انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

إعدام هشام ..ولا في الأحلام !

ولاد البلدقراءة في ٣ دبقلم محمد جلال، محمد جمال الدين

"جريمتي .. جريمة عالمية على أرض أماراتية و المحاكمة مصرية"، و"سمعني سلام أنا اللي أحبه قتلني وجاب لي إعدام"، و"يا ناس قتيل الغرام مقتول و ساح دمه يا حزن أهله عليه .. يا طول عياط أمه"، عينة من التعليقات التي انطلقت فور صدور الحكم بإحالة أوراق كلا من هشام طلعت مصطفى، رجل الأعمال المعروف وعضو الحزب الوطني، ومحسن السكري، الضابط السابق، إلي فضيلة المفتى، علي خلفية جريمة قتل المطربة سوزان تميم بدبي، والتي أدين طلعت بالتحريض عليها والسكري بتنفيذها.

حكم المحكمة انتشر كالنار في الهشيم بين المصريين وخاصة على صفحات الانترنت، متسببا في ردود أفعال اختلفت بين المفاجأة والصدمة وعدم التصديق، والشعور بالراحة وبعدل القضاء المصري بعد أن توقع كثير من المواطنين أن يخيم الفساد ويتم التستر علي تلك القضية بحكم مركز طلعت السياسي والاقتصادي.

( ولاد البلد ) تجولت بين المصريين لتلقي عليهم الخبر، وترصد ردود أفعالهم تجاهه.

صدمة

كانت تعابير وجه أسماء الحسيني، تشير إلي صدمة مفجعة، كشفت عن سر تلك الصدمة قائلة " تابعت القضية في بدايتها ، وكانت جميع الأدلة تنفي التهم الموجهة لهشام طلعت، بما فيهم المكالمات التليفونية، والتي قالت المحكمة أنها مكالمات تدور في العام، ولا تعبر عن عقد صفقة أو تدبير للجريمة، وكنت أتوقع أن يحصل علي البراءة اليوم " .

" مش مصدقة طبعاً، هو أنت بتسألنى أنا أتوقع أيه، ولا ده حكم صدر فعلاً ؟".. كانت تلك أولي علامات الدهشة التي حلت علي وجه أيمان عياد، الطالبة بجامعة 6 أكتوبر، بعد علمها بالحكم، واستكملت قائلة " نزاهة القضاء المصري منذ قديم الأزل لا يختلف عليها أثنين، برغم بعض العناصر غير المرغوب فيها بداخله والتي تحاول أن تغير مسار بعض الأحكام، لأهداف سياسية، ولكن الحمد لله أن طلعت مصطفي واللى معاه هيخدوا إعدام".

والي محمود، يرى أنه لا يستطيع كغيره من المواطنين الحكم، و يوضح قائلا:" لن نستطيع نحن الحكم عليه ، لأننا غير مطلعين على حيثيات الحكم، ولا حتى عن تفاصيل الجريمة كاملة، فلن نستطيع أن نكون القاضي والمدعين والمدعي عليهم في نفس الوقت".

السلام 98

هل القضاء يناقض نفسه؟، هكذا تساءل رامز عزيز، وأوضح قائلا:" لقد حكم على هشام طلعت مصطفي بالإعدام وهو فقط كان محرضاً علي قتل فنانة، في حين أن ممدوح إسماعيل مالك العبارة الغارقة السلام 98 حكم عليه في المرة الأولي بالبراءة ، ثم حكم عليه في المرة الثانية بسبع سنوات ، ولا يزال هارباً ، بالرغم من أنه تسبب بمقتل ما يزيد عن 1300 شخص، في حادث غرق العبارة لا نفهم ما هذا التناقض؟".

