انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

مصر ليست أمي.. دي مرات أبويا

ولاد البلدقراءة في ٤ دبقلم مروة عبد الفضيل

(إني أرى مصر وكأنما قد تعرضت في وقت واحد لضربة إعصار من ماركة تسونامي، مع زلزال بأقوى ما يستطيع الأخ ريختر أن يسجل، علاوة على ضربه كيماوية ساحقة أنزلها بها الأعداء).

هكذا كان رد الكاتب "أسامه غريب" بعد عودته من كندا والتي أقام بها 5 سنوات وذلك في إجابته على تساؤل احد أصدقائه حول رأيه في الحالة السياسية والاجتماعية التي أصبحت عليها مصر الآن.

وراح كاتبنا يفسر جملته في كتابه (مصر ليست أمي دي مرات أبويا) شارحا رؤيته الساخطة على الحالة التي وصلت إليها مصر..

تصريحات هوائية

في 10 فصول تضمنها الكتاب؛ استطاع الكاتب أن يلفت نظرنا من خلال صفحات كتابه إلى أشياء تبدو بسيطة إلا إنها تحمل بداخلها الكثير؛ فهو مثلا يتحدث عن مثل أسماء بعض الشوارع وأصل تسميتها، فهو يتساءل بينه ونفسه حول سبب تسميه عدد كبير من الشوارع بأسماء شخصيات لم يكن لها أي تأثير في المجتمع المصري، مثل (شارع هياتم بالإسكندرية)!.

وتحت عنوان "أصدقائي"، راح يبين للقارئ كم أنه أثناء إقامته في كندا شاهد بنفسه حرامية مصر والذين هربوا خارج البلد وكيف ينعمون بهذه الأموال الهاربة.

ثم ينقل لنا ما لفت نظره عن التصريحات الزائفة للحزب الوطني، التي تصدر منه كل عام بنفس الكلمات حول استعداد مصر لدخول عصر اليورانيوم وبناء مفاعلات لتوليد الطاقة.. إلا أنه وكما أوضح الكاتب يمر عام وراء عام ولا نجد أنفسنا قد دخلنا هذا العصر أو أي عصر آخر!.

ولم ينس الكاتب أن يلقى الضوء على رأي الرجل البسيط في الوزراء الذين وضعت في أيديهم زمام أمور كثيرة، وذلك من خلال حوار عميق دار بينه وأحد بائعي الفول، رصده أسامه غريب بدون أي حذف وفيه تهكم شديد على عدد كبير من الوزراء.

في فصل (أصدقاء كده وكده)، ينقل لنا المؤلف مدى صدمته في إناس لطالما اعتبرهم أصدقائه، وراح يشرح كيف أن المصلحة باتت ترتبط بالصداقة، ويحكي كيف أنه تعرض للإهانة وعمليات نصب مغلفه بورق سوليفان لامع اسمه الصداقة الزائفة.

فتح مخك

أثناء إقامة مؤلف الكتاب في كندا كان متابعا لكل الأحداث على الساحة المصرية وتابع بشغف كم الحوادث التي راح ضحيتها المئات، وحينما عاد تعرف عن قوانين المرور الجديدة والزيادة المضافة إليها تحت مبرر تقليل عدد الحوادث، إلا أن غريب كان له رأي آخر، فقد أكد أنه ضد زيادة غرامات المرور لأنه في النهاية المستفيد الوحيد هم المسئولين عن طريقين أما عن طريق تحصيلها للحكومة أو الطريق الآخر وهو(تفتيح المخ) من المخالف طبعا.

توقف غريب كثيرا عند الفيلم الإسرائيلي الذي صور المصريين الأسرى يتعذبون بأيدي الإسرائيليين، وراح يلعن موقف احمد أبو الغيط حينما طالب بالتحقيق مع هؤلاء الجناة، وتوجه الكاتب بسؤاله إلي أبو الغيط قائلا: "كيف تطالب إسرائيل بالتحقيق وتقديم أحكام الإدانة لأبنائها؟".

ولكن عاد أسامه من تساؤله وأفاق على موقف الحبيب بورقيبة وكيف أنه كان أول حاكم عربي يدعو للاعتراف بإسرائيل ووصل به الأمر لإلغائه قانون تعدد الزوجات بتونس وإباحته الإفطار في رمضان بحجه أن الصيام يقلل الإنتاج، بل وظهر على الشاشات في نهار رمضان وهو يفطر.

