شارك : حوار جمال مع شباب مصر
"شارك في حوار مفتوح لجمال مبارك مع شباب مصر" شعار اختاره الحزب الوطني كترويج لحوار يعد الأول من نوعه مع أمين السياسات جمال مبارك، ربما وصلتك هذه الدعوة على (face book) أو قرأتها في إحدى الصحف القومية أو وصلتك كرسالة على ايميلك الشخصي، وإذا فشلت كل وسائل الدعاية الجديدة التي اختارها الحزب الوطني للترويج في الوصول إليك فقد تعرفها من زميل العمل كخبر صباحي جديد وغريب..
الدعوة في حد ذاتها جديدة ليس فقط في محتواها وإنما في الطرق التي اختارها القائمون عليها للترويج أو التفاعل، ستجد في الصفحة عدة طلبات، أو لنقل أفكار للتواصل تسمح لك كشاب مصري أصيل أن تبعث برسالة لأمين السياسات ماتريد وتعبر له عما يجول بداخلك..
للتواصل أمامك عدة خيارات على مجموعة face book)) أو تحضر اللقاء الذي سيقام في مقر الحزب الوطني بالقاهرة تمام السابعة مساءً ، وربما يتفتق ذهنك عن مشاهدته على موقع( you tube) ولديك الحق في تقليد التجربة الإيرانية ومتابعته من خلال twitter ...وكله في الشبابي.
الصفحة ليست الأولى من نوعها ولكنها جديدة كفكرة مصرية، فيما جاء التنفيذ قريب إلى حد كبير من الصفحة التي أطلقتها الولايات المتحدة الأمريكية قبل زيارة أوباما لمصر؛ لتمكين الشباب المصري من توجيه الإستفسارات له.
جمال مبارك، "كود" قادر على خلق حالة من الإنقسام والاختلاف على طول الخط، برغم حداثة الفكرة إلا أنها خلقت تلك الحالة فور الإعلان عنها..
ومع الإعلان عن الحدث جاءت التعليقات كالتالي:
عبير العسكري على موقع (face book) : "لازم نشارك في الحوار مع جمال مبارك، ونواجه بالسلبيات التي لا تعد ولا تحصي في مصر، وكمان لازم ناخد بالنا من نقطة تانية، أننا كمعارضين مش لازم نخلي اللقاء يقتصر علي شباب الحزب لوطني بس لأنهم مش هيتعرضوا لأي من السلبيات الموجودة ".
علي محمد (ولاد البلد): "أشارك جمال مبارك بصفته أيه؟ هل هو رئيس مصر مثلاً أو رئيس وزراء، أنا مش عارف ايه الناس الفاضية دي الى كل ساعة و التانية تعمل مؤتمرات وبلا أى صفة".
سامر التربي (face book) : محتار ومش عارف أشارك ويتقال عليا من المعارضة أني (بعت) القضية و بشارك في حوار مع ناس في نظرهم أعداء، ولا لا أشارك ويتقال علي المعارضة أنهم ناس يفتقرون إلي لغة الحوار و التفاهم المشترك"
محمد الطاهر :" مش هنشارك في فاعلية شارك اللى بينظمها الحزب لجمال مبارك، أحنا الشباب اللى اعتقلونا وهددونا، أحنا الشباب العاطلين، احنا الشباب اللى بنرفض التوريث، احنا الشباب اللى عايزين مصر تبقى بتاعتنا، احنا الشباب اللى نزلنا مظاهرات واتسحلنا فى الشوارع، احنا الشباب اللى مش هتشارك"..
هدى علي (ولاد البلد): "أشارك في إيه؟، ده كلام فاضي وهجس هو عايز يورث أبوه وبيحاول يخلي الموضوع شرعي فبيكسب الشباب فاكر أننا مش فاهمين اللي هو عايزه، وبالتالي طبعا مش هاروح لأني سواء رحت أو مروحتش ده تمرير لسياسة".
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
لماذا يا جمال انكفا على الخبر ماجور
ليه بتضحكوا على الشعب يا جمال
ومحدش لة كلمة فى البلد دى
اللى لة كلمة البنك الدولى بيعطى تعليمات بيع دة وسيب دة وخد القرض دة
والغى ايات قران معينة من المدارس ودرس كذا ومتدرسش كذا
اية الجديد
مفيش اى جديد
والشعب حالتة زى الفل
وكل سنة وانتم طيبين
وذنبكم مغفور وسعيكم مشكور
واتكلمنا كتير
انا شايفه اننا مش هنخسر حاجه
وياريت الكل يشارك
نذكر السلبيات مع أنه لو فتح صفحات الانترنت هيلاقيها كلها بينه زي عين الشمس
لكن أهى ماحوله
زي كل المحاولات
فإن صابت
فرب رمية من غير رامى وإن خاب
فماأكثر من فشلوا
و أبني وجه نظري من اللي فهمته و اللي قريته بنفسي و لنفسي
يا جماعة دا احنا ساعات كتير بنسمع لغير المسلمين لما يهاجمو المسلمين
و بالنسبة للاستاذ جمال مبارك هو كشخص انا بحبه جدا
بقول و بكرر انا بحبه جدا ك شخصية وانا لست عضوة في اي حزب ولا اي جماعة
و لا جمعية اهلية ولا غير اهلية
انا عايزة اروح اسمعه و افهمه من دماغي مش من خلال محللين كل واحد يفهم و يفهم الناس اللي هو عاوزه
و دمتم
وبالنسبه للى بيقول مش هاشترك ده ضعف اشترك وقول رأيك وعبر عن اللى شايله فى نفسك مش تهرب الحزب الوطنى عمل كده علشان يخلع عنك ردأء الخوف اللى انت لبسه ومخليك بتخاف تقول رايك يلا اتشجع وابعت سؤالك مش تكون ضيعف هنفضل كدا على طول ازاى
شكر خاص منى لمن اتاح لى ولغيرى من الشباب هذه الفرصه