انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

شارك: هبة.. ترجع ولا مترجعش؟

ولاد البلدقراءة في ٣ د

تفاصيل ربما قرأتها في بعض الصحف وربما لم تعرفها حتى الآن، لن نتدخل في سرد الحكاية ولكننا سنتركك تقرأها كما كتبتها صاحبة القضية هبه محمد نجيب على موقع الـ (Facebook)..عبر مجموعة أنشأتها خصيصاً لهذا الغرض تعرف على هبه وشارك برأيك.

الاسم: هبة محمد نجيب، 27 سنة ، مصرية.

المشكلة:

مقيمة في جدة مع والدي وأريد العودة إلى مصر في حين أن والدي لا يريد ذلك، أحاول منذ 3 سنوات العودة دون جدوى.

تفاصيل الحكاية:

• مقيمة في جدة تحت كفالة والدي المصري، قام والدي باحتجاز جواز سفري ومنعي السفر والعودة لمصر لمدة 3 سنوات، أيضا قام باحتجاز الإقامة السعودي الأصل، قمت بالتقدم بطلب للقنصلية المصرية في فبراير 2008 للحصول على جواز سفر جديد ومساعدتي في الخروج ، ورفض الطلب.

• بعدها تقدمت بشكوى لهيئة حقوق الانسان السعودية التي حولتني لوزارة الداخلية حيث تم عمل محضر ولم يتم استدعاء الوالد، وليس معي رقم المحضر أو المعاملة أو صورة منه.

• في الفترة التالية تم مخاطبة منظمة الأمم المتحدة في الرياض - وعدد من السفارات الأجنبية ولم يجد نفعا.

• تم كتابة طلب لجوء الي UNCHR، ولكنهم اشترطوا حضوري للرياض لإجراء المقابلة التي لم تحدث.

• تحدثت مع السفير المصري في الرياض محمد عوف الذي كان رده أن هذه أنظمة البلد وعلينا احترامها وأحالني لشخص يحاول الإصلاح بيني وبين والدي.

• بعد كتابة شكوى للمجلس القومي المصري لحقوق الانسان - تم مخاطبة القنصل المصري بجدة علي العشري بشأن إصدار وثيقة، بدوره أحال طلب الوثيقة لمكتب السفير أحمد رزق مساعد وزير الخارجية لشئون المصريين في الخارج - وأخيرا تم اصدار وثيقة بدل فاقد للجواز ذات صلاحية لمدة شهر بتاريخ 30 - 6-2009 .

• لا تحمل الوثيقة أي تأشيرة خروج وعند استلامها أفاد القنصل أن هذا لا يدخل ضمن مسؤليات القنصلية.

• سعيت بالوثيقة في الجوازات السعودية لكنهم رفضوا اي نقاش، ذهبت للإمارة وقابلت الأمير خالد الفيصل وقدمت طلب بمغادرة البلاد، أحيل الطلب لمحافظة جدة، وهناك قدمت طلباً آخر وقابلت الأمير مشعل، الذي حول الطلب للجنة العفو وإصلاح ذات البين والتي لم أتعامل معها لأنه عند ذهابي وجدت شروط الدخول كالتالي وجود محرم شخصي وتغطية الوجه ولبس القفازين.

• تعقد الأمر لكن وزارة الداخلية ألمحت أن الأمر قد يسير فيما إذا طالبت القنصلية المصرية رسميا بعودتي.

• اتصلت بالسفير أحمد رزق - أبلغني عن هذا ليس من اختصاصات وزارة الخارجية وأنها مشكلة عائلية يجب حلها بمعرفتي مع علمه أن جميع المحاولات الودية انتهت بالفشل.

• اي مقيم هنا في المملكة يملك عقدا بينه وبين كفيله يستطيع الغاءه والعودة لبلده، فيما لا أملك أنا هذا الخيار، إقامتي تتجدد تبعا لتجدد رغبة والدي.

المطالب:

• حسب القانون المصري بعدما تخطيت 21 عام – لي حق السفر والاقامة والتحرك دون موافقة الوالد، وإن كان القانون السعودي ينص على ما ينص عليه، فأنا لست سعودية، أريد فقط العودة لبلدي.

• لكل انسان في هذه الحياة الحق في التنقل، وليس لأحد أن يمنعه ما دام ليس مطالبا أمام القضاء، وعندما يحتجز باسم دولة، أعتقد أن لديه الحق في محاكمة الدولة.

• أطالب الخارجية المصرية بتمكيني من حقي في العودة إلى مصر وأطلب من كل النشطاء والحقوقيين والإعلاميين والمدونين مساعدتي في مطالبتي بذلك.

• فاكس وزارة الخارجية: 35749533

هذا البريد الالكتروني محمى من المتطفلين , يجب عليك تفعيل الجافا سكر يبت لرؤيته

E.mail

بعد أن تعرفت على تفاصيل المشكلة من بدايتها وحتى الآن، تفتكر ترجع مصر ولا تعيش مع والدها؟؟

