شارك: تصادم القطارين مين السبب؟
الجاموسة.. سبب جديد ينضم لقائمة الأعذار الحكومية في الكوارث الشعبية، بعد أن تسببت في تصادم مروع بين قطارين بقرية العياط التابعة لمحافظة 6 أكتوبر.. أي أن جاموسة تستطيع إيقاف قطار.. الصراحة تبرير غريب من نوعه بنسمعه لأول مرة وربما تكون فكرة جديدة نراها تنفذ قريبا في الأفلام الأجنبي!.
الغريب أنه في عام 2002 شهدت مصر حادث احتراق قطار الصعيد، وقبله التصادم بين قطارين عام 1999.. وكلها حوادث وقعت أمام نفس القرية العياط .. وقتها أرجع المسئولين أن الإهمال هو المسئول عن الحادثة.. لكن حكاية جاموسة 2009 دي جديدة فعلا!!
.. برأيك.. الجاموسة فعلا هي السبب؟ أم صاحبها؟ أم الإشارات الخربانة؟ أم الإهمال؟!.. شاركونا..
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
واوصى التقرير بذبح كل الجواميس فى كل انحاء الجمهورية اسوة بما حدث فى مذبحة الخنازير لمنع تكرار تلك الحوادث مستقبلا
كما اقترح بعضهم عمل بطاقات شخصية قومية للجواميس وتركيب لوح ارقام على ظهورها مثل ارقام السيارات لتحديد هويتها ومعرفة صاحبها
الحزب الوطنى نفى ان تكون الجاموسة عضوة فى احدى لجانة بينما الوفد يدعوا الى انشاء نقابة للجواميس
فجاة وصلت كتيبة عساكر امن مركزى واصطفت بالخيرزانات والدروع لية مش عارف وجايين يعملوا اية واية علاقة الامن المركزى بالحادث
وصلت بعض الرتب اخر شياكة وكانهم هيصوروا فيلم او هيعرضوا حلقة برنامج شو
ان الاهالى بجلاليبهم هم من كانوا يخلون الجرحى والمصابين
كانت عملية بدائية جدا لقطع كمر العربة بمنشار وحجر جلخ مع ان مبادىء العلم بتقول اقطع بلمبة غاز واستلين واكسجين لانها هتكون اسرع وافعل
كان هناك ونش او رافعة ضخمة ويجلس بداخلها السائق بدون اى مهندس او مسئول يؤشر لة بالرفع او الخفض او الايقاف
المستوى يظهر ان كل شىء فى البلد دى منحط وبيمشى اى كلام
فى امريكا القطارات تشتغل اتوماتيك بدون سائقين
فى دبى مترو الانفاق بدون سائقين
انما فى المحروسة وهى تانى دولة ادخلت نظام السكك الحديدية فى العالم بعد انجلترا وقبل امريكا فكما تركها الخديوى اسماعيل فهى كما هى تعمل بالسنافورات والبوابات الحديدية والتطوير الذى حدث تطوير شكلى
انها تنتمى الى ايام الخديوى الذى حفر القناة
بلا تطوير
قطارات بدون دورات مياة
قطارات بدون شبابيك
واحيانا بدون فرامل
واحيانا تمشى بالبركة وبتساهيل ال البيت
ولو الجاموسة عندها زرة كرامة كانت استقالت وتركت المواصلات والقطارات لبتوع القطارات
لو الجاموسة اللى ماسكة وزارة المواصلات بتفهم كانت استقالت
احنا غلبنا بين الجاموسة والبقرة
رجل اعمال بتاع استيراد سيارات اية علاقتة بالقطارات
بيقولك أننا مش المفروض ناخد العياط كنقطة سوداء لحوادث القطارات ومش معنى أن فيه حادثتين للقطارات وقعت بالعياط تبقى العياط فيه مشكلة .
يلا … حادثة وعدت وربنا ستر دول 18 بس الى ماتوا .. سبحان الله
عربيتين مليانين بشر .. والى يموت 18 بس … قادر يارب على كل شيء .