ردود فعل المواطنين بشأن حكم الإعدام ..شاهد

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. موظف عند طلعت بيه كُتب في
    ايه يا جماعة اللي انتو بتقولوه دا
    دا مش ممكن يحصل ابدا
    هي البلد سايبا ولا سايبا
    اعدام ايه دا طلعت بيه يعرف كل الناس الكبار اللي في البلد
    لا لا ما تخافوش دا طلعت باشا لو رفع سماعة التليفون حتشوفوا ايه اللي حيجرا
    يلا بأه يا طلعت بيه ارفع سماعة التليفون وكلم المجرمين بتوعك
    يلا باه يا طلعت بيه ارفع سماعة التليفون يا سعادة الباشا
  2. زوجة طلعت مصطفى كُتب في
    تستاهل يا معفن
    طول عمرك شمام ووسخ
    ما كنتش حرماك من حاجه يا واطي
    بس حنعمل ايه في ديلك النجس
    عشت نجس وحتموت نجس
  3. تحيه الى شرطة دبي كُتب في
    تحية عسكرية الى شرطة دبي افضل شرطة في العالم
    التي كشفت الكلب بعد بضعة ساعات من الجريمه
    لو كانت حصلت عندنا في مصر دي كان القاتل حيبقى نجار مسلح
    ها ها ها ها ها ها ها ه ها ها
  4. ابن سيادة اللواء كُتب في
    السكري دا ابوه لواء سابق في البوليس
    اشرب يا سيادة اللواء
    الجزاء من جنس العمل يا سيادة اللواء
    اللهم لا شماته
    ونداء الى جميع الضباط في الداخلية ابقوا ربوا ولادكم يا ولاد الكلب
  5. موسم قتل الخنازير كُتب في
    قتل الخنازير افضل من ذبحهم
  6. مبروك كُتب في
    ما اراة
    هو
    ان النقض سيقبل
    وستنظر محكمة النقض فى القضية
    ويصدر حكم بالسجن لمدة 15 سنة مع الاشغال الشاقة
    بعدها بسنتين
    سوف يصدر عفو رئاسى نظرا لظروفة الصحية وحالتة المرضية
    يعنى عفو صحى زى ايمن نور
    وسلم لى على البدنجان البلدى والبدنجان الرومى
    ويعيش القضاء النزية قريب خالتى نزيهة بتاعة كوم الشقافة
  7. سامح كُتب في
    الموضوع مش عدالة بس
    هشام مصطفى فى فندق الفور سيسن هو والسكرى يعرفوا اسرار كتيرة لناس مهمين
    والاسرار دى خطيرة
    ولازم تندفن
    يبقى لازم يموت هشام والسكرى يموتوا باى طريقة
    بس الاسرار دى متطلعش برة
  8. حسنين الصعيدى كُتب في
    انا كان نفسى اشوفة
    اشوفة وامللى عينى منة
    وبعدين يشنقونى مش مهم
    المهم اشوفة
    واشنقونى
    هو الشنق هييجى اية جنب لحظة رؤية من رؤياة
  9. شام كُتب في
    هشام مصطفى
    عضو لجنة السياسات فى الحزب الوطنى الديمقراطى الحاكم
    عضو مجلس الشورى ليس بالانتخابات ولكن باختيار رئاسى يعنى من اهل الثقة جدا
    الراجل قلبة اخضر
    بيحب الزهور والورد والنسوان الحلوة وبيحب كمان جمع المليارات - بياخد ارض بالكيلومترات من الدولة ببلاش ويبنى فيلل وبيوت وفنادق ويبيع
    بيحب يمشى وحولة بطانة او حراسة او موكب او بودى جارد حديدى من ضباط الداخلية السابقين اولاد اللواءات السابقين
    عايش الدنيا بالطول والعرض
    تقوموا تعدموة علشان واحدة مطربة
    لية
    اية الظلم دة
    القاضى دة مفترى ومؤجور وقابض من بتوع حزب اللة فى لبنان
    هشام مصطفى برىء براءة الذئب من دم ابن يعقوب
    انظروا الى وداعة وجهة داخل القفص
    يا هشام
    خللى اولياء الدم يتنازلوا ويقبلوا الدية
    او تسلم نفسك لحكومة دبى
    وهناك لو تنازل اهل الدم عن حقهم مش هيعدموك - هتدفع الدية وتروح
    ادفع مليار جنية دية يا هشام واشترى حياتك
    ولا تحرم الشعب من مواهبك فى مجلس الشورى ولجنة السياسات فى الحزب
    اصل سياساتك مبتنزلش الارض ابدا
    عرفنا سبب و[ *** ]تنا اية
    ولية رغيف العيش مش موجود
  10. ممدوح زكى زخارى جرجس كُتب في
    الى صاحب التعليق رقم(10)
  11. غالية السنوسي كُتب في
