نغمة موبايلك إيه.. يامولانا!!
نغمة الموبايل شيء أساسي عند الشباب.. الشاب من دول تلاقيه قاعد طول النهار والليل يدور علي النغمة "الروشة" اللي الناس هتسمعها لما التليفون يرن.. بعض الظرفاء قال أن اللي عايز يعرف شخصية اللي قدامه يسمع نغمة موبايله.. الجزمة بقت موضة قديمة..
وبما أن الموبايل أصبح الآن مع الجميع ونغمات الموبايل لا غنى عنها.. فقد تساءلت دائما عن النغمات التي يضعها الشيوخ علي تليفوناتهم..
الأذان طبعا
سألت الدكتور علي جمعة مفتي الجمهورية عن رنة موبايله فضحك حتى دمعت عيناه وقال: "ما هذه الأسئلة إياكم أن تكونوا من طلاب الفتوي بتحريم الرنات ع العموم أنا رنة موبايلي نغمة الأذان" وبالفعل أسمعها لنا..
أما د. سعاد صالح أستاذ التفسير بكلية الدراسات الإسلامية فقالت غاضبة: "علي فكرة هناك أشياء أهم بكثير في حياة المسلمين من سؤالك هذا" ورفضت أن تجيب علي السؤال ولصدفة العجيبة رن تليفونها المحمول وكانت النغمة هي أغنية القدس لفيروز فضحكت الدكتورة سعاد قائلة "عرفتها يا سيدي.. دي رنة تليفوني"!
الضوء الشارد.. للشيخ الصعيدي
الشيخ علي أبو الحسن رئيس لجنة الفتوى السابق، الذي أقاله شيخ الأزهر بسب فتواه عن تحريم التجنس بالجنسية الأمريكية، قال: "بما أني صعيدي فأحفادي أدخلوا لي نغمة الضوء الشارد.. أنا طبعا لم أر هذا المسلسل ولو لمرة واحدة ولكن أحفادي قصوا علي قصته وأعجبتني كثيرا".
أما الشيخ عمر سطوحي عضو لجنة الفتوى فاجأنا بأن رنة تليفونه هي أغنية "البت بيضا"!!
د. عبلة الكحلاوي جعلت زقزقة عصافير البلابل هي رنة تليفونها حتى أنها غيرت نوع تليفونها من النوكيا إلي السامسونج عندما عرفت أن نغمة زقزقة العصافير مخزنة به كما أخبرتها احدي صديقاتها!
العار.. لشمس الزناتي
الشيخ يسري سالم وكيل وزارة الأوقاف لشئون الوعظ والإرشاد يضع علي تليفونه موسيقي فيلم العار حيث أعجبه أداء نور الشريف بالفيلم، كما خصص نغمة موسيقي فيلم شمس الزناتي لرقم منزله حتى يستطيع أن يميز الرنات التي تأتيه من المنزل للاطمئنان عليه.
بينما يضع الشيخ سعد الفقي وكيل وزارة الأوقاف لشئون المساجد الأهلية موسيقي أغنية "يا مسهرني" لكوكب الشرق أم كلثوم علي تليفونه المحمول حيث يعشق الاستماع لها واصفا من يصف غنائها بالحرام أنه مجنون!!
ود. ملكة زرار أستاذ الشريعة بجامعة الأزهر تضع موسيقي أوبريت الحلم العربي علي تليفونها المحمول لإعجابها الشديد بهذا الأوبريت تأليفا وألحانا و تصويرا كما قالت لنا.
عربية الجيلاتي
د. عبد الصبور شاهين يستعمل النغمة العادية وبما أن تليفونه من نوع "الكاتيل" فإن أحفاده يسخرون من هذا الصوت واصفين إياه بأنه صوت "عربية الجيلاتي" أو "النجدة" و"المطافي".
ود. عبد الله مبروك النجار أستاذ الفقه المقارن بجامعة الأزهر يعشق صوت "فايزة أحمد" ولكنه لم يجد لها أي نغمة سوي أغنية "بتسأل ليه" علي بسبب غناء مجد القاسم لها فجعلها هي النغمة الرئيسية لتليفونه!
