خلي بالك من (قذالك)!
كعادة أي معلم (درعمي) لقنني أصول الدين، لابد أن يخرج ما في جعبته من غريب الأفعال وعجيب الكلمات التي ينتقيها من ثقوب المعاجم اللغوية.. وكأنه تلقنها من فم (الخليل) ليذل بها طلابه!
كنت في الصف الخامس الابتدائي.. وهي سنة أمرها جلل لمن يدرس علوم الدين، ومعناها أن تقع فريسة براثن الشيخ (عبد السلام الجويلي) أو الجوال- يعني الشوال- كما كنا نتندر عليه.. الذي تفنن في تعذيبنا بحصيلته اللغوية الضخمة.. ورهابه الذي مسنا جميعا.. حتى كنا نتريض يوميا بقراءة ماتيسر من لسان العرب لابن منظور توطئة لأي تجليات شاذة من مولانا الجوال!
دخل علينا الشيخ (عبد السلام) قبيل نهاية العام الذي انتهى بأقل الضرر لنا، وبأكبر الأذى له حيث لم يستطع أن يمارس هوايته الدموية في ضربنا بالفلكة لعدم إلمامنا باللغة العربية..والعربية عنده هي حفظ لسان العرب والقاموس المحيط ومختار الصحاح والعين.. والشاذ من الألفاظ تحديدا..
دخل علينا الشيخ متجهم الوجه كعادته.. وإذا به يطلب منا فجأة (كلُ يضع يده على قذاله!) وهنا كانت الكارثة.. كلنا غرق في الحيرة.. لا نعرف الكلمة ولم نسمعها من قبل.. إذن فليتغمدنا الله برحمته.. لن ننجو من عقاب الشيخ الجوال.. ولكننا مدفوعين بقوة اليأس وضعنا أيدينا على ماتيسر من أجسامنا.. ماظهر منه ومابطن.. فمنا من وضع يده على وجهه.. ومن وضعها على (........).. حتى صرخ فينا الشيخ الجوال صرخة الظافر المنتقم.. (لعنكم الله يابقر..القذال هو ما يعرفه الرعاع أمثالكم بالقفا!! أنتم من ستحمون العربية.. والله العظيم لا عربية ولا أعجمية يا حمير.. يا دابة الأرض منك له!) وكان عقابه أليما.. ضربتين موجعتين من فصيلة نطاح الحمير على (قفا) كل منا.. أو (قذاله)..
صاحبني رهاب الكلمة الموجعة طويلا.. وهل ضاقت اللغة بأهلها حتى يكون قفاك (قذالا)..
كنت أقرأ قصيدة (قف حيث أنت) للشاعر اليمني "عبد الله البردوني" حتى وصلت إلى قوله:
والمصطفى ماشاءه منه " أبو زيد الهلالي"
ولمصطفى يمن بلا ذنب يطول ولا (قذال)
لا حول ولا قوة إلا بالله .. والله ليس أوانك ياشيخ جوال.. تبا لك سائر اليوم.. أفسدت علي القصيدة!
ما خلصني من رهاب الكلمة السوء..(الرسالة الهزلية) للشاعر الأندلسي العظيم (ابن زيدون) التي كتبها في (ابن عبدوس) منافسه في حب "ولادة بنت المستكفي"..والتي جمع فيها مساوئ الطبائع ماعزاني.. سخريته اللاذعة ووصفه المؤلم.. كأنه – فليتغمده الله برحمته- كتبها في شيخنا (عبد السلام) ..والتي يقول في بعض منها :
(فالمعيدي تسمع به خير من أن تراه، هجين (القذال).. أرعن السبال ..طويل العنق والعلاوة مفرط الحمق والغباوة ..جافي الطبع.. سيء الإجابة والسمع.. بغيض الهيئة.. سخيف الذهاب والجيئة.. ظاهر الوسواس..منتن الأنفاس.. كثير المعايب.. مشهور المثالب.. كلامك تمتمة.. وحديثك غمغمة.. وبيانك فهفهة.. وضحكك قهقهة.. ومشيك هرولة.. وغناك مسألة.. ودينك زندقة.. وعلمك مخرقة).
159d
اول من يعلق
الحمد لله انا اول واحد يعلق في الشكل الجديد
اسعدنا كلامك يا ندا
إيه الجمال ده يا ندا بس؟
طبعا أنا مش عارف أعبر عن الكلام الرائع ده ....
لو تاخد بالك من المقابلة بين الفقرة التانية والثالثة ...
