بالألوان الطبيعية أم الجنسية؟!
إساءة بالغة تلك التي حملها فيلم (بالألوان الطبيعية) إلى طلبة كليات الفنون الجميلة مما دفع الكثيرين منهم إلي إنشاء جروبات تطالب بوقف عرض الفيلم ومقاطعة القائمين على صناعته، حيث احتوى الفيلم على علاقات غير شرعية ومشاهد جنسية وحمل سفاح وألفاظ يعاقب عليها القانون شارك في صناعتها كل من يسرا اللوزي وكريم قاسم وفرح يوسف والتونسية فريال يوسف ومن جيل الكبار شارك الفنان سعيد صالح بعدد من المشاهد كضيف شرفي للفيلم الذي كتبه هاني فوزي وأخرجه أسامه فوزي.
تفاصيل الفيلم:
البطولة: يسرا اللوزي، كريم قاسم، فريال يوسف، فرح يوسف، منى هلا، سعيد صالح، انتصار، حسن كامي.
تأليف: هاني فوزي
إخراج:أسامه فوزي
إنتاج: شركة مصر للسينما
توزيع: الباتروس (كامل أبو علي)
عن الفيلم:
- دارت أحداث فيلم (بالألوان الطبيعة) داخل كلية الفنون الجميلة، حيث الطلبة والطالبات الذين لا يبالون بدراستهم وغير مقتنعين بأنهم يتعلمون شيئا، ومنهم من يلجأ إلى الرسومات العارية بحثا عن درجات أعمال السنة.
- يسير الفيلم على نهج بطولة الشباب الجماعية مثلما سبق وحدث في فيلم (أوقات فراغ)، (كامب)، (الماجيك).
- الثنائي هاني فوزي وأسامة فوزي استكملا في هذا الفيلم ما كانا يهدفان إليه في فيلم (بحب السيما) حول انتقاد عقلية تحريم الفن ووصفها بالرجعية.
أفضل ما في الفيلم:
- تفوقت الموسيقى التصويرية التي اعتبرها البعض بطلا رئيسيا في الأحداث.
- استطاع الفيلم أن يتطرق لقضية فساد التعليم.
- ينقل الفيلم صورة لفتيات ممن عاشوا في أجواء تدعو للانحراف وكيف يغيرون حياتهم بارتداء الحجاب والنقاب مثلما حدث مع بطلة الفيلم يسرا اللوزي.
أسوأ ما في الفيلم: احتوائه على جرعات جنسية زائدة عن الحد بالإضافة إلى إظهار كليه الفنون الجميلة وكأنه وكرا للممارسة الدعارة العلنية.
قالوا عن الفيلم:
- المخرج أسامه فوزي: مجتمع الجامعة مفتوح لأبعد الحدود وداخل الأسوار يحدث كما شاهدت بنفسي أكثر مما عرض في الفيلم ولا أحد يستطيع إنكار أن الفيلم أظهر حقائق تحدث مثل العلاقات غير الشرعية والحمل سفاحا، وعلى الجانب الآخر أظهرنا كيف أنه من وسط هذا العالم والحياة قررت واحدة من البنات أن ترتدي الحجاب ثم ارتدت النقاب مما يعنى إنني أظهرت بالأحداث الوجهين السيئ والجيد حتى لا أظلم جانب على حساب الأخر.
- الناقد طارق الشناوي: أسوا ما في الفيلم وقوعه في فخ التطويل الزائد عن الحد في الجمل الحوارية، وإذا كان صناع الفيلم يحاولون إلقاء الضوء على عقلية التحريم فانا أرى إنها معالجة ضعيفة كما أن المشاهد الجنسية جاءت بتكرار شديد بحثا عن جذب المراهقين وكان ذلك في غير صالح العمل.
- أحمد مصطفى عباس، مؤسس جروب )لازم شباب فنون جميلة المحترم يقف ضد عرض الفيلم القذر بالألوان الطبيعية) على موقع الفيس بوك: لازم يكون في وقفه ضد الفيلم القذر، عشان عمر ما إحنا كنا كده ولا عمر صحبتي قلعت هدومها عشان أرسمها أو العكس، ده فيلم اسمه بالألوان الجنسية.. إحنا الفن والفن يعني السمو في كل حاجة.
يمكنك مشاهدة الفيلم إذا كنت:
من مشجعي البطولات الجماعية للشباب.
من محبي فيلم "بحب السيما".
من محبي مشاهدة الأعمال التي تدور داخل مجتمع الجامعة.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
قادر يبعدنا عن كل ده بحق اشهد ان لا اله الا الله وان محمد (صلى الله عليه وسلم )رسول الله
في الجزء الخاص بـــ يمكنك مشاهدة الفيلم اذا كنت :
من الشباب اللي بيجري ورا اي فيلم فيه تجاوزات جنسيه وياخد معاه صحبتو او زميلتو علشان يستغل الفرص وانتوا عارفين هتعملوا ايه
اسف علي الاحراج
كل واحد بيفكر في مصر ازاي يتخلص من الفار وما فيش حل الا استهبال الشعب والضحك عليه علشان خاطر يدفع
والمقدمه بتاعة الموضوع تؤيد ذلك
ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ
حيث احتوى الفيلم على علاقات غير شرعية ومشاهد جنسية وحمل سفاح وألفاظ يعاقب عليها القانون
ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــ
الحجات اللي حتشد انتباه الشعب الاهبل علشان خاطر يجري على السينمات ويكسر شبابيك التذاكر والفيلم يجيب بسرعة وكل واحد يا خدله مليون
هي دي عقلية العيال الكسيبه بتوع مصر دلوقتي
ازاي تطلع الفلوس من جيب الشعب اللي هو ما عندهوش فلوس اصلا
مفيش غير اللي مكتوب في المقدمه
سلام
هيبقت عادة ولا ايه منغير اي مستندات بقت حاجة قلت …
لم
بس انا مع الحرية المطلقة بدون التجريح في حد او يؤذون الناس
وكل بئر ينضح مما فيه
وعلى فكرة للمرة المليون الفيلم بجد جامد جدا وانا كنت مستمتع بكل لقطة فيه الصورة كانت حلوة والإخراج رائع والتمثيل رائع والمزيكا خرافيه والجرافيك جامد جدا
وياريت عشان خاطرى لو فى ناقد فنى عايز يتكلم عن فيلم يتكلم عن فنيات اما لو انت مختلف فى الأفكار بتاعة الفيلم فدى حاجة لازم تناقشها مع اللى كاتب الفيلم شخصيا عشان يقدر الراجل يدافع عن افكارة
اه انا هخش الفيلم ده تانى وهدفع فبوس فيه تانى ولما ينزل هشترية اورجينال
سلام
بس انت مش شايف انك مزودها ف حكايه ان كل كليه بيحصل فيها كده دى
لسه الدنيا بخير يا اخى برده
انا شايفه يا جماعه اننا رجعنا لسينيما السبعينات تانى ف الجراه و المشاهد بس المفروض منحكمش على الفيلم من البرومو بتاعه و ف نفس الوقت انا عن نفسى مش هقدر اشوفه الا لما ينزل على سيديهات او يتهرب لان الفيلم ميتشافش ف السينيمات بالشكل ده و لو ان فيلم احاسيس متوقعه يبقى انيل منه ميت مره