أنا عايزة أروح الاستاد
منذ انتهاء مباراة مصر وزامبيا الأخيرة، ويدور هذا الجدل المتواصل بيني وبين زوجي وإخوتي... (إحنا هنشوف ماتش مصر والجزاير فين؟)، وبالطبع كان كل واحدٍ منهم يضع خطته الخاصة بمكان المشاهدة ومن سيرافقه من أهل أو أصدقاء منذ ذلك الوقت.
وكالعادة قابلوا سؤالي هذا بالاستهزاء والسخرية على أساس أنهم من مهووسي الكرة (اللي ليهم فيها) وأنني من البنات المتصنعين (اللي مالهومش فيها)!
ولكنني عدت مرة أخرى منذ أسبوع فقط وقررت أن أجازف وأطلق لهم هذه المفاجأة.. (أنا هروح الإستاد على فكرة.. مين عايز ييجي معايا؟!).
شعرت أنني قلت لهم أنني ذاهبة إلى العراق أو أفغانستان أو أي مكان آخر على وجه الأرض يشتهر بكثرة التفجيرات وأعمال الشغب المستمرة.
(إنتي أكيد هطلة أو معتوهة.. هما دول البنات اللي فاكرين إنهم كده بيفهموا في الكورة وبيعرفوا يشجعوا.. حاجة من الإتنين يا هتموتي وإنتي داخلة.. يا هتموتي وإنتي خارجة.. ده غير الشتايم الأبيحة اللي هتلوث ودانك).. كان هذا هو الرد البليغ الذي تلقيته من أخي والذي من المفترض أنه مقنع لأي فتاة أو سيدة لا تريد المشاكل لتبعد هذه الفكرة البلهاء عن ذهنها تماماً.
لكن هذا الرد زادني تمسكاً برأيي.. (أنا عايزة أروح الإستاد.. وهروح الإستاد!!) هكذا قلت بكل تصميم وعزم.
ومضت الأيام حتى قمت بإثارة هذا الموضوع أول أمس مرة أخرى في بيت أهل زوجي.. وهم جميعاً من المتعصبين بشدة لكرة القدم ولا يفوتون مباراة إلا وشاهدوها بدايةً من مباريات برشلونة ومانشستر يونايتد في الــchampions league وإنتهاءً بمباريات دوري الشركات.
تشجع محمد أخو زوجي وقال لي (لازم تروحي من بدري جداً على الساعة 6 ونص صباحاً علشان تقدري تقفي في طابور التذاكر).
فكرت قليلاً أن الموضوع غير سهل بالمرة ويحتاج حقاً إلى تضحيات وحرب لشراء التذاكر ثم صوت جهوري ونقي للقدرة على التشجيع في الإستاد ثم قدرة أخرى على التعامل مع المشجعين المتعصبين الذين لا يطيقون وجود فتاة (من بتوع البرانيط الملونة والأيس كريم) ثم أخيراً جسد قوي ممتلئ بالعضلات لمنع التدافع والتحرش خلال الدخول والخروج... سأشاهد في بيتي أكرم لي.
ولكنني لم أبدي هذه النية أمام زوجي، حيث مازلت مصرة أمامه على رأيي من باب العند فقط لا غير أو يمكن لأنني حقاً لا أدري حتى الآن إن كنت سأذهب حقاً أم لا.
فقط توصلت إلى 10 أسباب تشجعني على مشاهدة المباراة في أي بيت وسط الأهل والأصدقاء .
وهي كالتالي:
1 – تناول المشروبات والفيشار والنقنقة في أي وقت لتخفيف حدة التوتر خلال المباراة.
2 - دخول حمام نظيف في أي وقت وسوف يكون ذلك كثيراً نظراً لكثرة تناول المشروبات والكولا.
3- القدرة على التنطيط والرقص والتهليل في أي وقت براحة تامة.
4 – القدرة على التعليق على أي خطأ للحكم بدون أن ينظر إلي كل من في المدرج.
5 – سأتجنب سماع قدر هائل من السب بألفاظ بذيئة.