ولو انت موافق على كلامها، تقدر تساعدها ازاي؟

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. مش ححبك كُتب في
    والله على ما يبدو ان الاقامة في جده افضل
    حتمشي في المظاهرات ولا الاضرابات ولا الاعتصامات
    ولا حتقف في طوابير الخبز
    خليها في جده احسن على الاقل جنب الحرم
    على الاقل مفيش امن مركزي
  2. ابو عمر13 كُتب في
    الاخت سمر
    تحياتي وشكرا لتعليقك.
    نحن لانبغي الا طاعة الله عز وجل , واستخلص من تعليقك ماهو تذكير للاخت العزيزة (كما تدين تدان)
    والله يا اخت هبة (بركة دعاء الوالدين ) لا تدانيها نعمة في الكون الا نعمة الاسلام.
  3. سمر الدالي كُتب في
    مش لازم اقولك قصة حياتي لكن انا حصلي نوع من الظلم من راي من ابويا وبحبه ومش بخرج عن طوعه وبتحمله وبقول ده قدري وبرضى لله وبدعيله وبقول هو لازم يقصد مصلحتي بس شافها من وجهة نظره لا يكن اعاملة بندية في رحمة لمن كان سبب وجودي مع انه اتظلمت فعلا وقوي لكن اين الرضا لله واين الاحتساب يارب عوضني وفعلا ربنا بيكرمني ويعوضني بس برضا ابويا عني ورحمتي عليه هو ده اللي اتعلمناه وعليه دينا وقيم مجتمعنا من زمان مش النهاردة بس اليوم بقى كله باهت وقيم عجيبة
  4. سمر الدالي كُتب في
    الشخص اللي بتتكلم عنه ده أب أنت عارف اب يعني أيه نغمة ولغة جديدة بنسمعها إنه الشرع والدين في موضوع البر مالوش لازمة ونعامل الاب اللي خلف وربى وتعب زي رئيس العمل مثلا الاب سبب وجودي وانا بقولك ازاي ينزلها مصر تتعلم لوحدها 6 سنوات ولما ترجع ياخد باسبورها فيه نقطة مشواضحة هنا الاب الديكتاتور ده اولا ازاي سابها تقعد وتتعلم في مصر وحدها في شئ مش من حقك ولا اي حد يحكم على الاب زي ما بتدافع عنها بدافع عن حق الغائب هنا القيم اختلت عشان الاب يبقى مالوش لازمة ونقوله ماتلزمناش وعيشتك مش عاجبانا لما نكبر مش نبر الاب ونرحمه في كبره
  5. عبد الله صادق كُتب في
    هل حضرتك ترضين أن يقوم شخص بحبسك في بلد غصب عنك رغم أنك لم تفعلي له شيئا خاطئا ويخفي عنك بطاقتك وهويتك ويقول لك أنك مرتدة ؟
    ولما تيجي تشتكي نقول لك : تستاهلي ؟
    أو نقول لك : كلامك ملوش اي لازمة قبل ما نسمع الطرف التاني؟
    والطرف التاني مطنش ومش بيتكلم ؟
    هل السكوت هو الوضع الممتاز الذي نريد أن نخلص إليه في هذه الحالة؟
  6. عبد الله صادق كُتب في
    والله طالما هي محجبة ومسلمة ده معناه انها اكيد عارفة حتنزل مصر تقعد عند مين
    مش من حقي احاكمها واقعد استجوبها
    فيه شكوى ضد حق منتهك والموضوع واضح زي الشمس
    لا بد من التحقيق في هذه الشكوى ومعرفة مدى صحتها وما إذا كان هناك جريمة حبس
    إنسان في بلد رغماً عنه ام لا
    التطنيش بدعوى ان الآباء "غالبا" ما يكونون محبين للأبناء هو دفن للرؤوس في الرمال
    ولا يقول به عاقل
    لكن التحقيق في الموضوع هو الصح
    طالما الجهات السعودية لم تعط الشكوى حقها يبقى لا بد من تدخل السلطات المصرية رسميا
    للفصل في المشكلة
    ده حق أي بني آدم انه يتقدم بشكوى ضد من ينتهك إنسانيته بإخفاء هويته الشخصية عنه
    أما بالنسبة لهي خرجت ازاي فهناك مليون سيناريو وسيناريو يمكن من خلالها تفسير كيفية خروج البنت الى السفارات.
    وحتى لو خرجت بعلم الأب وكان الأب منتهكا لحق واحد من حقوقها فهذا لا يعني إعفاءه من المساءلة عن موضوع الشكوى أمام جهة رسمية عادلة
    الحبس لا يعني أن يحبسها في غرفة ويغلق عليها بالمفتاح
    والله هي دي اللي ناقصة كمان
    الحبس الذي نتحدث عنه في هذه الحالة هو حبسها عن ترك السعودية والعودة إلى مصر إلى الأبد
  7. سمر الدالي كُتب في
    وهي بتتحرك في جدة عادي وجدة بلد مفتوح ووصلت لكل الناس دي عادي فين الحبس مشكلة عادية بين بنت واب من حقه يشوف مصلحتها له حق عليها ولا لو رجعت ووقعت في مصيبة سيادتك حتتبناها وتسعفها وتفضل زي الان واقف جنبها مش موضوع قوة رجل على بنت لارجل ده اللي خلفها الموضوع كلنا بنحتاج بعض ومحدش يستغنى عن ابوه إلا جاحد
  8. سمر الدالي كُتب في
