شارك.. يحكم ولا ما يحكمش؟!
"طب ليه ما يحكمش".. أغنية شعبية أطلقها أحد المطربين الشعبيين قبل أسابيع قليلة تؤيد تولي جمال مبارك رئاسة الجمهورية، لتتباين ردود الأفعال حول الأغنية.
ومن الواضح أن الأغنية استفزت أيمن نور- رئيس حزب الغد- فقام أمس الأربعاء بالإعلان عن حملة ضد التوريث أطلق عليها أسم "ما يحكمش"، كما أعلن عن الاستعداد لإطلاق بث تلفزيوني علي شبكة الإنترنت من خلال موقع يحمل اسم "ضد التوريث" لمناهضة ترشح جمال مبارك في انتخابات الرئاسة القادمة.
الحملة تجمع أيضا جماعة الإخوان المسلمين وبعض التيارات السياسية الأخرى والمستقلين، بالرغم من أننا لم نشهد ذلك التحالف من قبل لتعارض الأفكار والأيدلوجيات والاتجاهات، إلا أن رغبتهم في وقف زحف التوريث كانت سببا في توحيدهم على قلب رجل واحد.
في المقابل، قام شباب الحزب الوطني على الفيس بوك بالإعلان عن إقامتهم لمؤتمر إلكتروني موازٍ لمؤتمر نور أمس تحت شعار "لا لنور .. لا للإخوان"، وقالوا في بيانهم أن المؤتمر مخصص للرد على "الحنجوريين"، وذكروا في وقت سابق أن من أهم أسباب تأيدهم لترشيح جمال مبارك أنه لن يكلف الدولة كثيراً فسوف يعفي الدولة من مبالغ طائلة - حال فوزه في الانتخابات - من خلال الاقتصاد في تكاليف الإنشاءات والديكورات الخاصة بالمقر الرئاسي، وتوفير خطة مرورية لا تتعارض مع زياراته وتنقلاته داخل مصر، بهدف عدم إعاقة خط سير المواطنون.
هذا ما يسعى إليه تحالف "ما يحكمش" .. وذاك ما يعلنه شباب الحزب الحاكم .. فمع أي من الطرفين أنت ؟ وما توقعاتك للحملتين؟
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
وبعدين يطلع مجلس الشعب يقولك أن المجلس وافق على تعيين جمال مبارك رئيس مؤقت لفترة أنتقالية لحين أستقرار الأوضاع و التمكن من أجراء أنتخابات نزيهة في جو يعمه الأمن والآمان .
وتلاقي جمال هبش اليلة كلها .. ونور واقف بيتفرج عليه أو المعارضة الى مش موجودة أساساً .
المشكلة ان مافيش حد يقدر يكون رئيس لمصر … مافيش شخص مناسب للأسف .. جميعهم رابش وقليل منهم هو الى نضيف بس هيروح فين فيهم
وجرت اتصالات على اعلى مستوى علشان ينجح
واعطوة امل فى اول الانتخابات ونجح فى الجولة الاولى ونجح فى الجولة التانية وتعادل فى الجولة التاتة ثم هزموة فى الاخر وتخلت اسرائيل وامريكا وفرنسا عنة
لان الدول دى لها مبادىء
نفس الكلام هيحصل مع مرشح الرئاسة
وها تفتكروا
ان الذى سيختار لنا الرئيس القادم
هى امريكا واسرائيل
خلص الكلام
وقد اختاروا خلاص
وان غدا لناظرة قريب
ربنا كبير
ورحمتة واسعة
وعارف ان الشعب بتاعنا تعب قوى وجاع قوى وانظلم قوى وشرب من المجارى واكل من القمح المسرطن ووقف فى طوابير العيش وقعد على القهاوى عاطل عن اى شغل وطلع معاش مبكر
ربنا كبير
وبيحب مصر
وهيبعت مددة فى اللحظة الاخيرة
يا رب
رئيسها كان واحد اسمة عمر بونجو وكان ثورجى وعمل نفسة محرر وبطل ضرب القرود فى الغابات ومخوف النسانيس
مات عمر بونجو بعد فترة حكم 30 سنة
البرلمان رشح ابنة على بونجو وفاز باغلبية ساحقة 99 و 99 %
المضحك ان الكبار بعتوا لعلى بونجو رسائل وبرقيات تهنئة