أما د. رشاد خليل عميد كلية شريعة وقانون بجامعة الأزهر والذي قابلته علي باب الكلية ممسكا بتليفونه المحمول أجاب ضاحكا "أسمعها أنت كده و قولي لأن إبني هو الذي أدخلها" وعندما سمعتها ضحكت فقال: "في إيه هي فيها حاجة عيب" أجبته يا دكتور دا فيلم المهمة المستحيلة الأجنبي فقال أعوذ بالله!
كامل الأوصاف.. يا شيخنا
د. فرج إبراهيم فرج مستشار جامعة الأزهر للشئون الدينية يحمل تليفونه وعندما يرن تسمع صوت موسيقي "كامل الأوصاف" لعبد الحليم حافظ كاملة، وللحق فقد أعجبتني جدا.
ود. محمود عاشور وكيل الأزهر السابق لأنه رجل مستنير فعندما طلبت حفيدته أن يضع لها موسيقي فيلم "سهر الليالي" لأنها تحبه.. لم يتردد لحظة في تلبية رغباته،ا خاصة أنه لم يشاهد الفيلم.. "أه لو كان شافه"..
أما د. محمد عمارة المفكر الإسلامي فتسمع من تليفونه موسيقي ياسر عبد الرحمن في "تتر مسلسل سوق العصر" لأنه يحب الشاعر أحمد فؤاد نجم كاتب هذه الأغنية.
ويشترك معه في حب الموسيقى د. رأفت عثمان أستاذ الشريعة حيث تسمع نغمة موسيقى عمر خيرت الرائعة " اللقاء الثاني " تصدر من تليفونه.
ويضع د. أحمد طه ريان عميد شريعة أسيوط موسيقي برنامج "العلم والإيمان" للدكتور مصطفي محمود، بينما يضع د. فؤاد النادي المستشار القانوني لجامعة الأزهر موسيقي "عاشق الروح" لمحمد عبد الوهاب.
يا.. إمام الدعاة
يضع الشيخ سامي الشعراوي موسيقي تتر مسلسل "إمام الدعاة" وعلي الرغم من اعتراضه علي تفاصيل عديدة بالمسلسل إلا أنه يري أن "العيال"، يقصد محمد فؤاد و أيمن قمر، عملوا أغنية عظيمة علي حد وصفه..
أما د. أنور عبد الملك أستاذ التاريخ الأموي بجامعة الأزهر فكنت تجد تليفونه دائما لا يجيب والسبب أنه كان يضع نغمة منخفضة أما الآن فقد وضع "النشيد الوطني" حتى يستطيع سماع تليفونه في قاعة المحاضرات، لأن هذا يعتبر أعلي نغمة من وجهة نظره، لينفي عن نفسه تهمة التهرب من الرد علي معارفه!!.
ويضع د. أحمد الشاعر أستاذ العقيدة بجامعة الأزهر علي تليفونه نغمة الحب الحقيقي "ماركة" شادية وليست ماركة محمد فؤاد!
قلبي ومفتاحه
د. إسماعيل الجيوشي يضع نغمة "قلبي ومفتاحه" لفريد الأطرش مع العلم أنه أشتري الموبايل بهذه النغمة و لم يغير فيها شئ، ود. عبد الصبور مروزق وكيل لجنة الشئون الدينية بمجلس الشعب تصدر عن تليفونه نغمة "صوت نسائي صغير" يطلب منه الرد علي التليفون لأن عنده مكالمة، ولكن باللغة الإنجليزية طبعا!!!
أما د. أمنة نصير عميد كلية الدراسات الإسلامية للبنات ببورسعيد فتمتلك تليفون حديث سجلت عليه أية قرآنية وأدعية واستغفار لتكون هي رناتها، ود. عبد الغني عوض الأستاذ بجامعة الأزهر يضع موسيقي إعلان "نسكافية" ولا يتذكر لماذا وضعها أو ما هي مناسبتها!
