انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

منديل الحلو.. ويبس ولا كلينكس

ولاد البلدقراءة في ٣ دبقلم مروة عبد الفضيل

عندما غنى عبد العزيز محمود أغنيته الشهير منديل الحلو، لم نكن نعلم هل يقصد الويبس wipes أم الكلينكس؟ فشتان الفارق بين الاثنين، الأول منديل معطر تستخدمه حصرياً بنات هذا الجيل، والثاني منتج أصبح ذكورياً تجده في جيوب الشباب وداخل عدد لا بأس من به من حقائب البنات.

ورغم أن أغلب استخدامات الويبس أو المنديل المعطر هو غسل اليدين بعد تناول الطعام، إلا أن انتشاره ازداد مؤخراً بعد تفشي مرض انفلونزا الخنازير داخل مصر، فالمنديل يحتوي على مواد مطهرة تساعد الشخص على تطهير يديه كل فترة دون اللجوء إلى غسل اليدين، ولذلك لجأت إحدى الشركات المنتجة للمناديل المعطرة إلى تصميم إعلان تجده على الطرق الآن تبدو فيه فتاة صغيرة تضع المناديل ككمامة على وجهها.

بين الويبس، والكلينكس، سألنا عدداً من الشباب والفتيات: "منديلك إيه"؟!

الاسم: يمنى عبد الله (طالبة بكلية الآداب، جامعة القاهرة)

منديل الحلو: ويبس طبعاً

السبب: المناديل الكلينكس العادية خلاص راحت عليها وكمان ورقها وملمسها نفسه مش ظريف عشان كده أنا بطلت استخدمه من حوالي سنة.

الاسم: أحمد على (مدير تسويق بإحدى الشركات)

منديل الحلو: المناديل العادية والمعطرة

السبب: اعتدت على استعارة المناديل المعطرة من زوجتي عند ذهابنا لتناول طعام في إحدى المطاعم فقط أو إذا كنا في مشوار طويل بالسيارة، فالويبس حل سحري في هذه الحالات ولكنني لا أحمله في جيبي، بينما أحتفظ بباكو مناديل كلينكس في جيب البدلة.

الاسم: شادي عبد الحميد (ثانوية عامة)

منديل الحلو: مناديل كلينكس طبعاً.

السبب: "المناديل المعطرة دي بتاعة البنات والشباب "السيس"، مش ممكن راجل يشيل في جيبه منديل معطر، يبقى الفاتحة على الرجالة، وكمان دي بتجيب حساسية من ريحتها القوية".

الاسم: سارة الدهشان (محامية):

منديل الحلو: ويبس طبعاً

السبب: لأن رائحتها جميلة وتغطي على رائحة اليد إذا كانت بها عرق أو بقايا طعام، فإذا تناولت أي بسكويت أو ساندوتش في الشارع، فأقوم بتنظيف يدي بالمناديل الويبس، كما أنه مفيد عند إزالة الماكياج في البيت.

الاسم: رباب علام (مدرسة):

منديل الحلو: عادي..

السبب: لا أستخدم سوى المناديل الورقية العادية، وعندما أتناول الطعام أحرص على غسيل يدي، وأعتبره نوعاً من النظافة، ولا أحب الاستسهال واستخدام المناديل المعطرة، رغم أن الطالبات في المدرسة لا يستخدمون سوى الويبس.

الاسم: عبد الله غالي

منديل الحلو: لا ده ولا ده.. قماش طبعاً

السبب: أنا أحب أن أستخدم المناديل القماش؛ لأنها من القطن وهي أنظف للبشرة واليدين، فجميع المناديل الورقية والمعطرة ليست في جودة المنديل القماش.. بتاع زمان.

وأنت وأنتِ منديلكم إيه؟!