    يا سلام يا جماعة لو كانت العبارة فيها مغنية مشهورة كنا عرفنا ناخود حق الغلابة اللي ماتوا لكن معلش المرة الجاية نعمل حسابنا وربنا ياخود كل راعي مش بيهتم بشؤن رعاياه فينك يا رسولنا وفينك يا عمر ويا ابو بكر ربنا كبيرررررررررررر ررررررررررررررر ررررررررررررررر ررررررررر
  12. عاطف بشاى السرياقوسى كُتب في
    براءة يا هشام
    على مين الكلام دة
    هتطلع براءة هتطلع براءة
    سيبك من المسرحية بتاع نزاهة القضاء والبروباجندا الاعلامية
    براءة
    براءة
    براءة
  13. شرطة مصر كُتب في
    شرطة مصر تؤكد ان قاتل سوزان تميم نجار مسلح
    ها ها ها ها
  14. wally mostafa كُتب في
    مين والى محمود دة انا مقولتش ان اسمى والى محمود وبعدين فين الفيديو الى انا مسجله…اخص عليكم دحكتوا علية
  15. نصيحة كُتب في
    ياعم الكلام ده كلو ضحك على الدقون العملية كلتها مدبرة علشان يتخلصو منو والسيد حسني مبارك يسلم جمال الحكم ومايكون أدامو أي منافس أصحو يامصريين يا جدعان دا هشام كان واحد منهوم أنتو نسيتوا وله أي
  16. نونو كُتب في
    احسن تستاهل يا معفن
  17. رودى كُتب في
    والله العظيم ده حكم انسان ظالم مش بنادم مسلم بيحكم بكتاب الله وبعدلة فى ناس كتير من مصلحتها ازاحة هشام من سكتها علشان يخللهم الجو ويبرطعو فى البلد الله يخدهم كلهم فاكرين ايام مكان الحديد سعرة وصل 12000 جنية وكان هشام بياخد من حمادة عزو تقريبا تلت انتاج مصنعة وكان حمادة عاوز يبيعلو بنفس الثمن الى فى السوق وراح هشام جاب حديد مستورد ارخص من حديد عزو والسادة الافاضل الحكومة المصرية وقفت الحديد فى الينا وقالت انه مش مطابق للمواصفات الموصفات المصرية ورفع قضية على الدولة و[ *** ]بها دة بقا كان رد الدولة علية بس كان رد سريع اوى وصعب اوى ؟؟؟؟ هو لازم الواحد يكون حرامى علشان يعيش فى البلد دى
  18. memy كُتب في
    فعلا احسن قضاء فى العالم قضاء مصر بس عمر مهيكون عادل زى عدل عمر بن الخطاب او حتى ربعة الناس شمتانه فى هشام علشان خد اعدام فى قتل رقاصة طيب العبارة الى غرقت وراح ضحيتها 1300 شخص وخد براءه هو دة العدل ولا هيا دى سياسة دولتنا الموقرة انا مش بغلط فى الدولة ولا فى حد انا بس بقول رايى لان دة مش حكم عادل وازا حكمتم بين الناس فاحكمو بالعدل بعدل ربا الى زكرة فى كتابة العزيز مش عدل س[ *** ]ونيا الى ماشى فى البلد انا عمرى ماسمعت عن هشام حاجة وحشة حتى لو بيعمل حاجة وحشة بيعملها فى السر مش الى مش هامو حد وبيسرق بيوتنا ومنظف جيوبنا ومستحقر السوق لحسابة بس ربنا مبيسيبش الازمة العالمية الى حصلت دى كان ابتلا من الله عز وجل لان الناس كانت طمعت اوى وكانت خلاص افترت وعلى فكرة انا واثق ومتاكد من براء هشام جدا وربنا معاك يا هشام صدقنى حتى لو انتا خت اعدام فهيكون امر الله ولو انتا بريق هترتاح من الدنيا والى فيها وتقابل وجه كريم ويقال ان القاضى الى حكم فى القضية خارج على المعاش كمان شهرين وهياخد مكافة نهاية الخدمة هدية جامدة جدا زى الحديد والحدق يفهم
  19. هبهوبه كُتب في
    للناس الذين يشككون ويدافعون عن القاتل اقول ان ذلك مرض نفسي اسمه البحث عن النقيض فلو الناس كلها اتفقت علي البراءة مثلا لابد ان يظهر ناس يقولوا مجرم والع[ *** ] صحيح
    وبالنسبه لعلاقته بالسلطه وكيف يضحوا به لان الجريمه وقعت في دبي وعند ناس شرفاء ليس لهم مصلحه فلم يتم مثلا تلف الشريط او تغيير الادله او وجود مخبول يقولون عليه هو القاتل وشهدوا بما يرضي الله فاصبح هناك ادله لكن لو الع[ *** ] مش حقولكم كان جايز اخذ تعويض
  20. sandra كُتب في
    he deserves that sentece.. cause he sinned
    and he will be punished in hell too!
العودة إلى الأعلى