وأخيرا يضع الشيخ السيد حجازي أستاذ مقارنة الأديان والمأذون بـ"زينهم" نغمة تكبيرة العيد عندما أرسلها له أحد منافسيه يوم وقفة العيد السابق ولم يغيرها حتى الأن علي الرغم من أن ابنه كان يضع له نغمة ها حبيبي لكاظم الساهر!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
تحقيق جميل
وان كان لدي سؤال لا اعرف اجابته حتى الان وليتني اجد من يجيبني
ما هو تعريف الرجل المستنير او الفكر المستنير؟
لماذا وصف الشيخ واضع نغمة سهر الليالي بالمستنير؟
وهل عندما وضع الدكتور علي جمعة نغمة الاذان اصبح غير مستنير؟
مجرد سؤال
إيه يا با المواضيع النص كم دى نغمات مشايخ إيه و بتاع إيه!! و بعدين إنتا سألت كل المشايخ ما جيبتش سيرة شيخ الأزهر ليه!!
اكيد نغمة موبايل شيخ الازهر هي(بوس الواوا بوس الواوا)
اين المكان الذى تم سؤال هؤلاء المشايخ فية . هل هو شارع الهرم ام خمارة لجنة السياسات .
و الله حرام كده ,يعنى لما الشيوخ يحطو كده انا اعمل ايه ....
كدة انتوا خرفتوا توي ياجماعه مهما كانوا الشيوخ دول المفروض ان احنا هنتحاسب علي اي كلام بنقوله علي العموم
انا بقول ان احنا ننتقد الشخصيات العادية احسن زي الريس العسل بتاعنا او اللي تحت ايده وبلاش الازهر وبتوغع الازهر
يبدو ان الصحفيين فلسواومش لاقيين مواضيع جديدة فكتبوا عن رنات الموبايلات والسؤال ليه الصحفى ما سألش قسيس او باباواللا التريقه بس تكون على الشيوخ ورموز المسلمين من الاخر اتقوا الله
ما هذه السخافه والسفاهه والتفاهه ..يرجى من المشرفين على هذا الموقع انتقاء الموضوعات بمزيد من الحرص والموضوعية ..ماهى الحكمة للتعرض لرموز الأسلام بهذا التهكم وفتح الباب امام تعليقات اكثر سخافة وتهكما؟؟؟ اتقوا الله فى دنياكم ودينكم ..
حسبنا الله ونعم الوكيل
1) الرموز السياسةوالمعارضة
2) قيادات الاخوان
3)القساوسة والكهنة
موضوع مالوش اى لازمة خالص
اول ملاحظة ان المحرر عامل موضوع كويس جدا لسبب بسيط ان الفكرة جديدة وهي حاجة مهمة جدا في الصحافة اليومين دول، ودة بيقودني للاختلاف مع الزميلة الشاطرة جدا ولاء الشملول اللى معجبهاش الموضوع ولم تقل لماذا، اهم ملاحظة بقى عيب اوى الكلام السافل اللى مكتب ف تعليق شيخ الازهر بتاع بوس الواوا، انا لا اطيق الشيخ دة ولا اعترف به، لكن قلة الادب مش هي الحل لا معاه ولا مع الريس ولا اى قيادة، في الف طريقة للنقد ، ارجو من إدارة الموقع البحث جدياًعن وسيلة لمنع هذه التعليقات البشعة، التي تسئ لولاد البلد، وارجو لمن يرسلوها ان يقتنعوا ان دة موقع معبر عنهم مش خناقة في شارع كل واحد يكتب شتيمة ويفتكر نفسه عنتر زمانه وهو قاعد في بيتهم
محدش يعرف نغمه موبيل الريس ايه يا جدعااااااااااااااااااان؟؟؟
الموضوع حلى اوى ياياسر وواضح انك واحد عندك موهبة بجد وكمان ضمير لأنك اختلات فكرة حلوة وتعبت عليها اوى وبخفة دم مش مبتذلة وشكلك كده بتدرس فى اازهر او ده الوسط الطبيعى بتاعك واستغليت وجودك فيه صح، وسواء كان كلامى مظبوط او لا ياريت تعمل شغل كتير عن دار الافتاء والازهر فى مصر ده ملف حلو اوى، وعن الشيخ اللى اتفصل عشان الجنسية الامريكية.
