كباريكي.. يا مصر!
لا أحد ينكر أن الكباري في مصر هي أحد أكبر المظاهر الحضارية، والتي تمثل - إلى جانب الأهرامات الثلاثة - مصدر فخر واعتزاز لأي إنسان مصري للحد الذي دفع البعض إلى إطلاق اسم "حكومة الكباري" على الحكومة المصرية، (وده طبعا تعبير عن مجهودات الحكومة في بناء الكباري)..
الملاحظ أن المواطن المصري بذكائه المعهود قد نجح أن يحول هذه الكباري بقدرة قادر من مظهر حضاري يخدم أغراضه إلى مظهر لا حضاري لكن يخدم أغراضه برضه.
الكوبري ماركت
فوق أي كوبري مشاه في جمهورية مصر العالمية - على رأى الأستاذ اللمبى – لازم يكون حاجة من أتنين، يا إما سوق صغير وفيه تلاقى سعادتك العديد من البائعين اللي يبيعوا كل حاجة من الإبرة للصاروخ زى ما بيقولوا إشي فلآيات شعر من اللي بتطلع ألف أملاية وأطباق بلاستيك واستانلس أو جرايد أو خضار وفاكهة وأي حاجة ممكن تتخيلها أو ماتتخيلهاش.
أو أن الكوبري ده تلاقيه فاضي الصبح وبالليل مافيهوش إضاءة خالص ويتم استعماله استعمالات أخرى لا تحتاج إضاءة غالبا والأعمال دي تبدأ بأعمال "التقليب" والسرقة بالإكراه ولا تنتهي بتجارة المخدرات سواء البانجو أو الحشيش وكله حسب متطلبات السوق والمستهلك.. ده طبعا بجانب الاستخدام الأساسي للمناطق الضلمة.. وإنت فاهمني طبعا
والى جانب الأعمال المنافية للآداب العامة (والخاصة كمان) فيه ناس بتعدي مخصوص على الكباري الظلمة بالليل يمكن يمسك حد بيعمل حاجة زى كده علشان يوديه القسم طبعا.
موقف جديد
وعلى الرغم من أن الكباري العلوية في أغلبها من فوق مظهر اجتماعي مشرف إلا إن بعضها نجح أيضا الإنسان المصري في تحويلها لخدمة أغراضه فعلى كوبري "غمرة" العلوي مثلا تلاقى كل حاجة من التمر هندي والفاكهة لأدوات المنزل والتليفون المحمول ده غير أن بقى فيه مواقف ميكروباص على الكوبري من فوق ولا تقولي ممنوع الركن فوق الكوبري ولا كلام من ده وبرضه كله لازم يرزق يعنى السواقين يعملوا إيه.
من تحت
أما قمة حضارة الكباري عند المواطن المصري فهي تتمثل في الكباري من تحت فالمصري نجح في توحيد استخدامات كباري المشاة وكباري السيارات الاثنين في ثلاث استخدامات بس – في الغالب يعنى - الأول استخدامه كموقف للسيارات وده مش عيب، بس الحكومة لازم تاخد حقها برضه ما هي اللي صرفت على الكباري.
والتاني لوكاندة جميلة جدا للمشردين في الأرض في الشتاء والصيف وده برضه مش عيب لأنه بيساهم في حل أزمة السكان ونحمد ربنا إن الناس اتصرفت ولقت مكان تنام فيه أحسن من اللي نايم في الشارع ومستني حد يساعده.
سر الريحة
أما الاستخدام التالت فطبعا كل الناس عرفاه من الريحة الجميلة جدا اللي الواحد بيشمها أول ما يعدي من جنب كوبري - مش من تحته كمان – وأنا أتحدى أي واحد أنه يقدر يقعد تحت حته معينة في الكوبري اللي قدام مبنى الإذاعة والتليفزيون "ماسبيرو" أكتر من عشر دقايق ويطلع سليم.
فن سروالي
وأنا لغاية لما كبرت مكنتش أعرف سر الريحة دى إيه لكن كنت بكون معجب جدا بالخطوط "الثعبانية" اللي موجودة على التراب تحت الكباري وكنت بقول هو ده أكيد اللي بيقولوا عليه الفن "السروالي" واسأل نفسي دائما من الفنان اللي تعب نفسه ويرسم تحت الكوبري.
