(عربة السيدات.. للسيدات).. شارك!
إذا كنت قاهرية.. تدرسين أو تعملين في عاصمة أم الدنيا، ولا تملكين سيارة تحمي كرامتك من بهدلة المواصلات.. فأنت بالتأكيد من راكبات مترو الأنفاق.. تلجئين إليه – مثلنا جميعا – اعتقادا منك أنه من أكثر الوسائل احتراما لكرامتك وأنوثتك، فالمترو كما هو مقرر به عربتان مخصصتان للسيدات، إحداهما طوال اليوم والأخرى حتى الساعة التاسعة مساء.
عربة السيدات بالمترو تسببت في الكثير من الجدل عندما تقرر نقلها من مقدمة القطار إلى منتصفه، وذلك بعد وقوع حادث زعم سائق المترو أنه كان بسبب مشاجرة بين الراكبات أفقدته التركيز !
ونضطر أن نرضخ جميعا للقرار "الحكيم"، الذي حل مشكلة الشرق الأوسط، وننتقل صاغرين – أو بالأحرى صاغرات - إلى عربات المنتصف.. ولكننا نفاجأ، خصوصا بعد التاسعة، أنه لا توجد سيدات، وأن الرجال احتلوا مكاننا بكل (بجاحة) !!
الساعة 9 يا مدام !
-يا جماعة بعد إذنكم دي عربية سيدات
- سيدات إيه يا مدام الساعة تسعة ونص
- حضرتك دي العربية اللي عليها يافطة حمرا يعني للسيدات طول اليوم.. الخضرا هي اللي لحد الساعة 9
- يا ستي حمرا ايه وخضرا ايه ما انتو بتركبوا معانا عربياتنا
- يا أستاذ كده حضرتك هتدفع غرامة
- لما يبقى ييجي العسكري يبقى ينزلني
هذا الحوار المستفز يتكرر كل يوم وكل ساعة وكل مترو، ويتسبب في حرق دم إحدى صاحبات الحق.. وطبعا ينتهي الأمر بسكوتها أو نزولها، ولو كان حظها "حلو" وكان عدد السيدات كبير في المترو، تتكتل بنات حواء ويجبرن المتطفلين من الرجال على النزول.
ما يزيد من سخطك هو أن رجال الشرطة في غيبوبة، لا يحاسبون أحداً، ولا يمرون من أمام عربة السيدات من أصله.. يعني ببساطة أنت مسئولة عن حماية نفسك من المضايقات والتحرش ولا عاصم لك إلا الله.
حق البنات في مترو الأنفاق هو موضوع حملتنا القادمة.. نبدأها بتصوير لقطات فيديو من داخل العربات "المحتلة".. وجمع الاقتراحات حول حل هذه المشكلة، وبعدها اختيار الحلول التي يجتمع عليها أكبر عدد منا وجمع التوقيعات عليها لرفعها إلى رئيس هيئة مترو الأنفاق.
شاركونا بمشاهداتكم، ولقطاتكم، واقتراحاتكم.. والعنصريون يمتنعون...
* شاهد لقطة تبين احتلال الرجل لعربة السيدات في المترو:
* سجل معنا وحمل لقطتك
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
في عربياتهم المزعومه اماكن للقعاد الا ان كل واحده كسلانه تمشي علشان تركب العربيه المخصصه ليهم
جتكم الهم مليتم البلد
واكيد الناس اللى عايشة فى بيوت زى دى عايشة على الكفاف
مطلوب مترو - اى نعم - ولكن سياسة افقار الشعب المصرى الى حد العوز والفاقة كما ترى فى الصورة
سيدى المحترم
ما اراة من الصورة انة بعد استسلام السادات فى كامب دافيد وذهابة حاملا كفنة على كتفة الى خصمة فى تل ابيب
تم قتلة
وتولية بريمر مصرى لينفذ خطة تصفية وتدمير مصر اقتصاديا وعسكريا والغاء الجيش المصرى وتدمير التعليم والصحة تماما كما حدث فى العراق بواسطة بريمر الامريكى
نعم كانت مصر الجائزة الكبرى كما صرحوا
شكرا بريمر العراق
شكرا بريمر المصرى
يا ريت نخصص لكم نص المترو بس انتوا كمان ترحمونا و ماتركبوش معانا و لا هو لو الراجل ركب عربيات السيدات تفتكروا التحرش و معرفش اية اشمعنى مش بتفتكروه و انتوا راكبين العربيات التانية ؟؟ و لا ده نظام استعباط
لو قالولك رقاصه ركبت عربه المترو والشؤال هوه ايه اللى انتى تتوقعيه وليس ببعيد عنا الراقصه مروه اللى مسمينها مطربه اللى الشباب قربو يفترؤسوها فى حفله وعلى كانت فرحانه وبترد على الاتهامات بكل بحاجه وتقولك دول معجبين
متزعليش من يا اخت غاده بس هى ده الحقيقه المره اللى احنا نسينها او مطنشينها
بجد عربة السيدات بقت حاجة تقرف.