وانت بقى رنتموبايلك ايه؟
موضوع هايل الي الامام
والله موضوع جميل جدا جدا جدا ، و يبرز جانب إنساني من حياة المشايخ والعلماء ، وهكذا عودنا الموقع الجميل عشرينات ،،،،
تحياتي لكم ،،،
موضوع رائع ومشكور على المجهود الكبير .
علي فكرة أنا ياسر كاتب الموضوع و متشكر جدا لكل من أعجبه الموضوع و أثني عليه خاصة الزميل العزيز محمد عبد الرحمن و الذي أعتبر شهادته وسام علي صدري من صحفي أعتز بشغله ولكن عايز أعرف من الزميلة ولاء الشملول الموضوع مالوش لازمة ليه و بعدين مستنيين مواضيعها اللي ليها لازمة ياريت كده توريني الأفكار العظيمة اللي هتنضم لمقررات كلية الإعلام قسم شملول
بالزمة مش حرام عليكم يالا يابلد
بابا جابموزززز
الحرام علينا حلال عليهم وبعدين همه معاهم ابونيه
موضوع رائع يا كس امك
وكان هيبقى احلى لو كنت قلت لنا رنات السادة:
البابا شنودة
زكريا بقلظ
الانبا بسنتى
السادة اعضاء المجلس المللى العام
اختشى وخلى عند امك دم !!! دة كان عندها دم اصلا
بصراحة موضوع تافة جدا
وانا مش عارفة ازاى تضيعوا اوقات الشباب بكلام متخلف زى دا
فوق يا ايدتور مش علشان ترفع عدد المتصفحين للموقع تتكلم فى جنون
حسبى الله ونعم الوكيل
صيحيح لماذا لم تسأل الكهنه فى الكنائس ايضا ياياسر .على فكره انا مسيحى .بس عاوز اعرف ذى اخوتى المسلمين.كده يبقى فكرنا صحيح حر.على فكره انا كنت حاطط موسيقى رقص شرفى على الموبيل بتاعى .وسمعه ابونا قال لى ياريت تغيرها.فعلا غيرتها وحطيت فيروز(اصل انا برضه عجوز عندى اربعين سنه.وعلشان الولادبرضه .ماهوانا احط موسيقى رقص .ابنى حيحط الراقصه نفسها).الله يوفقكم.
بس بصراحه الموضوع جميل وفكره اجمل
أولا ان كنت بجد رحت سألت المشايخ والعلماء بجد وده كام حالهم ودي رناتهم يبقى قول على الأمه يا رحمان يارحيم
طبعا أنا استبعد امك تكون سألتهم
لكن الي استعجبلوه هو أزاي اصلا يبقى عندك قلب تهين علماء الأمه مع العلم كتير منهم شخصيا مش متفق معاهم
لكن في حدود ولا يجوز لأحد العوام التعرض للخواص من أهل العلم
أتقي الله وبلاش النوعيه دي من المواضيع عشان موقعكو يفضل موجود والا سيتم التهييك عليكو
وصدقني هكون زعلان لو ده حصل فياريت تفكرو شويه قبل ما تكتبو
واوعى تفتكر ان الموضوع موقع واديك بتكتب وبتشتهر
نجيب محفوظ الكتابه والأدب ساقته للكفر
فخد بالك وخليها ظريقك للجنه مش للنار
وربنا يهديك ويهدينا
البلد والناس مش ناقصة احتقان دينى
كفاية الى هما فيه
كلامك دة بيعمل مشاعر كراهية وحساسية
واحنا فى غنى عن الكلام دة
وانصح اخوانى من شعب الكنيسة بلاش تعليقات على مثل هذه المواضيع
وسيبوه كفاية يرد عليه المسلمين
سيبوا مصر تعيش بامان
وزى ما بتقولو ربنا يهدى
حررررررررام المفروض ان الله هو الى حيحاسب مو احنا
ليكم حق لولا شيخ الأزهر الكلب ومن معه من دعاـ ما ضاعت هيبة علماء الأزهر
ارى الموضوع لايحتمل كل هذه التشنجات .ممكن الموضوع يعجب احد ويثنى عليه .ووممكن لايعجب اخر ويقول رايه بكل احترام دون سب او قذف .مع تقديرى للاخ ياسر.