وكنت بقول أكيد الريحة الوحشة دى من الألوان اللي هو بيستعملها وافتكر أنى مرة لقيت واحد واقف تحت الكوبري ومدي الناس ظهره فقلت بيني وبين نفسي هو ده أكيد الفنان الكبير و طلعت أجرى عليه إلا أن السيد الوالد قام زعق وندالى وهو بيشتم وطبعا أنا لما كبرت عرفت إن الرسومات دى مش سببها فنان واحد وإنما كثير وإن الشعب المصري ده طلع شعب فنان وأنا معرفش.
وربما تعود رغبة الشعب المصري في الرسم تحت الكباري إلي عدم توافر دورات مياه عامة في أغلب ميادين القاهرة وشوارعها المهمة حتى يمارس فيها المصريين هواية الرسم، إلى جانب الغناء، ففي ميدان طلعت حرب مثلا أو شارع الجلاء ما أعتقدش أني شفت هناك أي دورة مياه عامة قبل كده.
دورات الرسم
ده غير أن دورة الرسم - أقصد المياه – الوحيدة اللي في ميدان عبد المنعم رياض مش شغالة وممكن جدا نسمع بعد كده أن اللي بيمارسوا الرسم تحت الكباري مش وطنيين أو من جماعات هدفها تطفيش السياح الأجانب من مصر لإن طبعا الأجانب صعب عليهم أن هما يشموا ريحة الألوان المصرية الصنع اللي بيترسم بها تحت الكباري لأنى أعتقد أن مفيش أجنبي بيجى مصر ومايعديش ولو بالصدفة من جنب كوبري أو من تحته .
وأخيرا رجاء أحب أقدمه إلى أي واحد تطلب معاه يرسم و هو فى وسط البلد أو أي حته إنه يدور على أي قهوة قريبة أو يدخل أي محل وجبات سريعة من الحاجات الفايف ستارز ويسال على المرسم وبلاش الرسم تحت الكباري إلا لو كان الموضوع ده بقى إدمان عند الناس.
*شاهد جاليري رسومات تحت الكوبري:
* للعودة إلى صفحة الملف الرئيسية، اضغط على هذا الرابط
e4ad
بعد خراب مالطا
بعد خراب مالطا عشرينات جاية تعمل تحقيقات صحفية
ههههههههههههههههههههههههههههههههه
مقال في الجول
أرسل هذا التعليق بواسطة : هاني العدوي
بجد أنتم مشكورين على المقال ده بقالي سنين مستحمل ريحة المكان ده لأنه طريق شغلي وبقول مش معقول المسئولين مناخيرهم خشب خصوصا لان في ضباط كتير في هذا المكان و أنا أساسا كنت شاكك في الضباط وكنت مستغرب مرور هذه السنوات من غير ما حد يكتب عنه
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
حلوووووووة قوي
برافو عليكم
لقطة جنان
هو انتوا كيف "سيَّلت" لكم أنفسكم تحطوا اللوجو بتاع الموقع تحت كده؟!!
و دهشتي!
الموضوع مهم جدا وانا شخصيا متدايق جدا من الموضوع ده بس طالما فيه ناس بتسعا معايا انا شاء الله الظاهره ديه هتختفى
بسم الله الرحمن الرحيم طبعا الموضوع دة لا يختلف علية اتنين برغم ان استاذ احمد الهواري صديقي العزيز اجاد استخدام بعض المصطلحات.
وجهة نظري ان الشعب المصري لما بيعمل كدة مش علشان (يفك زنقتة ) و انما دة تعبير عن الاستياء.
بمعني اخر الشعب نفسة في كدة يعني لو جبتلة حمام او دورة مياة هيسيبها و هيقف يرسم برضة.
و بعدين اية هي البلد؟
البلد هي عبارة عن دورة مياة او حمام كبير و اكيد انتو فاهمين قصدي.
وبعدين الحكومة عاملة الكباري مخصوص علشان كدة ( تمسك الناس و هي بترسم )
عموما ربنا يقلل من الكباري
الله يقرفكم
علشان بس تعرفو ان البلد مليانة فنانين
فن سريالى
وفن تشكيلى
وفن اشكيلك
الفراعنة برضة كانو بيعملو كدة تحت الهرم مش كدة ولا اية ولا كانو بيروحو كنتاكى ولا اى قهوة
هههههههههههه
مرسى على الموضوع
essam_ahmed_844@hotmail.com
لقد وصلت الينا الرائحة
على فكرة كان اول حاجة ادتنا صفر فى المونديال
هية عدم وجود جاليرهات اقصد حمامات عامة
فايعينى المواطن الفنان المزنوق يعمل اية
الله يقرفة
مواطن معفن
خلاص ؟؟ مفيش افكار غير الموضوع اللي يسد النفس ده؟؟
معجبنيش !!
