مطالبات بمد مهلة (ابنى بيتك)

بعثت حركة مواطنون ضد الغلاء بمذكرة عاجلة للمهندس أحمد المغربي وزير الإسكان، طالبت فيها بمدِّ المهلة الممنوحة لشباب مشروع (ابني بيتك)؛ حتى يتمكن الشباب من مواجهة تداعيات الارتفاع غير المبرَّر للإسمنت -كما ذكر موقع إخوان أون لاين-

وطالبت الحركة بأن يكون بناء الدور الأرضي في عام كامل بدون تقسيمه إلى مراحل أو ضمّ فترة الأساسات والأعمدة إلى فترة السقف في خلال 6 شهور بدلاً من 3 أشهر للمرحلة الواحدة، وهو ما يقلِّل الطلب على الإسمنت، ويُسهم إلى حدٍّ كبير في تخفيض أسعاره، كما طالبت الحركة الوزارة بمواصلة دورها الاجتماعي في رعاية محدودي الدخل.

وناشد محمود العسقلاني الناطق باسم الحركة الوزارة بتخصيص منافذ بيع دائمة لمواد البناء، وخاصةً الحديد والإسمنت في مدن مشروع (ابني بيتك)؛ على أن يكون البيع للشباب بسعر المصنع؛ تيسيرًا عليهم وحتى يتمكَّنوا من استكمال البناء.

حركة مواطنون ضد الغلاء

أرسل هذا التعليق بواسطة : مش حركات

حتى كمان الغلاء عملولوا حركة

اكيد الزعيم بتاعهم محامي

تداعيات الارتفاع غير المبرَّر للإسمنت

ازاي بقا غير مبرر

اصل الراجل اللي ماسك الاسمنت ابن عم الراجل اللي ماسك الحديد

وبعدين اللي ماسك الحديد معاه 40 مليار

واللي ماسك الاسمنت معاه 15 مليار بس

فالراجل بتاع الحديد اللي معاه 40 مليار بيعاير ابن عمه بتاع الاسمنت اللي معاه 15 مليار بس وبيقوله يا شحات

فالراجل بتاع الاسمنت اللي معاه 15 مليار بس اضطر لرفع سعر الاسمنت علشان خاطر يرفع رصيده الى 20 مليار علشان خاطر يبقى غني زي الراجل بتاع الحديد

فنرجو من الاخوة الشباب بتوع مشروع ابني بيتك انهم يستحملوا شوية ارتفاع الاسعار بتاعة الاسمنت علشان خاطر الراجل بتاع الاسمنت زعلان انه معهوش غير 15 مليار بس وعلشان خاطر الراجل بتاع الحديد يبطل يعايره ويقوله يا شحات

معلش يا شباب طلعوا اللي تحت البلاطه علشان خاطر بتاع الاسمنت اللي عنده 15 مليار يقدر يرد على ابن عمه اللي عنده 40 مليار

سلام يا شباب