عرفتم اية فايدة رئيس البرطمان واللجان المحلية
نفس ما حدث فى الجابون سوف يحدث
فية احد عندة حل تانى
يا مرحبا يا مرحبا
سبب واحد مقنع بس
يسقط الخونة الى زي جمال مبارك وأحمد نظيف وغيرهم وتحيا مصر حرة مستقلة
يا أخي ده أيه ده
وأتوقع أن الحملة هتنجح إن شاء الله … ويطلع منها حد كويس للرئاسة
مثقف وعنده خبرة طويلة مع السياسة خبرة بجد مش زي نور خبرته في السجن و فى الضلمة وكمان كان قال انه هيوفر على البلد نفقات كتير اوي عايزين أيه تانى بقى
كفاية بق على الفاضي ومافيش غير جمال مبارك للحكم نعم لجمال مبارك ولا لضلمة نور ولا أعوانه ولا الى يشبهولوا
نفس الخطة
احنا فين وماليزيا فين
دلوقتى المشروع القومى للحكومة هى تاكيل الشعب وشراء قمح من اوسخ الانواع وعمل ارغفة عيش رخيصة يطفحوها والشرطة والجيش تشارك فى المشروع القومى اللى هو انتاج رغيف الخبز ابو شلن
فية مشروع تنمية فى مصر
ابدا مفيش اى تنمية
فية بيع وبس فى مصانع عبد الناصر
يا عم احنا موافقين على حكمك بس هتحكم اية ما كلة انباع
واللة موافقين على حكمك
احكمنا
وكل اللى بيعملة اى رئيس فى اى بلد انة بيطلع شوية تصريحات زى
نحن مع الفقراء
قلوبنا مع محدودى الدخل
واى واحد بيشتغل شغلانة فبتبقى بناءا على توجيهات سيادتة
واجازات زى الفل وسفريات
يعنى ما تقلقوش على اللى هييجى
يجيبوا الدو يشيلوا شاهين
يمسكوا تفيدة ويسيبوا ام الخير
كلة محصل بعضة
وعمك احمد تمام زى الحاج احمد
مفيش فرق
لانة كلة مالوش لزمة وكل واحد يشوف مصلحتة ويشوف شغلتة ورزق عيالة انما الكلام فى الحاجات دى مالوش لزمة
وانا راييى ان اى واحد فى مصر ينفع بدليل ان السادات كان اية وعبد الناصر كان اية ايام مولانا الملك جنب الباشوات والكبار وقتها
سلموها للة
ارسل الخليفة العباسى رسالة الى المماليك وهم الجيش المصرى وقتها يقول فيها
ان كان ليس عندكم رجالا فاخبرونا حتى نرسل اليكم رجلا
فاضطرت على حسب كتب التاريخ ان تولى ابنها
صحيح اليس عندنا رجالا
اقرؤوا التاريخ
ففية بلاوى مسيحة فيمن حكم هذة البلد من قبل
واللة دى راجل كويس
ومراتة الست ام الخير ست محترمة وبنتة تفيدة محامية
واهم حاجة معندوش ولاد يورثوة
مصر كبيرة قوى
واكبر من تصور اى صبيان او هلافيت او هواة
وبما ان الساحة السياسية خالية
والظروف اشبة بمصر سنة 1952
والامن هو الذى يحكم ويدير
لماذا لا يصعد جنرال من بتوع الامن ويقول لك انا الحاكم لفترة انتقالية وخصوصا ان قواتة فى الشارع قوات الامن المركزى
وللاخوة المنظرين
مصر مش سوريا زى ما قال سابقا الرئيس مبارك
ومصر مش الجابون
ولا مصر زى اليمن او ليبيا
مصر دولة قائدة غنية جدا باولادها العظام الذين يظهرون وقت الخطر
ولا واحد من الذين تتداول اسمائهم سوف يحكم
اللة اعلم
هناك جنرال ما فى مكان ما ينتظر الانقضاض وسوف يخرج ملايين الجياع للترحيب والتهليل لة
علينا الانتظار
واهو احنا بنتسلى ونتفرج
وما تقروش جريدة الدستور كتير ولا تتفرجوا على حلقات حسنين هيكل
السعودية بتخطط انها تنهى اى نظام جمهورى حولها يهددها ويكون قدوة لشعبها
وهى اللى خططت لسوريا وبتخطط لمصر واليمن وليبيا
القضاء على الانظمة الجمهورية هدف سعودى رئيسى