انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

معرفتش أسافر السودان

ولاد البلدقراءة في ٣ دبقلم محمد جلال

- أصدقائي جماهير صفحة (عايزنها تبقى حمرا)..

أنا أيمن محمود، مهندس مدني، عمري 24 سنة..

- كنت مبسوط أوي عشان مسافر السودان، كنت رايح أشجع بلدي وأساند زكي ومتعب وحسن وكل اللاعبين اللي فرحونا يوم السبت، لكن اتحاد الكرة وقف أمامي ومنعني من تحقيق حلم بسيط وهو السفر، ولولا إن الجيل ده يستاهل نستحمل كل حاجة علشانه، كسّبنا أمم أفريقيا مرتين متتاليتين وإن شاء الله هيوصلونا للمونديال .. لكنت لعنت وشتمت بأسوأ الشتائم وبطلت اتفرج على كرة قدم.

- تبدأ الحكاية عندما خطرت لي فكرة بعد ماتش السبت، قفزت إلى دماغي المغامرة المجنونة فقررت أنا و6 من أصحابي نسافر إلى "أم درمان"، ما تخافوش أنا مش مجنون عشان أدفع 2000 جنيه لشركة سياحة مقابل يوم واحد، معلش كنا ناويين نتعب شوية ونسافر بالطريق البري، نركب قطار القاهرة – أسوان الساعة 8 بالليل يوم الثلاثاء، وبعدين نركب ميني باص من أسوان إلى خلف السد العالي عند الحدود مع السودان، ثم نركب باخرة إلى الخرطوم ومنها نركب أتوبيس إلى أم درمان، وكنا نتوقع الوصول إلى الإستاد حوالي الساعة 4 أو 5 العصر، تقريبا 20 ساعة في المواصلات.. ونعود بعد المباراة بنفس الطريقة.

- هذه الرحلة كانت ستكلفنا 400 جنيه ذهابا وعودة بدون ثمن تذاكر المباراة، واتفقنا مع واحد منا الذهاب إلى مراكز بيع التذاكر في اتحاد الكرة أوسفارة السودان، ويشترى لنا 7 تذاكر درجة أولى سعر الواحدة 40 دولارا ما يقارب 240 جنيه مصري، يعني الرحلة كلها تتكلف حوالي 750 جنيه، أما بالنسبة للطعام قررنا نعيش على علب التونة، على الرغم من أن أقل واحد منا وزنا حوالي 110 كيلو.

- بالنسبة لعبور الحدود فالدخول سهل بالبطاقة الشخصية فقط، فلن أحمل معي سوى حقيبة خفيفة بداخلها بنطلون وقميص احتياطي، ومحفظة بها 800 جنيه.

- أرتدي منذ يوم السبت تيشيرت أحمر كنت أنوي ألا أبدله إلا بعد العودة من السودان، كل يوم أغسله وأرتديه في الصباح مرة أخرى، لأني متفاءل به.

- على فكرة عندما طلبت أجازة من الشركة التي أعمل بها، حاول مديري أن يمنعني من السفر بتحذيره أنني سأعوض هذه الأيام في أجازة العيد، ولكنني أفحمته وأصررت على طلب الأجازة.

- لا أتخيل مدى سعادتي إذا فزنا على الجزائر، وإن شاء الله نكسب 3- صفر، والشعب السوداني سيشجعنا بقوة.

- ستسألوني طب بعد كل ده مسافرتش ليه؟، أرد عليكم وأقول إن بعد ما رسمنا الخطة ونظمنا أمورنا، فوجئنا إن عشان تحصل على شرف البهدلة وقلة النوم من أجل تشجيع المنتخب، لابد أن تكون من فئة راقية في المجتمع، فاتصدمنا بقرار الاتحاد إن التذاكر المباراة لا تباع إلا للمسافرين عن طريق الجو فقط وليس البر، وطبعا مش معانا ثمن تذكرة الطائرة ولا جوازات سفر .. وبعد أن كنت أحلم بمشاهدة المباراة من داخل الاستاد، أصبحت أتمنى أن أحجز كرسي في أي مقهى في وسط البلد بإحترامي، واسمع كلام مديري وأخلص شغلي.

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. احمد بيحب المنتخب بس كُتب في
    معللللللللللللل ش هى بلد بنت تيييييييييييييي يت
    بس نستحمل عشان المنتخب اى حاجة
  2. مهندس فاشل كُتب في
    مهندس فاشل بيحط توقعات غبية او صبيانية للسفر وكانة فى الاعدادية
    هيركب قطار من القاهرة لاسوان - ماشى - هياخد كم ساعة
    ثم من بحيرة ناصر الى وادى حلفا - كم ساعة
    ثم القطار السودانى - كم ساعة
    الرحلة محتاجة لا يقل عن اسبوع حتى تصل ام درمان بامان اللة
    وبعد اسبوع تكون المباراة انتهت وشبعت موت - ويبقى امامك ترجع لنا بجمل تشيل علية خيبتك
    من القاهرة الى ام درمان - انت فاكر نفسك فى الاتحاد الاوروبى وهناك قطار الشرق السريع
    شباب غير واقعى بالمرة وبيحمل خيبتة للحكومة واتحاد الكرة
  3. الرحلة كُتب في
    من اسوان لوادى حلفا توجد باخرة نيلية تتحرك مرتين فى الاسبوع وتستغرق 3 ايام وركوبها وسط الغنم والقرف والبضاعة مخاطرة كبيرة ثم من وادى حلفا فى السودان يوجد القطار وهو ليس مثل القطارات المصرية فسواق القطار وهو ماشى لو عايز يشرب شاى بيوقف فى اى قرية تقابلة ويبات ويتعشى ويشرب شاى وتانى يوم يمشى فى النور مرتاح ويصل الخرطوم فى امان اللة فى الشهر القادم وطبعا الباخرة هتمشى فى بحيرة ناصر وهى مليانة تماسيح واحتمال يكون واحد من اللى على السفينة عايز يخدم تمساح ويزقك بالليل فى المية علشان يسرق جزمتك
  4. عمرو اسامه كُتب في
    على فكره انت ربنا سترها معاك احمد ربنا
  5. مهندس سكة حديد كُتب في
    سياسة المستعمر البريطانى كانت خبيثة وتزرع التفرقة الابدية
    فمثلا السكك الحديد الاوروبية القضبان متساوية فى كل القارة فى الوسع يعنى بعد القضيبين عن بعض او المسافة بين القضيبين ثابتة او عرض السكة واحد بحيث ان اى قطار يطلع من اى دولة يوصل للدولة التانية عادى
    انما المستعمر البريطانى عمل السكة الحديد المصرية واسعة والسودانية ضيقة بحيث لا يمكن لجرار او عربة سكة حديد ان تسير على قضبان الاخر
    ثم تركوا مسافة واسعة جدا من اسوان حتى وادى حلفا وهى التى تشمل الشلالات فى النيل وتعوق الملاحة النهرية بدون قطارات ايضا
    وبدل من عمل ترابط مع اسرائيل فى الغاز والكهرباء لماذا لم نمد السكة الحديد المصرية الى وادى حلفا
    لماذا لا نربط وادى النيل بسكة حديد من الشمال الى الجنوب ؟
  6. Bassel Hazem كُتب في
    ana ro7t el sudan
    w shoft kol 7aga w katebha fi makala
    law el mas2olin 3an el mawke3 mohtameen mail me
    basel_26@hotmai l.com
العودة إلى الأعلى