع محتاج حمله توعيه لكل من تربى في الملجأ.

أهم شىء بالنسبة لرحاب الطحان أن "احترم الشخصية وأحبها بالنسبة لأهلي أكيد هيكون في شيء من عدم التقبل أما أصحابي فملهمش عندي سلطان طالما اللي بعمله مش مخالف لشريعة ربنا".

الحب بالعقل

ويرفض محمد السيسي قائلا "طبعا مش هقبل لأن هناك فرق في الثقافة والتربية بينا وهذا وضع طبيعي ينتج من الوسط اللي كانت عايشة فيه ورفضي مش عشان نظرة المجتمع ولا أصحابي لكن لأن أفكارنا مش واحده".

أما أحمد عماد فيرى أن" أي بنت بالعالم تصلح أن تكون زوجة لكن بشروط أولا سمعة الملجأ اللي كانت فيه وسمعتها وتصرفاتها وأخلاقها بالملجأ، وطبعا قبل كل دا لازم أعرف هيا دخلت الملجأ ليه لأنها ممكن تكون طفلة غير شرعية ومصابة بمرض خبيث ويقول البعض أنها ليس ذنبها أنها تربت وعاشت في ملجأ ولكن أنا إيه ذنبي أنا كمان".

ويقول د. أكرم زيدان أستاذ علم النفس أن التأثيرات السلبية ترجع لشخصية الفرد نفسه وليس مكانه ، فعندما اختار الشخص وأرى انه مناسب لي بإرادتي غالبا لا تظهر أثار سلبية، وفي حالة اختيار الشخص الذي عاش حياته في الملجأ ربما يكون هو نفسه لم يتقبل وضعه وهو الأمر الذي يخلق عقدة ناتجة عن النقص فتظهر المشاكل".

ويضيف "فتفتعل من الأمور البسيطة مشكلات لشعوره أو شعورها أنهم أقل من الطرف الآخر وعاشوا في الملجأ وهو نفس الأمر الذي يحدث في حالة وجود فروق في المؤهلات أو التفكير فيصبح هناك حساسية بين الطرفين في تفسير الأمور والطفل الذي تربى في الملجأ من الطبيعي أن يكون لديه مركبات نقص وأيضا الشخص السوي لديه نقص ولكنه نقص غير دال كما نقول في علم النفس أي انه غير مؤثر وربما يكون واضح ولكنه عادة لا يسبب مشكلات في الحياة بينما الشخص الذي عاش حياته في الملجأ فيكون لديه نقص دال أي يكون ظاهر في حياته دائما ويؤثر على علاقته بالآخرين".

ما عبد الحليم حافظ كان في ملجأ على ما أعتقد وناس كثير كانت هتموت عليه

أرسل هذا التعليق بواسطة : مش حتجوز

لا يا حبيبتي الناس كانت حتموت عليه لما بقى غني

المرأة الحسناء فى منبت السوء

أرسل هذا التعليق بواسطة : مش معقول

هناك حديث ينهى عن الزواج من المرأة التى تربت فى وسط سيىء او بيئة فاسدة وتطبعت بسلوك مشين

الحديث الشريف

أرسل هذا التعليق بواسطة : مصراوى

قال رسول اللة صلى اللة علية وسلم

اياك وخضراء الدمن - قيل يا رسول اللة وما خضراء الدمن ؟ قال المراة الحسناء فى منبت السوء

الملجأ ليس منبت سوء

أرسل هذا التعليق بواسطة : الى المعلقين السابقين

الملجأ ليس منبت سوء

المنبت السوء هو المكان الذي يكثر فيه الرقص وشرب الخمر والاختلاط

اما الملجأ مكان منضبت ما بيحصلش فيه الحجات دي

أرسل هذا التعليق بواسطة : nnn

www.imglove.com

اكبر مركز تحميل صور فى العالم

اتجوزها واتجوز ابوها كمان يا ابو حنفي يا محمود

أرسل هذا التعليق بواسطة : مش شريف الدواخلي ولاالبراء اشرف

اتجوزها واتجنوز ابوها كمان

هي مش واحدة ست وعندها اعضاء تناسلية زيها زي بنت الحسب والنسب

يبقى ايه المشكلة.. من الملجأ من كوكب تاني اتجوزها واتجوز اللي جابوها كمان

وححترمها وححافظ عليها زيها زي بنت رئيس الجمهورية

سلام يا ابو حنفي