اظن كله شم الريحة واتكيف بس مبصش لحاجة ابعد من كدة وهى ان المواطن لو حاسس ان البلدبتاعته والكوبرى ده بتاعه اكيد مكانش عمل كدة لأن مفيش حد بيعمل كدةفى بيته وطبعا لأنه لاقى فيه حمام والمواطن زى ماأنتوا عارفين مزنوق والمجارى طفحة عنده وعارف ان البلدبتاع ولادالكلب يفكوا زنقتهم على الناس زى ماهم عايزين
يعني والنبي يعملوا اية بس و هما قرفانين من البلد واللي بيحصل فيها... هما عايزين يقولوا ان احنا نفسنا نعمل كدة بس مش تحت الكوبري وانتوا فاهمين فين بقى........
كنت أتمنى أن أشاهد بعض الصور ل..(أبرز) الأعمال الفنية باستخدام مادة الصلصال أو ما يشبهها فهي تضيف متعة للعين و(تدفق) للشعور تجعله ( يسيل ) ..يالله ربنا يسهل للجميع ويجعله (عامل)...
بجد الموضوع ده بقى فعلا ظاهرة، و ياعينى بقى لما تيجي تتفرج على سواقيين التاكسي و المكروباصات على السور الي بعد مترو الجامعة، نص سواقيين مصر بيروحو يرسمو هناااك ، ههههههههه .
و دي بعض دورات الرسم - المياه طبعا - الي ممكن الناس تغنى فيهافى وسط البلد، براحتها و ببلاش كمان D:
1. كنتاكي، و ده طبعا احسن مكان
2. فى 2 كوفى شوب جنب كنتاكي، كمان
3. البستان سنتر، و لو الفراش قالك صباح الخير يا بيه قولو " صباح النور"
4. فى جراج جنب الهيلتون فيه عدد 2 مبولة، و احواض وضوء فى اوله
و اخيرا عايز اشكر الحكومة انها رجمتنا من الحمام العمومى الي كان تحت كوبري اكتوبر الي من ناحية سلم التحرير و بدلته بجنينة دمها خفيف، و غقبال بيقيت الدورات الكوبريه D:
شكر خاص لمصاعيبو علي مصطلح الفن السروالي
فتاة مستاءة
المرة الجيه موضوع عن تفافة السواقين وبالذات بتوع التاكسي
بالصور بقى هه مش هنوصيكو
أنا شايف ان الموضوع هايل بصراحة
لقطة حلوة
مقرفة اه.. بس حلوة
وطريقه العرض والصياغه مفيش احلى واظرف من كدة
بس الصورة اثارت غثيانى اوى
يبقى انت اكيد اكيد ف مصر
اظن لو فيه دورة مياه مكنش ده كله حصل ده حتى مكان دورة المياه بفلوس تدخله بفلوس عايز المواطن يعمل ايه كمان الزباله المرميه دى لو كان فيه صناديق زباله مكنش الواحد رمى حاجة على الارض
انا شايف ان الشعب بيعتبر حسنى بلاعه ده وحكومته هم المبوله ولازم يمارس نشاطه عليهم يعنى هيطلع غلبه فى مين
الفنان هو اللى الذى يعبر عن حالة المجتمع و(يتفاعل معه) وقد تعرف عادات مجتمع ما من آثار و رسومات فنانيهم ولو كتب لهذه اللوحات الخلود لعرف العالم اجمع في المستقبل ماذا كان حال مصر في تلك الفترة العصيبة
تحية إلي الانسان المصري المبدع..... حياتنا كلها إبداع.... تبدأ من المقدرة و اللياقة البدنية و الخفة في اللحاق بالاوتوبيس تليها الصبر و تحمل زنقة المواصلات و تليهافن كتم الغيظ و الإبداع أمام مدير متسلط مش فاهم راسه من رجلة.... و نهاية بعقلية إقتصادية مبدعة في مواجة طوفان غلاء ..... و
يا جماعة كل الصور اللي شوفناها و حسينا بيهاو تقريبا شمناها دي عبارة عن شفرة دافينشي..... من خلال كل الصور دي و بعد ما فكينا الشفرة العجيبة دي..... لقينا ان دي رسالة تحذير من الأنسان المصري للإنسان المصري.... و لو استمر حالنا علي كده..... مصر كلها هتغرق و الصور دي هتبقي في كل حته في مصر مش تحت و فوق الكباري بس (مغترب)