ياسر .... اذا كنت زعلت علشان شتمت الست الوالدة ... فالاولى ليك ان تزعل غلشان دينك
والا تكون ابن حرام بجد
كفاية عليك كدة
ان كنت راجل بجد وابن امك وابوك اكتب اعتذار عن اتفاهة والهيافة
الامة محتاجة رجالة مش خولات
أعتقد أن علماء ودعاة الأزهر على دراية تامة بأمور دينهم أكثر من غيرهم
ثم أني أجد أنه على من يلقي بكلمة أن يأتي ببرهانها .
حسبى الله ونعم الوكيل، فاذا كان هذا حال علمائنا دينيا فلماذا نحزن على حالنا.
الم يسمع احد هؤلاء ان الغناء والموسيقى حرام الا ما كان لفائدة الدين وبالدف.
"ربنا لا تؤاخذنا بما فعل السفهاء منا"
ومعلش السفهاء هنا الشيوخ والصحفيين اللى عملوا الموضوع.
إذا كنتم ناويين تناقشوا المواضيع بالسب والالفظ الخارجة سيفقد هذا الموقع الهدف من وجوده.
صحيح موضوع الأخ باسر ليس بالأهمية الكافية والوقت غير مناسب لتناوله لكن إذا كنا حريصين على وجود شباب مهتم بقضايانا كمصريين وكعرب إيه المانع إننا نرفض الموضوع بشكل لائق ونقترح مواضيع أخرى . حتى الأخ ياسر يجب تقبله للنقد ولا يأخذ الموضوع بشكل شخصى كما يتضح من رده على أحد زميلاته.
وإلا أصبح الموقع منفذا لتبادل الشتائم
بين الزائرين . ياجماعة إحنا على الهوا بلاش ننشر غسيلناالو....
اللهم انصر المسلمين فى شتا بقاع الارض
اللهم انصر المسلمين المستضعفين فى لبنان وفلسطين والعراق وافغانستان وشتا بقاع الارض
امين امين امين
من الاخ أحمد أنا شايف ان الاخ ياسر بيتسالى لااكثر ولا اقل والنقض مش عيب يأخ ياسر بس اسلوبك على النقض على الناس مهما كان نقض الاخرين لك بياكدلى انك شخص بكل صراحة تافهوهايف لان الموقع مش للشتيمة والالفاظ الخارجة وحاجه بسيطة شوف نسبة التصويت على الوقع دة 25% ونسبة النقض 75%
الموضوع ده محتاج لمناقشة بجد بس مناقشة من جميع النواحى بعيدة عن التعصب الاعمى
بالإضافة لكل اللي اتقال عن الموضوع من ناحية هيافته وافتقاده للمصداقية وانعدام ضمير كاتبه وافتراءه على العلماءمن أجل ان يثبت انه واد فلتة وماحصلش وانه صحفي شاطر أحب أقول للأخ ياسر انه كداب والدليل على كده ان الدكتور أحمد علي ريانله سنتين خارج مصر ووصل يوم 15 يوليويعني بعد كتابة الموضوع بأكتر من اسبوعين بالاضافة الى انه ليس عميدا لكلية شريعة أسيوط لأن العميد هو د/ عبد القادر ابو العلا والكلام ده انا متأكد منه جدا لقرابتي الوثيقة من الشيخ الدكتور ريان بالاضافة الى انه لايحمل موبايل أساسا وأكيد افتراءك ده مش على الشيخ ريان بس اكيد على علماء تانيين أفاضل اتق الله وبطل هيافة وشغل تخريف ولو فعلا بتعتبر نفسك انسان محترم حاول بس تكدبني وابعت الرد على الإميل بتاعي rayan2005@hotmail.comبس مش هتقدر لأنك فعلا كداب