بس أناحاسس إن في معني كبير ....
يالا بقي.... عقبال كل قفا ...
بس برضه مش حاسكت ...
مع افتتاح ولاد البلد الجديد ...تقدروا تشرفوا المدونة بقي
www.mesh7askot.blogspot.com
كل قفا وانتم ..
أرسل هذا التعليق بواسطة : دبمة
معرفش هو الملف ده ايه، كل ما ادخل على الموضوع والمفروض انى مستعدة مسبقا للضحك اكتشف انى زعلانة اوى وفى حاجة قلقانى وقربت توجعنى .. يمكن قفايا
بس قفا الراجل المدرس بتاعك ده اقل حاجة وجعت مع انه اكيد ساعتها كان هم ما يتلم زى عصاية مس زفتة كريمة بتاعة الالعاب فى سنة تانية ابتدائى عشان كنت امينة الفصل وما عرفتش اسكتهم ، يومها ضربتنى عصاية نفسى الاحقها قانونيا من اجلها الى الـآن
لكن انت الشيخ بتاعك ده مهما عمل .. فهو خلى واحدة زيى النهاردة تحسدك انت و ناس تانية وتقول .. يابختكم بلغتكم
بابا كان بيقرا لى شعر وانا فى ابتدائى، وكان بيخلينى اطلع مترادفات واقعد احفظها، اكتر حاجة فاكراها
ان لا مفر = لا مندوحة =لا مناص = لا بد =لا خلاص
هذا هو اهم ما بقى فى عقلى من اللغة .واتذكره اليوم مع حديثكم عن بلدى اللصيقة بى كما القفا والقفا شخصيا، قكل يوم يتضح لى اكثر انه " لا مفر"
بجد ملف حلو اوى تسلم ايدكم كلكم
ولو حد يعرف زفتة كريمة .. يقولى هى فين
مكر مفر مقبل مدبر معا ..كجلمود ضخر حطه السيل من عل
و هو دا احمد ندا
مش عارف ليه مقاللك فكرنى باكتر بيت من ابيات الشعر الجاهلى قعد مدرس اللغه العربيه يشرحهولنا
و مناظراتنا انا واصحابى عن الشعر لجاهلى و الشعر الحديث
و يا بنتى روحى اقرئيللك بيتين ف كامل الشناولى
طيب يا جماعه ما انا بحب كامل الشناوى
طيب قولى لنفسك
طيب ما تقرو انتو كمان الحصرى
و ماله شوقى
سيدى و تاج راسى
و نزار يا فالحه ..طيب نزار و لا ابن زيدون
يا تحف كل دول درر بس كل واحد ليه وقته و ليه طعمه يعنى لو الشعر الحديث القمر فالشعر الجاهلى هو الشمس اللى بيستمد منها نوره
ازاى يا ام العريف
يا جهاهلين الحصرى قال يا ليل الصب متى غده اقيام الساعه موعده فرد شوقى و قال مضناك جفاه مرقده و بكاه و رحم عوده
ياااااه يا ندا فكرتنا بالذى مضى
وبعدين انا مش فاهم برضه
معذره انتا عاوز تقول ايه فى الموضوع يعنى ! ..... مش عارف حاسس انك معرفتش تبلور الفكره كويس .. و كمان حاسس ان الموضوع لحد كبير تقيل مش لايت مع ان فكره الموضوع نفسه الى حد ما مش بطاله
بعودة يا أحمد
أرسل هذا التعليق بواسطة : لو كنت اعلم
ممتاز موضوع القفا ده
بس إيه السبب في إنك كتبت عنه
يمكن لأنه عضو مهم ، زي ما الكابتن الشاعر الكبير الستاموني قال في فيلم الكيف( كل الناس غنوا للعين وللشعر وللخدود إنما عمر حد غنى للقفا)
أديني أسعدني زماني وشفت شباب زي الورد قاعدة تكتب موضوع عن القفا
بس موضوع حلو ، وإن كان الاستعراض اللغوي فيه اعلى من فكرة الموضوع شويتين
أما بالنسبة لموضوع الشيخ بتاعك
هو انا كل ما أقرالك حاجة ألاقيك متعقد من دراستك
يا أخي لولا القرف والبهدلة اللي شفتهم في دراستك ، ما كنش زمانك بقيت أحمد ندا اللي معقدنا ده
كلها تراكمات لبناء شخصيتك
بس واضح غنك معقد معقد يعني
الحال من بعضه عموماً
مبرووووووووووووك