لما تلاقى الرسم اوعى تنسى انك فى مصر شفوا براعة الفراعين فى الرسم على الجدران
ما هوالسر فى اهتمام القياده
السياسيه و اكبر راس فيها ببناء الكبارى و أخيرا عرفت
عقد من ايام الطفوله
أأأأأأأأأأأأأأأأه يــــــــــا بـــــــــلــــــــدى
الموضوع هايل ومعمول بذكاء شديد واهم مافية الجانب الساخر اليشد الجن الازرق الية فى خضم هذا الكم الهائل من المقالات
لماذا لاندخل بهذه المجموعة من الصور في المسابقات العالمية وبينالي ايطاليا على وجه الخصوص لنكون اول دولة في العالم ترسم بالماء الحار وغاز الامونيا،وبذلك ننجح في اي شيء بعد فشلنا الذريع بدءا بصفر المونديال وانتهاء بالتأبيدة المباركة وكل خمس وعشرين سنة والشعب المصري بخير
أنا قضيت ليلة تحت كوبري الجلاء علشان قريبي كان بيتعرض في نيابة الجلاء الحقيقة ليلة كاملة مع الروائح اللطيفة جابتلي أنفلونزا الطيور
كفاية اللة يهديك مناخيرى جالها زكام من الريحة
و مش عارف الاخ بتاع هههههههه عاجباه الصور قوي كده ليه ؟ و لا هو بيقف تحت الكباري دي كتير
يا جماعة للآسف في محطة سكك حديد مصر ((رمسيس)) موجود النفر بربع جنيه 25 قرش شوفوا كام ربع جنيه في اليوم وكام واحد مسافر هو وأسرته أو منفردا وشوفوا كام رجل بتدوس في محطة مصر يعني بصريح العبارة الموضوع اقتصادي طحن انا عن نفسي شخيت بـ 25 قرش
يا جماعة الحكومة معذوره. ما فيهاش مشكلة انها تبني كباري و نسيت تبني حمامات عامة. و جلا من لا يسهو ... و يجعله عامر !
والله الموضوع جميل وكويس قوى بس هو الاغتراب اللى عامل فى الناس كده، الناس حاسة ان البلد مسروقه ومنهوبة ومافيش وعى والغوغائية هى اللى بتحكمنا والموضوع ده عام يعنى اللى بيعمل كده مين سواقين الميكروباص والعساكر اللى ممكن تبقى واقفة فى الميدان لانه حيروح فين وسواقين النقل العام لان برضه مافيش مكان وواحد ياعينى عنده السكر ومايقدرش يمسك نفسه طيب حيروح فين؟؟؟؟؟
وكل ده سوء تخطيط وقلة أدب من الحكومة دلوقتى بكتب لك على دورات المياه الدخول برسوم مقررة من لمحافظة طيب لما يكون ناس غلبانة عارف بيروح يعملها على الحيطة اللى فى ضهر دورة المياه مباشرة.
مش باقولك سوء تخطيط من حكومة أستنزافية.
يارب ارفع غضبك و مقتك عنا يارب نحب بعض و نشتغل بجد لاجل نبني بلدنا و كفاينا قذاره
صور مثل هذه تعرض في موقع مثل هذا عيب..!
هى دى مصر يا عبله ونورتوووووووووووووووووووووووووووا مصر
هعغىخعغىنفغغغغغغغغغرثؤصفققققققققققققلغعفعاتفهاهههههههههههه هغفا عهفهعغف عفهعف عغهغثص3صف08عهعلا هفغللاهغ
اعتقد ان الموضوع مش استياء الشعب ولا حاجة وان لو الحكومة عملت حمامات عامة هايسيبوهاو يرسمو برضه لا لا . طب انا اول واحد مستاء و لكني لو محصور مش ممكن ارسم في الشارع.
المشكلة في اللامبالاة و الذوق العام اللي ضاع للأسف عند معظم الناس .. وافرجها علينا يارب
طب ولية مانسالش نفسنا مين السبب؟؟ مين اللى خلى الناس تعمل كدة؟؟هوة حد يرضى يضربلدة ؟؟ ابدا بس مفيش غيرة هوة السبب حسني مبارك خلانا ماعندنا ذوق ولا ادب ولا احساس
يالا ادوها طراوة وياريت جنب كوبري القبة
علشان يحس ويشم مواجعنا
لعل النخوة تتحرك فيه ويسيبها مخضرة لينا
الله يقرفة زي ماقرفنا
بصراحه مناظر صعبه اوى ومكنتش فهماها اوى الا لما قرأت التعليقات وعرفت هى ايه
بجد حاجه مقرفه !!!
