أنا بني آدم غلبان
أنا بني آدم غلبان
في غيري.. عمري ما أكون طمعان
مؤمن بالقسمة والنصيب
وعارف إن كل شيء بأوان
لا عمرى بصيت للي في إيد غيري
ولا قلت اشمعنى ونمت حيران
كل واحد بياخد حظه
ومفيش حد بينام جعان
أهم حاجة ترضى
عمرك ما تحس بالحرمان
أما الطماع تلاقيه مضايق
ومهما شرب.. عطشان
ومهما ربه منحه يقولك:
برضه كمان
صدق اللي قال:
مفيش غير التراب
يملى عين الإنسان
ربك عمره ما ينسى حد
ده ربك كبير قوى
سبحانه معطى ومنان
لو يوم نفسك بصت لغيرها
قولها: انسي
دي أرزاق ومقسمها الرحمن
* قصيدة أرسلها لنا صديق الموقع، يمكنك أن تراسلنا بمثلها على:
This e-mail address is being protected from spambots. You need JavaScript enabled to view it
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
وعلشان كدة احنا من اتعب الشعوب والفقر بيمص فى دمنا
انا كدة وغيرى احسن منى لازم احاول ابقى زية بالعمل والاجتهاد
مفيش حاجة اسمها الرضا بالواقع المرير
اللة سوف يحاسب امثالنا حسابا رهيبا
فى الفران قصة المستضعفين وقولهم كنا مستضعفين فى الارض فرد عليهم الم تكن ارض اللة واسعة فتهاجروا اليها
انما حكاية المشى جنب الحيط ولا ابص للى فى ايد غيرى فهذة علامات جبن
دى كلام لا هو شعر حر ولا شعر موزون ولا يخضع لاى بحر من بحور الشعر
دى كلام ينفع يتقال على مصطبة
او واحدة بتشحت
او بياعة بتنادى على كرات وفجل
شوية كلام عامى على تعابير بلدية غير مترابطة المعانى ملخصها كلمتين وبس
عشانا عليك يا رب
يا عم بلاش الشعر دة ما تطلع بصندوق امشاط وفلايات وتوك شعر واستك منة فية فى اتوبيسات العتبة
ويجعلة عامر
ربنا معاك
معاك فكة ورقة ب 100 جنية وتاخد منها جنية للة
الولد نجار المسلح الغلبان لبسوة قضية قتل بنت المغنية اياها
وغلبان تانى اهو من بولاق بيشتغل مش عارف اية ترزى لبسوة قضية تفجيرات
انت عارف المثل بين ضباط الشرطة اية او بيقول اية
المثل يا سيدى
ان قابلك مسكين حط راسة فى الطين
اما الحكومة المصرية ورجال الحزب الوطنى فشعارهم
لنا حق معلوم فى اموال السائل والمحروم
اما الست جمالات بياعة الفاكهة على ناصية حارتنا زوجة المعلم دنجل سواق التوك توك فتقول
البيت اللى مفيش فية ولد صايع يبقى حقة ضايع
الكلام دا تقولوا لما مباحث امن الدولة يقبضوا عليك ويجرجروك بالبيجامه على السلم للعربية والجيران يشوفوك وانت بتتبهدل ويجرجروك على القسم
تقولهم
انا بني ادم غلبان يا بيه
والنبي يا بيه انا ما استاهل دا كله