    انا ماقلتش معاه حق يحبسها بالعكس قلت مش باين انها محبوسة محبوسة فين وهي بتعمل بحرية كاملة كل ده قلت دي مشكلة عائلية وابوها ادرى بيها لو حابسها ازاي نزلها تتعلم في الجامعة في مصر لوحدها 6 سنين وبعد اول ما ترجع يسحب باسبورها قلت ماسمعناهوش عشان نعرف ليه هو ادرى والحبس يعني بين اربع جدران
  9. عبد الله صادق كُتب في
    مهو اللي بنقوله
    أن يتم استجواب الأب أمام جهة رسمية لمعرفة الحقيقة
    مش تيجي تقولي معاه حق يحبسها
    انت دخلتي قلتي معاه حق يحبسها دون أن تسمعي أيضا الطرف الآخر
    فعلى أي أساس حكمتي ؟
    لما يتم استجواب الطرفين وعمل تحقيق فيما إذا كان هناك انتهاك فعلاً من عدمه
    نبقى نحكم
    وحتى نحكم لا بد من جهة تحقق العدالة وتفصح عن الجاني والمجني عليه
    وهذه الجهة لم تتحرك حتى الآن
    يبقى مانجيش نقول معاه حق وله الجنة
    ولا بتوزعي الجنة والنار على النت بالمزاج
    ومن دون سماع الطرف الآخر ايضا ؟
    اشعرفك هي خرجت ازاي ولفت على القنصليات ازاي علشان تحكمي وتقولي انها واخدة حريتها؟
    انتي سألتيها ؟
    ولا بس بتطالبي الناس تسمع رد الآخرين قبل الحكم وانت تحكمين دون سؤال صاحبة الشأن وسماع ردها عن كيفية وصولها وخروجها ؟
  10. سمر الدالي كُتب في
    الستاذ عبد الله تقولش انه ربنا لو قلناها عار مثلا حد سمع الاب بالعكس كونها قدرت تلف على القنصليات وتعمل ده براحتها على النت وتتكم وتصور فيديو من هناك يبقى حابسها ازاي لازم يتم سمع الاب والاب حد عارف ظروفة ايه وبعدين تقول لو كاريكاتور نعيط مين يعني قصدك المسلمين لو انت مش منهم يبقى فعلا انت مالك ومال ربنا والبر ولكن انا اللي بقول مروة الشربيني كمصرية مش كمسلمة حق دمها اللي تم هدره فين وابنها اللي اتيتم فين يابشوات حقوق الانسان
  11. عبد الله صادق كُتب في
    إضافة : الرجل يعلم ان ابنته كتبت مدونة واشتكته وكل ما فعله هو ان استمر في تكميم فمها
    لو هو عارف ان معه حق واحد في المائة لتكلم منذ زمن طويل وانبرى للدفاع عن نفسه
    ولكن لغة التشدد هي التكميم فقط وليس الحديث
    عندما يخالف شخص مباديء حقوق الانسان فهو المعرض للتهمة وعليه ان يدافع عن نفسه
    وهو لم يفعل هذا ولكنه فقط استمر في انتهاك حقها في العودة ولم يتم مساءلته حتى الآن
    لما يكون الحق واضح زي الشمس ويأتي ناس يدافعون عن الانتهاك وكمان باسم الله فهذه مصيبة وعيب
  12. عبد الله صادق كُتب في
    السيدة سمر
    هل ربنا قال للرجل يترك مصر علشان المجتمع كافر ويحبس بنته طول عمرها بالعافية في بلد آخر ؟
    حقوق الانسان بتبقى حلوة قوي لما تيجوا تعيطوا علشان رسم كاريكاتيري لكن لما بني آدم يتهان باسم التطرف والتشدد حقوق الانسان بتبقى ملهاش لازمة ومخالفة لحقوق الله
    ليس له الحق ان يحبسها ولا يمنعها من السفر ولا يزوجها من شخص لا تريده
    لو عايزين العالم يحترم حقوقكم احترموا حقوق انفسكم اولا
  13. سمر الدالي كُتب في
    الاستاذ عبد الله حلو قوي حقوق الإنسان دي ده الاسنان للانسان وحقوق ربنا بقى علي عليها حقوق الانسان قانون ربنا ولا القانون العالمي دي مشكلة بين بنت وابوها خليتوها قضية قومية
    ولا حد يقول ربنا ماله في الموضوع ده لانه ده اللي مش ممكن يكون مقبول اللي بيقول ده مفكرش انه من العدالة في اي قضية قبل ما تحكم تسمع الطرف الاخر وصوت الاب لم يظهر ولا اي حد يقول ابويا طالمني يبقى كلامة منزل بلا دليل ،أيها الأب المسكين لك الجنة بكل ما أتهمت به حتى لو صدقا فهي غيبة ياناس
  14. أحمد كُتب في
    قانونا البنت من حقها ترجع والحكومة السعودية قانونها ملوش سيادة عليها لأنها غير سعودية، والقنصلية اللي بتستعبط دي لازم تعرف شغلها كويس، كاية بقى وساخة والمصريين في السعودية بيتبهدلوا من المعاملة القذرة من لمتخلفين دول
    لكن مراعاة لحقوق الأب عليها، البنت لو عندها دم تستحمل أبوها وتقعد، أو تراضيه بالعقل عشان يقتنع
  15. أحمد كُتب في
    البنت لازم ترجع
    لكن برضه لازم برضا أبوها، وإلا يبقى عقوق
    الصبر فإن الله مع الصابرين
  16. سمر الدالي كُتب في
    ياجماعة الموضوع كبر من غير لزوم سؤال للجميع مين فيكم معندوش مشاكل في بيته من ولاده من مراته ولا لو ست من جوزها وولادها هل ده معناه نعمل مشاكلنا ببيوتنا قضايا قومية نجيب فيها السفارة الامريكية والراجل يهجر بيته لانه ولاده ومراته مغلبينه والعكس صحيح يعني الفقرا اللي بمصر وامة السكن والجواز والغلب اللي الناس فيه فاضيين للست هبة