ماشى شكرا على الموضوع واحنا عارفين والله البيحصل فى مصر ماجيش بقا وتعملها علنى على النت صح انت كدة بقا بتوحش صورة مصر فى الخارج صح بيقوالو علينا الحنا متخلفين هم صح علشان احنا بنوريهم الحجات المشلطيفة عندنا وكدة السياحة بتدهور شكرا
mana
الموضوع ده خطير جدا شويه جدبقى لان بعد مده حيحصل تفاعل والكبارى حتنهد
مش غريبة عليك يا مصر اللي بيعملوه ولادك فيك
قرأت أحد كتب التراث وربما كان تاريخ الجبرتي: أن صلاح الدين الأيوبي لما نزل بديار مصر ورأى ظاهرة التبول في الطرقات أصدر حكما بجلد كل من سولت له نفسه أن يشخ في الطريق وبل الفعل امتنع التاس عن ذلك
يحكي الجبرتي أن القاهرة سالت أزقتها وشوارعها أنهارا من البول يوم أن سمع الناس خبر وفاة صلاح الدين الأيوبي
تفتكروا ليه؟
حنبص نلاقى ان المصرى مبيحترمش بلدة و لا المصرى اللى زية مع انة لو سافر برة حنلاقية بيحترم البلد اللى راحلها هى و اهلهااكثر من بلدة و دة طبعا شىء راجع لعقدة النقص اللى عندة واحساسة بالفقر والعوز و التربية الغلط اللى اتربى عليها و اللى علمتة ان الاجنبى احسن منة
والله انا قرات كل التعليقات تقريبا واجمعها فى امرين اللى انا شايف من وجهة نظرى المتواضعة انهم السبب فى الفن الجميل اللى تحت الكبارى:
1- ده سلوك شعب سلبى من ضمن الاف السلوكيات المتناقضة فى مجتمعنا ذى رمى الزبالة فى الشوارع والمرور وسط الطريق بالرغم من وجود كبارى وانفاق لعبور المشاه يعنى الاول هوة سلوك
2- ان كل واحد- مش الكل طبعا- الغالبية بتشعر ان هى بتقضى يومها ولحظتها فى البلد دى وبس يعنى مش مشكلة عندها غير حالها هى بس والبلد تولع والسبب طبعا ضيق الحال والبحث الصعب عن لقمة العيش والغلى وضعف او نقزل انعدام الدخل فى الوقت اللى بيسمعه فيه ارقام خيالية مسروقة من البلد ..نفس البلد اللى هما مش لاقين فيها قيمتهم او لقمة عيشهم
بس بصراحة اسلوب ممتاز لعرض نقدلازع لحال مجتمعنا
http://hanyalfawal.jeeran.com/
مصر هتفضل مصر مهما اعتو الاعداء وربنا يحميها من كل سو وانا بحب مصر جد
ربنا يحمي رئيس الجمهورية الريس وولادة الاعزاء واي حد يحب يتكلم علي مصر يراسلني انا ياسر مصري موجود بالكويت الان شغل ونفسي اشوف مصر او اي حد من مصر ودة ايميلي YASSER_MEMO2003
الدنيا ضيقة عليه الساعة ديه و ان مزنوق الفرج من عندك
الحمد لله ان الصور جابت الرسوم السروالية بس وماجابتش اللطع الخرا فية
الغنى فى الغربة وطن , والفقر فى الوطن غربة , والغربة الحقيقية هى انعدام الاحساس بالانتماء لدى المواطن.
هم يضحك وهم يبكي
يا ناس دى فضيحة اللى حصل فى مصر فى العيد فى وسط البلد يا ناس فين البوليس دى فضيحة تكسف يا فضحتنا امام الناسسسسسسسسسس
chicha من مصر
خالينا صرحة معا بعض انا لو عاوز اعمل حمام يعنى وانا فى الشارع وجنبى كبرى زى ما انتوو بتقولة يعنى اعمل فين على الكبى ولا اعمل على نفسى ولا اية يا رجالة كالمى صح ولا اية اصل عمر ما حد ها يحب يبوظ منظر البلد اللى هوة اتربة فيها ولا اية يا انسات صح كلامى يعنى دى ظرووووووف وهتتحل ان شاء الله بأذن الله بس عاوزين تعاون بس واحنا نعمل تحت كل كبرى حمام واديكم فى ايدى يلا من دلوقتى والله والى التوفيق
Is this message little enough to be one of... lost idea
Hellohmq