الأخ المحترم اللي عمال يشتمني و التاني اللي بيكدبني و و احد بيقولك قال ايه النقض مش عيب بس من غير شتيمة أولا هي اسمها نقد احنا مش في المحكمة و بعدين الأخ اللي عامل فيها أنه جاب الديب من ديله لازم يعرف أن الموضوع دا قديم جدا من أيام ما كنت طال ب في جامعة الأزهر يعني مكتوب من أربع سنين لكن بصراحة كنت مستخسره في أي جريدة الحاجة التانية ياع الشيوخ دول أعمامنا و علي دماغنا و أنا لم اقصد الإهانة أنا كان نفسي بجد أعمل حاجة ظريفة لكن بجد انا ما عنتش هاشتغل لأن في بلدنا دي فعلا التفكير جريمة أنا هاتجنن لازم فعلا كل موبايل يبقي له رنة سواء أكان اللي يمسكه شيخ او عربيد يبقي فين الإفترادا زهقوتنا في عيشتنا يا عالم يأمة ضحكت من جهلها الأمم
أنا أسف يا جماعة لي طلب أخير عندكم يا ريت بجد اللي عايز يشتمني يبعت علي ايميلي الخاص عشان بجد عيب الألفاظ دي تدخل بيوتنا خاصة لو كانت صادرة من ناس غيورين علي دينهم زي حضراتكم
hanonyaser@yahoo.com
ياسر فرج
انا بنصح كل العشريناتيه انهم يعملو موبايلاتهم زيى beep once
نتكلم جد بقى
اولا ياسر عنده حق يا جماعه لان الالفاظ دى الفاظ غير محترمه و فبه الف طريقه نوصل بيها رسايلنا غير الالفاظ دى
بس ليا عتاب عندك يا ياسر
اولا الموضوع جميل من حيث المبدا بس انت مش معايا ان كونك تقصر دا على الشيوخ اللى هما رمز الاسلام مش كتير شويه
تعرف لو كنت عملت الموضوع دا على الساده المحترمين الوزراء و المسئولين كنت سمعت تعليقات تانيه خالص
عموما انا واثقه ان الناس المحترمه اللى ف الموقع قدروا اعتزارك
اما اخواننا اصحاب الالفاظ اياها ربنا يهديهم بقى
بس سؤال اخير يا ياسر
انت نغمه موبايللك ايه
I write from abroad, so excuse me for not writting in arabic letters.
ya reet edaret elmawqe3 te7zef elta3leeqat elsafelah elly malhash ay mobarer
هل يعلم د: محمد عمارة ان احمد فؤاد نجم
(ملهوش علاقة بالشعائر دية)
دية كانت اجابتة عندماسألة احد موزعين الجزيرة انت مسلم بتصلي وتصوم
هل يعلم د:عمارة ذلك ؟ولا مش فارقة معاة
انا لان اتدخل في الكلام اللي دار بين الكاتب والمعلقين وتداول الالفاظ الخارجة ودي بردو ظاهرة ليست جيدة وعيب اوي علي اللي بيشتم دة لان في ناس كتير اوي بتقراء الكلام دة .
ثانيا انا معرفش اية الهيافة دي (موبيال - محمول - جوال - نغمة رنة رسالة مش عارف اية محن اية هيافة اية هبل اية سزاجة اية) وبعدين اللي انا عرفة ان الزفت دة هو هو نفس التليفون اللي مرمي علي المكتب قدام اي حد وبزراير لف بس الاختلاف كلة انك ممكن تشيلة معاك في جيبك وانت ماشي يعني كل اللي يهمك انك تسمع صوته وهو بيرن وتعرف تتكلم فية وبعدين مهو احنا كنا مشين كويس قبل الاختراع دة ما يدخل مصر اصلا بس مع الاسف الهيافة والتفاهة اللي في الشعب المصري هي الي عملت من الموبايل دة حكاية ورواية وقصة وتخلي واحد زي ياسر يكتب موضوع كامل عنة وتخلي بردو الناس دي كلها ترد علي الموضوع دة بتهجم وسخرية . في حد فيكو سمع ولا شاف الهيافة دي برة عند الناس اللي استخدمت الموبايل عملت الهبل اللي الشباب ولا حتى الناس كلها هنا في مصر .. اتقوا الله وبلاش التقليد الاعمي دة .. وعوزين البلد تنضف مستحيل ..