    كمان فعلا زي الاخ اللي قال فين التشدد داخلة النت ومبهدلة ابوها كام يوم ومتكلمة موبايل باتصال سكاي بي ده ايه ده براحتها قوي قوي قوي
  17. قال تشدد قال كُتب في
    انا عاوز اتكلم في الحتة بتاعة تشدد الأب
    اولا اخواني غير سلفي غير غير
    و اللي ميعرفش ا جماعة يسكت
    لكن المهم ازاي هي بتخش علي النت و حطت صصورتها و و راحت الامارة و شئون اللاجئين و القنصلية و الحتت دي كلها
    يعني ابوها لو متشدد ازاي خرجت في كل الحتت دي و لوحدها
    و هل تشدد ابوها يعني هو السبب بس و لا في اسباب تانية
    طيب ابوها متشدد امها فين
    بالنسبة لظروف اللي بيعيش في السعودية بيلاقي لبنتة جوازة سريع جدا و في الغالب بيبقي شاب شغال برضة هناك و عاوز جوازة ساهلة من ناحية انة مش هيعملها استقدام لأنة هينقل كفالة من ابوها لية علي طول و مش هيكلف كثر لأنة في الغالب بيجهز جهاز بسيط لبسساطة الحياة في السعودية كمغترب
    فين أمها فين اخوات
    طيب هي لو نزلت مصر هتعيش ازاي
    هتشتغل يعني؟
    طيب هتسكن فيها
  18. سمر الدالي كُتب في
    الموضوع خد أكبر من حجمة والناس بتجري وارى اي كلام يتقال مشاكل ايه دي ليها اب بيصرف عليها وغيرها هنا بمصر مش لاقيين حتى يشتغلوا والبنات هنا طالع عينها من الغلب على الشغل والكفاح ده تمرد على نعمة ربنا ودعوة خطيرة للعقوق بتنشرها واللي بيهللوا ليها عايزين امريكا في ايه ياناس اتقوا الله هي مصر ناقصة هي بنفسها قالت واسمعوا الفيديو نفسي ارجع بس الف في الشوارع والله ابوها هو الادرى ببنته تلف في الشوارع وتصيع يعني
    لاحول ولاقوة إلا بالله
  19. عايزة تجرى على حل شع كُتب في
    البنت عايزة ترجع لوحدها
    تخرج الصبح وترجع وش الفجر وتتزوج عرفى وترجع لابوها شايلة عيل على كتفها
    هى دى الحرية
    الحرية انها تجرى على حل شعرها بدون حسيب او رقيب
    الحياة السبهللة والسهر فى الشقق
    اتلمى يا بنت واقعدى جنب ابوكى
    والبنت لو كسرت لها ضلع يطلع لها غيرة انما كلة الا العار
    الحاج هريدى الصعيدى - فرشوط
  20. iunknown كُتب في
    اقتباس ترجع طبعا:
    الناس بس الي واخدة الموضوع على صدرها كدة
    الله لا يوريكم يعني إيه قهر
    نموذج تقديس البشر دا هو الي مضيعها
    هل معنى إنه -أب- إنه يكون صالح؟؟ وهل في أب طبيعي يبهدل بنته البهدلة دي؟؟
    أبوها إخوان من المتأثرين بالتيار السلفي وكان مسافر زمان باكستان أيام الحرب وأخد أطفاله معاه زي ماقالت في مدونتها وأثر ذلك السلبي عليها وعلى اخواتها
    الجروب بيزيد كل دقيقة من المتضامنين بالمئات وربنا ينصر هبة دي وكل هبة تانية مقهورة وصوتها مش واصل
    الأاستاذ الفاضل
    بص على تعليقات الناس تحت وانت تعرف انا باتكلم على ايه
    واحدة عندها مشكلة مع أبوها ؛ ايه دخل القنصلية ووكالة شئون اللاجئين والامارة ووزارة الداخلية ومجلس الجيداي الأعلى
    كلام متناقض جدا
    منين اخوان ومنين سلفي ومنين في باكستان
    حضرتك تعرف الجماعات دي وتوجه كل جماعة. أكاد أقول انها جماعات مختلفة تماما أيديولوجيا
    كون بقة الجروب بيزيد فده ليه تفسيرات تانية أهمها الفراغ والانسياق وهرمونات المراهقة الدافعة الى معرضة الأهل وخلاص بعدم الفهم
  21. ترجع طبعا كُتب في
    الناس بس الي واخدة الموضوع على صدرها كدة
    الله لا يوريكم يعني إيه قهر
    نموذج تقديس البشر دا هو الي مضيعها
    هل معنى إنه -أب- إنه يكون صالح؟؟ وهل في أب طبيعي يبهدل بنته البهدلة دي؟؟
    أبوها إخوان من المتأثرين بالتيار السلفي وكان مسافر زمان باكستان أيام الحرب وأخد أطفاله معاه زي ماقالت في مدونتها وأثر ذلك السلبي عليها وعلى اخواتها
    وبغض النظر عن دينها أو توجهها أو نوعها من حقها الشرعي إنها تاخد الي عايزاه من غير تبرير، إذا كان ربنا قال ياناس "فمن شاء فليؤمن ومن شاء فليكفر"
    ومفروض إن الإسلام كرم المرأة؟؟؟ أي تكريم في أب بيتكلم باسم الدين بما انه قيادي كبير في الجماعة المحظورة ويعمل في بنته كدة