وتتوالى فصول الكتاب الذي راح الكاتب يشرح فيه تفصيلات صغيرة بعمق ومغزى.. فيصب لعنته على موقف الحكام العرب مما يحدث في لبنان وكيف أن السادة الدبلوماسيين يربطون دوما بين حفلات الكوكتيل ومآدب الشرب وبين عملهم.

ويتساءل غريب في بساطه عميقة كم أن مصر الآن باتت محفوفة بالمخاطر وأسباب الموت التي تنعدم في كل الأماكن إلا في هذه الخرابة المسماة وطن، فكم إنسان يموت من الأسلاك الكهربائية والقطارات..، وينهى بسؤال استنكاري هو.. ألا تكفي سرطانات يوسف والي؟

تحدث غريب كذلك عن سياسة بيع ممتلكات الشعب المصري وأنه ينتظر بيع الأراضي الصحراوية والزراعية، واستهجن الربط بين التقدم الاقتصادي والسياحة مستندا إلى دول عديدة قامت حضارتها على الزراعة والصناعة، أما نحن فقد استوردتا القمح والذرة من الخارج وأغلقنا المصانع وشردنا العمال!.

سياسي ساخر

الكتاب في مجمله سياسي ساخر، ساخط على كل السلبيات الموجودة في المجتمع المصري، وإن كان قد لمح إلى تخاذل الحكام العرب بصفة عامة إلا أن تركيزه الأكثر كان على مصر أمه أو على حد تعبيره مرات أبوه.

أجرينا اتصالا هاتفيا بالكاتب لنسأله عن مغزى غلاف كتابه الذي يتصدره صورة راقصه وثلاثة من العازفين، فأوضح أنه قصد أن يكون الغلاف مبهما، ومؤكدا أن القارئ سيلمح المغزى حينما يقرأ الكتاب.

وعن الروح التشاؤمية التي سيطرت على المناخ العام للكتاب أجاب غريب متسائلا: "وهل هناك ما يدعو للتفاؤل ولم أذكره؟!".