6 – سأختار أي مكان يروق لي لمشاهدة المباراة.. الكرسي، الكنبة، أو حتى الأرض.. جميعها أماكن مريحة ونظيفة، كما أنني أكره الزحام والتلاحم وأيضاً رائحة العرق
7- سأجلس أمام التلفزيون قبل بدء المباراة بعشر دقائق وليس عشر ساعات!
8- سأتمكن من مشاهدة ميدان التحرير قبل وبعد المبارة إذا كنت أشاهد عند جدتي.. أو شارع جامعة الدول إذا كنت أشاهد عن أهل زوجي.. وذلك عند الفوز بإذن الله.
10 – التعليق وصوت المعلق له متعة مختلفة.
11 - في جميع الإستادات الكبيرة حول العالم يتم حجز التذاكر عن طريق الإنترنت فلا أحتاج أن أجلس أمام أحد النوادي منذ الفجر لأكون في أول الطابور الذي قد يصل طوله إلى إثنان أو ثلاثة كيلومترات من البشر عند الساعة الثامنة أو التاسعة صباحاً.
أما العشرة أسباب التي تشجعني كثيراً على الذهاب إلى الإستاد فهي:
1- أنني سأتمكن من الهتاف والتشجيع والغناء مع المشجعين.
2 – أنا من محبي وعشاق كرة القدم بحق.. ولست مجرد واحدة من فتيات الأيس كريم والقبعات الطويلة التي تليق على الملابس اللاتي يحببن كرة القدم لأن زيدان شكله أمور!
3- أنا أعرف جيداً قواعد وقوانين اللعبة.. وفاهمة يعني إيه تسلل (وهو لغز الألغاز عند كل الفتيات)!
4- أنا متابعة جيدة للدوري المصري، والإنجليزي، والأسباني، والإيطالي، والـChampions league كذلك.
5 – عمري في حياتي ما دخلت الاستاد!
6 – نفسي أتواجد خلال هذه اللحظة التاريخية لو فزنا بإذن الله.
7- سيدات وفتيات أوروبا جميعاً لديهن الحرية المطلقة للذهاب إلى الإستاد والتشجيع مثلهم مثل الرجال والشباب وهن لا يلاقين تحرشات ومضايقات ولا نجد من يعلق على تواجدهن بسخرية... إشمعنى إحنا؟!
8- أريد أن أتمتع بتجربة مشاهدة المباراة بدون تعليق.
9 – أريد أن أثبت وجهة نظري أمام زوجي وإخوتي بأنني سيدة قادرة مثلهم على التشجيع والاستمتاع.. إشمعنى هم؟!
10- (إنتي هتشوفي الماتش فين؟).. أريد أن تكون إجابتي.. (في الاستاد).. القدرة على الذهاب في حد ذاته متعة.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
انتي لو رحتي احتمال كبير مترجعيش
دا مش متش كورة
ولما تتفرجي حتشوفي المنظر ولو احنا ولا قد الله خسرنا حتلاقي جثث بتقع هنا وهنام
احسنلك كتير ف البيت
وبعدين التوتر بين اللاعبين شديد جدا و مش هتشوف لعبة حلوة ابدا
انصح ان الناس تقعد فى البيت وانا عن نفسى ها استغل قعاد الناس فى البيوت وقلة حركة المرور وها اتحرك براحتى فى الشوارع
يا ستى روحى ولا يهمك
يعني عايزه تفهمينا انك من الطبقة العليوي في البلد دي بيت تيتا في ميدان التحرير وبيت اهل جوزك في شارع جامعة الدول
ايوه يا عم حد ادك مش زينا احنا بتوع المرج وعزبة النخل
ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ــــــــــــــ
مش شريف الدواخلي ولا البراء اشرف
اولا نظافة ودنك لانها مش هتبقى نظيفة بعد الماتش ثانيا جوزك هتستغنى عنه خالص لانك هتسمعى حاجات لما تحاولى تخليه يقولك معناها هيطلقك
ثالثا انوثتك هتتهان كتير جدا ده لانك هتبقى بين شباب ورجاله كتير جدا واكيد فيهم اللى مش محترم وهيبدا يستهبل ويقل ادبه
اقولك اكتر من كده ايه وكمان تستغنى عن حوالى 12 او 14 ساعه يوم الماتش عشان تقدرى تروحى الاستاد فى وقت كويس وتلاقى مكان ماتش زى ده هيبقى صعب على البنات تروحه يا ريت كل البنات تبقى فى البيوت احسن عشان التحرش اللى بقى اسوأ مرض فى بلدنا والله
انا بحزن لما اشوف شباب مصر كده بيحاولو يتحرشو بأى بنت وخلاص عموما ربنا معاكى لو قررتى تروحى الماتش بس اعتبريها نصيحة من اخ اوعى تروحى الماتش وحافظى على ودنك وجوزك وانوثتك
التراس اهلاااااااااااا ااااااااااوى
وانا بروح الاستا
فلا تذهبى
لانة فى حالة هياج او فوضى او شغب فى الملعب وهذا وارد هيحصل تحرش شديد وهتتمسكى من حتت فى جسمك عمر ما حد مسكها
خليكى بالبيت
واتفرجى فى التليفزيون
ولا تعرضى نفسك لمشاكل مرعبة
يعني ا واحد حيتعرض لوحده
لو تذكر امه وانها ممكن تكون في نفس الموقف
لتراجع على الفور
ـــــــــــــــ ــــ
اللهم صلي على سيدنا محمد وعلى اله الذي علمنا ذلك
مرة فيه واحد قبطي قالهالي اسمه مدحت قلاده
والله عنده حق
مصر والجوائر في حالة التأهب القصوى من اجل معركة كروية
واليهود بيستعدوا لهدم المسجد الاقصى
فعلا مدحت قلاده عنده حق
يا امة ضحكت من جهلها الامم
ليهم حق الاقباط
ليكو حق يا زخاري جرجس
مصر والجزائر دولتين عربيتين مسلمتين داخلين معركة كروية كبرى
يعنى لو عددهم 50 هيكون المبلغ اللى هيحصلوا علية 150 مليون جنية
تخيل يا محترم 150 مليون جنية علشان مباراة
احنا بلد فقير والا بلد سفية والا بنستعبط
القتيل فى حادث القطار اخد تعويض 3 الاف جنية واللعيب هياخد 3 مليون جنية
هتروحى تتفرجى على اية - على خيبة بلد
150 مليون جنية ممكن يصلحوا اشارات مرور القطارات بدل اللعيبة
150 مليون جنية يدخلوا مياة نظيفة ل 10 قرى
150 مليون جنية يبنوا 50 مدرسة
150 مليون جنية مكافئات اللعيبة بعد المباراة
شدى عليا اللحاف وصوتى يا صفية
مفيش فايدة
لوهتروحي المتش ممكن ترجعي حاجه تنيه
فهماني طبعن ولا ايه
1- أنني سأتمكن من الهتاف والتشجيع والغناء مع المشجعين.
2 – أنا من محبي وعشاق كرة القدم بحق.. ولست مجرد واحدة من فتيات الأيس كريم والقبعات الطويلة التي تليق على الملابس اللاتي يحببن كرة القدم لأن زيدان شكله أمور!
3- أنا أعرف جيداً قواعد وقوانين اللعبة.. وفاهمة يعني إيه تسلل (وهو لغز الألغاز عند كل الفتيات)!