    الله ينتقم من كل ظالم- مهما كان أب ولا أم ولا عفريت ازرق المهم ان ربنا حرم الظلم على نفسه وحرمه بين العباد
    ارحموا من في الأرض يرحمكم من في السماء
    الجروب بيزيد كل دقيقة من المتضامنين بالمئات وربنا ينصر هبة دي وكل هبة تانية مقهورة وصوتها مش واصل
  22. قال تشدد قال كُتب في
    الكل بيفكر بمنطق البنت
    محدش بيفكر بمنطق الاب
    الموضوع مشكلة اسرية مش اكثر و لا لية اي لازمة كل الدوشة دي
    و علشاننعرف ان احنا شعب تافه و فاضي و مش لقاي اي حاجة يعملها و اكثر المدونين كدة للأسف
    هو فين التشدد لما هي عندها انترنيت و بتكتب علي الفيس بوك و صورتها انشترت الانتشار دي
    ثم ازاي عندها 27 سنة و متجوزتش و المفروض يعني ابوها في الاسعودية يعني هتتلطش لطش
    كل ده كلام فارغ و دي بنت صايعة مش اكثر
    ولا عمرها هتلاقي راحتها بعيد عن اهلها
    ياتكم نيلة مليتو البلد
  23. سمر الدالي كُتب في
    iunknown الأخ أنت صح وعندك حق احنا مش ناقصين قضايا ومشاكل ولا مش لاقيني شئ يشغلنا الدنيا كلها قضايا وبجد ومصر فيها اللي مكغيها دي انسانة عاقة ومشكلة اسرية عايزة تتشهر وتق ابوها رد الفعل بتاع الناس غريب قضية حقوق انسان ايه بس وجهات اجنبية هي مصر ناقصة ولا الحرب ع الاسلام ناقصها وفين اللي متحمسين كده وقضية مررة الشربيني ولا عشان ننساها وهي دي اللي تستحق كنا نشد من عزمنا عشانها
  24. عايزة تجرى على حل شع كُتب في
    البنت عايزة تجرى على حل شعرها بدون رقيب او حسيب تخرج الصبح ترجع فى الفجر وتتلم على شوية صايعيين وهى دى الحرية اللى بيقولوا عليها
    فية بيوت محترمة واى خروج على تقاليها يبقى فيها دم
    عايزة تتنيل تتزوج عرفى وتجيب العار وترجع لابوها شايلة عيل على كتفها
    اية البلاوى دى
  25. iunknown كُتب في
    ما عنها مارجعت
    اولا مين المتشدد ده اللي سايبها تروح القنصلية ,والامارة وتتصل بطوب الأرض وتكتب على الفيس بوك المدونات و…
    وبعدين جدة ايه اللي متشددة
    هي راحت الرياض ولا القصيم ؟؟؟
    الموضوع غالبا فرقعة اعلامية تلقفتها ايدي من يتربصون بأي حاجة تقول شفت السعودية عاملة ازاتي
    شفت المسلمين عاملين ازاي
    الحرية انك تلتزم بقانون الدولة اللي انت فيها
    كون أبوها غاصبها دي مشكلة اسرية لا تزيد عن هذا
    وبعدين هو اخوان ولا سلفي ولا ايه بالظبط
    لو متخانقة مع ابوكي حلوا مشاكلكم جو البيت
    جتكوا القرف
  26. سمر الدالي كُتب في
    سلمى حبيبتي انا بقول ابوها لما يمنعها ترجع لوحدها بعد ماسابها تتعلم في الجامعة لوحدها 6 سنوات من كلامها هي هو أدرى فيه أيه وهو عارف بنته كويس هي اللي كلامها مش مظبوط في الفيديو بتقول انه اخواني وبالكلام الانجليزي ياريت تقروه مع موضوعها في الفيس بوك بتقول انه وهابي هي اللي كلامها في شئ مش صح
    وبعدين سايبة الناس تسب في السعوديين ليه واللي يقول بر الوالدين تحذف رده وتهينه وده حصل معايا وسيبت الجروب لكده وحذفت ردودي هناك
  27. سلمى كُتب في
    هي الاخت سمر عندها معلومات مش عندنا ولا ايه؟
    مش عارفين ايه موضوع انها جت مصر قبل كده وعملت مصايب عايزين توضيح يا سمر لو عندك او تعرفيها
  28. سمر الدالي كُتب في
    واللي عنده عقل وبيتقي ربنا بجد مايلاقيش في كلامك اي شئ يتعاطف معاكي فيه
    عايزة ترجعي تعيشي فين وحتعملي ايه لوحدك حتلفي في الشوارع ياسلام وربي ابوكي عنده جق يمنعك هو ادرى ببنته
    وعارف سابك في مصر تدرسي شوفي عملتي ايه فيها يمنعك ترجعي لوحدك
    انتي عايزة تبقي مشهورة وبطلة وبس ابوكي سايبك ع النت تبهدليه وتتكلمي موبايل وتكملي مسيرة عقوقك ويبقى متشدد ولا قاسي
    متشدد كلمة مطاطية
    تعني ايه
    ربنا يصبر الاب المسكين ده
  29. سمر الدالي كُتب في
    هبة بجد انا شوفت الفيديو في المصري اليوم والحقيقة زود من تأكدي انه معندكيش قضية
    يعني لو كل واحد اختلف مع ابوه شوية يسيبه ويمشي يبقى محدش جيستنى مع اهله الموضوع كله اللي باين فيه لخبطة منك انتي كتير بكلامك الانجليزي اللي نازل مع الموضوع بتقولي ابوكي وهابي يعني سلفي يعني مسلم متدين ومنهم كتير في مصر ومش ماسكين سكاكين لولادهم ولا شئ ولاحتى ستات السعودية متشرحين المهم وبكلامك في الفيديو ومدونتك بتقولي انه ابوكي اخوان فين بالظبط الصح مجرد تعارض كلامك يبقى فيه غموض وعدم مصداقية منك