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. مش لازم كُتب في
    بالله تقرئي السيرة النبوية زي ما الاخ المعلق الاول بيقول وتشوفي النبي محمد صلى الله عليه وسلم حل مشاكل شعبه ازاي
    بدل الاوهام اللي انتي عايشه فيها والشعب المصري مع الكتاب المبدعين والحرامية الللي بيتاجروا بالام الشعب المصري
  2. مش بحبك كُتب في
    هو اصله الكاتب مش عارف ايه دا واحد مصري زيه زي اي مصري بيحلم يعمل مليون جنيه او بيحلم بضربة العمر اللي تخلصه من الفقر وسنينه
    زي البت دي اللي عملت اضراب ولا الواد اللي قاطع رئيس الوزرا
    لازم الواحد يعمل فتك علشان خاطر يكسب فلوس
    كمان الكاتب بقا عايز يعمل فتك اوي
    فسمى الكتاب مصر دي مش امي دي مرات ابويا
    ايه الفتاكه دي يا روح امك
    يلا بقا انزلوا يا مصريين اشتروا الكتاب وخلصوه من السوق خلي الواد الفتك اوي يكسبلوا قرشين كويسين
  3. برضة مصرى كُتب في
    ماذا اصبحت مصر فى العشر سنين الاخيرة ؟
    اصبحت دولة تدار بواسطة مجموعة من المحتكرين والرأسمالية الطفيلية تسخر لخدمتها جهاز امن مكون مليون ونصف عسكرى امن مركزى ومباحث امن دولة اكثر من نصف مليون ويجندون بلطجية يقدرون بعشرات الالوف يعملون كمرشدين للامن وايدى ضاربة لهم
    فأذا اراد ضابط شرطة ان يقتل مواطنا او يضربة سلط علية مجموعة من البلطجية يضربونة علقة موت ثم يتدخل الضابط ليثبت الحالة مشاجرة فى الشارع او داخل الزنزانة
    ومباحث امن الدولة تستعين بالبلطجية لافساد انتخابات او تفريق مظاهرة او ضرب طلبة الجامعة داخل الحرم الجامعى
    البلطجية يعملون تحت اسم المرشدين مع الشرطة
    والبلطجية يفرضون اتاوات على الناس ويجمعون اتاوات بالقوة فى حماية الشرطة
    واى ضابط مش عايز اى احد يصورة وهو بيعذب مواطن او بيسحلة او يحط العصاية بمؤخرتة كما شاهدنا فى الاعلام او المدونات فبيتجنب هذا ويلجأ الى البلطجية
    والبلطجية يجلسون على المقاهى ويبيعون البانجو ويفرضون اتاوات على سواقى الميكروباص لصالح ضباط الشرطة او احد امناء الشرطة
    مصر خلاص
    مفيش احد بيشتغل - تنزل الساعة 3 صباحا الشارع تلاقى الناس قاعدة على المقاهى وحركة الشارع كاننا العصر
    الزبالة فى كل مكان
    والفساد فى كل مكان
    ولا حول ولا قوة الا باللة
  4. الاسيوطي كُتب في
    يا ميرو احترت معاكي كتير هو انتي بتشتغلي فن ولا سياسه ولا حاجات شبايبيه ولا ايه بالظبط قوليلى لاني احتر جدا بس الشهاده لله في كل المجالات كتاباتك شقيه واخترتي المره دي نموذج غاية في الاحترام الا وهو المبدع اسامه غريب صاحب اكبر مجموعات من النقد الالذع البناء
  5. مريومه كُتب في
    الكاتب المبدع اسمه غريب انا متبع لكل كتاباتك الجميلة في المصري اليوم وانا لا اندهش لهول جمال هذا الكتاب لاني معتاد منك على الاسلوب المهذب الساخر الذي تنجح فيه دوما وفقك الله
  6. ابومحسن غربة 26 سنه كُتب في
    هناك ما يدعو الى التفاؤل الا وهو النبي محمد صلى الله عليه وسلم وسيرته النبوية العطرة
    ونقرأ حالة الجزيرة العربية قبل البعثة المحمدية الحالة الاجتماعية والسياسية
    ونقرا في السيرة النبوية البعثة المحمدية 23 سنه كيف نظم النبي محمد صلى اله عليه وسلم همج الجزيرة العربية
    ونقرا حال الجزيرة العربية بعد انتهاء مهمة النبي صلى الله عليه وسلم وفي اقل من مائة عام كانت الدولة من اسبانيا الى الهند
    كيف غير النبي محمد صلى الله عليه وسلم همج الجزيرة العربية الى صناع الحضارة العربية الاسلامية على مدار 1000 عام الف عام حكم العرب نصف العالم
    من هنا نبدأ هذا اول الخيط
    وبعدين للاخ اللي مألف هذا الكتاب بعد غربة 5 سنين
    انا بقى غربة 26 سنه وما عنديش غير هذه القصيدة
    مصر هي أمي ..
    مصر هي أمي .. نيلها هو دمي
    شمسها ف سماري .. شكلها ف ملامحي
    و إن كان لوني قمحي .. ده من فضل مصر
    ما تلاقيش مثالها .. ست كل عصر