4- أنا متابعة جيدة للدوري المصري، والإنجليزي، والأسباني، والإيطالي، والـChampions league كذلك
– نفسي أتواجد خلال هذه اللحظة التاريخية لو فزنا بإذن الله
كل الكلام دا زى الفل وانتى انسانة عقالا والله بجد بس بردو فيكى طابع الانثوى الغريب شوى وهو انك بتقولى:سيدات وفتيات أوروبا جميعاً لديهن الحرية المطلقة للذهاب إلى الإستاد والتشجيع مثلهم مثل الرجال والشباب وهن لا يلاقين تحرشات ومضايقات ولا نجد من يعلق على تواجدهن بسخرية… إشمعنى إحنا..اولا دول فى اروبا مش فى مجتمع شرقى زينا وبعض الافكار الجاهلية عند بعض الرجال والنساء
- (إنتي هتشوفي الماتش فين؟).. أريد أن تكون إجابتي.. (في الاستاد).. القدرة على الذهاب في حد ذاته متعة.>>>
هو دا عيب البنات كلها فاكرا نفسها انها هتكون ناقصة ..لو ما اسبتتش للراجل انها قادرة على مراعة نفسها ..اثبتيلو بس فى حاجة اهم من الكورة فى مواقف فى حياتك فى اى شى لاكن مش الكورة ونرمى نفسنا فى التهلوكا فى متش زى دا…اختى العزيزه ماتروحيش المتش دا لان هذه المبارة سوف تكووووووووون صعبة جدا ..ومن لا تذهب الى هذه المبارة هتحافظ على نفسها وعلى شرفها وعدم الاحتكاك بهاا ..البنت الصح المؤدبة ماتروحش المتش دا روحى بس اى يوم تانى…تحياتى لكى
لكن انا كنت ناوى اخد مراتى وبنتى معايا لكن فكرت زيك بالظبط كدة واكتشفت ان البيت فى اليوم ده اكرملى بكتير من انى اروح الاستاد
وكفاية علينا ان شاء الله بعد ما نصعد ننزل الشارع نفرح مع الناس لان سعتها كله هيكون بيحتفل فا مفيش شتايم مفيش تحرش وخلافة والخ الخ
تخياتى
هتعرفى يعنى اية الوضع شامى
جربى
ألأأخت الكريمة
مقالك لا أري منه كبير فائدة تخص الاسلام والمسلمين
وقضايا الامة المكلومة
كما انه جرأ عليك بعض الناس فى التجرؤ عليك فى التعليقات
اسأل الله عز وجل ان يجعل مداد قلمك لنصرة الاسلام والمسلمين
اخوك فى الاسلام
بسيطة جدا
روحى زى اى واحد
لانة فى البيت ممكن الكهرباء تنقطع زى المعتاد وتبقى معزولة تماما وعلى فكرة انا الكهرباء بتقطع عن المنطقة تلاتة اربع مرات فى اليوم وهاروح الاستاد اتفرج على الطبيعة
جمدى قلبك وروحى وهتلاقى بنات كتير هناك
واللى يحصل يحصل واللى يعرف ابويا يروح يقول لة
هاتي ورده بلدي حمرا
وشدي ورقة ورقه
وكل ورقه تقولي حروح الماتش
والورقة التانية مش حروح الاتش
وتشوفي اخر ورقة حتقول ايه
ونفذي اللي في اخر ورقة على طول
وحظ سعيد
كدة التفكير الصح اللى يحافظ على ادمية البنات ويحترم عادتنا الشرقية
و طبعا الكوتة بتاع مجلس الشعب بتاع نسبة الستات هتزيد وممكن الستات يطلبوا تشريع بتخصيص اماكن لهم فى الاستاد ووظائف فى الشرطة والجيش
العملية عايزة شوية نظام
مدير جدع للاستاد فاهم ويقدر ياخد قرار
سلام
وكفاية بقى واختموا الموضوع على كدة
الحاج هريدى الصعيدى - فرشوط
والاقربون اولى بالمعروف
شوف النساء اللي في عيلتك الاول وبعدين نسا الجيران
وبعدين ابقى تعالى عشرينات قول وقرن في بيوتكن
الاقربون اولى بالمعروف وات ذا القربى حقه يعني حقه في النصح
سلام
ولسة عايزة تروحى
وجوزك ما ودكيش
دة باين علية كسلان قوى
اولا من اخبرك انى لم انصح الاقربون ونساء اهلى وهم جميعا كذلك ولله الحمد
ولكن كل اناء بما فيه ينضح
ولا ادرى لماذا ضاق صدرك بذكر ايه وبنصيحة قرانية
كان اولى بك ان ترد على اصحاب التعليقات الخادشة
ولكن (قد بدت البغضاء من افواههم)
هل توقف النبى عن دعوة الاخرين حتى يسلم عمه
قال تعالى(وذكر فان الذكرى تنفع المؤمنين)
فحري بك ان تعرف فقه النصيحة
قبل ان تهرف بما لا تعرف