  30. www.cit4pc.com كُتب في
    أحاديث صحيحه فى بر الوالدين
    ألا أنبئكم بأكبر الكبائر . ثلاثا ،قالوا : بلى يا رسول الله ، قال : الإشراك بالله ، وعقوق الوالدين - وجلس وكان متكئا ، فقال - ألا وقول الزور . قال : فما زال يكررها حتى قلنا : ليته يسكت( البخارى )
    أن رجلا سأل النبي : أي الأعمال أفضل ؟ قال : ( الصلاة لوقتها ، وبر الوالدين ، ثم الجهاد في سبيل الله )
    ( البخارى )
    عن عبدالله بن مسعود أنه قال (سألت رسول الله ، قلت : يا رسول الله ،أي العمل أفضل ؟ قال : ( الصلاة على ميقاتها ) قلت : ثم أي ؟ قال : ( ثم برالوالدين ) قلت : ثم أي ؟ قال : ( الجهاد في سبيل الله ) . فسكت عن رسول الله صلى الله عليه وسلم ، ولو استزدته لزادني . ( البخارى )
    قدمت علي أمي وهي مشركة ، في عهد رسول الله ، فاستفتيت رسول الله ، قلت : إن أمي قدمت وهي راغبة ، أفأصل أمي ؟ قال : ( نعم ، صلي أمك ) ( البخارى )
    جاء رجل إلى رسول الله فقال : يا رسول الله ، منأحق الناس بحسن صحابتي ؟ قال : ( أمك ) قال : ثم من ؟ قال : ( ثم أمك ) قال : ثم من ؟ قال : ( ثم أمك ) قال : ثم من ؟ قال : ( ثم أبوك )
    ( البخارى )
  31. متسائل كُتب في
    والله يا سمر انا قلت اقعد معاكي شوية اونسك بدل ما انتي قاعدة لوحدك تكلمي الحيطان على النت بقالك كم يوم
    انا بصد عن كلمة الحق؟ ليه ؟
    وكلمة الحق اللي انا كتبتهالك من قول علماء المسلمين وحطيتلك الرد عليها كلمة كلمة مش عاجباكي؟
    ولا كلمة الحق دي المقصود بيها اللي يمشي على مزاجك ويجي على هواكي؟
    جبنالك الدليل على ضعف الحديث وعدم حجيته وانه لا يعتد به في الفقه والرد على الحجج العقلية من قول علماء المسلمين عايزة ايه تاني؟
    لسه مش قادرة تردي على سؤالي وعلشان كده داخلة تكملي وصلة الكراهية التي لا تحمل اي فكر ولا تزن جناح بعوضة في ميزان الحق
    كل كلامك شخصنة ولم تجيبي عن سؤالي الذي سيبقى شوكة في حلقك إلى الأبد لأنك تعلمين أن وقوفك هنا سببه مرض نفسي وليس طلب الحق والعدل
    والله انتي اللي عايزة تعملي كليب تكملي فيه وصلة الردح اللي شغالة بيها دي
  32. سمر الدالي كُتب في
    ماهو العم متسائل هو بقى اللي قاعد هنا وهو راجل ماوراهوش شغلة ولا مشغلة وبس عشان يصد اي حد يقول اي كلمة حق طيب ياراجل ياجامد قوي روح حرر ماما هبة الكبيرة العالقة الرشيد واعمل لها تمثال نحطة في ميدان رمسيس ز تمثال الحرية بتاع امريكا واهو تتشهر وياها لما هي ترجع وتعمل الكليب بتاعها مش الشهرة دي فايدتها ولا ايه برضة شئ مفيد ليك وليها وتبوقا فعلا عملتوا حاجة لمصر
  33. متسائل كُتب في
    وقال بعض أهل العلم: هذا ليس بشرط، وأنه يقتل الوالد بالولد إذا علمنا أنه قتله عمداً، واستدلوا بعموم الحديث: "النَّفْسُ بالنَّفسِ"[119] وعموم قوله تعالى: (وَكَتَبْنَا عَلَيْهِمْ فِيهَا أَنَّ النَّفْسَ بِالنَّفْسِ)(ال مائدة: من الآية45) .
    وأجابوا عن أدلة الآخرين فقالوا: الحديث ضعيف، ولايمكن أن يقاوم النصوص المحكمة الدّالة على قتل النفس بالنفس.
    وأما التعليل فالتعليل عليل، وجه ذلك: أن الوالد إذا قتل الولد ثم قتِلَ به فليس الولد هو السبب في إعدامه، بل السبب في إعدامه فعل الوالد القاتل، فهو الذي جنى علىنفسه، وهذا القول هو الراجح لقوة دليله بالعمومات التي ذكرناها، ولأن هذا من أشدّ قطيعة الرحم، فكيف نعامل هذا القاطع الظالم المعتدي بالرّفق واللين، ونقول: لا قصاص عليه.
    فالصواب: أن الوالد يقتل بولده سواء بالذكر كالأب، أو الأنثى كالأم.
    http://vb.islam2all.com/showthread.php?t=44962
    حكاية بقى اللي بيحصل للحفاظ على العائلة والأمير ومش عارف ايه
    كل ده لم تأت عليها بسند واحد يؤيد كلامك من كتاب الله ولا سنة رسوله
    لم تأت بسند واحد يقول أن شكوى الإبن أو الإبنة للأب أو الأم حرام
  34. متسائل كُتب في
    الأخ iunknown
    ركزت معاك في الحديث
    يا ريت بقى تركز انت معايا في الرد اللي حكتبهولك ده