حسبي الله ونعمة الوكيل .
يعوض علينا ربنا
نغمات احنا بنفكر فى نغمات بالله عليكواياريت تدخلوا فى الموقع دة وشوفوا اسرائيل بتقول ايه عن العرب.
www.ynetnew.com
بالله عليكوا ادخلوا وشوفوا الكفرة دول بيقولوا ايه
ياجماعه اذا كان الكلام ده صحيح يبقى عليه العوض اما اذا كان كذب فاتقوا الله
اتصل على هذا العنوان يريد ان يجمع اكبر رقم من الاصدقاء
الموقع rrd2009 rrd2009
او rrd2009
وبعدين بكلامك دة يعنى هانبقى مش أمة جاهلة تضحك من جهلها الأمم؟ انت حافظ كلمتين عايز تقولهم و خلاص؟
حرام عليكم هى البلد نقصا كفايه بقا مصخره
انا مش عارف ان كنت مسلم ولا....لا بس انا ما اظنش انك تكون مسلم ..انت لو مسلم تبقى مصيبه عليك (اللهم لا تجعل مصيبتنا فى ديننا) ..اما ان كنت غير مسلم فاعلم انك غير محترم بالمره عندى الافاظ غير هذه انما احترام للقراء فلم ابوح بهاوانا بنتقد كل شاب مسلم قال على الموضوع جميل ان كانوا هؤلاء علماء الاسلام غير جديرين بالاحترام فيجب ان نحترمهم على الاقل لانهم يمثلونا واتقوا الله
موضوع هايل ودمه خفيف ومكتوب بشطاره
برافو عليكم
وسيبكم من العقول المفلقة والمتحيزه بالكدب
وآه آه لوكان شافه
نغمة موبايلك إيه.. يامولانا
المعروف ان من الدعاه والمشايخ من هو من اولياء الله وفى حديث قدسى وهوه حديث صحيح قال الله عز وجل "من عاد لى وليافقد اذنتة بالحرب"فانت الان فى حرب مع الله. وفى حديث اخر اعرف معناه فقط ان من اذى احد من اولياء الله فقد بارز الله .فانت الان تحارب الله عز وجل
صحيح انو رنت الموبايل هالايام بدل على توجهات صاحبها بس مشكلة كبيرة لما بكون كبار رجال الدين بسمعوا اغاني تافهة وملهاش معنى لان هؤلاء يجب ان ينتبهوا لتصرفاتهم لانهم محط انظار الجميع
الشيخ بيبيع مخدرات فين الا سلا م
احمد بيسرح حريم امة هى الريسة يخسارة يا صحبى
النص باع اهلة عشان صحبة يخسارة يا خوية
الا يستحي هؤلاءالذين يدعون انهم مسؤولين
اليس الغناء حرام وصوت المراة عورة وهذا امر لا خلاف فيه
ماحجتهم امام الله
حسبي الله ونعم الوكيل
في ناس كذابة تعمل قدامك انها متدينه لكن كذب في كذب على الناس حرام وعليهم حلال
طالما انت مجتهد كده بميتين امك وتقدر توصل لحاجات مهمه كده ماكنت تعمل حاجه تفيدنا ولا تفيد نفس ميتين اهلك بيها انما ده دليل مش على جهلك انت انما على جهل امك الواعيه فعلا..(العبيطه ما بتجبش دكاتره)
يا عم يا صاحب الموضوع انت لو زى ما بتقول الموضوع ده من اربع سنين تبقى كداب لمواخذه لسبب بسيط جدا .. ان اغنية امام الدعاه ما كملتش تلات سنين اساسا يبقى انت كداب ولا لاء؟ وحتى لو مش كداب وكلامك ده صح اولا انت كده بموضوع هايف ومالوش اى اهميه اثرت الجدل بين الناس وهتتحاسب على كل واحد انت عالاقل شتت تفكيره ومن باب اولى انك طالما طالب ازهر انك اهل لطرح ومناقشة موضوع مؤثر بجد لما المثقفين هما اللى بينشرو الهيافات دى اومال الهايفين اصلا يعملوا ايه(والله الامه ما بتضيع من فراغ)
