فاكر آخر مرة كنت (رجولة)؟
"تجريد فتاة من ملابسها كاملة، وفض بكارتها في الشارع (وسط ذهول المارة)؛ انتقاماً من أسرتها التي رفضت تزويجها للجاني، وهو ابن خالتها بحدائق القبة".
"بلطجية يوقفون ميكروباص بشارع الهرم، ويجبرون سائقه على النزول ويشبعونه ضرباً (أمام الركاب والمارة) ثم يشعلون النار بالسيارة بعد تحطيمها".
"فتاة تذبح ابن عمها في الشارع (وسط ذهول المارة)؛ بعد مشادة كلامية دارت بينها، بمدينة شبين الكوم بمحافظة المنوفية".
"مجموعة من الشباب يخطفون ثلاث فتيات ويغتصبوهن وسط صراخهن في الشارع (دون تدخل أي من المارة".
عناوين ومانشيتات، ربما صادفتها في إحدى الصحف المصرية مؤخراً، وربما كنت واحداً من أبطالها تقف هناك في الجانب الآخر من الشارع تشاهد من بعيد.. وللمشاهدة مزايا عدة ليس من بينها تخليص الضحية أو مساعدتها، فقط للفرجة والفضول... ثم تمضي بعدها وكأنك لم تر شيئاً.
كل الحوادث السابقة جميعها وقع في الشارع المصري، ويجمعها مصطلح وجملة (وسط ذهول المارة)!.. فأمام جمع لا بأس به من البشر من الرجال والنساء، لم يتحرك أحد ولم تهتز شعرة آخ غيرة على شرف فتاة أو منعاً لمصيبة محققة ولو حدث وتحرك واحد ربما كانت النتيجة مغايرة.
** من جانبك أنت.. كم مرة قررت أن تسترجل وتدافع عن الضحية؟!.. كم مرة منعت خناقة أو معاكسة أو تحرش.. احكي لنا عن آخر مرة كنت فيها راجل.. ولا أنت من بتوع (وسط ذهول المارة)؟!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
لو شفت واحد بيغتصب واحدة فى وسط الشارع فى عز الظهر وعملت شهم ورحت تنقذها
والولد المغتصب غزك بالمطواة وعورك والدم نزل وبعدين شالوك على المستشفى ورموك على الباب والمستشفى الحكومى رفضت د[ *** ]ك اللا لما تدفع تامين 2000 جنية وسابوك تنذف على الباب وانت عاطل او موظف ممعكش فلوس تعمل اية
تموت
واللة لو لقيت اسرائيلى بيحط قنبلة فى شارع لامشى عادى وكانى مش شايف حاجة
ولو شفت واحد بيغتصب اهم سيدة فى مصر هقول شد حيلك
احنا مالنا
خلينا جنب الحيطة
ممعناش فلوس للعلاج
انا قلت فيكى شعر قالولى يا مجنون
انا مهما فيكى اتهنت لكنى برده مصون
ولوبره فلحت انا مصرى مهما اكون
بحلم يا مصر نكون افضل بلاد الكون
ولا اشوفش فيكى مهان وعلى بعضنا ما نهون
بجح فيا و قاللي ايه انا كنت بدخلك الفلوس علشان كانت هتقع
قلتله طيب لم نفسك و بطل الحركات دي
بعد ما جبت التذكره لقيته بيكلم شاب شكله طالب في الكليه و لقيت الشاب ده بيطلع فلوس من جيبه
رجعت و قلتله ماتديلوش حاجه ده حرامي و كان هيسرقني فالواد سابه و مشي
انا قعدت اطرده بره المحطه و هددته اروح اجيب الشرطه و هو قعد يبجح بس لم نفسه و خرج
مشيت شويه و بعدت و وقفت ابص عليه لقيته دخل تاني و بيحاول يسرق واحد فرجعلته و مسكته و قلتله مش هسيبك غير في القسم
الراجل اللي كان هيتسرق و شوية ناس اتلموا و قالوا خلاص سيبوه منه لله و بتاع و اللي شلني ان كل ده و بتوع الامن مش موجودين مش عارف كانوا فين
المهم مشينا الواد ده خالص لغاية ما تلاشى عن الانظار في اخر الشارع
بس بصراحه ماحسيتش اني رضيت ضميري بشكل كويس لأنه هيروح يسرق في حته تانيه و اتعرف من بعض الناس في المحطه و لو شافوه تاني هيقولوا عليه
بس على الاقل ما سكتش
هو احنا بقيا في اوروبا ولا ايه يا جماعه ده المصريين مشهورين بوقوفهم جنب بعض حتى لو مايعرفوش بعض
يعني الحاجه الوحيده الكويسه اللي فينا هتبدأ تتلاشي كمان
أنا بصراحه مابقدرش اشوف حاجه غلط و يكون عندي فرصه اني اتصرف فيها و ماتصرفش
بحاول اعمل اللي اقدر عليه و زي ما ربنا يقدرني
لو الواحد اعتبرها حاجه لوجه الله و ان دي كبيره أوي عند ربنا هياخد موقف و ان شاء الله ربنا هينصره
اينعم في مواقف بتبقى اكبر من الواحد و بيبقى صعب جدا يتدخل فيها انا معاكوا لكن في مواقف بيبقى عندنا فرصه نتدخل و نحل
يعني مثلا انا قبل كده شفت خناقه من بعيد و كان فيها مسدسات و بلاوي سودا .. بصراحه مارضيتش اقرب لأن ده يبقى سفه مني
لكن لما الاقي واحد بيعاكس واحده في الشارع او اتنين بيلطشوا في بعض بتدخل طبعا
و اول واحد بيتدخل بتلاقي الناس كلها جت اتدخلت معاه
هي دايما اول خطوه بتبقى صعبه و الناس عايزه اللي يشجعها
كل واحد يدافع عن اهلة بس
انما واحدة فى الشارع معلهش سامحنى