    عشة جنب نيلها .. تسوى ألف قصر
    ولا وردة بلدي .. فيها عطر مصر
    ولا سحر مصر .. ولا جو مصر
    ولا .. ولا .. ولا
    ده شئ ملهش حصر
    .. روحوا زوروا مصر
    و إنتوا تعذروني .. لما أقول يا مصر
    مصر .. مصر .. مصر
    فاتك نص عمرك ياللي ما شفت مصر
    ده التاريخ ف مصر .. و الهرم ف مصر .. و الكرم ف مصر
    و الحلوين ف مصر .. و الجدعان ف مصر
    ادوني عصاية .. أرقص رقص مصر
    .. روحوا زوروا مصر
    و انتوا تعذروني .. لما أقول يا مصر
    الحمد والشكر لله على كل حال ونعوذ بالله من حال اهل النار
  7. اكتب اسمك هنا كُتب في
    ارجوكم ايها السياسيون والاخوة الكتاب ياريت نبطل تريقة على اغلى جوهرة فى العالم مصر دى امنا وام الدنيا كلها وحرام عليكم كفاية انها ذكرت فى كتاب اللة القران الكريم
  8. انا اللي فاكر نفسي نزار كُتب في
    طبعا انا نزار وافضل من ام نزار بتاعك ده ويا سيد قوم الجهلاء كرباج دي يعني قنبله وانا اقصد اني مروة قنبله في كتابتها بس هذا كل قصدي فين الغلط تقدر تقول اكيد افتكرت طبعا كرباج بمعنى انها مزه لو كنت فاكر كده فعندك حق لانها فعلا مزه مزه وبنوته اخر دلع واللي ميشوفش من كتابتها الشقيه يبئي لامؤاخذه اعمى
  9. يعني ايه كرباج كُتب في
    ياللي فاكر نفسك اونكل نزار قباني ممكن تقولي يعنى اية الاستعاره المكنيه كرباج؟
  10. الي مروة الكرباج كُتب في
    يا مروة يا كرباج انتي جامدة جدا
  11. ابومحسن غربة 26 سنه كُتب في
    يا أحلى إسم فى الوجود يا مصر … يا إسم مكتوب له الخلود يا مصر
    نعيش لمـصـــر و نموت لمـــصــر … مــصــر مـصـــر تحيا مـــصـــــر
  12. ابومحسن غربة 26 سنه كُتب في
    أعد ذكر مصر إن قلبي مولع بمصر ..
    ومن لي أن تري مقلتي مصر
    رويدك إن حدثتني عن ربوعها
    فتطويل أخبار الهوي لذَّة أخري
  13. اكتب اسمك هنا كُتب في
    متقلش ايه اديتنا مصر
    قول راح تاخد تانى ايه؟
    هوه يعنى فاضل ايه؟
    البطالة والرزالة والازالة
    والعويل الثقيل السمج اللى اسمه ايه
    شمس22.
  14. محمد درويش كُتب في
    انتم بجد عايزين ايه ؟ مع انى متفق مع الكاتب الا انى بجد زهقت مع انى متأكد من صدق الكاتب .
    بس انى كل 5 دقايق بتعاير انى مصرى ؟ اه عارف ان البلد باظت و اتسرقت وانتشر الفساد و الوساطه و الرشاوى و مبدأ طنش تعيش ’ طيب والبعدين هتقولى دوله ضعيفه مش بتقدر الا على ولادها هقولك حصل , غلوا الاكل حصل حبسين لشباب جوا البلد حصل ومش عارف ليه ؟ لو مش معاك فلوس ممكن اى حد يذلك من اصغر موظف لاكبرهم حتى اى واحد عادى حصل ممنوع تشوف الدنيا علشان انت فقير صح و تيجى تبص تلاقى الجيش للفقراء السجن للفقراء الشغل للفقرا بس الشغل الى مهيته200 جنيه الزراعه لفقراء الترع للفقراء المواصلات للفقراء السكوت للفقراء ولوجيت بقى تبص على اناحيه التانيه باختصار عربيات فلل حمامات سباحه بيطلع من الجيش وحد حتى لو ليه 10 اخوات بيطلع من السجن لعدم كفايه الادله و علشان مفيش شهود …
    انا اسف انى طولت بس قصدى بيقول يا مصر لو ش هتحترمينى سبيى امشى افتحى لى السفر زى ليبيا
    وبالنسبه لموضوع الامومه لا يا مصر انتى مش امى و لا حتى مرات ابويا انتى مجرد مكان مجرد تراب ليس لديك على افضال ولن اسألك يوما عن اى شىء وفى المقابل لا تقحمينى فى مشكلاتك وبالتالى نحن متعادلان
  15. سحر كُتب في
    فى حديثه بقناة الجزيرة فى سبتمبر 2004 قال الأستاذ محمد حسنين هيكل أنه خلال الثلاثين سنة الأخيرة حصلت مصر على 150 مليار دولارعلى شكل منح وقروض وهبات .. صرف منها حوالى 12 مليار دولارعلى مشاريع البنية الأساسية وستة مليارات دولارعلى مشروع مترو الأنفاق .. ومصيرالمبلغ الباقى غير واضح !!!! أين ذهب هذا المبلغ الضخم وهو \" 130 مليار دولار\" ؟…؟
    ارجو من كل من يقراء هذا ان يزور ( مقالات ثقافة الهزيمة) فى هذا الرابط:
    www.ouregypt.us
العودة إلى الأعلى