يا استاذه نجمه عايز اقولك حاجه... انا معاكى ان المشايخ دول قدوه لينا ولازم يكونو اعلام نقتضى بيها بس اولا هم مش انبياء احنا لو هنمسك فى افعالهم يبقى يبقى طريقنا الضلال انما احنا مسلكنا مسلك النبى صلى الله عليه وسلم والناس دى عالاقل عندها علم وبتحاول توصلهولك عشان انتى تعملى بيه مش تستنيلهم غلطه دى تبقى سطحيه مننا ولازم تحطى فى دماغك ان مفيش انسان معصوم من الخطا ومش معنى انى بقولك لازم تصلى عشان النبى قال كده يبقى انتى تشوفينى انا بصلى ولا لاء . المساله ما كانت كده وبعدين احنا نشوف احنا عاملين ايه لديننا ولنفسنا اودام ربنا وبعدين نعدل على الشيوخ اللى عالاقل عاشوا عمرهم كله فى العلم والعباده وتحملوا رساله بجد يبقى من باب اولى اننا نقدرهم وندافع عنهم عن اى كلام يتقال عليهم مش نبقى احنا اللى بنستنالهم الغلطه يا رب اكون وصلتلك وجهة نظرى (وربنا يهدى كل انسان)
أستغفر الله من هذا الكلام الذي يقال
ما فعله الاخ ياسر كاتب هذا المقال خطأ كبير أرجو ان يحاسب نفسه عليه قبل ان يحاسب عليه يوم ان يلقي ربه فلا يصح باي حال من لاحوال ان يقول ذلك علي مشايخنا حتي ولو فرضنا ان هذا الكلام صحيح
لكن ما فعله بعض الاخوة عفا الله عنهم من سب وإهانة فهذا لا يجوز وبالتالي فهم وقعوا في خطا كبير لقوله جل وعلي (ما يلفظ من قول إلا لديه رقيب عتيد )
إننا في حاجة لمناقشة قضايا أكثر أهمية وإفادة لنل نحن المسلمين من هذا التفاهات والمهتارات التي لا طائل من ورائها سوي الوقوع في مصائب أكثر وأعظم.
وكان من المفترض ان تقوم الادارة القائمة علي المنتدي ان تقوم بتنقيح الموضوع وتقدير ما سيثيره من بلبلة لم يكن هناك داعي لها وكذلك منع الرسائل التي تعرض لها الاخ كاتب المقال
وللحديث بقية مادام في العمر بقية
والسلام مسك الختام
عيب اللى بيحصل ده , ماتعرفوش ان النت مفتوح على البحرى و سيبك من موضوع مسلمين و مسيحيين أنتوا كلكم مصريين يعنى اللى يهاجم شيخ الأزهر المسيحى يزعل لأن الهجوم على شخصيه قياديه مصريه نبجلها و نحترمها و الهجوم على القيادت المسيحيه المفروض على المسلم أن يرفضها لأنها هجوم على أبناء بلده الذين يعيشون معه على السراء و الضراء و الموضوع اللى كتبه ياسر ريبورتاج جميل لو تقبلناه بعيدا عن العصبيه القبليه و بقولها تانى اللى بيشتم كأنه قاعد بيعمل دوره ميه فى ميدان التحرير و الناس بتتفرج عليه .
عيب جدا كده
كلمه المستنير دى مش عجبانى خاص لان ده اسلوب سخريه وده فى حد ذاته قله ادب