    قال الزيلعي: "- وأما حديث ابن عباس: فأخرجه الترمذي، وابن ماجه أيضاً (2) عن إسماعيل بن مسلم عن عمرو بن دينار عن طاوس عن ابن عباس أن النبي صلى اللّه عليه وسلم قال: "لا تقام الحدود في المساجد، ولا = يقتل الوالد بالولد"، انتهى. قال الترمذي: حديث لا نعرفه بهذا الإسناد، إلا من حديث إسماعيل بن مسلم، = وقد تكلم فيه بعض أهل العلم من قبل حفظه، انتهى. وأعله ابن القطان بإسماعيل بن مسلم وقال إنه ضعيف
    قال بعض أهل العلم إنه يشترط أن لايكون القاتل من أصول المقتول والأصول هم: الأب والأم والجد والجدة وما أشبه ذلك، وقالوا: لا يقتل والد بولده واستدلّوا بحديث: "لايُقتَلُ الوَالِدُ بوَلَدِهِ"[118]، وبتعليل قالوا: لأن الوالد هو الأصل في وجود الولد فلا يليق أن يكون الولد سبباً في إعدامه.
  35. iunknown كُتب في
    الأخ متسائل
    هجيب لحضرتك نص حاول تركز فيه شوية
    حديث شريف
    عن عمر بن الخطاب وابن عباس رضي الله عنهم أن رسول الله صلى الله عليه وسلم قال: "لا يقتل والد بولده"
    رواه ابن ماجة
    الاسلام شدد على القتل العمد وجعل جزاؤهالقصاص أي القتل
    ايه رأيك في الحديث اللي فوق
    لو والد حضرتك قتلك متعمد، لا يقتص منه بالقتل
    نيجي بقة لموضوع ابن اشتكى ابوه
    اللي بيحصل - للحفاظ على العائلة- هو توسيط أهل العقل زي ما الامير في السعودية عمل
    وسط بينهم من يصلح وهي ماعجبهاش
  36. متسائل كُتب في
    لا
    السؤال واضح جدا : ابن أو بنت ذهب أو ذهبت إلى الحاكم لتشتكي أحد والديها أو كلاهما.
    وانتي جاية تقولي ده غلط انتي مخالفة لشرع ربنا.
    دليلك من القرآن والسنة على كلامك فين؟
    تفضلي هاتي الدليل
    في انتظار أن تثبتي من كلام الله أو سنة نبيه صلى الله عليه وسلم أن ربع الكلام اللي عمالة تبعتريه على الناس اللي رايحة واللي جاية صح.
  37. سمر الدالي كُتب في
    وليه يعني اجيبلك دليل من غيره انت حتغير الددين فجاة وتقول انه طاعة الاب مش وارده في الشرع بعد سن البلوغ انت ايه اللي مزعلك هو في مانع اشارك في اي موقع يعجبني هات انت الدليل لانك انت اللي بتخالف كل الدين انه في نص يقول انه الابن يعادي ابوه بلا دليل علنا
    وكفاية بجد انت خصوصا كلم نفسك من اولها حولت الكلام لتحدي وانت راجل ياراجل بلاش تقعد هنا وروح حررها وانا برضة حرة
  38. متسائل كُتب في
    ما رديتيش على سؤالي
    هل هناك نص شرعي في القرآن او السنة يحرم على الإبن أو الإبنة من التظلم إلى الحاكم من أحد والديه أو كلاهما وأن ينظر الحاكم في المظلمة ويحكم بينهما لمن له الحق ويجازي الجاني؟
    وفي حالة وجود ذلك النص فتفضلي بكتابته أكن لك من الشاكرين
    واضح انك مش شايلة منها ومش حالفة لتقفي ضدها وده من تواجدك ورباطك هنا 24 ساعة
    ههههههههه
  39. سمر الدالي كُتب في
    ههههههههههههههه هههه وبرضة عادي دور انت عالسر ياناصح اصلي في سرك انت عميل مندس ولا خائن يامحررين الحرية ادي اللي انتم فالحين فيه
  40. سمر الدالي كُتب في
    معه ولا قول اللي من بين كلامك تريد تقوله ولا انتم التهم عندكم عادي بلا دليل
    ولا اكون مثلا ابوها ولا حد من طرفة مثلا ومتنكر حقيقي في الفيسبوك كتير قالوا كلامي كل الحكاية اني رديت ع اللي رد عليا وبس وانا حرة ولا عندك راي تاني ولا انتم عاملين شرط للي يشارك يوافقكم ويكون وياها والا في فروض ارهاب ما قول نعرف برضة مين اللي ساندكم كده
  41. سمر الدالي كُتب في
    ههههههههههه بجد ضحكتني ايه كراهية ايه وغيره انا برد مافي حد ماكان موافقني الا واحد بس وبهدوء سبحان الله اعاديها ليه وانا لابعرفها ولا شئ ما بيني وبينها الا حق الله وبس وكله مع البنت حسيت بالاب وتعاطفت معه
  42. متسائل كُتب في
    الأخت سمر
    هاتيلي نص واحد في الإسلام يقول بأن الأب أو الأم لو قام أحدهما بالإعتداء على حق من حقوق الأولاد فإن القرآن أو السنة تمنعهم من تقديم شكوى ضدهما لدى الحاكم والحصول على الإنصاف
    نص واحد فقط يقول بأنه لا حق للإبن أو الإبنة أن يشتكي أحد أبويه أو كلاهما لدى حاكم البلد
    وأكون لك من الشاكرين
    وسؤال آخر لماذا أنت مجندة نفسك للعمل ضد حرية هبة منذ أن بدأ هذا الموضوع ؟
    فالكل جاء ووضع تعليقه وذهب ماخلاكِ أنت التي تركت كل شيء وجلستِ هنا لتصدي الناس عن الوقوف إلى جانبها