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. القاهرة – مصطفى سليم كُتب في
    المختطفون يقعون ضحية بيع الأعضاء أو يباعون للخارج بجوازات مزورة
    مصر تبحث تزايد خطف الأطفال و"الداخلية" تنفي وجود "ظاهرة"
    عقدت لجنة الأمن القومي بالبرلمان المصري جلسةً مخصصة لبحث ظاهرة خطف الأطفال، فيما تملأ الشارع شائعات عن عصابات منظمة تنشط في خطف الأطفال للمتاجرة بهم ببيعهم إلى أجانب بجوازات سفر مزورة، أو لبيع أعضائهم.
    وبينما أكد مسؤولٌ في وزارة الداخلية المصرية تلقي بلاغات يومية عن حالات خطف، إلا أنه نفى وجود ظاهرة أو عصابات منظمة، معتبرًا أن "ثقافة الشائعات" صارت تشكل خطورةً على الاستقرار في البلاد.
    وكان العديد من أهالي محافظات مصر، خاصةً في الصعيد، تقدموا ببلاغات إلى الشرطة خلال الأسابيع القليلة الماضية، تفيد بخطف أطفالهم، كما سرت حكايات عن قتل الأطفال وبيع أعضائهم، مما أدى إلى حالةٍ من الذعر.
    ووصل الأمر إلى أن تظاهرت نحو 300 أسرة في قرية أبطوج، بمركز بني مزار محافظة المنيا 300 كم جنوب القاهرة، يومي السبت والأحد الماضيين احتجاجًا على ما اعتبروه تخاذل رجال الشرطة في البحث عن الأطفال المخطوفين.
  2. مش شريف ولا براء كُتب في
    يا سعادة وزير الداخلية لو سمحت اركب مترو الانفاق وشوف العيال اللي بتشحت والعيال اللي بتبيع مناديل وشوف ايه حجايتكم يا سعادة وزير الداخلية
    يا سعادة وزير الداخلية المنصب تكليف وليس تشريف
    يا سعادة وزير الداخلية زي ما هو عندك مباحث مكافحة الاخوان المسلمين
    لازم يكون فيه مباحث مكافحة الخطب يا سعادة الوزير
    غلط كده العيال تتخطف من اهلها ويتباعوا ويسرحوهم في الشارع كده والداخلية نايمه على نفسها
    بالذمة مين اللي حيخلي ابنه ولا بنته تنزل تسرح بمناديل في الشارع ولا تشحت في هذا السن المبكر
    الا اذا كانت العيال مخطوفه
    وانت يا جماعة الصحافيين بلاش تهريج وكتابة مقالات ما لهاش قيمه زي افلام عادل امام وبقية الزباله اللي بيسموهم ممثلين
    يا بنت الحاج عبدالفضيل التحقيق الجاي لازم يكون عن الاولاد المخطوفة دي وحتلاقيهم في متروا الانفاق ومحطات المترو
    سلام
  3. مش ححبك كُتب في
    بخصوص بيع المناديل
    على ما يبدو وعلى حسب ما رأيت بعيني ان فيه عيال صغيره جدا بتبيع مناديل
    بشوفهم في مترو الانفاق
    وفي محطات المترو وفي حلوان
    لفت نظري بنت صغيره بتتحايل عليا اني اشتري كيس مناديل لحسن الولية اللي مسرحاها لو ما بعتش الكمية اللي معاها بتنزل عليها ضرب بالخرطوم
    وبعد البحث والتحري اتضح لي ان معظم هذه العيال مخطوفة من اهلها
    ـــــــــــــــ ـــــــــــــــ ـــــــــــــــ ـــــــــــت
    نكرر العيال اللي بتبيع المناديل مخطوفة من اهلها
    مرة شفت بنت صغيره بتبيع مناديل شعرها اصفر وعنيها خضرا اي والله
    ـــــــــــــــ ـــــــــــــــ ـــــــــــــــ ــــــــــ
    نرفع الموضوع الى السادة المسئولين في وزارة الداخلية
  4. مفيش خطف كُتب في
    مفيش اى عملية خطف
    انة الفقر
    اناس بيرموا اولادهم فى الشارع لشدة الفقر وعدم وجود القدرة على اطعامهم يبيعوا اى حاجة ويجيبوا اى فلوس علشان يعرفوا يعيشوا
    اركب اى مترو انفاق وشوف ازدياد هؤلاء الاطفال والشحاتين بطريقة مرعبة
    لاول مرة فى تاريخ مصر تطلع احصائية بتقول ان استهلاك المصريين فى 6 شهور الماضية قلت بنسبة 35% يعنى الناس لا تاكل اللحمة لشدة الفقر
    الوضع صعب جدا
    الدولة بتشترى سيارات نقل مرسيدس للامن المركزى وسايبة الناس الغلابة
    واللة لولا شوية العاملين فى الخارج وتحويلاتهم الى اهليهم وبنائهم شقق وبيوت لكان حال البلد دى بقى زى الصومال
العودة إلى الأعلى