    ترى ما هو السر الذي تخفينه ولماذا كل هذه الكراهية ضد هبة ؟
  43. سمر الدالي كُتب في
    الأستاذ اللي كتب احاديث بر الوالدين تسلم يااخي وبر لاوالدين من اللاساسيات في الدين اللي مش محتاجة نقاش بس يبدو كانه فيه قيم جديدة دخلت حياة الناس وتخالف الشرع الموضوع ده كله مش طبيعي شكله كانه هناك من يدعمها لده كله والا يعني المحبوسة دي فين اللي حابسها وهي هايصة ع النت كده … الموضوع بقى بايخ والناس خليها وانا بتمنى ترجع وتبقى تقابلني لو حد من دول عبرها لو عازت شئ بعدها
  44. يا جحش كُتب في
    البهيم اللي بيقول دي قصة مختلقة
    يا ابن العبيطة يا فاشل شوف فيديو معاها على موقع المصري اليوم
    ويا ابن العميا شوف فيديو معاها على قناة المحور
    فتح عين أمك يا جحش
  45. قال تشدد قال كُتب في
    يا جماعة اصحوا بقي
    الموضوع كلة فشنك و قصة اختلقها واحد علشان يسلينا مش اكثر
    و دي صورة بنت من ع النت و لو دورت علي الصورة دي بجوجل هتعرفوا كلامي صح
    و الموضوع كلو حدوتة اساسا محصلتش
    و مصيبة المدونين ان اي حاجة هتتعلق بالمتشددين بهيصوا فيها زي طبالين الزفة بالضبط
    و ياسلام بقي كمان لو جابت السعودية في الرجلين
    و علي فطكرة الأخ متسائل اللي بيستدل مستدلش بمنتديات يعني بموقع شيح محترم مش بكلام مكتوب في منتدى محدش عارف مين كاتبة و مكتوب ازاي و امتة
  46. أمة الله كُتب في
    سمر بصراحة أسلوبك في النقاش غير مقبول وغير معقول ايضا !!
    وتقريبا زي ما انت قلتي ان والدك حكم عليك بحاجة اتظلمتي فيها وبدل ما تتحركي في رفع الظلم عن نفسك ( مع مراعاة عدم العقوق طبعا ) قعدتي تقنعي نفسك ان هو ده الصح !وبالتالي عشان نفسك ترضى بالصح لازم تشوفي المجتمع كله من حولك عايش نفس هذا الصح ولذلك مش متقبلة ـ وبدون قصد ولا عمد منك ـ إن حد تاني يتحرك ويكون عنده حل أفضل من حلك يحسسك بإنك مظلومة ، بمعنى إنك لما تشوفي كل الي حولك زيك بترضى نفسك مادام الدنيا كده
    أدعوك لمحاولة رفع الظلم الواقع عليك مع الاحسان لوالدك والعفو عنه ورحمته في كبره وبالاستعانة بالله ايضا
    واعلمي أن رفع الظلم أولى بكثير من الصبر عليه والرضى به
    ربنا يعينك ويرفع عنك
    وشكرا
  47. أحمد كٌريِّم كُتب في
    اقتباس متنيل بستين نيلة:
    سبحان الله
    البنت هبة دي مش هتورد على جنة
    لاسباب كتيرة
    اهمها عقوق ابوها المتدين واللي كل الناس قالو عليه متشدد للعلم ابوها راجل محترم وخايف على شرف بيته وعشان كده منعها من النزول لمصر
    الانسة اللي مش هتورد على جنة عايزة تنزل مصر عشان تروح الاوبرا وتصيع براحتها وابوها مش عايز كده عايز يستر عرضه
    شوفوا عقوق الابناء انتوا عارفين لو بنت سعودية عملت مع ابوها كده وقتلها ما بيتسجنش
    بيروح يجيب الشرطة ويأدبوها وممكن يسجنوا البنت لحد ماتقول حقي برقبتي
    انا لو ليا بنت وعملت كده كنت قتلتها
    والاخوة المطالبين بحقوقها يتقوا الله في نفسهم كما تدين تدان
    هو أنا معك يا أخي ان عقوق الوالدين خطأ، لكن الذهاب للأوبرا مش صياعة و قلة أدب.. هو يا إما حلال حلال والرجل ده كويس يا إما كله حرام حرام؟؟
  48. متنيل بستين نيلة كُتب في
    سبحان الله
    البنت هبة دي مش هتورد على جنة
    لاسباب كتيرة
    اهمها عقوق ابوها المتدين واللي كل الناس قالو عليه متشدد للعلم ابوها راجل محترم وخايف على شرف بيته وعشان كده منعها من النزول لمصر
    الانسة اللي مش هتورد على جنة عايزة تنزل مصر عشان تروح الاوبرا وتصيع براحتها وابوها مش عايز كده عايز يستر عرضه
    شوفوا عقوق الابناء انتوا عارفين لو بنت سعودية عملت مع ابوها كده وقتلها ما بيتسجنش
    بيروح يجيب الشرطة ويأدبوها وممكن يسجنوا البنت لحد ماتقول حقي برقبتي
    انا لو ليا بنت وعملت كده كنت قتلتها
    والاخوة المطالبين بحقوقها يتقوا الله في نفسهم كما تدين تدان
  49. ترجع طبعا كُتب في
    هبة رجعت مصر امبارح الحمد لله
    بالعند في كل الناس الي قالوا مترجعش
    حمد الله على سلامتك يا هبة :)
  50. أحمد حسني كُتب في
    االاستاذ الفاضل / متنيل بستين نيلة
    جتك ستين نيلة عليك وعلي أمك
    وشكرا
العودة إلى الأعلى